Connect with us

Headline

प्रशिक्षकहरुलाई बर्खास्त गर्नमा पनि बिश्व च्याम्पियन ब्राजिल

wesportz

Published

on

कोरोना भाइरसको महामारीका कारण ब्राजिलमा बेरोजगारी दर ह्वात्तै बढेको छ । तर पाँच पटकको बिश्वकप बिजेता ब्राजिलले अर्को एउटा किर्तिमान पनि कायम गरेको छ – सबैभन्दा बढी प्रशिक्षकहरुलाई बर्खास्त गर्ने ।

ब्राजिलको प्रथम श्रेणी फुटबलमा अहिले निरन्तर प्रशिक्षकहरु चार म्याचको खराब नतिजापछि नै बर्खास्त हुन थालेका छन् । यो बर्ष ब्राजिलमा सबैभन्दा धेरै प्रशिक्षकहरु बर्खास्त भएका छन् । सिजनको २३ औं चरणको खेलहरु चलिरहदा २२ प्रशिक्षकहरुले आफ्नो जागिर गुमाइसकेका छन् ।

प्रशिक्षकलाई बर्खास्त गर्ने दौडमा अंक तालिकाको पुछारतिर रहेका क्लबहरु मात्र छैनन् । तीन हप्ता अघि ब्राजिलियन प्रथम श्रेणी बिजेता र दक्षिण अमेरिकी क्लब फुटबल च्याम्पियन फ्लेमिङ्गोले पनि आफ्ना प्रशिक्षक डोमेनेक टोरेन्टलाई बर्खास्त गर्यो ।

म्यानचेस्टर सिटी व्यवस्थापक पेप ग्वार्डियोलासँग लामो समयका लागि सहायकको रुपमा काम गरेका टोरेन्टले क्लब सम्हालेको जम्मा तीन महिना भएको थियो । फ्लेमिङ्गो ब्राजिलियन लिगको अंक तालिकामा मात्र एक अंकले तेश्रो स्थानमा रहे पनि स्पेनिस टोरेन्ट बर्खास्ता गरिएका थिए ।

रोजेरो सेनीले टोरेन्टको स्थान लिए तर यसै साता फ्लेमिङ्गोलाई उनले दक्षिण अमेरिकी च्याम्पियन्स लिग कोपा लिबेर्टाडोरेसमा बाहिरिनबाट बचाउन सकेनन् । अर्जेन्टिनी क्लब रेसिङ्गसँग पेनाल्टीमा पराजित भएपछि फ्लेमिङ्गो उपाधि रक्षाबाट बाहिरिएको थियो ।

फ्लेमिङ्गोले बर्खास्त गरेका डोमेनेक टोरेन्ट

माथिल्लो श्रेणीमा रहेका २० क्लबमध्ये पाँच क्लबहरुले मात्र आफ्नो प्रशिक्षक परिवर्तन गरेका छैनन् । भर्खरै गरिएको एक अध्ययनमा ब्राजिलको प्रथम श्रेणीको लिगले संसारमा सबैभन्दा बढी प्रशिक्षक बर्खास्ता गर्ने गरेको छ ।

जर्मन स्पोर्ट युनिभर्सिटी कोलोनले २०१३ देखि २०१८ सम्मको अवधिमा ब्राजिलियन लिगले गर्ने गरेको प्रशिक्षकहरुको बर्खास्तगीको बिषयमा अध्ययन गरेको थियो ।

ब्राजिलमा हरेक सिजन औषतमा ३७ दशमलव १ प्रतिशत प्रशिक्षकहरु बर्खास्त हुने गरेका छन् भने त्यस पछाडी अर्जेन्टिना (२१ प्रतिशत), बेलायत (१० प्रतिशत) र फ्रान्स (४ दशमलव ९) प्रतिशत रहेका छन् ।

फुटबल संस्कृतिमा परिवर्तन

अध्ययनका अनुसार लगातार चार खेलमा पराजित हुने हो भने मात्रै पनि क्लबहरु प्रशिक्षक बर्खास्त गर्ने तयारी थाल्छन् । कोपा लिबेर्टाडोरेसबाट बाहिरिने हो भने त झन बर्खास्त हुने सम्भावना ५ सय ६० प्रतिशत रहने गर्छ ।

“क्लबहरुले चार म्याचको प्रदर्शनलाई नै बिश्लेषण गर्ने आधार मान्दै प्रशिक्षकको भविष्य निर्धारण गर्ने गरेको तथ्यले के थाहा हुन्छ भने ब्राजिलियन क्लबहरुमा ‘शर्ट–टर्म लजिक’ हावी हुन थालेको छ,” अध्ययनले निष्कर्ष निकालेको छ ।

अध्ययन भएका अवधिमा ठूला क्लबहरु मध्ये फ्लेमिङ्गोले प्रति सिजन १ दशमलव ९ प्रशिक्षक प्रयोग गरेको छ भने साओ पाओलो र पाल्मेरासले १ दशमलव ६ ।
आफ्ना खेलाडीहरुलाई निकै छोटो अवधिमै युरोपमा बेच्ने गरेको कारण ब्राजिलमा प्रशिक्षकको काम निकै कठिन हुने गरेको छ । गत जनवरीमा आफ्ना स्पेनि डिफेन्डर पाब्लो मारीलाई आर्सनलमा बेचे यता फ्लेमिङ्गको परिवर्तित क्लब भइसकेको छ ।

“हामीले हाम्रो संस्कृतिमा परिवर्तन ल्याउन आवश्यक छ । क्लबका अध्यक्षहरु किन प्रशिक्षक नियुक्त गर्ने र बर्खास्त गर्ने गरिरहेका छन् भन्ने ज्ञान हुनुपर्छ,” ब्राजिलियन फुटबल कमेन्टेटर पाउलो भिनिसियस कोएलो भन्छन् ।

क्लबहरुले बसालेको संस्कृति बिपरित भने ब्राजलियन राष्ट्रिय टोलीमा यस्तो नभएको लामो समय भइसक्यो । २०१८ को बिश्वकपमा बेल्जियमसँग हार्दै क्वार्टर–फाइनलमा पराजित भएपनि राष्ट्रिय टोलीका प्रशिक्षक टिटे २०१६ देखि आफ्नो पदमा कायम छन् । उनले केही समयअघि २०२२ सम्मको लागि नयाँ सम्झौता समेत गरेका छन् ।

१९७८ मा क्लाउडियो काउटिन्होपछि बिश्वकपमा हार वा जित ब्यहोरेपनि आफ्नो पदमा कायमै रहने टिटे अपवादको रुपमा रहेका छन् । टिटेका सहायक क्लेबर जेभियर प्रशिक्षकहरुको आउने जाने श्रृंखला कायम रहनु ब्राजिलियन फुटबल सबैभन्दा ठूलो समस्या रहेको बताउदै आएका छन् ।

कहिले यता, कहिले उता

ब्राजिलको प्रथम श्रेणी फुटबलमा एउटै क्लबमा लामो समय बसिरहने गरेको औषत जम्मा ६५ दिन रहेको छ । तर बर्खास्त भएका प्रशिक्षकहरु भने लामो समयसम्म बेरोजगार भने रहने गरेका छैनन् । औषतमा १० प्रशिक्षकहरुले हरेक सिजन दुई फरक क्लबहरुलाई प्रशिक्षण दिने गरेका छन् ।

रोजेरो सेनीले तीन बर्षको अन्तरालमा चार पटक क्लब परिवर्तन गरिसकेका छन्

गोलकिपरको रुपमा १ सय ३२ गोल गर्ने बिश्व किर्तिमान कायम गरेका फ्रि किक र पेनाल्टी स्पेसियलिस्ट पुर्व साओ पाओलो खेलाडी सेनी एक राम्रा उदाहरण हुन् । उनी आफ्नो पुरानो क्लबमा प्रशिक्षण गर्न भनेर २०१७ मा नयाँ करिअरको शुरुवात गरे तर ६ महिना र ३७ दिन मात्रै टिके ।

त्यसपछि उनले फोर्टालेजाको बागडोर सम्हाल्दै टिमलाई प्रथम श्रेणीमा पुर्याए र क्रुजेरो क्लबमा पुगे । तीन महिनापछि नै उनलाई क्रुजेरोले बर्खास्त गर्यो र फेरि फोर्टालेजाले बोलाउदा खुशी साथ गए । फ्लेमिङ्गोले टोरेन्टलाई बर्खास्त गरेपछि सेनीले फोर्टालेजा पनि छोड र फ्लेमिङ्गोको मुख्य प्रशिक्षक भए ।

उनले फ्लेमिङ्गो कहिले छोड्ने छन् अथवा कहिले बर्खास्त हुने छन् यसलाई धेरै समय नलाग्न पनि सक्छ । “प्रशिक्षकहरु छोटो अवधिमै नियुक्त र बर्खास्त हुनु भनेको खेलाडीको बिकास र टिमको गुणस्तरका लागि निकै नराम्रो हो,” ब्राजिलका १९७० का बिश्वकप बिजेता फर्वार्ड टोस्टाओ एक कोलममा लेख्छन् ।

“लिगले यसलाई नियमन गर्नुपर्छ तर क्लबहरु यो हुन दिन चाहदैनन् ।”

Headline

सकियो सन्दिपको दिल्लीसँगको यात्रा

wesportz

Published

on

इन्डियन प्रिमियर लिग (आईपीएल) टोली दिल्ली क्यापिटल्सले नेपाली राष्ट्रिय टोलीका लेग स्पिनर सन्दिप लामिछानेलाई फुकुवा गरेको छ । आगामी संस्करणको लागि दिल्लीले सन्दिप बाहेक इंग्ल्यान्डका ओपनर जेसन रोय र भारतका तिब्र गतिका बलर मोहित शर्मालाई पनि फुकुवा गरेको छ ।

सन् २०१८ को संस्करणमा तीन बर्षका लागि २० लाख भारतीय रुपैयाँ दिल्लीमा आबद्ध भएका सन्दिपलाई सन् २०२१ संस्करणको लागि दिल्लीले आफ्नो टोलीमा नराख्ने निर्णय लिएको हो । फेब्रुअरीमा हुने अक्सनको लागि टोलीहरुले खेलाडी फुकुवा गर्ने र खेलाडीहरुलाई आफ्नो टोलीमा राख्ने नाम आज सार्वजनिक गरेका हुन् ।

सन् २०१८ र सन् २०१९ को संस्करणमा कुल नौं खेल खेलेका सन्दिपले यस सिजन भने एक खेलमा पनि खेल्ने मौका पाएनन् । आफ्नो पहिलो सिजन तीन खेल खेल्ने मौका पाएका सन्दिपले पाँच विकेट हात पारेका थिए भने दोश्रो संस्करणमा छ खेल खेल्ने मौका पाउँदा आठ विकेट आफ्नो नाममा दर्ता गराएका थिए ।

आगामी संस्करण खेल्नका लागि सन्दिपलाई अन्य टोलीले अक्सनबाट आफ्नो टोलीमा समावेस गर्न पर्ने हुन्छ ।

Continue Reading

Headline

बिभागिय डर्बीमा पुलिस र आर्मीको बराबरी

wesportz

Published

on

राष्ट्रिय महिला फुटबल लिगको उद्घाटन खेलमा नेपाल आर्मी फुटबल क्लब र नेपाल पुलिस फुटबल क्लबले गोलरहित बराबरी खेलेका छन् । नेपाल पुलिसको सम्हालिएको डीफेन्सलाई तोड्न आर्मी असफल जस्तै रह्यो । पोजेसन आफ्नो पक्षमा पारे पनि आर्मीलाई नेपाल पुलिसले खुल्ने मौका दिएको थिएन ।

तेस्रो मिनेटमा आर्मीकी बिमला चौधरीले १८ यार्ड बक्स बाहिरबाट गरेको प्रहार पुलिसकी गोलकिपर सपना राईले रोकिदिइन ।

पाचौँ मिनेटमा आर्मीकी सपना लामाले ५ यार्ड बक्स नकिजबाट गरेको प्रहारले दिशा लिन सकेन। यस्तै सपनाले १३औं मिनेटमा पेनाल्टी एरिया बाहिरबाट गरेको प्रहार बाहिरिएको थियो ।

१६औं मिनेटमा पुलिसकी रन्जिता गुरुङले दायाँतर्फ बाट गरेको क्रसमा निरु थापाको ट्याप इन आर्मीकी गोलकिपर अन्जना राना मगरले बचाएकी थिइन् । १९औं मिनेटमा फेरि पनि पुलिसकी निर्मला बिकलाई आर्मीकी रक्षक सुनिता चौधरीले फाउल गरेपछि फ्रिकिक पाएको थियो ।

३० औँ मिनेटमा पुलिसकी निरु थापाले पेनाल्टी एरिया भित्रबाट गरेको प्रहार फ्रेममा नपर्दा पुलिस आग्रता लिनबाट चुक्यो ।

४४ औँ मिनेटमा आर्मीकी सपना लामाले खाली पोष्टमा गरेको प्रहार आफ्नै टोलीकी सुनिता चौधरीलाई लागेर फर्किदा पहिलो हाफ गोलरहित बराबरीमा सकिएको थियो ।

दोस्रो हाफमा पनि दुवै टोलीले गोल गर्न सकेनन् । ७१ औँ मिनेटमा आर्मीको इन्दिरा राइले गरेको प्रहार सपना राइले राम्रो बचाएकी थिइन। ८१ औँ मिनेटमा आर्मीको अर्को प्रहारलाई पुलिसकि मनि गुरुङले गोललाइनबाट किल्यर गरेकी थिइन । ८७ औँ मिनेटमा आर्मीकि रष्मी घिसिङको प्रहर पोस्टबाट थोरै बहिरिएको थियो । यस खेलसँगै दुवै टोलीले अंंक बाढेका छन् ।

Continue Reading

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading
Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending