Connect with us

Headline

म्याच फिक्सिङ्ग काण्डदेखि बालोन डि ओरः इटाली लेजेण्ड पाओलो रोस्सीको उतारचढावपूर्ण जीवन

wesportz

Published

on

पहिले डिएगो म्याराडोना, त्यसपछि अर्जेन्टिनालाई २०१४ को बिश्वकप फाइनल पुर्याउने प्रशिक्षक आलेहान्द्रो साबेला र अहिले इटालीका बिश्वकप बिजेता लेजेण्ड फुटबलर पाओलो रोस्सी । बिश्वले एक महिनाको अन्तरमै फुटबलका तीन ठूला नाम गुमाएको छ ।

इटालीलाई १९८२ को बिश्वकप जिताउने रोस्सीको बुधबार राति निधन भयो । ६६ बर्षिय रोस्सी इटालीका सर्वकालीन महान फुटबलरमा गनिन्छन् ।

कस्तो थियो त रोस्सीको उतारचढावपूर्ण फुटबल करिअर ?

अशुभ शुरुवात

रोस्सीले १९७३ मा युभेन्टसबाट व्यवसायिक करिअरको डेब्यु गरे तर उनको शुरुवाती बर्षहरु चोटले बिथोलियो । उनलाई घुँडामा तीन वटा अपरेशन गर्नु परेको थियो । कोमोमा एक सिजन बिताएपछि दोश्रो डिभिजनको टोली भिसेन्जामा १९७६–७७ को सिजनमा उनी राइट विङ्गबाट सेन्टर फर्वार्डको रुपमा खेल्न थाले । यो यति फलदायी रह्यो की रोस्सी त्यो सिजनको सिरी बी को सर्वाधिक स्कोरर बन्दै क्लबलाई माथिल्लो श्रेणीमा पुर्याउन सफल भए ।

अर्को सिजन उनी सिरी आ को पनि सर्वाधिक गोलकर्ता बनेपछि प्रशिक्षक एन्जो बेर्जोटले उनलाई इटालीको १९७८ बिश्वकप टोलीमा समावेश गरे । अर्जेन्टिनामा सम्पन्न बिश्वकप रोस्सीका लागि राम्रो रह्यो । उनले प्रतियोगितामा तीन गोल गरे भने इटाली चौथो भयो ।

टोटोनेरो काण्ड

बिश्वकपमा उत्कृष्ट प्रदर्शन गरेपनि रोस्सीलाई फेरि चोटको समस्याले सतायो । अर्को सिजन भिसेन्जो रेलिगेट भएपछि क्लबले उनका स्टार खेलाडीलाई अर्को सिरी आ टोली पेरुजियामा लोनमा पठायो । पेरुजीया बसाई उनको करिअरको लागि अभिशाप बन्न पुग्यो र यसको कारण थियो उनी टोटोनेरो म्याच फिक्सिङ्ग काण्डमा मुछिनु । उनलाई शुरुवातमा तीन बर्षको प्रतिबन्ध लगायो तर लगातार आफू निर्दोष रहेको दाबी गर्दै आउदा त्यसलाई दुई बर्षमा झारियो ।

प्रतिबन्धित रोस्सीले १९८० को युरो कप गुमाउन पुग्दा इटाली चौथो भएको थियो । तर अर्को सिजनको अन्त्यमा उनलाई युभेन्टसले फेरि क्लबमा भित्र्यायो र १९८१–८२ सिजनको सिरी आ उपाधि बिजेता टोलीको उनी हिस्सा बने भने १९८२ को बिश्वप टोलीमा पनि उनी छनोट भए ।

बिश्वकप उन्माद

आफ्नो लयमा नरहदा रोस्सी र इटालीले १९८२ को बिश्वकपमा निकै सुस्त शुरुवात गर्दै समुह चरणमा लगातार तीन बराबरी खेल्यो । अन्तिम १६ मा अर्जेन्टिनालाई २–१ ले पराजित गरे लगत्तै रोस्सीका लागि उनको करिअरकै सबैभन्दा सम्झनलायक तीन खेल आए । क्वार्टर–फाइनलमा स्टारहरुले भरिएको ब्राजिल टोलीबिरुद्ध ३–२ को जित हात पार्दा रोस्सीले ह्याट्रिक नै गरिदिए ।

सेमिफाइनलमा पोल्याण्डलाई २–० ले पराजित गर्दा पनि इटालीको दुवै गोल रोस्सीकै नाममा थियो भने फाइनलमा वेष्ट जर्मनीलाई ३–१ ले हराउदा पहिलो गोल उनले नै गरेका थिए । ३० दशकपछि पहिलो र इटालीको फुटबल इतिहासको तेश्रो बिश्वकक रोस्सीकै नाममा रह्यो । प्रतियोगितामा ६ गोल गरेका रोस्सीले गोल्डेन बुट, उत्कृष्ट खेलाडीले पाउने गोल्डेन बल र बर्षको बालोन डि ओर पनि जिते ।

हेजेल त्रासदी

बिश्वकपछि रोस्सीले मिचेल प्लाटिनी र बिग्निउ बोनिएकसँग साझेदारी गर्दै युभेन्टसमा अर्को उत्कृष्ट सिजन बिताए । यी तीन खेलाडी चम्किएपछि युभेन्टसले १९८३ को कोपा इटालिया, १९८३–८४ सिजनको इटालियन सिरी आ, युएफा विनर्स कप र १९८४ को युएफा सुपर कप जित्यो । रोस्सीले नै ६ गोल गर्दा युभेन्टस १९८३ को युरोपियन कपको फाइनल पुग्यो तर उपाधिका लागि भएको खेलमा उ जर्मन टोली ह्यामबर्गसँग हार्न पुग्यो ।

रोस्सीको युभेन्टसका लागि अन्तिम खेल भने फुटबल इतिहासकै त्रासदीपूर्ण घटनाले अमिलो बनायो । बेल्जियमको हेजेल रँगशालामा सम्पन्न १९८५ युरोपियन कप फाइनलमा लिभरपुलबिरुद्ध भिडिरहदा दर्शकहरुको तछाड–मछाडले वाल भत्किदा भागदौड मच्चिएपछि ३९ समर्थकहरुले आफ्नो ज्यान गुमाएका थिए । युभेन्टसले १–० ले फाइनल जित्दै पहिलो पटक युरोपियन कपको उपाधि जितेको थियो । रोस्सीले त्यसपछि एक–एक सिजन एसि मिलान र हेलास भेरोनामा बिताउदै १९८७ मा फुटबलबाट सन्यास लिए ।

Headline

‘अब म जर्मनीको लागि कहिल्यै पनि खेल्दिन’

wesportz

Published

on

पुर्व जर्मनी तथा आर्सनल मिडफिल्डर मेसुट ओजिलले अब आफू कहिल्यै पनि जर्मनीको लागि नखेल्ने बताएका छन् ।

बुधबार आफ्नो बाल्यकालको टर्किस क्लब फेनरबाचेसँग साढे तीन बर्षको सम्झौता गर्ने क्रममा ओजिलले जर्मनी प्रति आफ्नो फ्रस्टेसन पोख्ने क्रममा यस्तो भनेका हुन् । “म जर्मन टोलीलाई सफलताको लागि शुभकामना दिन चाहन्छु तर अब देखि म कहिल्यै पनि उनीहरुको लागि खेल्दिन,” फरर टर्किस भाषामा कुरा गर्ने क्रममा ३२ बर्षिय ओजिलले भने ।

ओजिललाई फेनरबाचेले बुधबार नै क्लबको जर्सीमा सार्वजकि गरेको थियो । जर्मनीले २०१४ को बिश्वकप जित्दाका स्टार खेलाडी ओजिलले इङ्गलिस प्रिमियर लिग क्लब आर्सनलसँग तीन पटक एफए कप जितेका थिए ।

तर २०१८ को बिश्वकप अघि जर्मनीमा बिवादास्पद टर्किस राष्ट्रपति रिसेप तइप एर्दोगनसँग तस्विर लिएपछि उनी आलोचनाको शिकार हुन पुगेका थिए । ओजिलले टर्किमै बिहे गर्दा पनि एर्दोगनलाई बेष्ट म्यान बनाएका थिए ।

२०१८ को बिश्वकपमा समुह चरणबाट नै बाहिरिएपछि टर्किस मुलका ओजिलले आफूमाथि नश्लभेदीय टिप्पणी भएको भन्दै राष्ट्रिय टिमबाट सन्यास नै लिएका थिए । २०१९ मा चिनको जिनियाङ प्रान्तमा उइगर मुस्लिम समुदायमाथि भएको बर्बरताको बिरोधमा बोले पछि उनी हप्ताको ३ लाख ५० हजार पाउण्ड लिएर सबैभन्दा महँगो खेलाडी रहेपनि आर्सनलका लागि निकै कम खेलेका थिए ।

आर्सनल आफैले ओजिलको बक्तब्याहरुबाट आफुलाई टाढा राख्दै आएको थियो । ओजिलले फेनरबाचेका लागि आफ्नो पहिलो खेल इस्तानबुल डर्बीमा गालातासारे बिरुद्ध खेल्न सक्नेछन् ।

रियल म्याड्रिड र आर्सनलमा हुँदा लिएको पैसा भन्दा फेनरबाचेमा निकै नै कममा अनुबन्ध भएका उनले एक सिजनको ३० लाख युरो कमाउने छन् ।

Continue Reading

Headline

एएफसी कपको प्ले अफमा आर्मीले श्रीलंका पुलिस विरुद्ध खेल्ने

wesportz

Published

on

नेपाली ए डिभिजन लिग क्लब त्रिभुवन आर्मी फुटबल क्लबले एएफसी कप २०२१ को प्ले अफमा श्रीलंका पुलीस विरुद्ध खेल्ने तय भएको छ ।

एसियाली फुटबल महासंघ (एएफसी) ले बुधबार सार्वजनिक गरेको खेल तालिका अनुसार दक्षिण एसियाको प्ले अफमा आर्मीले श्रीलंका पुलिस विरुद्ध खेल्नु पर्ने छ । आर्मी र श्रीलंका पुलिसबीच अप्रिल ७ मा खेल हुने छ । आर्मीले उक्त खेलमा जित हात पारेको खण्डमा प्लेअफको दोस्रो खेलमा भारतको बेंगलुरु फुटबल क्लबसँग अप्रिल १४ मा प्रतिस्पर्धा गर्नेछ ।

आर्मीले बेंगलुरु फुटबल क्लब विरुद्ध जित निकाले अप्रिल २१ मा हुने प्ले अफको फाइनल खेल खेल्नेछ । प्ले अफ जितेको खण्डमा आर्मीले एएफसी कप २०२१ को समुह डि मा स्थान पाउने छ ।

समुह डि मा भारतको एटीके मोहन बगान, बंगलादेशको बसुन्धरा किंग्स र माल्दिभ्सको माजिया एण्ड रिक्रिएसन रहेका छन् । एएफसी कप २०२१ का समुह चरणका खेलहरु मे १४ बाट सुरु हुने एसियाली फुटबल महासंघले जनाएको छ ।

प्रतियोगितामा देशको लिग बिजेताले खेल्ने भएपछि शहिद स्मारक ए डिभिजन लिग बिजेता मच्छिन्द्र क्लबको ए लाइसेन्स नभएको कारण आर्मीले उसको स्थान लिएको हो । नेपाली ए डिभिजन लिग क्लबहरुमा हाल आर्मीसँग मात्र एसियन फुटबल कन्फेडेरेसनको ए लाइसेन्स रहेको छ । आर्मी लिगको उपबिजेता पनि हो ।

Continue Reading

Headline

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

wesportz

Published

on

डिफेन्डिङ्ग च्याम्पियन नेपाल पुलिस क्लब प्रधानमन्त्री कप राष्ट्रिय एकदिवसीय क्रिकेट प्रतियोगिताबाट बाहिरिएको छ ।

आरिफ शेख खेल्न नसक्ने परिस्थितीबाट पनि मैदान फर्कदै बहादुरीपुर्वक ब्याटिङ्गमा आएको खेलमा पुलिस सेमिफाइनलमा नेपाल एपिएफ क्लबसँग ३० रनले पराजित भयो । पहिलो ब्याटिङ्ग गरेको एपिएफले ५० ओभरमा ९ विकेटको क्षतिमा २ सय ३ रन बनाएको थियो । जवाफमा पुलिस ४९ दशमलव २ ओभरमा १ सय ७३ रनमै समेटियो ।

एपिएफको इनिङ्गसलाई झड्का दिने क्रममा लगातार १० ओभर बलिङ्ग गर्दै तीन विकेट लिएका आरिफ फिल्डिङ्गका क्रममा गोलीगाँठोको नराम्रो चोट लागेपछि एम्बुलेन्समै स्ट्रेचरमा राखेर हस्पिटल लगिएको थियो । उपचारपछि एम्बुलेन्समै मैदान फर्किएका आरिफ पुलिसले १ सय ५७ रनमा ८ विकेट गुमाउदा खुट्टा खोच्याउदै मैदानमा ब्याटिङ्ग गर्न आएका थिए ।

दुई चौका र एक छक्का प्रहार गर्दै १६ रनमा आउट भएका आरिफको खेललाई दर्शकका साथै एपिएफका खेलाडीले पनि सराहना गरेका थिए । टप अर्डरले खराब शुरुवात गर्दा १५ रनमै तीन विकेट गुमाएको पुलिसलाई दिपेन्द्र सिँह ऐरि र अनिल साह (२१) ले ४६ रनको साझेदारी गर्दै सम्हाल्ने प्रयास गरेका थिए ।

तर एपिएफले चाहिएको समयमा विकेटहरु लिदै खेललाई आफ्नो नियन्त्रणमा राखेको थियो । पवन शर्राफले पुलिसको लागि ६१ बलमा सर्वाधिक ४० रन बनाएका थिए भने टिमको अन्तिम आशाको रुपमा रहेका रशिद खानले ५१ ब्लमा ३४ रन बनाए । रशिदले तीन चौका र एक चौका हिर्काएका थिए । दिपेन्द्रले ६९ बलमा ३३ रन बनाए ।

एपिएफका लागि बायाँ हाते स्पिनर भुवन कार्कीले ९ दशमलव दुई ओभरमा मात्र २१ रन खर्चदै चार विकेट लिए । यस्तै कप्तान शरद भेषावकर, कमल सिँह ऐरि र अविनाश बोहोराले २–२ विकेट लिएका थिए ।

यसअघि आरिफले तीन विकेट लिएपछि पहिलो चार विकेट ४३ रनमै गुमाएको एपिएफलाई मिडल अर्डर र लोवर मिडल अर्डरले सम्हालेपछि सम्मानजनक योगफलतर्फ पुगेको थियो ।

संकटमा रहेको एपिएफलाई शंकर राना र सन्दिप जोराले ६४ रनको साझेदारी गर्दै सम्हालेका थिए । प्रतियोगितामा एपिएफ संकटमा रहदा टिमको ब्याटिङ्ग सम्हालेका जोराले ४३ बलमा तीन चौका र एक छक्काको मद्दतमा ३४ रन बनाए ।

शंकर र अमर सिँह रौटेला (४) आउट भएरपछि १ सय ४४ रनमा ७ विकेट गुमाएको एपिएफलाई भुवनले आठौं विकेटका लागि कमल सिँह ऐरि (१९) सँग ३८ रनको साझेदारी गर्दै २ सय रन नजिक पुर्याए । भुवनले ५६ बलमा दुई छक्का र एक चौकाको मद्दतमा ४२ रन बनाए ।

एपिएफका लागि शंकरले ९६ बलमा ४४ रन जोडेका थिए । उनको इनिङ्गसमा चार चौका सामेल थियो । आरिफले १० ओभरमा मात्र ३१ रन खर्चेर तीन विकेट लिएका थिए ।

Continue Reading
Headline2 hours ago

‘अब म जर्मनीको लागि कहिल्यै पनि खेल्दिन’

Headline3 hours ago

एएफसी कपको प्ले अफमा आर्मीले श्रीलंका पुलिस विरुद्ध खेल्ने

Headline9 hours ago

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

Headline9 hours ago

बिराटनगरको पहिलो जितमा कुसुमको ह्याट्रीक

Headline10 hours ago

थोमस टुचेलः पावर गेम र दूरदर्शी

Headline13 hours ago

एपिएफले पुलिसलाई दियो २ सय ४ रनको चुनौतिपुर्ण लक्ष्य, आरिफ घाइते

Headline18 hours ago

प्रिमियर लिगमा सिटी यो सिजन पहिलो पटक शिर्षमा उक्लियो

Headline1 day ago

रियल र बार्सिलोना अझै पनि सर्वाधिक आम्दानी गर्ने क्लबको सुचिमा कायम

Headline1 day ago

रेड कार्डले प्रतिबन्ध व्यहोरेका मेस्सी बार्सिलोना टोलीमा फर्किए

Headline1 day ago

युएईका पुर्व कप्तान नाभिद र साइमन अनवरलाई आजीवन प्रतिबन्ध लाग्न सक्ने

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending