Connect with us

Headline

ए–लिग खुम्चिदै जादा अष्ट्रेलियन फुटबलरहरुको जमात आईएसएल खेल्न भारतमा

Published

on

व्यवसायिक फुटबलरहरुको जमात अष्ट्रेलिया छोडर भारत आइपुग्दा इण्डियन सुपर लिग (आईएसएल) को भाग्य परिवर्तन भएको छ भने महामारीको असर कायम रहदा ए–लिग (अष्ट्रेलियाको प्रथम श्रेणीको फुटबल) खराब समयबाट गुज्रन थालेको छ ।

गत बर्ष आईएसएलमा मात्रै दुई अष्ट्रेलियनले खेलेका थिए गत साता कडा स्वास्थ्य प्रोटोकोल अपनाउदै भारतको पर्यटकीय शहर गोवामा शुरु भएको ११ टिमको नयाँ सिजनमा त्यो संख्या १० पुगिसकेको छ ।

ए–लिगबाट आईएसएल खेल्न आउने अष्ट्रेलियन बाहेक अन्य देशका खेलाडीहरु पनि रहेका छन् । गत सिजन सिड्नी एफसीका लागि खेल्दै लिगको दोश्रो सर्वाधिक गोलकर्ता बनेका इङ्गलिस स्ट्राइकर एडम ले फोन्ड्रे, जर्मन डिफेण्डर म्याटी स्टेनम्यान र वेल्सका आरोन हलोवे केही उदाहरण हुन् ।

यो परिवर्तनको संवाहक पैसा हो । ब्रोडकास्टिङ्ग रेभिन्युमा प्रभाव परेपछि ए–लिगमा अबको सिजन सहभागी खेलाडीहरुको तलबमा ३० प्रतिशतको गिरावट आउने भएको छ । यसले गर्दा यसअघि सकृय करिअरको अन्त्यमा रहेका बिश्व फुटबलका स्टारहरुलाई मात्र आकर्षित गर्ने गरेको आईएसएलले अष्ट्रेलियन फुटबलमा सहभागी खेलाडीहरुको लागि राम्रो प्रस्ताव ल्याएको छ ।

आईएसएलले आकर्षित धेरै मध्येका एक हुन् २६ बर्षिय अष्ट्रेलियन डिफेण्डर डिलन फक्स जसले सेप्टेम्बरमा सेन्ट्रल कोस्ट मराइनर्स छोड्दै गुवाहाटीको नर्थइस्ट युनाइटेडसँग सम्झौता गरे । “हाल ए–लिगमा अनिश्चितता छाउनु मेरो लागि बिदेश लाग्दै आफूलाई एसियामा परिक्षण गर्नु राम्रो अवसर बन्यो,” फक्स भन्छन् ।

“यसै पनि ए–लिग दुई बर्ष देखि एकै स्तरमा रहदै आएको छ र अन्य केटाहरुले पनि यो महसुस गर्न थालिरहेका छन् ।”

कुनै समय ढल्कदो उमेरका स्टारहरुलाई मात्र आकर्षित गर्ने गरेको आईएसएलले फक्स जस्तो युवा खेलाडीलाई पनि भित्र्याउन थालेको छ ।

ए–लिग खेलाडीहरुको रोजाई

शुरु भएको ६ बर्षमै आईएसएलले लामो समयदेखि स्थापित प्रथम श्रेणीको फुटबल आई–लिगलाई भारतको प्रिमियर फुटबल प्रतियोगिताको रुपमा लगभग बिस्थापित गरिसकेको छ । आईएसएल टोली एफसी गोवा अर्को बर्ष एसियन च्याम्पियन्स लिग खेल्ने पहिलो भारतीय क्लब बन्न गइरहेको छ ।

२००५ देखि शुरु भएको ए–लिगसँग यसै सिजन कोरोना भाइरस लकडाउनका कारण अफिसियल ब्रोडकास्टर फक्स स्पोर्ट्सले सम्झौता रद्द गरेपछि रेभिन्युमा गिरावट आएको थियो भने त्यसलगत्तै प्रतियोगिताले निकै कम मुल्यमा नयाँ सम्झौतामा हस्ताक्षर गर्न बाध्य भयो ।

यसले गर्दा आईएसएलमा राम्रै संख्याका अष्ट्रेलियनहरुको उपस्थिति हुन थालेको छ भने स्पेनिस, ब्राजिलियन र ब्रिटिस फुटबलरहरुलाई पनि आकर्षित गरेको छ । न्युकासल युनाइटेड डिफेण्डर स्टिभन टेलर इङ्गलिस प्रिमियर लिगबाट आईएसएल खेल्न आएका छन् ।

अष्ट्रेलियन खेलाडीहरुको लागि आईएसएल भने सिमित मात्र हुनेछ किन भने सबै खेलाडीहरुलाई टिम होटलमा बायो बबलमा राखिएको छ । “कम से कम यी परिचित अनुहारहरुलाई मैदान भेट्दाको अनुभव निकै राम्रो हुनेछ,” फक्स भन्छन् ।

गत सिजनको आई–लिग च्याम्पियन मोहन बगान पनि आईएसएलमा समाहित भइसकेको छ ।

आईएसएलले एक खेलाडी एसियन फुटबल महासंघ (एएफसी) का सदस्य राष्ट्रहरुबाट छान्नै पर्ने प्रावधानका कारण पनि भारतको अष्ट्रेलियन खेलाडीहरु प्रति रुचि बढेको हो । “एएफसी राष्ट्रहरुलाई हेर्ने हो भने भारतीय क्लबहरुको रोजाइमा ए–लिग खेलाडीहरु परेको देखिन्छ,” आईएसएलमा बिज्ञता प्राप्त गरेको कम्पनी इन्भेन्टिभ स्पोर्ट्सका एजेन्ट बल्जित सिँह रिहाल भन्छन् ।

“इरान र उज्बेकिस्तानजस्ता देशहरुबाट पनि खेलाडीहरु आउन इच्छुक छन् तर उनीहरुको सम्पूर्ण जानकारी र एकुरेट तथ्यांक प्राप्त गर्न केही गाह्रो छ । ए–लिग पारदर्शी हुन्छ र सबै रेकर्ड आरामले पाउन सकिन्छ । भारतीय क्लबहरुलाई अष्ट्रेलियाबाट के पाइन्छ राम्रो ज्ञान छ । यो चिर परिचित मार्केट नै हो,” रिहाल थप्छन् ।

अनिश्चित ए–लिग

पछिल्लो घट्नाक्रमका बिकासमा केही अन्य कारणहरु पनि छन् । पुर्व लिभरपुल र इङ्गल्याण्ड फर्वार्ड रोबि फाउलरले जुनमा ब्रिस्बेन रोअरको प्रमुख प्रशिक्षकको पद त्यागे । चार महिनापछि इस्ट बेँगालमा प्रशिक्षक नियुक्त भएपछि उनले निकै कम समयमै तीन ए–लिग खेलाडीहरु भित्र्याए ।

भारतमा सबैभन्दा बढी समय बिताएका र बेँगलुर एफसीमा चार सिजन पुरा गरिसकेका अष्ट्रेलियन डिफेन्डर एरिक पार्टलुलाई पनि टन्नै फोनहरु आउने गरेको छ । “भारतमा स्थायीत्व देखिएको छ भने अष्ट्रेलिया केही हदसम्म अनिश्चित छ,” पार्टलुले भने ।

“पक्कै पनि ए–लिग भन्दा बढी पैसा पाउने भएर नै हो । यदि खेलाडीहरुलाई अब उनीहरुले पाइरहेको तलबको ७० प्रतिशत मात्र प्राप्त गर्ने भनेर भन्ने हो भने सबैले एक पटक सोच्ने नै छन् । अहिले बिगतमा नआएका खेलाडीहरु पनि यहाँ आउन थालेका छन्,” उनले भने ।

बैँगलुरु एफसीका लागि चार सिजन बिताइसकेका पार्टलु एक आईएसएल खेलमा हेडिङ्ग गर्ने क्रममा ।

एसिया अन्य देशमा तलबलाई लिएर उठ्ने गरेको समस्या भारतमा नहुने भन्दै पार्टलुले आफ्नो अष्ट्रेलियन साथीहरुलाई भारतले बिदेशी खेलाडीहरुसँगै निकै राम्रो व्यवहार गर्ने गरेको बताउने गरेका छन् । उनी अष्ट्रेलियन खेलाडीहरुले पैसाको सहि मुल्य पनि दिने बताउछन् ।

“हामी राम्ररी नै घुलमिल हुन्छौं र आफै संलग्न बन्दै योगदान गर्ने गरेका छौं । शायद यो क्रिकेटले बनाएको कनेक्सन पनि हो र अंग्रेजी बोल्ने हुँदा कम्युनिकेसन ग्याप पनि हुने गर्दैन । हामी धेरै मिहिनेत गर्छौ, फिट रहन्छौं, कम्प्लेन गर्दैनौं र एक ढिक्का भएर खेल्छौं,” गर्वसाथ पार्टलु सुनाउछन् ।

अष्ट्रेलियन खेलाडीहरुको आगमनले नै धेरै टिमहरुको प्रदर्शनमा फरक पर्न सक्छ । यदि बहुसंख्यक ए–लिग खेलाडीहरुले उत्कृष्ट देखाउने हो भने भारतीय फुटबल अझै झाँगिएको खण्डमा अरुहरुले पनि अवसर पाउन सक्छन् ।

फक्सको सम्झौता जम्मा एक सिजनको लागि मात्र हो तर यो उनको करिअरको लागि टर्निङ्ग पोइन्ट पनि हुन सक्छ । “मैले मेरो करिअरमा ठूले कदम चालेको कारण अब के हुन्छ म हेर्नेछ । म यो अवसरको सबैभन्दा बढी फाइदा उठाउन चाहन्छु,” फक्सले भने ।

 

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!