Connect with us

Headline

डफीको किर्तिमानी डेब्युमा न्युजिल्याण्डको सहज जित

wesportz

Published

on

जेकब डफीले डेब्युमै शान्दार प्रदर्शन गरेपछि न्युजिल्याण्डले पाकिस्तानलाई पहिलो ट्वान्टी ट्वान्टी अन्तर्राष्ट्रियमा पाँच विकेटले पराजित गरेको छ ।

न्युजिल्याण्डका लागि पहिलो अन्तर्राष्ट्रिय खेल खेलेका दाया हाते तिब्र गतिका बलर डफिले माथिल्लो र मध्यक्रमका चार विकेट लिएपछि पाकिस्तानले २० ओभरमा ९ विकेटको क्षतिमा १ सय ५३ रनको सामान्य योगफल बनाएको थियो । जवाफमा टिम सिफर्टले अद्र्धशतक बनाउनुका साथै मध्यक्रमका ब्याट्स्म्यानहरुले उल्लेखनीय योगदान दिएपछि न्युजिल्याण्डले १८ दशमलव पाँच ओभरमा १ सय ५६ रन बनायो ।

सिफर्टले तेश्रो विकेटका लागि ग्लेन फिलिप्स (२३) सँग ४४ र चौथो विकेटका लागि पुर्व हँगकँग खेलाडी मार्क च्यापम्यानसँग ४५ रन जोडेका थिए । सिफर्टले ४३ बलमा ६ चौका र एक छक्काको मद्दतमा ५७ रन बनाए भने च्यापम्यानले २० बलमा ३४ रन बनाए । उनको इनिङ्गसमा चार चौका र एक छक्का सामेल थियो ।

जेम्स निशम (१५) र मिचेल स्यान्टनर (१२) ले एक आपसमा तीन छक्का प्रहार गर्दै न्युजिल्याण्डलाई जित दिलाएका थिए । पाकिस्तानका लागि हरिस रउफले तीन र शाहिन शाह अफ्रिदीले दुई विकेट लिएका थिए ।

यसअघि, डफिले पहिलो दुई ओभरमा तीन विकेट लिएपछि नियमित कप्तान बाबर आजमको अनुपस्थितिमा खेलेको पाकिस्तानले ३९ रनमै पाँच विकेट गुमाएको थियो । त्यसपछि शदाब खानले केही राम्रा शटहरु खेल्दै टिमलाई सम्मानजनक योगफल तर्फ धकेल्ने प्रयास गरेका थिए ।

शदाबले इमाद वसिम (१९) सँग छैटौं विकेटका लागि ४० रनको साझेदारी गरे भने सातौं विकेटका लागि फहिम असरफसँग ३५ रन जोडे । उनले ३२ बलमा तीन छक्का र दुई चौकाको मद्दतमा ४२ रन जोडे । असरफले पनि उति नै चौका र छक्का प्रहार गर्दै १८ बलमा ३१ रन बनाए ।

चार ओभरमा ३३ रन खर्चदै चार विकेट लिएका डफीको यो न्युजिल्याण्डको डेब्युमा अहिलेसम्मकै उत्कृष्ट बलिङ्ग प्रदर्शन हो । शुक्रबार स्कट कुगेलेजिनले पनि तीन विकेट लिएका थिए ।

Headline

सकियो सन्दिपको दिल्लीसँगको यात्रा

wesportz

Published

on

इन्डियन प्रिमियर लिग (आईपीएल) टोली दिल्ली क्यापिटल्सले नेपाली राष्ट्रिय टोलीका लेग स्पिनर सन्दिप लामिछानेलाई फुकुवा गरेको छ । आगामी संस्करणको लागि दिल्लीले सन्दिप बाहेक इंग्ल्यान्डका ओपनर जेसन रोय र भारतका तिब्र गतिका बलर मोहित शर्मालाई पनि फुकुवा गरेको छ ।

सन् २०१८ को संस्करणमा तीन बर्षका लागि २० लाख भारतीय रुपैयाँ दिल्लीमा आबद्ध भएका सन्दिपलाई सन् २०२१ संस्करणको लागि दिल्लीले आफ्नो टोलीमा नराख्ने निर्णय लिएको हो । फेब्रुअरीमा हुने अक्सनको लागि टोलीहरुले खेलाडी फुकुवा गर्ने र खेलाडीहरुलाई आफ्नो टोलीमा राख्ने नाम आज सार्वजनिक गरेका हुन् ।

सन् २०१८ र सन् २०१९ को संस्करणमा कुल नौं खेल खेलेका सन्दिपले यस सिजन भने एक खेलमा पनि खेल्ने मौका पाएनन् । आफ्नो पहिलो सिजन तीन खेल खेल्ने मौका पाएका सन्दिपले पाँच विकेट हात पारेका थिए भने दोश्रो संस्करणमा छ खेल खेल्ने मौका पाउँदा आठ विकेट आफ्नो नाममा दर्ता गराएका थिए ।

आगामी संस्करण खेल्नका लागि सन्दिपलाई अन्य टोलीले अक्सनबाट आफ्नो टोलीमा समावेस गर्न पर्ने हुन्छ ।

Continue Reading

Headline

बिभागिय डर्बीमा पुलिस र आर्मीको बराबरी

wesportz

Published

on

राष्ट्रिय महिला फुटबल लिगको उद्घाटन खेलमा नेपाल आर्मी फुटबल क्लब र नेपाल पुलिस फुटबल क्लबले गोलरहित बराबरी खेलेका छन् । नेपाल पुलिसको सम्हालिएको डीफेन्सलाई तोड्न आर्मी असफल जस्तै रह्यो । पोजेसन आफ्नो पक्षमा पारे पनि आर्मीलाई नेपाल पुलिसले खुल्ने मौका दिएको थिएन ।

तेस्रो मिनेटमा आर्मीकी बिमला चौधरीले १८ यार्ड बक्स बाहिरबाट गरेको प्रहार पुलिसकी गोलकिपर सपना राईले रोकिदिइन ।

पाचौँ मिनेटमा आर्मीकी सपना लामाले ५ यार्ड बक्स नकिजबाट गरेको प्रहारले दिशा लिन सकेन। यस्तै सपनाले १३औं मिनेटमा पेनाल्टी एरिया बाहिरबाट गरेको प्रहार बाहिरिएको थियो ।

१६औं मिनेटमा पुलिसकी रन्जिता गुरुङले दायाँतर्फ बाट गरेको क्रसमा निरु थापाको ट्याप इन आर्मीकी गोलकिपर अन्जना राना मगरले बचाएकी थिइन् । १९औं मिनेटमा फेरि पनि पुलिसकी निर्मला बिकलाई आर्मीकी रक्षक सुनिता चौधरीले फाउल गरेपछि फ्रिकिक पाएको थियो ।

३० औँ मिनेटमा पुलिसकी निरु थापाले पेनाल्टी एरिया भित्रबाट गरेको प्रहार फ्रेममा नपर्दा पुलिस आग्रता लिनबाट चुक्यो ।

४४ औँ मिनेटमा आर्मीकी सपना लामाले खाली पोष्टमा गरेको प्रहार आफ्नै टोलीकी सुनिता चौधरीलाई लागेर फर्किदा पहिलो हाफ गोलरहित बराबरीमा सकिएको थियो ।

दोस्रो हाफमा पनि दुवै टोलीले गोल गर्न सकेनन् । ७१ औँ मिनेटमा आर्मीको इन्दिरा राइले गरेको प्रहार सपना राइले राम्रो बचाएकी थिइन। ८१ औँ मिनेटमा आर्मीको अर्को प्रहारलाई पुलिसकि मनि गुरुङले गोललाइनबाट किल्यर गरेकी थिइन । ८७ औँ मिनेटमा आर्मीकि रष्मी घिसिङको प्रहर पोस्टबाट थोरै बहिरिएको थियो । यस खेलसँगै दुवै टोलीले अंंक बाढेका छन् ।

Continue Reading

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading
Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending