Connect with us

Headline

इटाली र बेल्जियम नेसन्स लिगको सेमिफाइनलमा

wesportz

Published

on

आयोजक इटाली र बेल्जियम आ–आफ्नो खेल जित्दै युएफा नेसन्स लिगको फाइनलमा प्रवेश गरेका छन् । अर्को बर्ष अक्टोबरमा हुने चार टिमको फाइनलको समिकरण अब पुरा भएको छ ।

मङ्गलवार भएको खेलहरुमा स्पेनले जर्मनीलाई पराजित गरेको थियो भने पोर्चुगलले स्विडेनलाई हराएको थियो । दुवै टोली आ–आफ्नो समुहको बिजेता बन्दै अन्तिम चारमा प्रवेश गरेका थिए ।

बुधबार इटालीले बोस्निया हर्जगोभिनालाई २–० ले पराजित गर्दै ग्रुप १ को शिर्ष स्थान कब्जा गर्यो । इटालीले बुधबार नै पोल्याण्डलाई २–१ ले पराजित गरेको नेदरल्याण्ड्सलाई पराजित गरेको थियो । यही समुहको बिजेताले अर्को बर्षको फाइनल आयोजना गर्ने तय गरिएको थियो ।

फिफा बरियताको शिर्ष स्थानमा रहेको बेल्जियमले रोमेलु लुकाकुको दुई गोलको मद्दतमा डेनमार्कलाई ४–२ ले पराजित गर्यो । सबैभन्दा प्रतिस्पर्धात्मक हुने अपेक्षा गरिएको अन्तिम चारमा अब बिश्व नम्बर एक टोलीसँगै तीन बिश्वकप बिजेता हुने भएका छन् ।

कोरोना भाइरसका कारण फुटबल तालिका नराम्ररी बिग्रन पुग्दा युरोपका ५५ देशहरु सम्मिलित प्रतियोगिता सम्पन्न गर्नका लागि बुधबार मात्रै १८ नेसन्स लिग खेलाइएका थिए । यस क्रममा थुप्रै खेलाडी र टिम स्टाफहरुलाई कोरोना संक्रमण भएको थियो । ती मध्ये इटाली प्रशिक्षक रोबटों मान्चिनी पनि थिए र बुधबारको खेलमा पनि गुमाउन पुगे ।

“मलाई लाग्छ केटाहरुले मान्चिनीलाई राम्रो उपहार दिएका छन् । अब फाइनल्समा हामी युरोपका उत्कृष्ट टिमहरुबिरुद्ध खेल्नेछौं,” मान्चिनीको अनुपस्थितिमा टिम सम्हालेका सहायक प्रशिक्षक अल्बरिको इभानीले भने ।

इटालीको जितमा आन्द्रे बेलोट्टी र डोमेनिको बेरार्डीले १–१ गोल गरेका थिए । इटाली पराजित भएको भए नेदरल्याण्ड्सले उसको ठाँउ लिने थियो । नेदरल्याण्ड्सको जितमा मेम्फिस डिपे र जर्जिनियो वाइनाल्डमले १–१ गोल गरेका थिए ।

बेल्जियमले ग्रुप २ को शिर्ष स्थान डेनमार्कलाई गुमाउन सक्थ्यो तर लुकाकुले दुई गोल गरेपछि उसले पहिलो हाफमै ३–१ को अग्रता लिन पुग्यो । केभिन डि ब्रुनले चौथो तथा अन्तिम गोल गरेका थिए ।

Headline

नेपालद्वारा मलेसिया ६९ रनको बिशाल अन्तरले पराजित

wesportz

Published

on

मलेसियालाई सशक्त ब्याटिङ्ग प्रदर्शन मार्फत ६९ रनको फराकिलो अन्तरले पराजित गर्दै नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलाको लिग चरणमा शान्दार अन्त्य गरेको छ

त्रिवि क्रिकेट मैदानमा करण केसीको आक्रमक ब्याटिङ्गसँगै नेपालले ७ विकेट गुमाउदै २ सय १७ रनको बिशाल योगफल बनायो जवाफमा मलेसियाले निरन्तर विकेट गुमाएपनि १९ दशमलव १ ओभरमा १ सय ४८ रनमा अल आउट भयो

सोमपाल कामीले आफ्नो पहिलो दुई ओभरमा दुई विकेट लिएपछि दवाबमा आएको मलेसियाले आक्रमक ब्याटिङ्गलाई जारी राख्यो तर बिशाल लक्ष्यको दवाबमा रोकिएको थियो

अमिनुदिन राम्लीले १८ बलमा पाँच छक्का र एक चौका प्रहार गर्दै सर्वाधिक ४१ रन लिएका थिए सन्दिप लामिछाने, डेब्युटेन्ट कमल सिँह ऐरि र सोमपाल कामीले ३३ विकेट लिएका थिए सन्दिपले प्रतियोगितामा सर्वाधिक ११ विकेट लिइसकेका छन् सोमपालको नाममा पाँच विकेट रहेको छ      

यसअघि करणले धुवाधार ब्याटिङ्ग गर्दै १३ बलमा सात बिशाल छक्का प्रहार गर्दै ४५ रन जोडेपछि नेपालले आफ्नो ट्वान्टी ट्वान्टी अन्तर्राष्ट्रिय इतिहासकै दोश्रो सर्वाधिक योगफल बनायो

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो

करणले बिष्फोटक पारी खेल्दै कुशल मल्ल (१० बलमा १९ रन) सँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए

आसिफले ३२ बलमा ४२ रन बनाएका उनले तीन चौका र तीन छक्का हिर्काए यसअघि नेदरल्याण्ड्सबिरुद्धको खेलमा आफ्नो पहिलो ट्वान्टी ट्वान्टी अन्तर्राष्ट्रिय अद्र्धशतक प्रहार गरेका दिपेन्द्र सिँह ऐरिले पनि छरितो रुपमा रन बटुल्दै १७ बलमा ३३ रन बनाए उनले पाँच चौका र एक छक्का हिर्काए

नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए अजिजले अन्तिम ओभरमा सोमपाललाई पनि आउट गर्दै मात्र चार रन खर्चिएका थिए

Continue Reading

Headline

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

wesportz

Published

on

करण केसीको आक्रमक ब्याटिङ्गसँगै नेपालले ट्वान्टी ट्वान्टी अन्तर्राष्ट्रियमा आफ्नो दोश्रो सर्वाधिक ठूलो योगफल बनाएको छ ।

त्रिवि मैदानमा जारी त्रिदेशीय ट्वान्टी ट्वान्टी अन्तर्राष्ट्रिय श्रृंखलामा करण १३ बलमा सात बिशाल छक्का प्रहार गर्दै ४५ रन जोडेपछि नेपालले मलेसियालाई ७ विकेटको क्षतिमा २ सय १७ रन प्रहार गरेको छ ।

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो ।

करणले बिष्फोटक पारी खेल्दै कुशल मल्लसँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए । आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाल कामीलाई पनि आउट गर्दै मात्र चार रन खर्चिएका थिए ।

Continue Reading

Headline

दिपेन्द्र, कुशल र आसिफलाई माइ सेकेण्ड टिचरको साथ

wesportz

Published

on

नेपाली टोलीका उपकप्तान दिपेन्द्र सिंह ऐरी तथा ओपनरद्वय कुशल भुर्तेल र आसिफ शेखलाई माइ सेकेण्ड टिचरले प्रायोजन गरेको छ ।

एक बर्षका लागि भएको सम्झौता अनुसार दिपेन्द्र, कुशल र आसिफ तिनै जना खेलाडीले आफुले प्रयोग गर्ने क्रिकेट ब्याटमा माइ सेकेण्ड टिचर तथा आइएनजी समुहको लोगो प्रयोग गर्नेछन् । हिजो मात्र आइएनजी समुह र खेलाडीहरु बीच सम्झौता भएको हो । सम्झौता रकम नखुलाइएको भए पनि प्रत्येक खेलाडी एक बर्षको करिब पाँच लाख प्राप्त गर्नेछन् ।

यो सम्झौता एएनएस समुह अन्तर्गतको एडप्याड मार्फत भएको हो ।

आइएनजी समुह अन्तर्गतको इनोभेट टेक कम्पनीले प्रयोगमा ल्याएको इन्टरनेट लर्निङ्ग मोबाइल एप्लिकेशन माइ सेकेण्ड टिचर राष्ट्रिय क्रिकेट टोलीको जर्सी स्पोन्सर पनि हो । नेपाली क्रिकेट टोलीको जर्सीको बित्तीय अधिकार प्रदान गरेको एडप्याड मार्फत माइ सेकेण्ड टिचर भित्रिएको थियो ।

 

Continue Reading
अन्तर्राष्ट्रिय8 hours ago

पडिक्कलको पहिलो आईपीएल शतकमा बेंगलोरको लगातार चौथों जित

Headline15 hours ago

नेपालद्वारा मलेसिया ६९ रनको बिशाल अन्तरले पराजित

Headline17 hours ago

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Headline18 hours ago

दिपेन्द्र, कुशल र आसिफलाई माइ सेकेण्ड टिचरको साथ

Headline19 hours ago

कमल सिँह ऐरिले पाए नेपालको लागि ट्वान्टी ट्वान्टी अन्तर्राष्ट्रिय डेब्युको मौका

Headline20 hours ago

रोनाल्डो फर्कदा युभेन्टसको जित, इन्टर बराबरीले पनि मजबुत

Headline22 hours ago

नेपाल मलेसिया भिड्दै गर्दा सन्दिपको १ सयौं टि ट्वान्टी, कुशल अर्को किर्तिमान नजिक

Headline23 hours ago

जर्मन बुन्डेसलिगाः रेलिगेसन सहन नसकेपछि साल्के खेलाडीहरुमाथि आक्रमण, अण्डा प्रहार

Headline23 hours ago

अर्को जितपछि ग्वार्डियोलाले भने सुपर लिग एउटा समाप्त अध्याय

Headline1 day ago

रियल म्याड्रिड ला लिगाको शिर्ष स्थानमा

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!