Connect with us

Headline

अभुतपुर्व हालान्ड, बार्सिलोना र पिएसजी कमजोरः युरोपियन फुटबलको यो साताको हाइलाइट्स

wesportz

Published

on

सप्ताहन्तमा ब्यहोरेको पराजयपछि बार्सिलोना र पेरिस सेन्ट जर्माइन (पिएसजी) कमजोर देखिन्छन् भने एर्लिङ्ग हालान्डले एकपटक फेरि अर्को उत्कृष्ट प्रदर्शन गरेका छन् । ३९ बर्षमा पनि ज्लाटन इब्राहिमोभिच गोल गर्दैछन् र नर्वेको क्लब बोडोरग्लिम्टले यस्तो किर्तिमान कायम गरेको छ जुन तोड्न निकै कठिन छ । यो साता युरोपियन फुटबलका मुख्य कुराहरु कस्ता छन् त ?

रोक्न नसकिने हालान्ड

एर्लिङ्ग हालान्ड एक पछि अर्को गर्दै किर्तिमान तोड्दै छन् । शनिबार नर्वेका २० बर्ष चार महिना मात्र भएका सनसनीले हर्था बर्लिनलाई उसकै घरमा ५–२ ले पराजित गर्दा बोरुसिया डर्टमण्डका लागि एक्लै चार गोल ठोके । यस क्रममा उनी बुन्डेसलिगाको एकै खेलमा चार गोल गर्ने सबैभन्दा कान्छा खेलाडी बने ।

इटालियन दैनिक टुटोस्पोर्टले युरोपका उत्कृष्ट युवा खेलाडी पुरस्कार गोल्डेन बोइ जितेका हालान्डले बुन्डेसलिगामा यो सिजन १० सहित १५ गोल गरिसकेका छन् । नर्वेका लागि उनले ६ गोल पनि गरेका छन् । साल्ज्बर्गको लागि खेल्दै गत सिजनदेखि सबैको ध्यान आकर्षित गरेका हालान्डको तथ्यांक सनसनीपूर्ण छ ।

गत सिजन जनवरीमा डर्टमण्ड आएदेखि हालान्डले २२ बुन्डेसलिगा खेलमा २३ गोल गरिसकेका छन् । यसो गर्दा उनले ह्यामबर्ग लेजेण्ड उवे सिलरले १९६३–६४ को आफ्नो पहिलो बुन्डेसलिगा सिजनमा २२ खेलबाट २० गोल गरेको किर्तिमानलाई तोडेका थिए ।

पिएसजी बिस्फोट हुदा प्रतिद्वन्दी क्लबलाई फाइदा

बिश्व फुटबलमा सबैको नजरमा रहेका अर्का युवा सनसनी किलियन एमबाप्पेले २०१७ अगष्टमा मोनाकोबाट २ सय १५ मिलियन डलरमा पेरिस आएयता पिएसजीका लागि ९९ गोल गरिसकेका छन् । शुक्रबार एमबाप्पेले दुई गोल गर्दा पहिलो हाफमा नै २–० को अग्रता बनाएको थियो । तर दोश्रो हाफमा पिएसजी बिस्फोट भयो र सेस फाब्रिगासले निर्णायक पेनाल्टीमा गोल गर्दा ३–२ ले पराजित हुन पुग्यो ।

लगातार आठ फ्रेञ्च लिव वान खेल जितेको पिएसजीको लय तोडिएको छ र लिले भन्दा मात्र दुई अंकले शिर्ष स्थानमा रहेको छ । आरबि लाइपजिगसँग बुधबार च्याम्पियन्स लिगको महत्वपूर्ण खेलमा उसलाई डिफेन्सिभ कमजोरीले फेरि सताउन सक्छ । प्रेस्ने किम्पेम्बे उक्त खेलको लागि प्रतिबन्धित रहनेछन् भने अब्डु डियालो पनि मोनाकोले पेनाल्टी पाउनको मुख्य कारण बन्दा दवाबमा रहने छन् ।

पहिचानमा नआएको बार्सिलोना

इच्छा बिपरित लियोनल मेस्सीलाई क्लबमा राख्दै बार्सिलोना यो सिजन स्पेनिस ला लिगाको उपाधि दाबेदार हुने सोच्दैछ भने यो काम गरिरहेको छैन । शनिबार एट्लेटिको म्याड्रिडबिरुद्ध १–० को पराजय ब्यहोर्दा रोनाल्ड कोमनको बार्सिलोनाको औषत प्रदर्शनमा मेस्सी परिधीय फिगरको रुपमा रहेका थिए ।

हारपछि बार्सा ला लिगाको १२ औं स्थानमा झरेको छ भने डिएगो सिमियोनेको एट्लेटिकोसँग ९ अंकले पछि परेको छ । दुई खेल कम खेलेको बार्सिलोना शिर्ष स्थानको रियल सोसिडाडभन्दा १२ अंक पछाडी छ । बास्क क्लब सोसिडाडको पछिल्लो फर्म हेर्न लायक छ । उसले क्लब किर्तिमान बराबरी गर्ने क्रममा लगातार ६ खेल जितेको छ भने बार्साले यसै अवधिमा मात्र एक खेल जित्दै तीनमा हारको सामना गरेको छ ।

लगातार २४ खेलमा अपराजित रहेको एट्लेटिको अब भने सम्भवत उपाधिको प्रबल दाबेदार बनेको छ भने बार्सिलोना टप फोरको स्थानको लागि संघर्ष गर्ने देखिन्छ । बार्साको घाँउमा नुन छरिदा उसले जेरार्ड पिके र सर्जि रोबर्टोलाई पनि कम्तिमा दुई महिनाको लागि गुमाइसकेको छ ।

सदाबहार ज्लाटन

के हालान्ड र एमबाप्पे ४० नजिकिदै गर्दा लगातार गोल गर्न सक्षम होलान् ? ज्लाटन सक्छन् र आफ्नो टोली एसि मिलानलाई इटालियन सिरी आ को शिर्ष स्थानमा पनि कायमै राखिरहेका छन् ।

आइतबार नापोलीलाई ३–१ ले पराजित गर्दा स्विस लेजेण्ड ज्लाटनले दुई गोल गरे र तिघ्राको चोटका कारण दोश्रो हाफमा मैदान बाहिरिए । यो सिजन अपराजित रहेको मिलान दोश्रो स्थानको सासुलोभन्दा दुई अंकले शिर्ष स्थानमा रहेको छ ।

अघिल्लो महिना ३९ बर्षको भएपनि ज्लाटन इटालीमा यो सिजन १० गोल सहित सिरी आ का सर्वाधिक गोलकर्ता हुन् । यो त्यही सिरी आ हो जहा क्रिष्चियानो रोनाल्डो युभेन्टसबाट खेलिरहेका छन् । मिलान प्रशिक्षक स्टेफानो पियोली भेटेरान फर्वार्ड ज्लाटनको चोट गहिरो नभइ उनी छिट्टै मैदान फर्कने आशामा रहने छन् । सरसर्ती हेर्दा ज्लाटन कम्तिमा पनि १० दिन मैदान बाहिर रहन सक्ने देखिएको छ ।

नर्दन डिलाइट्स

मिलानले नेपल्समा तीन गोल गर्दा तेश्रो गोल येन्स पेटर होगले गरेका थिए । मिलानले विँगर होगलाई यसै सिजनको शुरुवातमा नर्वेली क्लब बोडो/ग्लिम्टबाट अनुबन्धन गरेको थियो । आफ्नो मुख्य खेलाडीको बहिर्गमनका बावजुद होगको पुरानो क्लबले इतिहासमै पहिलो पटक नर्वेको लिग फुटबल जित्यो ।

राजधानी ओस्लोबाट १६ घण्टाको ड्राइभ र आर्कटिक सर्कलको उत्तरी भेगमा रहेको सानो शहर बोडोबाट आएको बोडो/ग्लिम्ट बिश्व फुटबल इतिहासमा प्रथम श्रेणीको उपाधि जित्ने सबैभन्दा बिकट उत्तरी क्लब हो । खेलकुद तथ्यांक तयार पार्ने बिज्ञ कम्पनी ग्रेसनोटका अनुसार बोडो/ग्लिम्टले यो उपलब्धि हात पार्ने क्रममा आइसल्याण्डको क्लब केए अकुरेरीलाई पछाडी छोडेको हो ।

लिगमा पाँच खेल सकिनु अगावै उपाधि हात पारेको बोडोरग्लिम्टले अर्को सिजन च्याम्पियन्स लिग खेल्नेछ ।

Headline

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

wesportz

Published

on

सुनिल धमलाले राष्ट्रिय क्रिकेटमा पहिलो शतक बनाउनुका साथै पवन शर्राफले १३ बलमै किर्तिमानी अद्र्धशतक पुरा गरेपनि नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लुम्बिनी प्रदेशबिरुद्ध चार विकेटको क्षतिमा ३ सय १० रनको बिशाल योगफल बनाएको छ ।

त्रिवि मैदानमा टस हारी पहिलो ब्याटिङ्ग गरेको पुलिसले ओपनर कुशल भुर्तेललाई ६ रनमै गुमाएको थियो । त्यसपछि धमलाले खेललाई नियन्त्रणमा राखे । उनले दोश्रो विकेटका लागि अमित श्रेष्ठ (२८) सँग दोश्रो विकेटका लागि ५७ रनको साझेदारी गरे ।

लुम्बिनीले अमितको विकेट लिए पनि उसको समस्य झनै बढेको थियो । धमला र दिपेन्द्र सिँह ऐरिले तेश्रो विकेटका लागि १ सय २९ रनको बिशाल साझेदारी गरेका थिए । सुझबुझपूर्ण इनिङ्गस खेलेका धमलाले १ सय ४५ बलमा १ सय ४ रन बनाए । उनले सात चौका र एक छक्का हिर्काएका थिए ।

निकै आक्रमक लयमा देखिएका दिपेन्द्रले ६१ बलमा ८५ रनको योगदान दिए । दिपेन्द्रको इनिङ्गसमा ६ छक्का र एक चौका सामेल थियो । ४८ औं ओभरको दोश्रो बलमा सौरभ खनालले दिपेन्द्रलाई पेभिलियन फर्काउदा पुलिसको जम्मा २ सय ५४ रन थियो । उक्त ओभरमा पुलिसले १० रन बनाएको थियो ।

त्यसपछि अन्तिम दुई ओभर पवन र आरिफ शेख पूर्ण रुपमा लुम्बिनी बलरहरुमाथि हावी भए, बिशेष गरि पवन । उनले बिक्रम भुषालाई ४९ औं ओभरमा दुई छक्का प्रहार गरे भने उक्त ओभरमा पुलिसले १८ रन बटुल्यो । अन्तिम ओभर लिएर आएका सौरभलाई पवनले चार छक्का प्रहार गर्दै एक्लै २८ रन जोडेका थिए । अन्तिम बलमा उनले सौरभलाई छक्का प्रहार गर्दै घरेलु क्रिकेटको सबैभन्दा तिब्र अद्र्धशतक बनाएका थिए ।

सौरभले दुई ओभरमै ३८ रन दिन पुगे । आरिफले १४ बलमा २९ रनको योगदान दिए । उनको इनिङ्गसमा दुई चौका र दुई छक्का सामेल थियो ।

 

Continue Reading

Headline

तेस्रो डिभिजनको एल्कोयानोसँग रियल म्याड्रिड पराजित

wesportz

Published

on

स्पेनिस तेस्रो डिभिजनको क्लब एल्कोयानोसँग २-१ ले पराजित भए पछि रियल म्याड्रिड कोपा डेल रे को अन्तिम ३२ बाट बहिरिएको छ ।

शुरुवाती एघारको धेरै जस्तो खेलाडी दोस्रो रोजाइका खेलाएको रियल म्याड्रिडलाई एल्कोयानोले बिर्सनलायक हार चखाएको हो ।

एल्कोयानोको मैदानमा बुधबार राति भएको खेलमा रियल म्याड्रिडले पहिलो गोल गरेको थियो । रियलका लागि मार्सेलोको पासमा एडर मिलाटाओले गोल गर्दै ४५ औँ मिनेटमा अग्रता दिलाएको थियो ।

पहिलो हाफमा १-० ले पछि परे पनि हिम्मत नहार्दै प्रतिस्पर्धा गरेको एल्कोयानोले दोस्रो हाफको ८० औँ मिनेटमा भने बराबरी गोल गर्न सफल भएको थियो । एल्कोयानोका लागि जोस सोल्वेसले गोल गर्दै खेललाई १–१ गोलको बराबरीमा ल्याएका थिए । उनले मिड्फिल्डर सोल्वेसले रामोन लोपेजको पासमा गोल गरेका थिए । त्यसपछि निर्धारित ९० मिनेट र इन्जुरी समयमा नतिजा निस्कन नसक्दा खेल अतिरिक्त समयमा लम्बिएको थियो ।

अतिरिक्त समय एल्कोयानोलाई पहिले फापेन । १०९ औँ मिनेटमा एल्कोयानो १० खेलाडीमा समेटिन पुगेको थियो । क्यासमिरोलाई फल गरेपछि रामोन लोपेज दोहोरो पहेलो कार्ड खादै मैदानबाट बाहिरिएका थिए । १० खेलाडीमा सिमित भए पनि रियलले त्यस्को फाईदा उठाउन सकेन ।

११५ औँ मिनेटमा भने जुवानानले एलि डियाकिट्ट्को पासमा गोल गर्दै रियललाई नमिथो हार चखाएका थिए । रियललाई २-१ ले पराजित गर्दै एल्कोयानोले अन्तिम १६ को स्थान बनाउन सफल भएको छ ।

 

Continue Reading

Headline

रोनाल्डोको किर्तीमानसँगै युभेन्टसलाई सिजनको पहिलो उपाधि

wesportz

Published

on

सिरी आ को चिरप्रतिद्वन्द्वी नापोलीलाई २-० ले हराउदै युभेन्टस सुपरकपको उपाधि हात पारेको छ । युभेन्टसको जितमा रोनाल्डोले नयाँ किर्तीमान समेत बनाएका छन् ।

दोस्रो हाफको ६४ औँ मिनेटमा गोल गर्दै युभेन्टसलाई अग्रता दिलाएको रोनाल्डोले उक्त गोलसँगै फुटबलमा सर्वधिक गोल गर्ने किर्तीमान आफ्नो नाममा बनाएका छन् । उनले नापोली विरुद्ध बर्नरडेस्चीको कर्नरबाट आएको बललाई गोल गर्दै आफ्नो कारीयरको ७६० औँ गोल गर्दै क्रितीमान बनाएका हुन् । उनले ७५९ गोल गरेका योसेफ बिकानको किर्तीमानलाई टोड्दै फुटबलमा सर्वधिक गोल गर्ने खेलाडी बनेका हुन् ।

पहिलो हाफ बराबरीमा सकिएको खेलमा दोस्रो हाफमा रोनाल्डोले गोल गरे पछि निरह देखिएको नापोलीले दोस्रो गोल पनि खाएको थियो । ८० औँ मिनेटमा भने खेलमा फर्किदै बराबरी गर्ने अवसरमा पाएको पेनाल्टीमा लोरेन्जो इन्सिग्ने पेनाल्टीमा चुक्दा नेपोलीले शुभर्ण अवसर गुमायो ।

युभेन्टसका लागि दोस्रो गोल भने ९० मिनेट पछी थपिएको इन्जुरी समयमा युआन कोर्डाडोको पासमा अल्भारो मोराटाले गोल गदै युभेन्टसलाई सुपरकपको उपाधि जिताएका थिए ।

 

Continue Reading
राष्ट्रिय52 mins ago

एपीएफसँग पराजित हुँदा गण्डकी पिएम कपबाट बाहिर

Headline4 hours ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline7 hours ago

तेस्रो डिभिजनको एल्कोयानोसँग रियल म्याड्रिड पराजित

Headline8 hours ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline8 hours ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline22 hours ago

सकियो सन्दिपको दिल्लीसँगको यात्रा

Headline1 day ago

बिभागिय डर्बीमा पुलिस र आर्मीको बराबरी

Headline1 day ago

प्रधानमन्त्री कपमा नेपाल पुलिसको सशक्त पुनरागमन

Headline1 day ago

महिला लिग आजबाट, पहिलो खेलमै बिभागीय डर्बी

Headline1 day ago

धनगढी क्रिकेट एकेडेमीमा सगरमाथा सिमेन्टको प्रायोजन

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending