Connect with us

Headline

डर्टमन्डको ११ बर्ष यता कै खराब हार, लेवान्डोस्कीले बायर्नलाई जोगाए

wesportz

Published

on

बोरुसिया डर्टमन्डले जर्मन बुन्डेसलिगमा ११ बर्ष यताकै खराब हार व्यहोर्दै स्टुटगार्टसँग ५–१ को लज्जास्पद पराजय भोगेको छ ।

घरेलु मैदानमा भएको खेलमा पहिलो हाफसम्म १–१ गोलको बराबरी गरेपनि डर्टमन्डले दोश्रो हाफमा चार गोल खाएको थियो । प्रशिक्षक लुुसियन फाभ्रेले २००९ पछि घरेलु मैदानमा पाएको सबैभन्दा लज्जास्पद हार आफ्नो उपाधि लक्ष्यका लागि निकै बिध्वंसात्मक रहेको स्विकारेका छन् ।

डर्टमन्डले २००९ मा बायर्न म्युनिखसँग पनि घरेलु मैदानमा ५–१ को हार व्यहोरेको थियो । डर्टमन्ड १९ अंकका साथ पाचौं स्थानमा झरेको छ भने शनिबार नै डिफेन्डिङ्ग च्याम्पियन बायर्न बराबीमा रोकिएपनि त्यसको फाइदा उठाउन सकेन । बायर्न र आरबी लाइपजिगको समान २४ अंक रहेको छ ।

बायर लेभरकुसनको २२ र चौथो स्थानको उल्फ्सबर्गको २१ अंक रहेको छ । लेभरकुसनले आइतबारको खेलमा होफेन्हाइमलाई पराजित गर्ने हो भने उसले शिर्ष स्थानमा एक अंकको अग्रता बनाउने छ ।  “हाम्रो लागि सबै कुरा गलत हुन पुग्यो । हामीले हरेक मिनेटमा आफ्नै खुट्टामा बञ्चरोले हानिरहेका थियौं,” डर्टमन्ड डिफेन्डर म्याट हमेल्सले भने ।

स्टुटगार्टको जितमा कंगोलि सिलास वामांगिटुकाले दुई गोल गरेका थिए । आफ्ना स्टार स्ट्राइकर एर्लिङ्ग हालान्डा कम्मरको चोटका कारण जनवरीसम्म खेल्न नसक्ने हुदा डर्टमन्डले पछिल्लो दुई लिग खेलमा मात्र एक अंक बटुलेको छ ।

बायर्न अवे खेलमा युनियन बर्लिनसँग १–१ गोलको बराबरी रोकिएको थियो । बर्लिनले चौथो मिनेट मै ग्रिस्का प्रोमेलको गोलमार्फत अग्रता लिएको थियो । ६७ औं मिनेटमा रोबर्ट लेवान्डोस्कीले गोल गरेपछि बायर्न सिजनकै पहिलो हारबाट जोगिएको थियो ।

बायर्न यसअघि पनि लाइपजिगसँग ३–३ गोलको बराबरीमा रोकिएको थियो । लेवान्डोस्कीको १० लिग खेलमा यो १३ औं गोल हो । च्याम्पियन्स लिगमा लगातार १७ खेलमा अपराजित रहेको बायर्नले यो सिजन बुन्डेसलिगामा तीन बराबरी खेलेको छ तर पराजय भने व्यहोरेको छैन ।

Headline

पुलिस प्रधानमन्त्री कपको सेमिफाइनलमा

wesportz

Published

on

नेपाल पुलिस क्लब प्रधानमन्त्री कप राष्ट्रिय एकदिवसीय क्रिकेट प्रतियोगिताको सेमिफाइनलमा प्रवेश गरेको छ । पुलिसले मुलपानी क्रिकेट मैदानमा आफ्नो समुह बी को खेलमा प्रदेश २ लाई चार विकेटले पराजित गर्दै अन्तिम चारमा प्रवेश गरेको हो ।

पहिलो ब्याटिङ्ग गरेको प्रदेश २ ले ४७ ओभरमा छोट्याइएको खेलमा ९ विकेट गुमाई १ सय ६९ रन बनायो । जवाफमा अनिल साहले इनिङ्गस सम्हाल्दै खेलेपछि पुलिसले ३८ ओभरमा ६ विकेट गुमाउदै १ सय ७० रन बनायो । मङ्गलवार जितको आवश्यकता रहेको पुलिस समुह बी उपबिजेता बन्यो । यस समुहबाट बागमती सोमबार नै बिजेताको रुपमा सेमिफाइनलमा प्रवेश गरिसकेको छ ।

पुलिस पराजित भएको खण्डमा सोमबार बागमतीसँगको रोमाञ्चक खेलमा बराबरी गरेको लुम्बिनी सेमिफाइनलमा प्रवेश गर्ने थियो । समुह चरणमा पुलिससँग मात्र पराजित भएको लुम्बिनीको पाँच अंक रह्यो । पुलिसको ६ र बागमतीले ७ अंक बटुले ।

प्रदेश २ भने प्रतियोगितामा एक खेल पनि नजित्ने एक मात्र टोली बन्यो । यद्दपि उसले पुलिसमाथि भने दवाब राखेकै थियो । निकै सावधानीपुर्वक पहिलो विकेटका लागि ४६ रन जोड्दा सुनिल धमला ४५ बलमा १३ रन बनाई आउट भएका थिए ।

अमित श्रेष्ठले १७ रन बनाए भने अर्का ओपनर कुशल भुर्तेलले ४३ रनको योगदान दिए । उनले ५५ बलमा तीन चौका र एक छक्का प्रहार गरे । पुलिसले आरिफ शेख (शुन्य), दिपेन्द्र सिँह ऐरि (१७) र पवन शर्राफ (तीन) लाई पनि सस्तैमा गुमाएपनि अनिल टिकी रहन सफल भएका थिए ।

अनिलले ६९ बलमा चार चौकाको मद्दतमा ४७ रन बनाए । मञ्जित श्रेष्ठ पनि १२ मा नटआउट रहे । प्रदेश २ का लागि बिबेक यादव र कुमार थापाले ३–३ विकेट लिएका थिए ।

यसअघि प्रदेश २ का लागि हरिशंकर साहले ५३ रन बनाउदा अन्य ब्याट्स्म्यानहरुले २० रन पनि छुन सकेका थिएनन् । हरिले ८४ बलको इनिङ्गसमा पाँच चौका र १ छक्का प्रहार गरेका थिए । पुलिसका लागि बायाँ हाते स्पिनर ललित नारायण राजबंशीले चार विकेट लिएका थिए । सागर ढकालले पनि दुई विकेट लिए ।

Continue Reading

Headline

एपिएफले आर्मीलाई दियो २ सय ४१ रनको लक्ष्य

wesportz

Published

on

नेपाल एपिएफ क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा त्रिभुवन आर्मी क्लबलाई २ सय ४१ रनको लक्ष्य दिएको छ । समुह ए बाट दुवै टोली सेमिफाइनलमा प्रवेश गरिसकेका छन् भने जित्ने टोलीले समुह बीको उपबिजेतासँग अन्तिम चारमा भेट पक्का गर्नेछ ।

मध्यक्रमले उल्लेखनीय योगदान दिएपछि एपिएफले पहिलो ब्याटिङ्ग गर्दै ४९ दशमलव ४ ओभरमा सबै विकेट गुमाई २ सय ४० रन बनायो । पहिलो विकेटको रुपमा आसिफ शेख (७) लाई २९ रनमै गुमाएको एपिएफलाई दोश्रो विकेटका लागि सुभाष खकुरेल र कप्तान शरद भेषावकर (२४) ले ४४ रनको साझेदारी गर्दै सम्हाल्ने प्रयास गरेका थिए ।

एपिएफले दुवै सेट ब्याट्स्म्यानलाई गुमाएपछि सन्दिप जोरा (२८) र सुमित महर्जनले ४५ रनको साझेदारी गरेका थिए । २८ बलको सामना गरेका जोराले चार चौका र एक छक्का प्रहार गरे ।

सुमितले ६८ बलमा ४६ रन जोड्दै पाँच चौका र दुई चौका प्रहार गरेका थिए । अमर सिँह रौटेलाले १४ बलमा दुई छक्का र एक चौकाको सहयोगमा २६ रन बनाए भने बसन्त रेग्मीले २० रन बनाएका थिए । सुभाषले ८२ बल खेल्दै ३८ रन बनाउदा ६ चौका हिर्काए ।

आर्मीका लागि हरि चौहानले ९ दशमलव ४ ओभरमा ६० रन खर्चदै पाँच विकेट लिएका थिए । शाहब आलमले कसिलो बलिङ्ग गर्दै १० ओभरमा २३ रन खर्चदै दुई विकेट लिए ।

Continue Reading

Headline

‘बार्सिलोना टेर स्टेगनलाई पाएर भाग्यमानी छ’

wesportz

Published

on

बार्सिलोनाले आइतबार एल्चे विरुद्ध भएको खेलमा २-० को जित निकाल्दा मार्क अन्द्रे टेर स्टेगनले गरेका प्रदर्शनका कारण प्रशिक्षक रोनाल्ड कोमनले स्टेगन बार्साले स्टेगन जस्तो प्रभावशाली गोलरक्षक पाउनु निकै भाग्यमानी भएको बताएका छन् ।

पहिलो हाफको ३९ औँ मिनेटमा क्याट्लान क्लबका लागि फ्रान्की डि यङले १-० को अग्रता दिलाएका थिए भने दोस्रो हाफ सुरु हुने बित्तिकै एल्चेका फर्वार्ड एमिलियानो रिगोनीले गरेको प्रहारलाई स्टेगनले उत्कृष्ट बचाउ गर्दै खेल बराबरी हुनबाट बचाएका थिए ।

एल्चेको लगतार आक्रमण झेलिरहेको बार्सिलोनाका लागि ८९ औँ मिनेटमा भने रिकी पुइगले गोल गरे पछि तीन अंक सिल गरेको थियो ।

“उनीहरुले धेरै मौका त बनाएका हैनन् तर हाम्रो गल्तीका कारण धेरै मुभ भने बनाउन पुगे,” खेल सकिएपछि कोमानले भनेका थिए ।

“तर बर्सिलोना तर स्टेगन जस्तो गोलरक्षक पाएकोमा निकै भाग्यमानी छ । स्टेगनले दुई-तीन वटा निकै राम्रा बचाउ गरे त्यही कारण पनि हामी यो खेलमा तीन अंक हात पार्न सफल भयौँ।” कोमनले भने ।

जित पछि बार्सिलोना ३७ अंकका साथ तेस्रो स्थानमा रहेको छ ।

Continue Reading
Headline26 mins ago

पुलिस प्रधानमन्त्री कपको सेमिफाइनलमा

Headline3 hours ago

एपिएफले आर्मीलाई दियो २ सय ४१ रनको लक्ष्य

Headline5 hours ago

‘बार्सिलोना टेर स्टेगनलाई पाएर भाग्यमानी छ’

Headline6 hours ago

भ्यालेन्सिया लाई हराउदै एट्लेटिको शिर्ष स्थानमा सात अंक अग्रता

Headline9 hours ago

एफए कपबाट बाहिरिएपछि क्लोपले झोक्किदै भनेः ‘हाम्रो चिन्ता नगर्नुहोला’

Headline19 hours ago

पन्जाबको गोलरहित बराबरी, किरणको अर्को क्लिनशिट

Headline19 hours ago

एपिएफको लगातार दोश्रो जित, आर्मीबिरुद्ध वालिङ्गको कमजोर प्रदर्शन

अन्तर्राष्ट्रिय21 hours ago

सन्दिपको दुई विकेटमा होबार्टको रोमान्चक जित

Headline24 hours ago

प्रतियोगिताकै रोमाञ्चक खेल बराबरीमा टुंगिदा बागमती सेमिफाइनलमा

Headline1 day ago

युएफसीको पुनरागमन फाइटमा म्याकग्रेगर नकआउट

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending