Connect with us

Headline

युरोपियन राउण्ड–अपः इब्राको दुई गोल, लिभरपुलको नयाँ किर्तिमान, स्पेनमा सोसिडाड टपमा

wesportz

Published

on

ज्लाटन इब्राहिमोभिचले आफ्नो उत्कृष्ट लयलाई कायम राख्दै दुई गोल गरेपछि एसि मिलानले इटालियन सिरी आ को शिर्ष स्थानमा दुई अंकको अग्रता बनाएको छ ।

पहिलो लेगमा महत्वपूर्ण हुन सक्ने खेलमा मिलानले आइतबार राति नापोलीलाई ३–१ ले हरायो । ३९ बर्षिय इब्राहिमोभिचले यो सिजन ६ लिग खेलमा १० गोल गरिसकेका छन् । यद्दपि दोश्रो हाफमा चोटका कारण मैदान बाहिरिएका मिलान उनको अबको स्थितिका बारेमा भने सशंकित रहेको छ ।

इब्राहिमोभिचलाई ह्यामिस्ट्रिङ इन्जुरी भएको छ भने उनले अब आउने खेलहरु गुमाउने वा नगुमाउने हेर्न बाकी रहेको छ । इब्राहिमोभिचले २० र ५४ औं मिनेटमा गोल गरेपछि मिलानले दुई गोलको अग्रता बनायो । ड्रायस मेर्टेन्सले ६५ औं मिनेटमा नापोलीका लागि गोल त फर्काए तर येन्स पेटर हगले अतिरिक्त समयको पाचौं मिनेटमा तेश्रो गोल गरिदिएका थिए ।

सिरी आ अन्तर्गत आइतबार नै भएको खेलमा सासुलो हेलास भेरोनालाई २–० ले हराउदै मिलानसँग दुई अंकको दुरी कायम गर्न सफल रह्यो । मिलानको २० र सासुलोको १८ अंक भएको छ । १७ अंकसाथ तेश्रो स्थानमा रहेको एएस रोमाले पार्मालाई ३–० ले पराजित गर्यो ।

गत सिजन युभेन्टससँग मात्र एक अंकले उपाधि दौडमा चुकेको इन्टर मिलान टोरिनोलाई ४–२ ले हराउदै १५ अंक साथ पाचौं स्थानमा उक्लियो । चौथो स्थानको युभेन्टको १६ अंक रहेको छ ।

लिभरपुलद्वारा लेस्टरको आशामा तुषारापात

लेस्टरको शिर्ष स्थानमा उक्लने आशामाथि तुषारापात गर्दै लिभरपुल ३–० को शानदार जितसहित इङ्गलिस प्रिमियर लिगको दोश्रो स्थानमा उक्लिएको छ । नवौं चरणको खेलपछि टोटेन्ह्यामसँगै समान २० अंक रहेको लिभरपुल मात्र गोल अन्तरले पछाडी रहेको छ ।

लेस्टरमाथि फराकिलो जित दर्ता गर्ने क्रममा जोनी इभान्सले २१ औं मिनेटमा कर्नर बललाई डिफेन्ड गर्ने क्रममा आफ्नै पोस्टको दिशा दिएका थिए । हाफ टाइम भन्दा चार मिनेट अगाडी लिभरपुलले देखाएको उत्कृष्ट ३० पासको टिम गेमलाई सफल बनाउने क्रममा डियोगो जोटाले एन्ड्रयु रोबर्ट्सनको क्रसलाई हेडर मार्फत गोलमा परिणत गरेका थिए ।

रोबर्टो फर्मिनोले ८६ औं मिनेटमा गोल गरेपछि लेस्टरको लागि खेल समाप्त भएको थियो । यो जितसँगै लिभरपुलले घरेलु मैदानमा लगातार ६४ खेलमा अपराजित रहेको नयाँ किर्तिमान समेत कायम राख्यो । लेस्टर १८ अंक साथ चौथो स्थानमा रहेको छ ।

आइतबार नै आर्सनल र लिड्स युनाइटेडले गोल रहित बराबरी खेलेका थिए भने एभर्टनले फल्ह्यामलाई ३–२ ले पराजित गर्यो ।

१० खेलपछि शिर्ष स्थानमा रहनुको कुनै अर्थ छैन

काडिजलाई १–० ले हराउदै स्पेनिस ला लिगाको शिर्ष स्थानमा उक्लिएको रियल सोसिडाडका प्रशिक्षक इमानोल अल्गुसीलले १० खेलमै माथि उक्लदैमा खुशीयाली मनाउनु अर्थहीन रहेको बताएका छन् ।

अद्नान जानुजाजको क्रसमा एलेक्जेण्डर इसाकले गोल गर्दै सोसिडाडलाई लगातार छैटौं जित दिलाएका थिए । दुई खेल बढी खेलेको सोसिडाडको २३ अंक रहेको छ भने दोश्रो स्थानको एट्लेटिको म्याड्रिडको २० अंक छ ।

“म लगातार ६ खेल जितेको बारेमा नसोचि अर्को खेलमा केन्द्रित हुने भएको कारण मलाई यो उपलब्धिले उचाइमा पुगे जस्तो काउकुती लागेको छैन । १० खेलपछि शिर्ष स्थानमा रहदैमा कुनै अर्थ राख्छ भन्ने छैन, त्यसमाथि हामीले दुई खेल बढी खेलेका छौं,” अल्गुसीले बताए ।

Headline

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

wesportz

Published

on

राष्ट्रिय महिला लिग अन्तर्गत बिहीबार भएको पहिलो खेलमा एपिएफले रौतहटको चन्द्रपुर नगरपालिकालाई ६-० गोल पराजित गर्दा दोस्रो खेलमा भने वालिङ नगरपालिका र विराटनगर महानगरपालिकाले १-१ गोलको बराबरी खेलेका छन् ।

सातदोबाटो स्थित एन्फा कम्प्लेक्सको एस्ट्रो ट्रफमा भएको पहिलो खेलमा चन्द्रपुर नगरपालिकालाई ६-० ले हराउदा । नेपाल राष्ट्रिय महिला टोलीकी स्ट्राइकर सावित्रा भण्डारीले ह्याट्रिक गरेकी थिइन । यस्तै अन्य तीन गोल भने कप्तान अनिता बस्नेत,अन्जली कुमारी योन्जन र प्रिती राईले गरेकी थिइन ।

खेलको पहिलो गोल १४ औँ मिनेटमा सावित्राले गरेकी थिइन । मन्जली योन्जनले दिएको पासमा सावित्राले डिबक्स भित्रबाट सहजै गोल गरिन् ।

२२ औंँ मिनेटमा भने एपिएफले दोस्रो गोल गरेको थियो । यो पटक भने अन्जलीले अनिताले दिएको पासमा गोल गरेकी थिइन् । पहिलो हाफमा २-० को अग्रता लिएको एपिएफले दोस्रो हाफमा चारको गरेको थियो ।

खेलको ६२ औँ मिनेटमा सावित्राले व्यक्तिगत दोस्रो गोल गर्दै एपीएफलाई ३-० को अग्रता दिलाईन् । खेलको चौथोँ गोल भने ६४ औं मिनेटमा सावित्राले डिबक्स भित्रबाट मिलाएको बललाई अनिताले गरेकी थिइन । ७२ औँ मिनेटमा सावित्राले व्यक्तिगत तेस्रो गोल गर्दै ह्याट्रिक पुरा गर्दा एपीएफले ५-० को फराकिलो अग्रता लिएको थियो । पाँचौँ गोल ८९ औं मिनेटमा डेब्यु खेलाडी प्रिती राईले गरेकी थिइन् ।

बिहीबारनै भएको दोस्रो खेलमा वालिङ र बिराटनगरले बराबरी खेल्दा वालिङका लागि सम्झना शर्माले गोल गरेकी थिइन भने बिराटनगरका लागि आशा कुमारीले गरेकी थिइन । खेलको दोस्रो मिनेटमै पाएको अग्रतालाई जोगाउन नसक्दा वालिङ बराबरीमा रोकिन पुगेको थियो ।

Continue Reading

Headline

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

wesportz

Published

on

सुनिल धमलाले राष्ट्रिय क्रिकेटमा पहिलो शतक बनाउनुका साथै पवन शर्राफले १३ बलमै किर्तिमानी अद्र्धशतक पुरा गरेपनि नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लुम्बिनी प्रदेशबिरुद्ध चार विकेटको क्षतिमा ३ सय १० रनको बिशाल योगफल बनाएको छ ।

त्रिवि मैदानमा टस हारी पहिलो ब्याटिङ्ग गरेको पुलिसले ओपनर कुशल भुर्तेललाई ६ रनमै गुमाएको थियो । त्यसपछि धमलाले खेललाई नियन्त्रणमा राखे । उनले दोश्रो विकेटका लागि अमित श्रेष्ठ (२८) सँग दोश्रो विकेटका लागि ५७ रनको साझेदारी गरे ।

लुम्बिनीले अमितको विकेट लिए पनि उसको समस्य झनै बढेको थियो । धमला र दिपेन्द्र सिँह ऐरिले तेश्रो विकेटका लागि १ सय २९ रनको बिशाल साझेदारी गरेका थिए । सुझबुझपूर्ण इनिङ्गस खेलेका धमलाले १ सय ४५ बलमा १ सय ४ रन बनाए । उनले सात चौका र एक छक्का हिर्काएका थिए ।

निकै आक्रमक लयमा देखिएका दिपेन्द्रले ६१ बलमा ८५ रनको योगदान दिए । दिपेन्द्रको इनिङ्गसमा ६ छक्का र एक चौका सामेल थियो । ४८ औं ओभरको दोश्रो बलमा सौरभ खनालले दिपेन्द्रलाई पेभिलियन फर्काउदा पुलिसको जम्मा २ सय ५४ रन थियो । उक्त ओभरमा पुलिसले १० रन बनाएको थियो ।

त्यसपछि अन्तिम दुई ओभर पवन र आरिफ शेख पूर्ण रुपमा लुम्बिनी बलरहरुमाथि हावी भए, बिशेष गरि पवन । उनले बिक्रम भुषालाई ४९ औं ओभरमा दुई छक्का प्रहार गरे भने उक्त ओभरमा पुलिसले १८ रन बटुल्यो । अन्तिम ओभर लिएर आएका सौरभलाई पवनले चार छक्का प्रहार गर्दै एक्लै २८ रन जोडेका थिए । अन्तिम बलमा उनले सौरभलाई छक्का प्रहार गर्दै घरेलु क्रिकेटको सबैभन्दा तिब्र अद्र्धशतक बनाएका थिए ।

सौरभले दुई ओभरमै ३८ रन दिन पुगे । आरिफले १४ बलमा २९ रनको योगदान दिए । उनको इनिङ्गसमा दुई चौका र दुई छक्का सामेल थियो ।

 

Continue Reading

Headline

तेस्रो डिभिजनको एल्कोयानोसँग रियल म्याड्रिड पराजित

wesportz

Published

on

स्पेनिस तेस्रो डिभिजनको क्लब एल्कोयानोसँग २-१ ले पराजित भए पछि रियल म्याड्रिड कोपा डेल रे को अन्तिम ३२ बाट बहिरिएको छ ।

शुरुवाती एघारको धेरै जस्तो खेलाडी दोस्रो रोजाइका खेलाएको रियल म्याड्रिडलाई एल्कोयानोले बिर्सनलायक हार चखाएको हो ।

एल्कोयानोको मैदानमा बुधबार राति भएको खेलमा रियल म्याड्रिडले पहिलो गोल गरेको थियो । रियलका लागि मार्सेलोको पासमा एडर मिलाटाओले गोल गर्दै ४५ औँ मिनेटमा अग्रता दिलाएको थियो ।

पहिलो हाफमा १-० ले पछि परे पनि हिम्मत नहार्दै प्रतिस्पर्धा गरेको एल्कोयानोले दोस्रो हाफको ८० औँ मिनेटमा भने बराबरी गोल गर्न सफल भएको थियो । एल्कोयानोका लागि जोस सोल्वेसले गोल गर्दै खेललाई १–१ गोलको बराबरीमा ल्याएका थिए । उनले मिड्फिल्डर सोल्वेसले रामोन लोपेजको पासमा गोल गरेका थिए । त्यसपछि निर्धारित ९० मिनेट र इन्जुरी समयमा नतिजा निस्कन नसक्दा खेल अतिरिक्त समयमा लम्बिएको थियो ।

अतिरिक्त समय एल्कोयानोलाई पहिले फापेन । १०९ औँ मिनेटमा एल्कोयानो १० खेलाडीमा समेटिन पुगेको थियो । क्यासमिरोलाई फल गरेपछि रामोन लोपेज दोहोरो पहेलो कार्ड खादै मैदानबाट बाहिरिएका थिए । १० खेलाडीमा सिमित भए पनि रियलले त्यस्को फाईदा उठाउन सकेन ।

११५ औँ मिनेटमा भने जुवानानले एलि डियाकिट्ट्को पासमा गोल गर्दै रियललाई नमिथो हार चखाएका थिए । रियललाई २-१ ले पराजित गर्दै एल्कोयानोले अन्तिम १६ को स्थान बनाउन सफल भएको छ ।

 

Continue Reading
Headline9 hours ago

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

राष्ट्रिय12 hours ago

एपीएफसँग पराजित हुँदा गण्डकी पिएम कपबाट बाहिर

Headline15 hours ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline18 hours ago

तेस्रो डिभिजनको एल्कोयानोसँग रियल म्याड्रिड पराजित

Headline19 hours ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline19 hours ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline1 day ago

सकियो सन्दिपको दिल्लीसँगको यात्रा

Headline1 day ago

बिभागिय डर्बीमा पुलिस र आर्मीको बराबरी

Headline2 days ago

प्रधानमन्त्री कपमा नेपाल पुलिसको सशक्त पुनरागमन

Headline2 days ago

महिला लिग आजबाट, पहिलो खेलमै बिभागीय डर्बी

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending