Connect with us

Headline

कालिनको राजीनामा पछि बिचमै रोक्किएको परिवर्तनको प्रकृया

Avatar

Published

on

नेपाली राष्ट्रिय टोलीले २०१९ को मार्च २१ मा कुवेतबिरुद्ध आफ्नो बर्षको पहिलो खेल खेल्यो । नेपाली राष्ट्रिय टोलीका मुख्य प्रशिक्षकको रुपमा योहान कालिनका लागि पनि त्यो पहिलो खेल नै थियो ।

कालिन प्रशिक्षक रहदा नेपालले ११ अन्तर्राष्ट्रिय खेल खेल्यो जसमा चाइनिज ताइपेइबिरुद्धको एक मात्र सफल परिणाम थियो । तर यो नै उनको कार्यकालको पूर्ण समिक्षा होइन ।

कालिनका लागि नेपाली फुटबल नौलो थिएन । २०१३–२०१४ को शहीद स्मारक ए डिभिजन लिगमा मच्छिन्द्र क्लबलाई दोस्रो सम्म बनाएका कालिनलाई नेपाली फुटबल प्रदर्शन र घरेलु संरचनाका आधारमा कुन स्तरमा छ कसैले सुझाइ राख्नु पर्दैन थियो । दुई बर्षअघि बङ्गलादेशमा सम्पन्न साफ च्याम्पियनसिपको सेमिफाइनलमा माल्दिभ्ससँग भोगेको ३–० को हारपछि नेपाली फुटबल कता मोडिने हो यसको टुङ्गो थिएन ।

२०१६ मा बङ्गबन्धु गोल्डकप, दक्षिण एसियाली खेलकुदको स्वर्ण र एएफसी सोलिड्यारीटी कपको उपाधि जितेपछि समर्थकहरुमा नेपाली टोलीलाई लिएर उत्साह सँगै अपेक्षा पनि उत्तिकै थियो । त्यही अपेक्षाको बोझलाई हलुका बनाउन कर्मा छिरिङ्ग शेर्पाको नयाँ नेतृत्वले कालिनलाई टोलीको जिम्मेवारी सुम्पियो ।

बलियो टोली कुवेतसँग भएको मैत्रिपूर्ण खेलमा नेपालले गोलरहित बराबरी खेल्यो । कुवेतमै भएको खेलमा नेपालले बलियो घरेलु टोलीलाई रोक्नु ठूलै उपलब्धि थियो । उनको शुरुवात एक हिसाबले उत्कृष्ट नै रह्यो । यो परिणाम कालिन आफ्नै लागि पनि खेलाडीको स्तर मापन गर्ने राम्रो माध्य बन्यो ।

अधिकांश नयाँ तथा युवा खेलाडी उतारिएको खेलमा नेपालले प्रशंसा त बटुल्यो नै, कालिनबाट भने थप अपेक्षा गरियो । कुवेतलाई बराबरीमा रोकेको नेपाली टोली ३ महिना पछि मलेशियासँग भने २–० ले पराजित हुन पुग्यो । नेपालमा लिग नभएको अवस्थामा कालिन आफै मोफसलमा भएका बिभिन्न प्रतियोगितामा गएर खेलाडीको छनोट गरेका थिए ।

कालिनले खेलाडी बिकासका लागि मैत्रीपूर्ण खेल खेलाउनु पर्ने दबाब दिदा एन्फाले चाइनिज ताइपेईविरुद्ध एक खेलको प्रबन्ध गर्यो । विश्वकप र एसियन कप छनोट आउनु अघिको खेलमा नेपालले १–१ को बराबरी खेलेको थियो । विश्वकप छनोटमा सिधै दोश्रो चरणमा स्थान बनाएको नेपाली टोलीले आफ्नो पहिलो खेल कुवेत सँग खेल्दै थियो ।

पहिले पनि कुवेतलाई बराबरीमा रोकेको नेपालले कम्तिमा पनि बराबरी गर्ने आशा गरिएको थियो तर नेपालको प्रदर्शन बिर्सनलायक रह्यो । कालिनले पहिलो पटक नेपाली टोलीको प्रशिक्षक रहदाको दवाब बुझे । नेपालले ७ गोल खायो र कालिनले भनेः “हामीले धेरै मेहेनत गर्नु पर्ने देखिन्छ । रोक्नुपर्ने गोलहरु रोक्न सकेनौँ । अब राम्रो तयारी गर्नुपर्ने आवश्यकता छ ।”

विश्वकप छनोटकै अर्को खेलमा नेपालले चाइनिज ताइपेइलाई २–० ले हरायो । कुवेतसँगको फराकिलो हारले लागेको चोटमा केही मलम त लाग्यो तर नेपालको लागि अगाडी चुनौतिको चाँग थियो ।

नेपालको अर्को प्रतिद्वन्दी थियो बिश्वकपको स्थानका लागि दावेदार अष्ट्रेलिया । कुवेतसँग फराकिलो अन्तरले पराजित नेपालले गोलको भारी बोकेर फर्किने अपेक्षा गरिएपनि मेलबर्नमा पाँच गोल मात्रै खाएर फर्कियो । नेपालले विश्वकप छनौटका दौरान खेलेको सबैभन्दा राम्रो खेल त्यही देखिन्थ्यो । रक्षात्मक खेल खेलाएका कालिनलाई त्यो परिणाम स्विकार्य थियो ।

“खेल हारे पनि म खेलाडीहरु देखी खुशी छु । उनीहरुले देखाएको प्रदर्शनलाई सम्मान गर्छु,” कालिनले खेल पछी भनेका थिए । पाँच दिन पछि नै जोर्डन पुगेको नेपालले ३–० को पराजय बेहोर्यो । यसअघि ९ गोल खाएको जोर्डनलाई ३ गोलमा रोकेको कारणले नै नेपाली टोली आलोचनाबाट बचेको थियो ।

कुवेतसँग दोश्रो लेगको खेल खेल्नका लागि भुटान जानु अघि उनले केही कठिन निर्णय पनि लिए । एक दिन अघि नाइट क्लब चाहारेको भन्दै कालिनले बिमल घर्ती मगर, अञ्जन बिष्ट, दिनेश राजबंशी र सन्तोष तामाङलाई टिमबाट निकालिदिए ।

यसअघि पनि सिनियर खेलाडीहरुलाई टिममा नराख्ने निर्णय गरेका कालिनले नेपालमा रहदा आफूले के गर्न चाहेको स्पष्ट पारेका थिए । उनी नेपाली टोलीलाई राम्रो बनाउन कुनै पनि मुल्य चुकाउन तयार थिए ।

राष्ट्रिय टोलीमा रक्षात्मक खेलदेखि बिपरित पोस्टमा दवाब कायम गरेर खेल्नै शैलिको प्रयास उनले टिममा ल्याएको सानै भए पनि महसूस गर्न मिल्ने परिवर्तन थियो । नेपालले विश्वकप छनोटको दोस्रो चरणको खेल खेल्नु अघि म्यानमारसँग मैत्रिपूर्ण खेल पनि खेल्यो । त्यसमा पनि हारको सामना गर्यो ।

आफू भन्दा माथिल्लो स्तरको टोलीसँग खेल्न गाह्रो त हुन्छ नै तर नेपालले कालिन रहदा गोल गर्न भने सकेन । भुटानमा कुवेतबिरुद्ध एस्ट्रो टर्फमा नेपालले पासिङ र आक्रमक शैलीमा खेल्न सफल भएको थियो । पहिलो लेगमा सात गोल खाएको नेपालले दोश्रोमा मात्र एक गोल खायो ।

कोरोना भाइरसको चपेटामा बिश्व नै परेपछि नेपालले खेल्ने अष्ट्रेलिया, चाइनिज ताइपेइ र जोर्डनबिरुद्धका घरेलु खेलहरु स्थगित हुदा कालिनले नेपाली फुटबलमा थप केहि गर्न पाएनन् ।

हाल स्विडेनमा रहेका कालिनले उतैबाट राजीनामा दिएका छन् । शायद कालिनले नेपालको विश्वकपको सबै खेलहरु सक्कएको भए केही निष्कर्ष निस्कने थिए । यो यस्तो कार्यकाल थियो जहाँ प्रयोग प्रशस्त भए, परिणाम थोरै निस्किए र परिवर्तनको प्रकृया बिचमै रोकियो ।

एन्फाले अब नयाँ प्रशिक्षक नियूक्त गर्दै त्यो प्रकृयालाई निरन्तरता दिनेतर्फ सोच्नु पर्नेछ ।

तस्बिर: विवेक सुवेदी / एन्फा 

Headline

रोनाल्डोले बिकानको किर्तीमान नतोडेको चेक फुटबल संघको दाबी

wesportz

Published

on

बिहीबार नापोलीलाई २-० ले हराउदै युभेन्टसलाई सुपर कोपाको उपाधि जित्न मद्धत गरेका क्रिष्चियानो रोनाल्डोले उक्त खेलमा एक गोल गरेका थिए । त्यो एक गोलका कारण ७६० गोल पुर्याएका रोनाल्डोले चेक फुटबलका लेजेण्ड योसेफ बिकान सर्वाधिक गोल गर्ने किर्तीमान पनि तोडेका थिए ।

फुटबलको ईतिहासमै सर्वाधिक गोल गर्ने किर्तीमान बनाएको एक दिन पनि नबितेको अवस्थामा चेक गणतन्त्रको फुटबल संघ फुटबल एसोसिएसन अफ चेक रिपब्लिक(एफएसिआर) ले ट्विट गर्दै रोनाल्डोले बनाएको उक्त किर्तीमान सहि नभएको बताएको छ ।

रोनाल्डोले गरेको ७६० गोल योफेस बिकानको किर्तीमान भन्दा अझै ६१ गोल पछि रहेको बताएको छ । संघले ट्वीट गर्दै लेखेको छ,”फुटबल इतिहासको सर्वश्रेष्ठ गोलकर्ता ? चेक एफएको इतिहास र तथ्यांन्क समितिले महान योसेफ बिकानले गरेको सबै गोल गन्यो र अब हामी आधिकारिक खेलहरूमा उहाँले ८२१ गोल ​​गरेको घोषणा गर्न सक्दछौं।”

चेक फुटबल संघले फिफाले बिकानले दोस्रो डिभिजन खेल्दा गरेको ५३ गोल नगनेको आरोप पनि लगाएको थियो ।

Continue Reading

Headline

लिभरपुलको एन्फिल्डमा ६८ खेल अपराजित यात्रामा बर्नलीको पानी

wesportz

Published

on

६८ खेल,५५ जित,१३ बराबरी र लगभग चार बर्ष पछि, अन्ततः एन्फिल्डको अटुट सपनालाई बर्नलीले तोडिदिएको छ । एन्फिल्डमा गएको चार वर्षमा लिभरपुललाई पराजित गर्ने एक मात्र टोली बर्नाली बन्न पुग्यो । अन्तिम पटक २०१७ मा क्रिस्टल प्यालेसले एन्फिल्डमा जित निकाले पछि एन्फिल्डमा पहिलो पटक जित निकाल्ने टोली बर्नली बनेको हो ।

एशले बार्न्सले पेनाल्टीमा अन्तिम समयमा गोल गरे पछि लिभरपुल निरह देखियो । खेल सकिदा ७ मिनेट बाँकी रहँदा एस्ले बार्नेले पेनाल्टीमार्फत गोल गरेपछि लिभरपुल बर्नलेसँग १–० ले स्तब्ध बन्न पुग्यो ।

पोजेसनमा जती नै आफ्नो पक्षमा राखे पनि फिनिसिङमा लिभरपुल चुक्न पुग्यो । पहिलो हाफभरी नै लिभरपुलको दवाबलाई निकै आरामले डिफेन्ड गरेको बर्नलीका लागि गोलरक्षक निक पोपले पनि राम्रो भूमिका खेले । ३० औँ मिनेटमा जद्रान शाकिरीको प्रहारलाई बर्नलेका गोलरक्षक पोपेले विफल पारे । ४४ औँ मनेटमा डिभोक ओरिगीको प्रहार क्रसबारमा लाग्दा लिभरपुल अग्रता लिनबाट चुक्यो ।

दोस्रो हाफमा पनि उत्तिकै शान्त देखिएको बर्नलीले बिस्तारै लय समाउदै जाँदा लिभरपुलको डिफेन्स भने खस्किन पुग्यो । ८३ औँ मिनेटमा पेनाल्टी गोलमार्फत खेलमा अग्रता लिन पुग्यो । पेनाल्टी बक्समा बल अघि बढाएका एस्ले बार्न्सलाई सुरुवातमा फाविन्हो र त्यसपछि एलिसन बेकरले पालैपालो फाउल गरेपछि रेफ्रीले बर्नलेलाई पेनाल्टी प्रदान गरेका थिए ।

त्यो पेनाल्टीमा बार्न्स चुकेकन् र लिभरपुलको एन्फिल्डमा ८६ खेल अपराजित रहने सपनामा बर्नलीको आँधीबेरीले विश्व फुटबल जगत नै चकित रह्यो ।

लिभरपुलको १९ खेलबाट ३४ अंक छ । शीर्षस्थानको युनाइटेडको ४० तथा दोस्रो र तेस्रो स्थानमा रहेको सिटी र लेस्टरको समान ३८ अंक छ । यद्दपि सिटीको हातमा अझै एक खेल बाँकी छ । यस्तो अवस्थामा यो सिजन लिभरपुल उपाधी होडबाट बहिरिने सम्भावना बलियो रहेको छ ।

यो पनि पढ्नुहोस्: कहाँ गयो एक सिजन अघिको लिभरपुल ?

Continue Reading

Headline

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

wesportz

Published

on

राष्ट्रिय महिला लिग अन्तर्गत बिहीबार भएको पहिलो खेलमा एपिएफले रौतहटको चन्द्रपुर नगरपालिकालाई ६-० गोल पराजित गर्दा दोस्रो खेलमा भने वालिङ नगरपालिका र विराटनगर महानगरपालिकाले १-१ गोलको बराबरी खेलेका छन् ।

सातदोबाटो स्थित एन्फा कम्प्लेक्सको एस्ट्रो ट्रफमा भएको पहिलो खेलमा चन्द्रपुर नगरपालिकालाई ६-० ले हराउदा । नेपाल राष्ट्रिय महिला टोलीकी स्ट्राइकर सावित्रा भण्डारीले ह्याट्रिक गरेकी थिइन । यस्तै अन्य तीन गोल भने कप्तान अनिता बस्नेत,अन्जली कुमारी योन्जन र प्रिती राईले गरेकी थिइन ।

खेलको पहिलो गोल १४ औँ मिनेटमा सावित्राले गरेकी थिइन । मन्जली योन्जनले दिएको पासमा सावित्राले डिबक्स भित्रबाट सहजै गोल गरिन् ।

२२ औंँ मिनेटमा भने एपिएफले दोस्रो गोल गरेको थियो । यो पटक भने अन्जलीले अनिताले दिएको पासमा गोल गरेकी थिइन् । पहिलो हाफमा २-० को अग्रता लिएको एपिएफले दोस्रो हाफमा चारको गरेको थियो ।

खेलको ६२ औँ मिनेटमा सावित्राले व्यक्तिगत दोस्रो गोल गर्दै एपीएफलाई ३-० को अग्रता दिलाईन् । खेलको चौथोँ गोल भने ६४ औं मिनेटमा सावित्राले डिबक्स भित्रबाट मिलाएको बललाई अनिताले गरेकी थिइन । ७२ औँ मिनेटमा सावित्राले व्यक्तिगत तेस्रो गोल गर्दै ह्याट्रिक पुरा गर्दा एपीएफले ५-० को फराकिलो अग्रता लिएको थियो । पाँचौँ गोल ८९ औं मिनेटमा डेब्यु खेलाडी प्रिती राईले गरेकी थिइन् ।

बिहीबारनै भएको दोस्रो खेलमा वालिङ र बिराटनगरले बराबरी खेल्दा वालिङका लागि सम्झना शर्माले गोल गरेकी थिइन भने बिराटनगरका लागि आशा कुमारीले गरेकी थिइन । खेलको दोस्रो मिनेटमै पाएको अग्रतालाई जोगाउन नसक्दा वालिङ बराबरीमा रोकिन पुगेको थियो ।

Continue Reading
राष्ट्रिय3 hours ago

कप्तान सिद्धान्तको अर्धशतकमा प्रदेश १ को मध्यम योगफल

Headline6 hours ago

रोनाल्डोले बिकानको किर्तीमान नतोडेको चेक फुटबल संघको दाबी

Headline7 hours ago

लिभरपुलको एन्फिल्डमा ६८ खेल अपराजित यात्रामा बर्नलीको पानी

Headline20 hours ago

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

राष्ट्रिय24 hours ago

एपीएफसँग पराजित हुँदा गण्डकी पिएम कपबाट बाहिर

Headline1 day ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline1 day ago

तेस्रो डिभिजनको एल्कोयानोसँग रियल म्याड्रिड पराजित

Headline1 day ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline1 day ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline2 days ago

सकियो सन्दिपको दिल्लीसँगको यात्रा

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending