Connect with us

अन्तर्राष्ट्रिय

भारत माथि अष्ट्रेलियाको सानदार जित

wesportz

Published

on

अष्ट्रेलियाले भारत विरुद्धको पहिलो टेस्टमा आठ विकेटको रोमान्चक जित हात पारेको छ । यससँगै घरेलु टोली अष्ट्रेलियाले चार खेलको शृंखलामा १-० को अग्रता कायम गरेको छ ।

पहिलो पारीमा भारतले ४३ रनको अग्रता कायम गरे पनि दोश्रो पारीमा भारतलाई मात्र ३६ रनमा रोक्दै अष्ट्रेलियाले ९० रनको सामान्य लक्ष्य पाएको थियो । अष्ट्रेलियाको जितमा जो बर्न्सले अविजित रहँदै सर्वाधिक ५१ रन बनाए भने म्याथ्यु वेडले ३३ रनको पारी खेले ।

अष्ट्रेलिया विरुद्धको पहिलो टेस्टको दोश्रो पारीमा भारत मात्र ३६ रनमा अलआउट हुन पुग्यो । यो भारतको टेस्ट क्रिकेटमा सबैभन्दा सानो योगफल हो ।

तेश्रो दिनको खेल नौं रनमा एक विकेटको स्थितीबाट सुरु गरेको भारतले मात्र २७ रन जोड्दा उसले आठ विकेट गुमायो । अन्तिममा ब्याटिङ गर्न आएका मोहम्मद शामी भने घाइते भए पछि ब्याटिङ गर्न सकेनन् ।

भारतको तर्फबाट कुनै पनि ब्याट्सम्यानले दोहोरो अंकमा रन जोड्न सकेनन् । भारतका ओपनर मायंक अगरवालले सर्वाधिक नौं रनमा आउट भए भने हनुमान बिहारी आठ तथा कप्तान बिराट कोहली, रिद्दीमन शाह र उमेश यादव समान ४-४ तथा जस्प्रित बुम्रा दुई रनमा पेभेलियन फर्किए । चेतेश्वर पुजारा, अजिंक्य रहाने र रविचन्द्रन अश्विनले भने रनको खाता पनि खोल्न सकेनन् ।

भारतलाई सस्तैमा समेट्ने क्रममा अष्ट्रेलियाका जश हेजलउडले सर्वाधिक पाँच तथा प्याट कमिन्सले चार विकेट हात पारे । हेजलउडले पाँच ओभरमा तीन मेडन ओभर सहित आठ रन खर्चिए भने कमिन्सले १० दशमलब दुई ओभरमा २१ रन खर्चिए ।

यस अघि खेलमा टस जितेर पहिले ब्याटिंङ गरेको भारतले आफ्नो पहिलो पारीमा २४४ रनको सानो योगफलमा समेटिएको भने अष्ट्रेलियालाई पहिलो पारीमा १९१ रनमा रोक्दै ४३ रनको अग्रता लिन सक्यो ।

भारतको तर्फबाट कप्तान कोहलीले सर्वाधिक ७४ रन बनाए भने चेतेश्वर पुजाराले ४३ तथा अजिंक्य रहानेले ४२ रनको पारी खेले ।
भारतले सुरुवात राम्रो गर्न सकेन । ओपनर पृथ्वी श दुई बल खेल्दै मिचेल स्टार्कको बलमा डक आउट हुन पुगे भने अर्का ओपनर मायंक अगरवालले पनि १७ रन भन्दा जोड्न सकेनन् ।

त्यस पछि आएका पुजारा र विराट कोहली तेश्रो विकेटका लागि ६८ रन जोड्दै भारतको पारी सम्हाल्ने प्रयास गरे । तर १६० बलको सामना गरेका नाथन लायोनको शिकार बन्न पुगे। टेस्ट क्रिकेटमा आफ्नो २३ औं अर्धशतक बनाएका कोहलीले रहानेसँग चौथों विकेटका लागि ८८ रन जोडे पछि दुर्भाग्यपूर्ण रनआउट हुन पुगे । कोहली आउट भए पछि रहाने पनि धेरै क्रिजमा टिक्न सकेनन् भने हनुमान बिहारीले पनि १६ रन भन्दा जोड्न सकेनन्।

भारतलाई सस्तैमा समेट्ने क्रममा अष्ट्रेलियाका तिब्र गतिका बलरहरु मिचेल स्टार्कले सर्वाधिक चार विकेट लिए भने अर्का तिब्र गतिका बलर प्याट कमिन्सले पनि तीन विकेट हात पारे भने जस हेजलउड र नाथन लायोनले समान १-१ विकेट हात पारे। स्टार्कले २१ ओभरमा पाँच मेडन ओभर सहित ५३ रन खर्चिए भने कमिन्सले २१ दशमलब एक ओभरमा सात मेडन सहित ४८ रन दिए ।

भारतले बनाएको २४४ रन पक्ष्याएको अष्ट्रेलियाले सुरवात नै राम्रो गर्न सकेनन् । उसका ओपनरद्वय म्याथ्यु वेड र जो बर्न्स समान ८-८ रनमा आउट भए भने स्टिभ स्मिथले पनि एक रन भन्दा जोड्न सकेनन् । ट्राभिस हेड सात तथा क्यामरुन ग्रिन ११ रनमा तथा मार्नस लाबुशन ४७ रनमा पेभेलियन फर्किए ।

७९ रनमा पाँच विकेट गुमाएको अष्ट्रेलियाको लागि कप्तान टिम पेनले अविजित ७३ रन जोड्दै भारतको अग्रता कम गर्न सफल रहे ।

अष्ट्रेलियालाई सास्तैमा रोक्ने क्रममा रविचन्द्रन अश्विनले सर्वाधिक चार विकेट लिए भने उमेश यादव र जस्प्रित बुम्राले क्रमश तीन र दुई विकेट आफ्नो नाममा दर्ता गराए ।

Click to comment

Leave a Reply

Your email address will not be published. Required fields are marked *

Headline

अन्तत: ओजिलले छोडे आर्सनल

wesportz

Published

on

पुर्व जर्मन मिड्फिल्डर मेसुट ओजिलले अन्तत: प्रिमियर लिग क्लब आर्सनल छोडेका छन् । ओजिल आर्सनल छोड्दै टर्किस क्लब फेनरबाचे पुगेका हुन् ।

अन्तिम पटक अघिल्लो वर्ष मार्च ७ मा वेष्ट ह्याम विरुद्ध १-० को जित निकाल्दा आर्सनलका लागि खेलेका ओजिलले त्यस पछि आर्सनलका लागि एक खेल पनि खेलेनन् । उनको ट्रान्सफर फि नखुलाए पनि उनी आफ्नो बल्यकालमा समर्थन गरेको क्लब फेनरबाचे पुगेका हुन् ।

३२ वर्षिय ओजिललाई आर्सनल छोडे पछि सन्यास लिने वा अन्य कुनै क्लब जाने बारे सोधिएको प्रश्नमा उनले उत्तर दिदै अमेरिका वा टर्कीमा फुटबल खेल्ने बताएका थिए । “मेरो यो समयमा सन्यास लिने कुनै योजना छैन मलाई सन्यास लिनु भन्दा अगाडि दुई देशमा फुटबल खेल्न मन छ, अमेरिका र टर्कि,” उनले भनेका थिए ।

“म टर्कीमा खेल्ने भए पक्का फेनारबाचे जाने छु,” उनले भनेका थिए ।

ओजिलले आर्सनलका लागि १ सय ८४ खेल खेल्दै ३३ गोल गरेका छन् ।

 

Continue Reading

Headline

कहाँ गयो एक सिजन अघिको लिभरपुल ?

wesportz

Published

on

योर्गन क्लोपको हालको लिभरपुलले २००५ पछि प्रिमियर लिगका लगतार तीन खेलमा गोल गर्न नसकेको यो पहिलो पटक हो र उनीहरुको ’अट्याकिङ थ्री’ अहिले पनि फर्ममा फर्किन सकेको छैन ।

लिभरपुलले आइतबार राति भएको खेलमा म्यानचेस्टर युनाइटेडसँग गोलरहित बराबरी खेले पछि लगतार तीन खेलमा गोल गर्न सकेको छैन । युनाइटेड भन्दा अगाडिका न्युकासल युनाइटेडसँगको गोलरहित बराबरी र त्यसपछि साउथ्याम्पटनसँग १–० ले पराजित भए पछि लिभरपुलको आक्रमक अग्रपंक्ति चल्न सकेको छैन ।

तर २०१५ पछि भएको लिभरपुलको आमुल परिवर्तनलाई सबै फुटबल समर्थकले देखेकै छन् तर कोरोना भाइरसका कारण तन्किन पुगेको यो सिजनमा उसको खस्कदो फर्म टार्न नसकिने किसिमकै थियो ।

सिजनको शुरुवातमै लय समाए पनि चौथोँ चरणको खेलमा एस्टन भिल्लासँग ७–२ को नमिठो हार चाखे देखी खस्किएको लिभरपुलको प्रदर्शन पाँचौ चरणमा एभर्टनसँग २–२ को बराबरीका दौरान मुख्य खेलाडी भर्जिल भान डाइकलाई गुमाए पछि अझै प्रभावित भएको छ ।

एभर्टनसँग पछिका १३ प्रिमियर लिग खेलमा ६ मा जित हात पारेको लिभरपुल छ बराबरी र एकमा पराजित भएको छ । यि सबै खेलहरु हेरे पछि लिभरपुलका समर्थकहरु अब भने “त्यो लिभरपुल कहाँ गयो ?” भन्ने प्रश्न सोध्ने अधिकार पाउने छन् ।

प्रिमियर लिगको उपाधि होडमा घम्सा–घम्सी चलिरहेको अवस्थामा लिभरपुल यसरी नै पराजित हुँदै जाने हो र उसका प्रतिद्वन्दीहरुको खेल स्तर बढ्ने हो भने अर्को प्रिमियर लिगको सपना यो मर्सिसाइड क्लबले देख्न छोड्दा हुन्छ ।

युनाइटेड विरुद्धको खेलमा पनि निरिह देखिएको लिभरपुललाई अबको दिनहरुमा फेरी शिर्ष स्थानमा उक्लिने हो भने उसको अगाडिका तीन फर्वार्ड चल्नु र मुख्य डिफेन्डर भान डाइकको पुनरागमन हुन आवश्यक छ ।

लिभरपुल खस्किनुको मुख्य कारण खेलाडीहरुको चोट पनि हो । डिएगो जोटा र भान डाइक जस्ता स्टार खेलाडीको आवश्यकत क्लोपलाई छ ।

“यो अवस्थामा मलाई के को आवश्यकता छ यो क्लबलाई राम्रोसँग थाहा छ । तपाईंले गोल गर्दा वा जित हात पार्दा मात्र तपाईंको चर्चा हुन्छ । त्यही कारण अर्को खेलका लागि हामी तयार हुन जरुरी छ,” क्लोपले ब्यङ्य गर्दै पत्रकारहरुलाई भने ।

Continue Reading

Headline

रोनाल्डोको युभेन्टसलाई शान्त पार्दै इन्टरको महत्वपूर्ण जित

wesportz

Published

on

चिर प्रतिद्वन्दी युभेन्टसलाई पराजित गर्दै इन्टर मिलानले अर्को शहरी प्रतिद्वन्दी एसि मिलानसँग इटालियन सिरी आ मा शिर्ष स्थानमा अंक बराबरी गरेको छ ।

निकोलो बरेला एक गोल गर्नुका साथै अर्कोमा असिस्ट गरेपछि क्रिष्चियानो रोनाल्डोको युभेन्टस सिजनकै निर्णायक साबित हुन सक्ने खेलमा २–० ले हार्न पुग्यो । शिर्ष स्थानमा समान ४० अंक रहदा एसि मिलान गोल अन्तरको आधारमा अग्रतामा रहेको छ । यद्दपि इन्टरले एक खेल बढी खेलेको छ ।

आइतबार नै फियोरेन्टिनालाई आधा दर्जन गोल हानेको नापोली र एएस रोमाको समान ३४ अंक रहेको छ । यो सिजनको दोश्रो हार व्यहोरेको युभेन्टस ३३ अंक सहित पाचौं स्थानमा रहेको छ । लगातार ९ पटकको डिफेन्डिङ्ग च्याम्पियन युभेन्टसको ६ बराबरी पनि रहेको छ ।

सान सिरोमा आफ्नो आकर्षक खेल पस्कन असफल रहेको युभेन्टस सोमबार एसि मिलानले काग्लियारीलाई हारउने हो भने १० अंकले पछि पर्न सक्छ । उसको लागि एक मात्र सकारात्मक कुरा के हो भने युभेन्टसले एक खेल कम खेलेको छ ।

युभेन्टसलाई २०१३ देखि २०१४ सम्म लगातार तीन उपाधि जिताका हालका इन्टर प्रशिक्षक एन्टोनियो कोन्टेले आफूले सम्हालेको पुर्व क्लबबिरुद्ध पछिल्लो दुई सिजन जित निकाल्न सकेका थिएनन् । कोन्टे २०१९ मा इन्टर मिलान गएका थिए ।

पछिल्लो चार बर्षमा हराउन नसकेको प्रतिद्वन्दीबिरुद्धको लोभ लाग्दो जितले इन्टरलाई अब २०१० पछि पहिलो पटक इटालियन लिग जित्ने आशा पनि बढेको छ । इन्टरले २०१५ यता भएका ७ खेलमा युभेन्टसलाई हराउन सकेको थिएन । उसले पाँचमा हार व्यहोरेको थियो भने दुई खेलमा बराबरी गरेको थियो ।

युभेन्टसका लागि २०११–१२ देखि २०१४–१५ सम्मको सिजनमा चार उपाधि जितेका आर्टुरो भिडालले आफ्नो पुर्व क्लबबिरुद्ध बरेलाको पासमा हेडरमार्फत १२ मिनेटमै अग्रता दिलाएका थिए । दोश्रो हाफ शुरु भएको सात मिनेटपछि नै बरेलाले डिफेन्डर आलेसान्द्रो बास्टोनीको बल कलेक्ट गर्दै उत्कृष्ट दौड लगाउदै दर्शनीय गोल गरेका थिए ।

युभेन्टसका पोर्चुगिज सुपरस्टार क्रिष्चियानो रोनाल्डोले शुरुवातमै गरेको गोल अफ साइड दिन बाहेक टुरिन क्लबका लागि अन्य केही उल्लेखनीय मुभहरु थिएन । आफ्नो घरेलु मैदानमा इन्टरले रोनाल्डोलाई कुनै पनि मौका दिएको थिएन । लउटारो मार्टिनेज र रोमेलु लुकाकुले गोल गर्ने मौका नगुमाएको भए इन्टरको जित अझै फराकिलो हुने थियो ।

Continue Reading
Headline2 hours ago

बागमतीको सशक्त प्रदर्शन, सुदुरपश्चिम १ सय ८० रनले पराजित

Headline2 hours ago

गण्डकीको प्रधानमन्त्री कपमा पहिलो जित

Headline3 hours ago

अन्तत: ओजिलले छोडे आर्सनल

Headline3 hours ago

पृथुले उच्च लय कायम राख्दा बागमतीको बिशाल योगफल

Headline5 hours ago

कहाँ गयो एक सिजन अघिको लिभरपुल ?

Headline6 hours ago

गण्डकीका बिशाल पौडेलले लिए प्रधानमन्त्री कपमा ह्याट्रिक

Headline9 hours ago

रोनाल्डोको युभेन्टसलाई शान्त पार्दै इन्टरको महत्वपूर्ण जित

Headline9 hours ago

मेस्सीलाई बार्सिलोना करिअरमा पहिलो रेड कार्ड, बिल्बाओलाई स्पेनिस सुपर कप

Headline10 hours ago

प्रिन्सको घरेलु ब्याडमिन्टनमा छलाङ्ग

राष्ट्रिय22 hours ago

स्लिपबाट पारसले थर्ड म्यान दिपेशलाई सोधेः “ओरिजिनल घडी हो ?”

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending