Connect with us

Headline

नेमारको लोभलाग्दो खेल

wesportz

Published

on

ब्राजिलियन स्टार स्ट्राइकर नेमारले आफ्नो उत्कृष्ट प्रदर्शन दिएपछि पेरिस सेन्ट जर्माइनले बुधबारका लागि स्थगित भएको इस्तानबुल बसकसेहिरबिरुद्धको खेलमा ५–१ को जित हात पारेको छ ।

अघिल्लो संस्करणको सेमिफाइनलिस्ट आरबी लाइपजिग र म्यानचेस्टर युनाइटेड रहेको कठिन समुह एचमा नेमार टोलीलाई प्रि–क्वार्टरफाइनल तर्फ डोर्याउन दृढ देखिन्थे । उनले ह्याट्रिक गर्नुका साथै फ्रेञ्च स्टार किलियन एमबाप्पेले अर्को दुई गोल गरेपछि पिएसजीले उत्कृष्ट जित हात पार्यो ।

पिएसजी र आरबी लाइपजिगको समान १२ अंक रुह्यो भने फ्रेञ्च लिग वान डिफेन्डिङ्ग च्याम्पियन गोल अन्तरको आधारमा समुह बिजेता बन्यो । मङ्गलवार सहायक रेफ्रिले इस्तानबुलका सहायक प्रशिक्षक पिएरे वेबोलाई रँगभेद टिप्पणी गरेपछि १५ औं मिनेटमा स्थगित भएको थियो ।

बुधबार त्यही समयबाट खेल सुचारु गर्नुअघि सबै खेलाडीसँगै तीन रेफ्रिहरुले पनि रँगभेदबिरुद्ध घुँडा भुइमा राखेर ऐक्यबद्धता जनाएका थिए ।

तर नेमारको प्रदर्शन रँगभेदको घटनालाई नै बिर्साउने किसिमको थियो । इस्तानबुल डिफेन्डर पोंकलाई नटमेग गर्दै लगेको बलमा गोल गरेपछि नेमारले पिएसजीलाई २१ औं मिनेटमा अग्रता दिलाएका थिए । ३८ औं मिनेटमा काउन्टर अट्याकमा नेमारको प्रहारमा इस्तानबुल गोलकिपर गुनोकको हात पुगेपनि गोल हुनबाट बचाउन भने सकेनन् ।

दोश्रो हाफमा एन्जल डि मारियासँग वान टु पास खेल्दै बक्स बाहिरबाट गरेको प्रहार दर्शनीय गोलमा परिणत भएको थियो । उनको ह्याट्रिक गोल पहिलो गोलको कार्बन कपी जस्तै थियो । एमबाप्पेले ६२ औ मिनेटमा आफ्नो दोश्रो गोल गर्दा नेमारले नै पेनाल्टी जितेका थिए ।

बुधबार ह्याट्रिक पुरा गर्दा नेमार च्याम्पियन्स लिग इतिहासमा दुई फरक क्लबका लागि २० भन्दा बढी गोल गर्ने एक मात्र खेलाडी पनि बनेका छन् । उनले यसअघि बार्सिलोनाका लागि २० भन्दा बढी च्याम्पियन्स लिग गोल गरेका थिए ।

Headline

रोनाल्डोको युभेन्टसलाई शान्त पार्दै इन्टरको महत्वपूर्ण जित

wesportz

Published

on

चिर प्रतिद्वन्दी युभेन्टसलाई पराजित गर्दै इन्टर मिलानले अर्को शहरी प्रतिद्वन्दी एसि मिलानसँग इटालियन सिरी आ मा शिर्ष स्थानमा अंक बराबरी गरेको छ ।

निकोलो बरेला एक गोल गर्नुका साथै अर्कोमा असिस्ट गरेपछि क्रिष्चियानो रोनाल्डोको युभेन्टस सिजनकै निर्णायक साबित हुन सक्ने खेलमा २–० ले हार्न पुग्यो । शिर्ष स्थानमा समान ४० अंक रहदा एसि मिलान गोल अन्तरको आधारमा अग्रतामा रहेको छ । यद्दपि इन्टरले एक खेल बढी खेलेको छ ।

आइतबार नै फियोरेन्टिनालाई आधा दर्जन गोल हानेको नापोली र एएस रोमाको समान ३४ अंक रहेको छ । यो सिजनको दोश्रो हार व्यहोरेको युभेन्टस ३३ अंक सहित पाचौं स्थानमा रहेको छ । लगातार ९ पटकको डिफेन्डिङ्ग च्याम्पियन युभेन्टसको ६ बराबरी पनि रहेको छ ।

सान सिरोमा आफ्नो आकर्षक खेल पस्कन असफल रहेको युभेन्टस सोमबार एसि मिलानले काग्लियारीलाई हारउने हो भने १० अंकले पछि पर्न सक्छ । उसको लागि एक मात्र सकारात्मक कुरा के हो भने युभेन्टसले एक खेल कम खेलेको छ ।

युभेन्टसलाई २०१३ देखि २०१४ सम्म लगातार तीन उपाधि जिताका हालका इन्टर प्रशिक्षक एन्टोनियो कोन्टेले आफूले सम्हालेको पुर्व क्लबबिरुद्ध पछिल्लो दुई सिजन जित निकाल्न सकेका थिएनन् । कोन्टे २०१९ मा इन्टर मिलान गएका थिए ।

पछिल्लो चार बर्षमा हराउन नसकेको प्रतिद्वन्दीबिरुद्धको लोभ लाग्दो जितले इन्टरलाई अब २०१० पछि पहिलो पटक इटालियन लिग जित्ने आशा पनि बढेको छ । इन्टरले २०१५ यता भएका ७ खेलमा युभेन्टसलाई हराउन सकेको थिएन । उसले पाँचमा हार व्यहोरेको थियो भने दुई खेलमा बराबरी गरेको थियो ।

युभेन्टसका लागि २०११–१२ देखि २०१४–१५ सम्मको सिजनमा चार उपाधि जितेका आर्टुरो भिडालले आफ्नो पुर्व क्लबबिरुद्ध बरेलाको पासमा हेडरमार्फत १२ मिनेटमै अग्रता दिलाएका थिए । दोश्रो हाफ शुरु भएको सात मिनेटपछि नै बरेलाले डिफेन्डर आलेसान्द्रो बास्टोनीको बल कलेक्ट गर्दै उत्कृष्ट दौड लगाउदै दर्शनीय गोल गरेका थिए ।

युभेन्टसका पोर्चुगिज सुपरस्टार क्रिष्चियानो रोनाल्डोले शुरुवातमै गरेको गोल अफ साइड दिन बाहेक टुरिन क्लबका लागि अन्य केही उल्लेखनीय मुभहरु थिएन । आफ्नो घरेलु मैदानमा इन्टरले रोनाल्डोलाई कुनै पनि मौका दिएको थिएन । लउटारो मार्टिनेज र रोमेलु लुकाकुले गोल गर्ने मौका नगुमाएको भए इन्टरको जित अझै फराकिलो हुने थियो ।

Continue Reading

Headline

मेस्सीलाई बार्सिलोना करिअरमा पहिलो रेड कार्ड, बिल्बाओलाई स्पेनिस सुपर कप

wesportz

Published

on

लियोनल मेस्सीले बार्सिलोनासँगको व्यवसायिक करिअरमै पहिलो पटक रेड कार्ड खाँदा एथ्लेटिक बिल्बाओले स्पेनिस सुपर कपको उपाधि जितेको छ ।

आइतबार राति भएको फाइनलमा बिल्बाओले ३–२ को जित हात पार्यो । इनाकी विलियम्सले अतिरिक्त समयमा गोल गर्दै बिल्बाओले पुनरागमन जित हात पारेको हो । बार्साका लागि ७ सय ५३ औं खेल खेलिरहदा मेस्सीले आफूलाई मुक्त गर्ने प्रयास गरिरहदा आफ्नो नियन्त्रण गुमाइ एजियर भिलालिब्रेलाई हातले टाउकोमा हानेको देखिएको थियो ।

भिडियो असिस्टेन्ट रेफ्रिको सहयोगमा मेस्सीको फउल देखिएपछि उनलाई रेड कार्ड दिइएको थियो । तर त्यो समयसम्ममा बार्सालाई खेलमा फर्किने समय लगभग समाप्त भइसकेको थियो ।

मेस्सीले यसअघि करिअरमा दुई पटक मात्र रेड कार्ड खाएका थिए, दुवै पटक अर्जेन्टिनाको जर्सीमा खेल्दा मात्रै । २००५ मा राष्ट्रिय टोलीका लागि डेब्यु गरेको खेलमा नै उनले रेड कार्ड खाएका थिए भने अर्को रेड कार्ड २०१९ को कोपा अमेरिकामा रहेको थियो ।

आइतबारको रेड कार्डले उनलाई अलि लामो प्रतिबन्ध पनि लाग्न सक्छ ।

खेलको ४० औं मिनेटमा बार्साले एन्टोइन ग्रिजमनको गोल मार्फत अग्रता लिएको थियो तर त्यसको दुई मिनेटपछि नै ओस्कार डे मार्कोसले बराबरी गोल गरेका थिए । ७७ औं मिनेटमा ग्रिजमनले पुन बार्साको अग्रता फर्काएपनि ९० औं मिनेटमा भिलालिब्रेले खेललाई अतिरिक्त समयमा धकेलेका थिए ।

अतिरिक्त समयको तेश्रो मिनेटमै विलियम्सले गोल गरेपछि बिल्बाओले १९८५ पछि आफ्नो पहिलो उपाधि जित्न सफल भएको थियो । टिमको लागि जे गर्यो त्यो हिसाबले यो मेरो करिअरकै सबैभन्दा उत्कृष्ट गोल हो, विलियम्सले खेलपछि भने ।

बिल्बाओको यो तेश्रो सुपर कप उपधि हो । १९८४ मा पहिलो उपाधि जितेको बिल्बाओले २०१५ को फाइनलमा पनि बार्सिलोनालाई नै पराजित गरेको थियो । बार्सिलोनाले भने १५ औं सुपर कप उपाधि जित्ने मौका गुमाएको हो ।
फिटनेस समस्याका कारण फाइनल खेल्ने शंका रहदा मेस्सीलाई प्रशिक्षक रोनाल्ड कोमनले रियल सोसिडाडबिरुद्धको फाइनलमा खेलाएका थिएनन् । तर मेस्सी आइतबार उपस्थित हुदै ग्रिजमनको पहिलो गोलका लागि असिस्ट समेत गरेका थिए । यद्दपि मेस्सी आफ्नो उत्कृष्ट खेलभन्दा निकै पर रहेका थिए ।

Continue Reading

Headline

प्रिन्सको घरेलु ब्याडमिन्टनमा छलाङ्ग

wesportz

Published

on

प्रिन्स दाहाल एक दिन अघि एसियाको जुनियर बरियतामा तेश्रो बरियतामा उक्लदै नयाँ कोशेढुँगा चुमेका प्रिन्स दाहालले घरेलु ब्याडमिन्टनको ठूलो प्रतियोगितामा पहिलो पटक उपाधि जितेका छन् ।

सिल्क ग्रुपका लागि खेल्दै आएका प्रिन्सले आइतबार योनेक्स सनराईज १० औं पुष्पलाल स्मृती राष्ट्रिय र्याङ्किङ्ग प्रतियोगिताको उपाधी उचाले । सेमिफाईनलमा शिर्ष बरियताका रत्नजितलाई पराजित गरेका प्रिन्सले शिर्ष १६ पुरुष एकलको फाईनलमा एपिएफका दिपेश धामीमाथी २१–१८, २१–१३ को जित निकाल्दै पहिलो पटक उपाधि जित्न सफल भए ।

ब्याडमिन्टन एसिया कन्फेडेरेसनले शनिबार निकालेको बरियतामा एसियाको नम्बर तीन स्थानमा उक्लिएका प्रिन्सको लागि राष्ट्रिय स्तरमा पनि यो ठूलै उपलब्धि हो ।

आइतबार गोलबजार कभर्डहलमा भएको महिलाको शिर्ष १२ को प्रतिस्पर्धामा राष्ट्रिय च्याम्पियन सेनाकी रशिला महर्जनलाई पराजित गर्दै एपिएफकी जेशिका गुरुङ्गले उपाधी उचालिन । पहिलो सेटमा १८–२१ ले पछि परेकी जेसिकाले दोश्रो र तेश्रो सेट २१–१५, २२–२० ले जितेकी थिइन् ।

जेशिकाको यो पुष्पलाल मेमोरियल ब्याडमिन्टनमा दोश्रो उपाधी हो । यस अघि ईटहरीमा भएको सातौ पुष्पलाल स्मृतीमा पनि जेशिकाले उपाधी उचालेकी थिईन् ।

राष्ट्रिय ब्याडमिन्टन संघ नेपाल र गोलबजार नगरपालिकाको संयुक्त आयोजनामा भएको पुरुष शिर्ष १६ बरियता बाहेकको एकलको प्रतिस्पर्धामा कैलालीका देवराज रानाले बाजी मारे । उनले सेनाका दिवश शंकरलाई १५–२१, २१–१८, २१–१६ ले पराजित गर्दै उपाधी जिते । यस्तै शिर्ष १२ बरियता बाहेकको महिला एकलको उपाधि कैलालीकी प्रार्थना देउवाले जितिन् । देउवाले झापाकी अञ्जना राईलाई २१–९, २१–१३ ले पराजित गरिन् ।

Continue Reading
Headline3 hours ago

रोनाल्डोको युभेन्टसलाई शान्त पार्दै इन्टरको महत्वपूर्ण जित

Headline3 hours ago

मेस्सीलाई बार्सिलोना करिअरमा पहिलो रेड कार्ड, बिल्बाओलाई स्पेनिस सुपर कप

Headline4 hours ago

प्रिन्सको घरेलु ब्याडमिन्टनमा छलाङ्ग

राष्ट्रिय15 hours ago

स्लिपबाट पारसले थर्ड म्यान दिपेशलाई सोधेः “ओरिजिनल घडी हो ?”

Headline18 hours ago

अनिलको आकर्षक इनिङ्गसमा आर्मीको लगातार दोश्रो जित

Headline20 hours ago

डिफेन्डिङ्ग च्याम्पियन पुलिस बागमतीसँग ७ विकेटले पराजित

Headline22 hours ago

बागमतीबिरुद्ध डिफेन्डिङ्ग च्याम्पियन पुलिस १ सय ११ मै अल आउट

Headline23 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline23 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline1 day ago

पोचेटिनोको अनुपस्थितिमा पिएसजी लिग वानको शिर्ष स्थानमा

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending