Connect with us

Headline

कस्तो छ नेपाली क्रिकेटका लागि बिश्वकप छनोटको बाटो ?

Avatar

Published

on

कोरोना भाइरसपछि बिश्वमा क्रिकेट गतिविधि ठप्प भएपछि अन्तर्राष्ट्रिय क्रिकेट काउन्सिल (आईसिसि) ले बुधबार क्रिकेट बिश्वकप लिग टु अन्तर्गतका बाकी रहेका सम्पुर्ण खेल तालिका सार्वजनिक गर्यो ।

नयाँ तालिका अन्तर्गत गत फेब्रुवरीमा ओमान र अमेरिकासँग घरेलु मैदानमै त्रिदेशीय श्रंखला खेलेको नेपालले अब २०२१ मार्चमा ओमानमै अमेरिका सम्मिलित अर्को श्रंखला खेल्नेछ । कोरोनाका कारण २०२३ सम्मका लागि लिग टुका खेलहरु धकेलिएकाले २०१८ मा नेपालले पाएको चार बर्षे एकदिवसीय मान्यता अब २०२३ को बिश्वकप छनोटसम्म कायम रहनेछ ।

लिग टु नेपाल लगायत सहभागी अन्य सातै देशका लागि बिश्वकपको खुड्किलो हो । तर यस्तै खुड्किलो अन्य तीन प्रतियोगिता पनि हुन् जसका बारेमा जान्न आवश्यक छ । लिग टु मात्र नभएर क्रिकेट बिश्वकप च्यालेञ्ज लिगका १२ र टेस्ट खेल्ने १२ राष्ट्रसँगै नेदरल्याण्ड्स पनि सम्मिलित सुपर लिग आईसिसिले २०२३ एकदिवसीय बिश्वकप सम्मका लागि बनाएको एक संरचना हो ।

यही संरचना अनुरुप २०२३ को बिश्वकपका लागि जम्मा दुई टोलीले मात्र स्थान पाउने छन् । यसको मतलब २४ टोली अहिले बिश्वकपमा सहभागिताको दाबेदारीमा रहेका छन् । तर कसरी ?

कस्तो छ आईसिसिले २०२३ बिश्वकपको लागि तयार पारेको संरचना ?

सुपर लिग

आयोजकको हिसाबले भारत बाहेक अन्य कुनै पनि राष्ट्रले सन् २०२३ को बिश्वकपमा स्थान पक्का गरिसकेका छैनन् । सुपर लिगमा १२ टेस्ट राष्ट्रसँगै नेदरल्याण्ड्स पनि रहेको छ । २०१७ को वल्र्ड क्रिकेट लिग बिजेता भएको हैसियतले नेदरल्याण्ड्स सुपर लिगमा छ ।

सुपर लिग हालको लागि आईसिसिले बनाएको अनुत्रममा पहिलो श्रेणीको क्रिकेट हो भनेर बुझ्दा हुन्छ । सुपर लिगको कार्यक्रम अन्तर्गत हरेक टोलीले एक अर्कासँग तीन एकदिवसीय अन्तर्राष्ट्रिय खेल्नै पर्नेछ । यसको समाप्तिपछि पुछारको पाँच टोलीहरु २०२३ मै जुन–जुलाईमा जिम्बाब्वेमा हुने एकदिवसीय बिश्वकप छनोट खेल्नु पर्नेछ ।

सुपर लिगमा भारतसँगै अष्ट्रेलिया, इङ्गल्याण्ड, पाकिस्तान, जिम्बाब्वे, आयरल्याण्ड, बङ्गलादेश, दक्षिण अफ्रिका, नेदरल्याण्ड्स, श्रीलंका, न्युल्यिाण्ड, वेष्ट इण्डिज र अफगानिस्तान रहेका छन् । हाल अष्ट्रेलिया ४० अंकसहित शिर्ष स्थानमा रहेको छ भने बङ्गलादेश, नेदरल्याण्ड्स, श्रीलंका, न्युजिल्याण्ड, वेष्ट इण्डिज र अफगानिस्तानले यस अन्तर्गत एक खेल पनि खेलेका छैनन् ।

लिग टु

२०१८ को बिश्वकप छनोटपछि नेपाल, स्कटल्याण्ड र युएईले अर्को चार बर्षको लागि एकदिवसीय मान्यता पाउदा आईसिसिले टेस्ट नखेल्ने राष्ट्रहरुको लागि वल्र्ड क्रिकेट लिग डिभिजन क्रिकेट र वल्र्ड क्रिकेट लिग च्याम्पियनसिपसँगै चार दिवसीय इन्टर कन्टिनेन्टल कप पनि रद्द गर्ने निर्णय गरिसकेको थियो ।

क्रिकेटको सर्वोच्च निकायले तीन प्रतियोगिताहरुको स्थानमा सात टिम सम्मिलित सुपर लिग र १२ टिम सम्मिलित च्यालेञ्ज लिगको अवधारणा अगाडी सारेको हो । लिग टुमा २०१८ मा एकदिवसीय अन्तर्राष्ट्रिय पाएका तीन टोली र २०१९ को डिभिजन टुमा पहिलो चार स्थान हात पारेका नामिबिया, ओमान, अमेरिका र पपुव न्युगिनी जोडिएका हुन् । लिग टुमा हरेक राष्ट्रहरुले ३६ वटा एकदिवसीय खेलिसकेपछि पहिलो तिन स्थान हात पार्ने टोलीले बिश्वकप छनोटमा स्थान बनाउने छन् ।

लिग टुको अंक तालिकामा १६ अंकका साथ ओमान शिर्ष स्थानमा रहेको छ भने अमेरिकाको १० अंक छ । स्कटल्याण्डको ९, नामिबियाको ८, युएईको ७ र चार खेल खेलेको नेपालको चार अंक रहेको छ । पपुवा न्यु गिनीले शुरुवाती सबै ८ खेलमा पराजय व्यहोरेको छ ।

च्यालेञ्ज लिग

च्यालेञ्ज लिगलाई अहिले दुई समुहमा बिभाजन गरिएको छ । २०१८ र २०१९ सम्म भएका डिभिजन टु देखि फाइभसम्मका टोलीहरु च्यालेञ्ज लिगमा रहेका छन् ।

क्यानडा, सिँगापुर, कतार, डेनमार्क, मलेसिया र भनुवातु लिग ए मा छन् भने लिग बि मा युगान्डा, हँगकँग, इटाली, जर्सी, केन्या र बर्मुडा रहेका छन् । क्यानडा र हँगकँग २०१९ को डिभिजन टु को पुछारका दुई टोलीहरु हुन् ।

एक अर्कासँग तीन खेल गर्दै कुल १५ म्याच खेलिसके पछि दुवै समुहबाट शिर्ष स्थानमा रहने टोली बिश्वकप छनोटको प्ले अफका लागि छानिनेछन् । च्यालेञ्ज लिग ए को शिर्ष स्थानमा अहिले क्यानडा रहेको छ भने बी मा युगान्डा रहेको छ । २०२३ मै हुने ६ टिम सम्मिलित प्लेअफमा लिग टुको पुछारमा रहने चार टोलीले पनि बिश्वकप छनोटमा स्थान बनाउने अर्को मौका पाउनेछन् ।

नेपालको अवस्था कस्तो ?

नेपाली क्रिकेट अहिले टोली र प्रशासनको रुपमा पनि संक्रमणकालीन अवस्थामा रहेको छ । पारस खड्काको राजीनामापछि ज्ञानेन्द्र मल्लले कप्तानी सम्हालिरहेका छन् भने यी दुई बाहेक शरद भेषावकरमात्र बाकी रहेका सबैभन्दा सिनियर खेलाडीको रुपमा रहेका छन् । भेटेरान बाया हाते स्पिनर बसन्त रेग्मी आफ्नो करिअरको अन्तिम खुड्किलोमा आइपुगेका छन् ।

बिनाद भण्डारी, सुभाष खकुरेल, करण केसी, सोमपाल कामी, आरिफ शेख र दिपेन्द्र सिँह ऐरि म्याच एक्सपोजरको आधारमा त्यसपछिका सकृय सिनियर खेलाडी भइसेकका छन् । अधिकांश युवा क्रिकेटरहरु सामेल रहेका हालका राष्ट्रिय खेलाडीहरुको समुहलाई बलियो बनाउन निकै चुनौतिपूर्ण छ । त्यसमाथि नेपाल अहिले प्रशिक्षक विहिन नै छ ।

नेपालको लागि एक मात्र राम्रो संकेत के हो भने हाल युवा खेलाडीहरुले खेल्ने गरेको क्रिकेटको स्तर पारस, शरद, ज्ञानेन्द्र अथवा अन्य कुनै पनि सिनियर खेलाडीहरुले खेल्दै आएको भन्दा धेरै माथि छ । नेपालमै चल्दै आएका फ्रान्चाइज क्रिकेटले एउटा स्तर माथि पुर्याएको छ ।

चुनौति नेपाललाई अहिले रहेको खेलाडीको पुललाई नै छोटो अन्तरालमै मजबुत बनाउनु हो जुन कार्य निकै कठिन छ । यसको लागि नेपाली क्रिकेट सर्वोच्च निकाय नेपाल क्रिकेट संघ निकै सकृय हुन आवश्यक छ । तर क्यान अझै पनि आंशिक निलम्बनमै रहेको छ भने मैदान बाहिर उसको ठोस उपलब्धि केही पनि देखिएको छैन ।

लिग टुमा चार खेल मात्र खेलेको नेपालको लागि बाटो निकै लामो छ । अन्य टिमको तुलनामा ब्याटिङ्गमा निकै कमजोर रहदै आएको नेपालले केही सिमित खेलाडीहरुको चामत्कारिक प्रदर्शनका आधारमा मात्रै उपलब्धिहरु हात पार्दै आएको छ ।

पहिलेको तुलनामा नेपाललाई पारस, ज्ञानेन्द्र वा शरदमात्र नभएर आरिफ, रोहित कुमार पौडेल, सोमपाल, करण वा भण्डारीले खेलहरु जिताउन थालेका छन् । तर कसैको पनि प्रदर्शन एकै सरहको छैन । नेपाललाई यो समस्याबाट मुक्त गर्न जरुरी देखिन्छ ।

आईसिसिले २०२३ पछि अर्को बिश्वकपका लागि कस्तो संरचना अपनाउने हो टुँगो नभएकाले सबैभन्दा पहिले त नेपाल बिश्वकप छनोटमा पुग्ने तर्फ नै केन्द्रित हुन आवश्यक देखिन्छ ।

१० टिम सम्मिलित बिश्वकप छनोटबाट मात्र दुई टोलीले भारतको टिकट काट्ने भएकाले नेपाललाई छनोट प्रतियोगिता नै फलामको चिउरा चपाए सरह हुने देखिन्छ । त्यसैले बिश्वकपमा छनोटका लागि मात्रै छनोट हुदै नेपालले आफूलाई आईसिसिको भावी योजना भित्र अट्ने गरि आफ्नो स्थान सुरक्षित गर्ने तर्फ सोच्नु पर्नेछ ।

Headline

‘अब म जर्मनीको लागि कहिल्यै पनि खेल्दिन’

wesportz

Published

on

पुर्व जर्मनी तथा आर्सनल मिडफिल्डर मेसुट ओजिलले अब आफू कहिल्यै पनि जर्मनीको लागि नखेल्ने बताएका छन् ।

बुधबार आफ्नो बाल्यकालको टर्किस क्लब फेनरबाचेसँग साढे तीन बर्षको सम्झौता गर्ने क्रममा ओजिलले जर्मनी प्रति आफ्नो फ्रस्टेसन पोख्ने क्रममा यस्तो भनेका हुन् । “म जर्मन टोलीलाई सफलताको लागि शुभकामना दिन चाहन्छु तर अब देखि म कहिल्यै पनि उनीहरुको लागि खेल्दिन,” फरर टर्किस भाषामा कुरा गर्ने क्रममा ३२ बर्षिय ओजिलले भने ।

ओजिललाई फेनरबाचेले बुधबार नै क्लबको जर्सीमा सार्वजकि गरेको थियो । जर्मनीले २०१४ को बिश्वकप जित्दाका स्टार खेलाडी ओजिलले इङ्गलिस प्रिमियर लिग क्लब आर्सनलसँग तीन पटक एफए कप जितेका थिए ।

तर २०१८ को बिश्वकप अघि जर्मनीमा बिवादास्पद टर्किस राष्ट्रपति रिसेप तइप एर्दोगनसँग तस्विर लिएपछि उनी आलोचनाको शिकार हुन पुगेका थिए । ओजिलले टर्किमै बिहे गर्दा पनि एर्दोगनलाई बेष्ट म्यान बनाएका थिए ।

२०१८ को बिश्वकपमा समुह चरणबाट नै बाहिरिएपछि टर्किस मुलका ओजिलले आफूमाथि नश्लभेदीय टिप्पणी भएको भन्दै राष्ट्रिय टिमबाट सन्यास नै लिएका थिए । २०१९ मा चिनको जिनियाङ प्रान्तमा उइगर मुस्लिम समुदायमाथि भएको बर्बरताको बिरोधमा बोले पछि उनी हप्ताको ३ लाख ५० हजार पाउण्ड लिएर सबैभन्दा महँगो खेलाडी रहेपनि आर्सनलका लागि निकै कम खेलेका थिए ।

आर्सनल आफैले ओजिलको बक्तब्याहरुबाट आफुलाई टाढा राख्दै आएको थियो । ओजिलले फेनरबाचेका लागि आफ्नो पहिलो खेल इस्तानबुल डर्बीमा गालातासारे बिरुद्ध खेल्न सक्नेछन् ।

रियल म्याड्रिड र आर्सनलमा हुँदा लिएको पैसा भन्दा फेनरबाचेमा निकै नै कममा अनुबन्ध भएका उनले एक सिजनको ३० लाख युरो कमाउने छन् ।

Continue Reading

Headline

एएफसी कपको प्ले अफमा आर्मीले श्रीलंका पुलिस विरुद्ध खेल्ने

wesportz

Published

on

नेपाली ए डिभिजन लिग क्लब त्रिभुवन आर्मी फुटबल क्लबले एएफसी कप २०२१ को प्ले अफमा श्रीलंका पुलीस विरुद्ध खेल्ने तय भएको छ ।

एसियाली फुटबल महासंघ (एएफसी) ले बुधबार सार्वजनिक गरेको खेल तालिका अनुसार दक्षिण एसियाको प्ले अफमा आर्मीले श्रीलंका पुलिस विरुद्ध खेल्नु पर्ने छ । आर्मी र श्रीलंका पुलिसबीच अप्रिल ७ मा खेल हुने छ । आर्मीले उक्त खेलमा जित हात पारेको खण्डमा प्लेअफको दोस्रो खेलमा भारतको बेंगलुरु फुटबल क्लबसँग अप्रिल १४ मा प्रतिस्पर्धा गर्नेछ ।

आर्मीले बेंगलुरु फुटबल क्लब विरुद्ध जित निकाले अप्रिल २१ मा हुने प्ले अफको फाइनल खेल खेल्नेछ । प्ले अफ जितेको खण्डमा आर्मीले एएफसी कप २०२१ को समुह डि मा स्थान पाउने छ ।

समुह डि मा भारतको एटीके मोहन बगान, बंगलादेशको बसुन्धरा किंग्स र माल्दिभ्सको माजिया एण्ड रिक्रिएसन रहेका छन् । एएफसी कप २०२१ का समुह चरणका खेलहरु मे १४ बाट सुरु हुने एसियाली फुटबल महासंघले जनाएको छ ।

प्रतियोगितामा देशको लिग बिजेताले खेल्ने भएपछि शहिद स्मारक ए डिभिजन लिग बिजेता मच्छिन्द्र क्लबको ए लाइसेन्स नभएको कारण आर्मीले उसको स्थान लिएको हो । नेपाली ए डिभिजन लिग क्लबहरुमा हाल आर्मीसँग मात्र एसियन फुटबल कन्फेडेरेसनको ए लाइसेन्स रहेको छ । आर्मी लिगको उपबिजेता पनि हो ।

Continue Reading

Headline

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

wesportz

Published

on

डिफेन्डिङ्ग च्याम्पियन नेपाल पुलिस क्लब प्रधानमन्त्री कप राष्ट्रिय एकदिवसीय क्रिकेट प्रतियोगिताबाट बाहिरिएको छ ।

आरिफ शेख खेल्न नसक्ने परिस्थितीबाट पनि मैदान फर्कदै बहादुरीपुर्वक ब्याटिङ्गमा आएको खेलमा पुलिस सेमिफाइनलमा नेपाल एपिएफ क्लबसँग ३० रनले पराजित भयो । पहिलो ब्याटिङ्ग गरेको एपिएफले ५० ओभरमा ९ विकेटको क्षतिमा २ सय ३ रन बनाएको थियो । जवाफमा पुलिस ४९ दशमलव २ ओभरमा १ सय ७३ रनमै समेटियो ।

एपिएफको इनिङ्गसलाई झड्का दिने क्रममा लगातार १० ओभर बलिङ्ग गर्दै तीन विकेट लिएका आरिफ फिल्डिङ्गका क्रममा गोलीगाँठोको नराम्रो चोट लागेपछि एम्बुलेन्समै स्ट्रेचरमा राखेर हस्पिटल लगिएको थियो । उपचारपछि एम्बुलेन्समै मैदान फर्किएका आरिफ पुलिसले १ सय ५७ रनमा ८ विकेट गुमाउदा खुट्टा खोच्याउदै मैदानमा ब्याटिङ्ग गर्न आएका थिए ।

दुई चौका र एक छक्का प्रहार गर्दै १६ रनमा आउट भएका आरिफको खेललाई दर्शकका साथै एपिएफका खेलाडीले पनि सराहना गरेका थिए । टप अर्डरले खराब शुरुवात गर्दा १५ रनमै तीन विकेट गुमाएको पुलिसलाई दिपेन्द्र सिँह ऐरि र अनिल साह (२१) ले ४६ रनको साझेदारी गर्दै सम्हाल्ने प्रयास गरेका थिए ।

तर एपिएफले चाहिएको समयमा विकेटहरु लिदै खेललाई आफ्नो नियन्त्रणमा राखेको थियो । पवन शर्राफले पुलिसको लागि ६१ बलमा सर्वाधिक ४० रन बनाएका थिए भने टिमको अन्तिम आशाको रुपमा रहेका रशिद खानले ५१ ब्लमा ३४ रन बनाए । रशिदले तीन चौका र एक चौका हिर्काएका थिए । दिपेन्द्रले ६९ बलमा ३३ रन बनाए ।

एपिएफका लागि बायाँ हाते स्पिनर भुवन कार्कीले ९ दशमलव दुई ओभरमा मात्र २१ रन खर्चदै चार विकेट लिए । यस्तै कप्तान शरद भेषावकर, कमल सिँह ऐरि र अविनाश बोहोराले २–२ विकेट लिएका थिए ।

यसअघि आरिफले तीन विकेट लिएपछि पहिलो चार विकेट ४३ रनमै गुमाएको एपिएफलाई मिडल अर्डर र लोवर मिडल अर्डरले सम्हालेपछि सम्मानजनक योगफलतर्फ पुगेको थियो ।

संकटमा रहेको एपिएफलाई शंकर राना र सन्दिप जोराले ६४ रनको साझेदारी गर्दै सम्हालेका थिए । प्रतियोगितामा एपिएफ संकटमा रहदा टिमको ब्याटिङ्ग सम्हालेका जोराले ४३ बलमा तीन चौका र एक छक्काको मद्दतमा ३४ रन बनाए ।

शंकर र अमर सिँह रौटेला (४) आउट भएरपछि १ सय ४४ रनमा ७ विकेट गुमाएको एपिएफलाई भुवनले आठौं विकेटका लागि कमल सिँह ऐरि (१९) सँग ३८ रनको साझेदारी गर्दै २ सय रन नजिक पुर्याए । भुवनले ५६ बलमा दुई छक्का र एक चौकाको मद्दतमा ४२ रन बनाए ।

एपिएफका लागि शंकरले ९६ बलमा ४४ रन जोडेका थिए । उनको इनिङ्गसमा चार चौका सामेल थियो । आरिफले १० ओभरमा मात्र ३१ रन खर्चेर तीन विकेट लिएका थिए ।

Continue Reading
Headline2 hours ago

‘अब म जर्मनीको लागि कहिल्यै पनि खेल्दिन’

Headline3 hours ago

एएफसी कपको प्ले अफमा आर्मीले श्रीलंका पुलिस विरुद्ध खेल्ने

Headline9 hours ago

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

Headline9 hours ago

बिराटनगरको पहिलो जितमा कुसुमको ह्याट्रीक

Headline10 hours ago

थोमस टुचेलः पावर गेम र दूरदर्शी

Headline13 hours ago

एपिएफले पुलिसलाई दियो २ सय ४ रनको चुनौतिपुर्ण लक्ष्य, आरिफ घाइते

Headline17 hours ago

प्रिमियर लिगमा सिटी यो सिजन पहिलो पटक शिर्षमा उक्लियो

Headline1 day ago

रियल र बार्सिलोना अझै पनि सर्वाधिक आम्दानी गर्ने क्लबको सुचिमा कायम

Headline1 day ago

रेड कार्डले प्रतिबन्ध व्यहोरेका मेस्सी बार्सिलोना टोलीमा फर्किए

Headline1 day ago

युएईका पुर्व कप्तान नाभिद र साइमन अनवरलाई आजीवन प्रतिबन्ध लाग्न सक्ने

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending