Connect with us

अन्तर्राष्ट्रिय

कप्तान बिराट कोहलीको अर्धशतकको बाबजुद पहिलो टेस्टको पहिलो दिन भारत निरिह

wesportz

Published

on

घरेलु टोली अष्ट्रेलिया विरुद्धको पहिलो टेस्टको पहिलो दिनकप्तान बिराट कोहलीको अर्धशतकको बाबजुद भारतले खराब सुरुवात गरेको छ । अष्ट्रेलियन बलरहरु हाबी हुँदा भारतले पहिलो दिनको खेलको समाप्तीमा ८९ ओभर खेल्दै छ विकेट गुमाएर २३३ रन मात्र बनाउन सक्यो ।

भारतको तर्फबाट कप्तान कोहलीले सर्वाधिक ७४ रन बनाए भने चेतेश्वर पुजाराले ४३ तथा अजिंक्य रहानेले ४२ रनको पारी खेले ।

भारतले सुरुवात राम्रो गर्न सकेन । ओपनर पृथ्वी श दुई बल खेल्दै मिचेल स्टार्कको बलमा डक आउट हुन पुगे भने अर्का ओपनर मायंक अगरवालले पनि १७ रन भन्दा जोड्न सकेनन् ।

त्यस पछि आएका पुजारा र विराट कोहली तेश्रो विकेटका लागि ६८ रन जोड्दै भारतको पारी सम्हाल्ने प्रयास गरे । तर १६० बलको सामना गरेका नाथन लायोनको शिकार बन्न पुगे। टेस्ट क्रिकेटमा आफ्नो २३ औं अर्धशतक बनाएका कोहलीले रहानेसँग चौथों विकेटका लागि ८८ रन जोडे पछि दुर्भाग्यपूर्ण रनआउट हुन पुगे ।

कोहली आउट भए पछि रहाने पनि धेरै क्रिजमा टिक्न सकेनन् भने हनुमान बिहारीले पनि १६ रन भन्दा जोड्न सकेनन्। दिनको खेलको समाप्तीमा रिद्दिमन शाह नौं तथा रविचन्द्रन अश्विन १५ रनमा अविजित रहेका छन्।

अष्ट्रेलियाका मिचेल स्टार्कले सर्वाधिक दुई विकेट लिए भने जस हेजलउड, प्याट कमिन्स र नाथन लायोनले समान १-१ विकेट हात पारे।

Click to comment

Leave a Reply

Your email address will not be published. Required fields are marked *

Headline

‘बार्सिलोना टेर स्टेगनलाई पाएर भाग्यमानी छ’

wesportz

Published

on

बार्सिलोनाले आइतबार एल्चे विरुद्ध भएको खेलमा २-० को जित निकाल्दा मार्क अन्द्रे टेर स्टेगनले गरेका प्रदर्शनका कारण प्रशिक्षक रोनाल्ड कोमनले स्टेगन बार्साले स्टेगन जस्तो प्रभावशाली गोलरक्षक पाउनु निकै भाग्यमानी भएको बताएका छन् ।

पहिलो हाफको ३९ औँ मिनेटमा क्याट्लान क्लबका लागि फ्रान्की डि यङले १-० को अग्रता दिलाएका थिए भने दोस्रो हाफ सुरु हुने बित्तिकै एल्चेका फर्वार्ड एमिलियानो रिगोनीले गरेको प्रहारलाई स्टेगनले उत्कृष्ट बचाउ गर्दै खेल बराबरी हुनबाट बचाएका थिए ।

एल्चेको लगतार आक्रमण झेलिरहेको बार्सिलोनाका लागि ८९ औँ मिनेटमा भने रिकी पुइगले गोल गरे पछि तीन अंक सिल गरेको थियो ।

“उनीहरुले धेरै मौका त बनाएका हैनन् तर हाम्रो गल्तीका कारण धेरै मुभ भने बनाउन पुगे,” खेल सकिएपछि कोमानले भनेका थिए ।

“तर बर्सिलोना तर स्टेगन जस्तो गोलरक्षक पाएकोमा निकै भाग्यमानी छ । स्टेगनले दुई-तीन वटा निकै राम्रा बचाउ गरे त्यही कारण पनि हामी यो खेलमा तीन अंक हात पार्न सफल भयौँ।” कोमनले भने ।

जित पछि बार्सिलोना ३७ अंकका साथ तेस्रो स्थानमा रहेको छ ।

Continue Reading

Headline

भ्यालेन्सिया लाई हराउदै एट्लेटिको शिर्ष स्थानमा सात अंक अग्रता

wesportz

Published

on

लुइस स्वारेज,जाओ फिलेक्स र एन्जल कोरेराले एक-एक गोल गरे पछि एट्लेटिको म्याड्रिडले भ्यालेन्सियालाई ३-१ ले हराएको छ । भ्यालेन्सियाका लागि भने उरोस राकिकले एक गोल गरेका थिए ।

खेलमा पहिलो गोल भ्यालेन्सियाले गरे पनि अग्रता जोगाउन नसक्दा एट्लेटिकोसँग पराजय भोग्न वाध्य भएको थियो । भ्यालेन्सियाका लागि ११ औँ मिनेट उरोस राकिकले हाभी गायाको पासमा पहिलो गोल गरेका थिए । एक गोल गरिसकेको अवस्थामा अझै अट्याकिङ फुटबल खेल्दै एट्लेटिकोको पोस्टमा लगतार प्रहार गरेको भ्यालेन्सियाले २३ औँ मिनेटमा भने काउन्टर अट्याकमा बराबरी गोल खान पुगेको थियो । एट्लेटिकोका लागि जाओ फिलेक्सले गोल गरेका थिए ।

पहिलो हाफमा १-१ को बराबरी खेले पनि दोस्रो हाफमा भने एट्लेटिको म्याड्रिडले दुई गोल गरेको थियो । एट्लेटिकोका लागि ५४ औँ मिनेटमा लुइस स्वारेजले गोल गर्दै खेलमा २-१ को अग्रता दिलाएका थिए । एट्लेटिकोका लागि तेस्रो गोल भने एन्जल कोरेरा ७२ औँ मिनेटमा गरेका थिए । उनले लोरेन्टेको पासमा तेस्रो गोल गरेका थिए ।

जितसँगै एट्लेटिले शिर्ष स्थानमा सात अंकको अग्रता लिएको छ भने अझै एक खेल कम खेलेको छ । ४७ अंक सहित पहिलो स्थानमा एट्लेटिको छ भने ४० अंक साथ रियल म्याड्रिड र ३७ अंक सहित बार्सिलोना तेस्रो स्थानमा रहेको छ ।

Continue Reading

Headline

एफए कपबाट बाहिरिएपछि क्लोपले झोक्किदै भनेः ‘हाम्रो चिन्ता नगर्नुहोला’

wesportz

Published

on

लिभरपुल व्यवस्थापाक योर्गन क्लोपको टोलीले पछिल्लो सात खेलमा मात्र एकमा जित हात पारेको छ । इङ्गलिस प्रिमियर लिगमा शिर्ष स्थानमा पकड जमाएको लिभरपुल अहिले चौथोमा झरिसकेको छ भने उ आफ्नो कट्टर प्रतिद्वन्दी म्यानचेस्टर युनाइटेडभन्दा ६ अंकले पछाडी छ ।

युनाइटेडसँग सोमबार ब्यहोरेको हार लिभरपुलको टोलीका लागि महँगो साबित भयो, कारण थियो क्लोपको टोलीको एफए कपबाट बहिर्गमन ।

२०१९ को च्याम्पियन्स लिग बिजेता लिभरपुलले २०२० मा ३० बर्षपछि इङ्गलिस प्रिमियर लिगको उपाधि उचालेको थियो । त्यो पनि निकै रवाफिलो शैलिमा । लिभरपुलले उपाधि जित्दा उ दोश्रो स्थानको म्यानचेस्टर सिटीभन्दा १८ अंक र तेश्रोमा सक्काएको युनाइटेडभन्दा ३३ अंकले अघि थियो ।

तर लिभरपुलले लिगमा पछिल्लो पाँच खेल जित्न सकेको छैन भने एक मात्र जित एफए कपमै अनुभवहीन एस्टन भिल्लाबिरुद्ध नै रहेको थियो । एक च्याम्पियन टोली शिर्ष स्थानमा पकड जमाउदा जमाउदै खस्कदै जानु क्लोपमाथि प्रश्न माथि प्रश्न आउनु सामान्य नै हो ।

प्रिमियल लिगको यो सिजनले आधी यात्रा मात्र तय गरेको छ र बिश्वकै सबैभन्दा अनपेक्षित र प्रतिस्पर्धात्मक मानिएको इङ्गलिस फुटबलमा अन्तिम दिनसम्म पनि केही भन्न नसकिने स्थिति रहन्छ, व्यवस्थापकलाई गाह्रो हुनु स्वभाविक पनि हो ।

प्रमुख खेलाडी घाइते भएपनि लिभरपुलको लगातारको हार क्लोपका लागि सह्य थिएन र शायद त्यसैले उनी केही हतोत्साहित देखिए । “यो हामीले चाहेको नतिजा थिएन त्यसैले मलाई अलि फ्रस्ट्रेसन भने भएको छ । हामी आफ्नो उत्कृष्ट लयमा थिएनौं तर सही दिशामा भने गइरहेका छौं । तपाईहरुले हाम्रो लागि चिन्ता लिनु पर्दैन, हामी टिमको रुपमा एक साथ छौं,” क्लोपले भने ।

ओल्ड ट्राफोर्डमा मोहम्मद सलाहले लिभरपुल टोलीकै लागि तेश्रो खेलमा आएर पहिलो गरेपछि घरेलु टोली पछि परेको थियो । तर मेसन ग्रिनउड र मार्कस रासफोर्डले गोल गर्दा युनाइटेडको पाचौं चरणको यात्रा सहज बनेको थियो ।

सिजनमा निकै खराब शुरुवात गरेको युनाइटेडले च्याम्पियन्स लिगको समुह चरणबाटै बाहिरिए यता आफ्नो पछिल्लो १३ खेलमा मात्र एक मा हार व्यहोरेको छ । उसलाई शहरी प्रतिद्वन्दी सिटीले लिग कपको सेमिफाइनलमा २–० ले हराएको थियो ।

Continue Reading
Headline2 hours ago

एपिएफले आर्मीलाई दियो २ सय ४१ रनको लक्ष्य

Headline4 hours ago

‘बार्सिलोना टेर स्टेगनलाई पाएर भाग्यमानी छ’

Headline4 hours ago

भ्यालेन्सिया लाई हराउदै एट्लेटिको शिर्ष स्थानमा सात अंक अग्रता

Headline8 hours ago

एफए कपबाट बाहिरिएपछि क्लोपले झोक्किदै भनेः ‘हाम्रो चिन्ता नगर्नुहोला’

Headline18 hours ago

पन्जाबको गोलरहित बराबरी, किरणको अर्को क्लिनशिट

Headline18 hours ago

एपिएफको लगातार दोश्रो जित, आर्मीबिरुद्ध वालिङ्गको कमजोर प्रदर्शन

अन्तर्राष्ट्रिय19 hours ago

सन्दिपको दुई विकेटमा होबार्टको रोमान्चक जित

Headline23 hours ago

प्रतियोगिताकै रोमाञ्चक खेल बराबरीमा टुंगिदा बागमती सेमिफाइनलमा

Headline1 day ago

युएफसीको पुनरागमन फाइटमा म्याकग्रेगर नकआउट

Headline1 day ago

आदिल र इशानको अद्र्धशतकमा बागमतीको राम्रो योगफल

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending