Headline
लिड्सलाई हराउदै चेल्सी शिर्ष स्थानमा, युनाइटेडको वेष्ट ह्याम माथि उत्कृष्ट पुनरागमन
Published
3 years agoon
By
wesportzलिड्स युनाइटेडलाई ३-१ ले हराउदै चेल्सी प्रिमियर लिगको शिर्ष स्थानमा उक्लिएको छ ।
चेल्सीको जितमा ओलिभर जिरुड,कर्ट जोउमा र क्रिष्चियन पुलिसिचले गोल गरेका थिए । लिड्सका लागि भने प्याट्रिक बामफोर्डले एक गोल गरेका थिए ।
खेलमा पहिलो गोल लिड्सले गरेको थियो । खेलको चौथोँ मिनेटमै लिड्सले प्याट्रिक बामफोर्डको गोलमा अग्रता लिएको थियो । केल्भिन फिलिप्सले दिएको थ्रु पासलाई सदुपयोग गर्दै बामफोर्डले लिड्सलाई १-० को अग्रता दिलाएका थिए । गोल खाए पछि लगातार आक्रमण गरेको चेल्सीले त्यसको पाँच मिनेट पछि राम्रो मौका गुमाउन पुग्यो । मेसन माउण्टले प्रहर गरेको क्रसलाई टिमो वर्नरले गोललाइनबाटै पनि गोल गर्न सकेनन् । एक गोलले पछि परेको स्थितीमा पनि राम्रो मुभ बनाएको चेल्सीले २७ औँ मिनेटमा बराबरी गोल फर्काएको थियो । चेल्सीका लागि रिएस जेम्सको क्रसमा ओलिभर गिरुडले गोल गर्दै खेल १-१ को बराबरीमा ल्याएका थिए ।
पहिलो हाफ १-१ को बराबरीमा सक्किएको खेलमा दोस्रो हाफमा भने लिड्स माथि चेल्सी भारी बन्न पुग्यो । चेल्सीले ६१ औँ मिनेटमा दोस्रो गोल गर्दै खेलमा २-१ को अग्रता लिना सफल भएको थियो । मेसन माउण्टको क्रसमा कर्ट जोउमाले सिधै हेडेइङ गोल गरेका थिए । दोस्रो हाफमा लगतार मुभ बनाएको चेल्सीका लागि टिमो वर्नरले सोचे अनुरुप प्रदर्शन गर्न नसके पनि ९० मिनेट पछि थपिएको इन्जुरी टाइममा भने वर्नरको पासमा क्रिष्चियन पुलिसिचले गोल गर्दै चेल्सीलाई ३-१ को जित दिलाएका थिए ।
अर्को खेलमा भने म्यानचेस्टर युनाइटेडले १-० ले पछि परेको स्थितीलाई उल्टाउदै वेष्ट ह्याम माथि ३-१ को जित हात पारेको छ ।
वेष्ट ह्यामका लागि टोमस सुचेकले एक गोल गरेका थिए भने युनाइटेडले दोस्रो हाफमा तीन गोल फर्काएको थियो । युनाइटेडका लागि पाउल पोग्बा,म्यासन ग्रिनवुड र मर्कस रासफर्डले गोल गरेका थिए ।
खेलमा पहिलो गोल पहिलो हाफको ३८ औँ मिनेटमा वेष्ट ह्यामले गरेको थियो । कर्नरबाट आएको बललाई डेक्लेन राइसले टाउकोले हल्का फ्लिक गर्दिए पछि मिलेको पासलाई सुचेकले गोल गरेका थिए । खेलमा पहिले १५ औँ मिनेटमा पनि राम्रो गोल गर्ने मौका गुमाएको वेष्ट ह्यामले पहिलो हाफमा राम्रो प्रदर्शन गरेको थियो ।
तर वेष्ट ह्यामका लागि दोस्रो हाफ भने त्यती राम्रो रहेन । दोस्रो हाफमा वेष्ट ह्यामले आफ्नै गल्तीका कारण तीन गोल खान पुगेको थियो । दोस्रो हाफ सुरु हुने समयमा पहिलो हाफमा बेन्चमा बसेका ब्रुनो फर्नानडेज मैदानमा उत्रिए पछि युनाइटेडको खेल नै पुरै परिवर्तन भएको थियो । युनाइटेडले ६५ औँ मिनेटमा बराबरी गोल गरेको थियो । उनले ब्रुनो फर्नानडेजको पासमा गरेको प्रहारलाई रोक्ने वेष्ट ह्यामका गोलरक्षक फाबियान्स्कीले कुनै मौका नै पाएनन् ।
त्यको तीन मिनेट पनि बित्न नपाउदै युनाइटेडले फेरी अर्को गोल गर्यो । यो पटक भने युनाइटेडका लागि म्यासन ग्रिनवुडले गोल गरेका थिए । युनाइटेडले तेस्रो तथा बिजयी गोल भने ७८ औँ मिनेटमा गरेको थियो । युनाइटेडका लागि मार्कस रासफोर्डले गरेको प्रहार गोलमा प्ररिणत हुँदा युनाइटेडले लगातर पाँच अवे खेलमा जित निकाल्न सफल भएको हो ।
यस्तै अन्य खेलहरुमा बर्नली र एवर्टनले १-१ को बराबरी खेलेका छन् भने म्यानचेस्टर सिटीले फुलह्यामलाई २-० ले हराएको छ ।
खेलहरुसँगै २२ अंकका साथ चेल्सी शिर्ष स्थानमा रहेको छ भने एक खेल काम खेलेका टोटनह्याम र लिभरपुल दोस्रो र तेस्रो स्थानमा रहेका छन् । युनाइटेड वेष्ट ह्यामलाई हराउदै चौँथो स्थानमा उक्लिएको छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।