Connect with us

Headline

‘मुकोकोले बुन्डेसलिगाको धेरै किर्तिमानहरु तोड्ने छन्’

wesportz

Published

on

युसुफा मुकोकोले बुन्डेसलिगामा रहेको धेरै किर्तिमानहरु तो ड्ने पुर्व बोरुसिया डर्ट्मण्डका प्रशिक्षक मिखेल फाइटनबाइनरले बताएका छन् ।

२०१६ मा सेन्ट पउलीबाट डर्ट्मण्ड आए देखी उनको खेलमा धेरै बिकास भएको छ ।१५ वर्षिय मुकोकोले डर्ट्मण्डको युवा टोलीमा ८४ खेल खेल्दै १२७ गोल र २६ असिस्ट पनि दिईसकेका छन् ।

मुकोको गएको अगस्टदेखि सिनियर टोलीसँग प्रशिक्षण गर्दै थिए भने क्लबले उनलाई १८ नम्बरको जर्सी पनि दिएको थियो ।

डर्टमण्डले २१ नोभेम्बरमा हर्था बर्लिन विरुद्ध बुन्डेसलिगामा खेल्दा मुकोकोले डेब्युको मौका पाउने धेरै संचार माध्यामहरुले जनाएका छन् । हर्था बर्लिन विरुद्ध मुकोकोले डेब्यु गर्ने हो भने त्यो उनको शुरुवात हुने पुर्व डर्ट्मण्डका प्रशिक्षक फाइटनबाइनरले बताएका छन् ।

“उनको फुटबल कौशल निकै उत्कृष्ट छ । उनी एक्लैले खेल बदल्न सक्छन् र जस्तो पनि गोल गर्दिन्छन्,” फाइटनबाइनरले भने । “मलाई लाग्छ उनले बुन्डेसलिगाको धेरै कृतिमानहरु टोड्ने छन् ।”

जर्मनको यु-२० का लागि पनि खेलिसकेका मुकोको आफ्नो बाँया खुट्टाले निकै प्रभावशाली फुटबल खेल्ने गर्छन् ।

“उनी निकै राम्रा खेलाडी हुन् । सानै उमेरमा पनि उनी निकै बलिया छन् र खेलाडीमा हुनु पर्ने ज्यान उनको छ,” फाइटनबाइनरले भने । “उनी जति गोल गरे पनि आफुलाई कहिले म स्टार हुँँ जस्तो सोच्दैनन्,” ।

मुकोकोले आउने खेलमा डेब्यु गर्ने हो भने पुर्व डर्ट्मण्ड खेलाडी नुरी शाहीनको नाममा रहेको १६ बर्ष ३ सय ३५ दिनमा बुन्डेसलिगामा डेब्यु गर्ने कान्छा खेलाडीको किर्तिमान उनले तोड्ने छन् ।

Click to comment

Leave a Reply

Your email address will not be published. Required fields are marked *

Headline

साफ च्याम्पियनसिपका लागि नेपाली फुटबल टोलीको घोषणा

wesportz

Published

on

माल्दिभ्समा अक्टोबर १ देखि शुरु हुन गइरहेको साफ च्याम्पियनसिपका लागि नेपाली टोलीको घोषणा भएको छ ।

हाल साफ च्याम्पियनसिपको तैयारीका लागि कतारमा रहेको २५ सदस्यीय नेपाली टोलीबाट प्रशिक्षक अब्दुल्लाह अल्मुताइरीले गोलकिपर बिकेश कुथु र डिफेण्डर राजन गुरुङलाई बाहिर राखेका छन् ।

नेपाली टोलीले आइतबार नै ओमानको राष्ट्रिय टोलीसँग अनौपचारिक मैत्रीपूर्ण खेल्न गइरहेको छ ।

अक्टोबर १६ सम्म हुने साफ च्याम्पियनसिपमा नेपालले आफ्नो पहिलो खेल अक्टोबर १ मै माल्दिभ्स बिरुद्ध खेल्न गइरहेको छ । भुटान र पाकिस्तानको अनुपस्थिति रहेको साफ च्याम्पियनसिप यस पटक राउण्ड रोबिनका आधारमा हुन गइरहेको छ ।

सबै टिमले एक अर्कासँग गरेर कुल चार खेल खेल्नेछन् भने लिगको शिर्ष स्थानमा रहने दुई टोली सिधै फाइनलमा भिड्ने छन् । नेपाल अहिले सम्म साफ च्याम्पियनसिपको फाइनल सम्म पनि पुग्न सकेको छैन ।

नेपाली टोली यस प्रकार रहेको छः

किरण चेम्जोङ, दिप कार्की, बिशाल श्रेष्ठ, दिनेश राजबंशी, सुरज जेउ ठकुरी, अनन्त तामाङ, गौतम श्रेष्ठ, सुमन अर्याल, नितिन थापा, बिशाल राई, सुनिल बल, आशिष लामा, पुजन उपरकोटी, सुमन लामा, तेज तामाङ, अञ्जन बिष्ट, सुजल श्रेष्ठ, सन्तोष तामाङ, नवयुग श्रेष्ठ, आयुष घलान, मनिष डाँगी, कमल थामा, रोहित चन्द

Continue Reading

Headline

भैरहवाका सशक्त प्रदर्शनमा बर्षा बाधक

wesportz

Published

on

बर्षा बाधक बनेपछि एभरेष्ट प्रिमियर लिगमा भैरहवा ग्लेडिएटर्सका दुई डेब्युटेन्टको प्रदर्शन छायामा परेको छ । भारी बर्षाका कारण पोखरा राइनोज र भैरहवाबीचको दिनको दोश्रो खेल रद्द हुन पुग्यो ।

बायाँ हाते तिब्र गतिका बलर दुर्गेश गुप्ताले सनसनीपूर्ण प्रदर्शन गर्दै तीन विकेट लिएपछि पोखराले १० दशमलव १ ओभरमा ६५ रन जोड्दा ७ विकेट गुमाईसकेको थियो । तर भारी बर्षाका कारण मैदानमा पानी जमेपछि खेल रद्द गरिएको थियो ।

धम्मिका प्रसादले पहिलो ओभरमै खतरनाक दक्षिण अफ्रिकी ब्याट्स्म्यान रिचर्ड लेभीलाई शुन्यमै पेभिलियन फर्काएका थिए । त्यसपछि खेलमा दुर्गेशले सनसनीपूर्ण प्रदर्शन गरे ।

ट्यालेन्ट हन्टबाट आएका उनले दोश्रो ओभरमा पाचौं बलमा बिपिन रावल (६) र कप्तान बिनोद भण्डारीको लगालग विकेट लिए । अर्को ओभरमा उनले उत्कृष्ट ढँगले सुनिल धमलालाई बोल्ड गरे ।

अविनाश बोहोराले लोकश बमलाई पनि आरिफ शेखको हातबाट क्याच आउट गराएपछि पोखराले १२ रनमै पाँच विकेट गुमाएको थियो ।

श्रीलंकन खेलाडी असेला गुणरत्नेले केही राम्रा सटहरु खेल्दै २३ रन बनाएपछि रनआउट हुँदा भैरहवाले ४० रनमा छैटौं विकेट गुमायो । चाइनाम्यान बलर तुल बहादुर थापाले पनि आफ्नो पहिलो फ्रान्चाइज खेलमा वेष्ट इण्डिजका केजरिक विलियम्सलाई शुन्यमै पेभिलियन फर्काए ।

aखेल बर्षाले बिथोलिदा बिबेक यादव १६ र बिक्रम सोब ७ रनमा खेलिरहेका थिए ।

Continue Reading

Headline

बिराटनगरलाई अन्तिम बलमा पराजित गर्दै चितवनको बिजयी शुरुवात

wesportz

Published

on

राजेश पुलामी मगरले सुझबुझपूर्ण इनिङ्गस खेल्दै राम्रो फिनिसिङ्ग दिदा चितवन टाइगर्सले एभरेष्ट प्रिमियर लिगमा बिजयी शुरुवात गरेको छ । त्रिवि मैदानमा दिनको पहिलो खेलमा चितवनले २०१७ को बिजेता बिराटनगर वारियर्सलाई दुई विकेटले पराजित गर्यो ।

बलरहरुको मिश्रित प्रदर्शनमा चितवनले बिराटनगरलाई ९ विकेटको क्षतिमा १ सय ५१ रनमै रोक्यो । अफगानिस्तानका बिष्फोटक ओपनर मोहम्मद साहजादलाई शुरुमै गुमाएपनि घरेलु खेलाडीहरुले महत्वपूर्ण ब्याटिङ्ग प्रदर्शन दिदा चितवनले अन्तिम बलमा जित हात पार्यो ।

बिराटनगरले नियमित रुपमा चितवनको विकेट लिएपनि भिम सार्की, दिलिप नाथ र राजेशले जितको आधार खडा गरेका थिए । छरितो ब्याटिङ्ग गरेका भिमले ११ बलमै ३० रन प्रहार गरेका थिए । उनले पाँच चौका र एक छक्का प्रहार गरे ।

दिलिपले दुई छक्का र एक चौकाको मद्दतमा २१ बलमा २३ रन बनाए । अन्तिम बलमा एक रन चाहिएको अवस्थामा स्पिनर अनिल खरेललाई चौका प्रहार गरेका राजेशले ३९ बलमा दुई छक्का र दुई चौकाको मद्दतमा ४३ रन बनाए ।

अन्तिम ओभरमा दुई रन चाहिएको अवस्थामा अनिलले पहिलो पाँच बलमा मात्र एक रन खर्चदै कमल सिँह ऐरिलाई बोल्ड गरेका थिए । बिराटनगरले सिकन्दर रजा र कप्तान करण केसीले २–२ विकेट हात पारे ।

यसअघि सोमपाल कामीले पहिलो ओभरमै दुई विकेट लिएपछि बिराटनगरको शुरुवात राम्रो हुन सकेन । राष्ट्रिय टोलीका स्टार ओपनर आसिफ शेख गोल्डेन डक आउट हुन पुगे भने क्यानडाका रायन पठान (चार) पनि सस्तैमा पेभिलियन फर्किएका थिए ।

दोश्रो ओभरमा चन्द्रपउल हेमराजलाई कमल सिँह ऐरिले बोल्ड गरेपछि बिराटनगरले ९ रनमै तीन विकेट गुमाएको थियो ।

अनिल कुमार साह र रजाले चौथो विकेटका लागि ६१ रनको साझेदारी गर्दै बिराटनगरलाई सम्हालेका थिए । स्पिनर सागर ढकालले त्यसपछि दुई बलमा दुई विकेट लिदै बिराटनगरलाई रोकेका थिए ।

उनले अनिल र सुमित महर्जनको विकेट लिदै चितवनलाई खेलमा फर्काएका थिए । अर्को ओभरमा साहब आलमले करण केसीलाई एक रनमै पेभिलियन फर्काए । ३१ बलमा ३२ रन बनाउदा तीन चौका र एक छक्का प्रहार गरे ।

७३ रनमा ६ विकेट गुमाएको स्थितिबाट रजाले सौरभ खनालसँग ५१ रनको साझेदारी गर्दा निरन्तर रन बटुलेका थिए । रजाले ४७ बलमा ६७ रन बनाए । उनको इनिङ्गसमा ७ छक्का र दुई चौका प्रहार गरेका थिए ।

सौरभले १९ बलमा नटआउट ३० रनको महत्वपूर्ण इनिङ्गस खेलेपछि बिराटगरले डेढ सय रन कटाएको थियो । सोमपाल र सागर बाहेक चितवनका लागि करिम जन्नत र कमलले पनि २–२ विकेट लिएका थिए ।

Continue Reading
Headline39 mins ago

साफ च्याम्पियनसिपका लागि नेपाली फुटबल टोलीको घोषणा

Headline1 hour ago

भैरहवाका सशक्त प्रदर्शनमा बर्षा बाधक

Headline5 hours ago

बिराटनगरलाई अन्तिम बलमा पराजित गर्दै चितवनको बिजयी शुरुवात

Headline22 hours ago

म्यानचेस्टर युनाइटेड एस्टन भिल्लासँग स्तब्ध, चेल्सीलाई सिटीले हरायो

Headline1 day ago

काठमाडौंको उत्कृष्ट प्रदर्शन, डिफेन्डिँग च्याम्यिन ललितपुर पहिलो खेलमै पराजित

Headline5 days ago

९० औं मिनेटको गोलले बार्सिलोना जोगियो

Headline6 days ago

नेपाली फुटबल टोलीले बलियो ओमानसँग मैत्रीपूर्ण खेल्ने !

Headline6 days ago

अन्तिम ४ मिनेटमा दुई गोल गर्दै रियलको सनसनीपूर्ण जित

Headline7 days ago

नेपालले ८ बर्षमा पहिलो पटक ओमानलाई हरायो

Headline7 days ago

नेपालको उत्कृष्ट बलिङ्ग, ओमान १ सय २१ रनमै समेटियो

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!