Connect with us

अन्तर्राष्ट्रिय

१६ बर्ष पछि पाकिस्तानको भ्रमण गर्दै इंग्ल्यान्ड

wesportz

Published

on

इंग्ल्यान्ड क्रिकेट टोलीले १६ बर्ष पछि पाकिस्तानको भ्रमण गर्ने भएको छ । इंग्ल्यान्डले सन् २०२१ को अक्टोबरमा गर्ने पाकिस्तान भ्रमणका क्रममा दुईवटा ट्वान्टी ट्वान्टी खेलको शृंखला खेल्ने छ ।

पछिल्लो पटक इंग्ल्यान्डले सन् २००५ मा पाकिस्तान भ्रमण गरेको थियो । उक्त समयमा इंग्ल्यान्डले तीन टेस्ट र पाँच एकदिवसीय खेलको शृंखला खेलेको थियो । सन् २००९ मा श्रीलंका क्रिकेट टोली माथि भएको आतंककारी हमला पछि कुनै पनि टोलीले पाकिस्तान खेल्न नखोजे पछि पाकिस्तानले युएईलाई आफ्नो घरेलु मैदानका रुपमा प्रयोग गर्दै आएको छ । इंग्ल्यान्डले पाकिस्तानको घरेलु शृंखलाका लागि सन् २०१२ र २०१५ मा युएईको भ्रमण गरेको थियो ।

यस अघि इंग्ल्यान्डले सन् २०२१ को सुरुवातमा नै पाकिस्तानको भ्रमण गर्ने जनाए पनि भारत र श्रीलंका भ्रमणका कारण इंग्ल्यान्डले शृंखलालाई अक्टोबर सम्मका लागि सार्न पाकिस्तान क्रिकेट बोर्डलाई आग्रह गरेको थियो । इंग्ल्यान्डले सन् २०२१ मा भारतमा आयोजना हुने ट्वान्टी ट्वान्टी विश्वकपको तयारी स्वरुप पाकिस्तानको भ्रमण गर्न लागेको हो ।

इंग्ल्यान्ड टोलीले पाकिस्तान भ्रमणका क्रममा अक्टोबर १४ र १५ तारिखमा दुई खेल खेल्ने छ । इंग्ल्यान्ड टोली १२ तारिखमा पाकिस्तान आइपुग्ने छ भने १६ तारिखमा भारतको लागि प्रस्थान गर्नेछ ।

Headline

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

wesportz

Published

on

ग्लेन म्याक्सवेलको आक्रमक ब्याटिङ्ग र एस्टन एगरको घातक बलिङ्गपछि अष्ट्रेलियाले न्युजिल्याण्डबिरुद्धको ट्वान्टी ट्वान्टी अन्तर्राष्ट्रिय श्रृंखलामा सुखद पुनरागमन गरेको छ ।

वेलिँगटनमा भएको तेश्रो ट्वान्टीमा ट्वान्टीमा अष्ट्रेलियाले घरेलु टोलीमाथि ६४ रनको फराकिलो जित हात पार्यो । न्युजिल्याण्डले पहिलो दुई खेल जितेको थियो ।

म्याक्सवेलसँगै कप्तान आरोन फिन्चले पनि अद्र्धशतक प्रहार गरेपछि पहिलो ब्याटिङ्ग गरेको अष्ट्रेलियाले २० ओभरमा चार विकेटको क्षतिमा २ सय ८ रनको बिशाल योगफल खडा गर्यो । जवाफमा एगरले मिडल अर्डर र लोवर अर्डर ध्वस्त पारेपछि न्युजिल्याण्ड १७ दशमलव एक ओभरमा १ सय ४४ रनमै समेटियो ।

चार ओभरमा ३० रन खर्चिएका एगरले ट्वान्टी ट्वान्टी अन्तर्राष्ट्रियमा अष्ट्रेलियाका लागि सबैभन्दा सफल बलिङ्ग प्रदर्शन गरेका हुन् । डेभोन कन्वेको महत्वपूर्ण विकेट लिएका बायाँ हाते स्पिनर एगरबिरुद्ध ठूलो शट खेल्ने प्रयासमै न्युजिल्याण्डका ब्याट्स्म्यानहरुले आफ्नो विकेट गुमाएका थिए ।

न्युजिल्याण्डका लागि ओपनर मार्टिन गुप्टिलले २८ बलमा ४३ रन प्रहार गरे । उनको इनिङ्गसमा तीन छक्का र दुई चौका समावेश थियो । कन्वेले २७ बलमा पाँच चौका र एक छक्काको मद्दतमा ३८ रन बनाए । अष्ट्रेलियाका लागि राइली मेरडिथले पनि दुई विकेट लिएका थिए ।

यसअघि ओपनर म्याथ्यु वेडलाई दोश्रो ओभरमा नै गुमाएको अष्ट्रेलियालाई फिञ्चले सम्हालेका थिए । यसअघिका खेलहरुमा राम्रो प्रदर्शन गर्न नसकेपनि निकै आलोचना व्यहोरेका फिन्चले ४४ बलमा ६९ रन जोड्दै जोश फिलिपेसँग ८३ रनको साझेदारी गरेका थिए ।

फिलिपेले २७ बलमा ४३ रन बनाए । उनको इनिङ्गसमा तीन चौका र एक छक्का सामेल थियो । फिलिपेको विकेट पतनपछि म्याक्सवेलले पूर्ण रुपमा खेललाई नियन्त्रणमा लिएका थिए । उनले जेम्स निसमलाई एकै ओभरमा पाँच चौका र एक छक्का सहित २६ रन प्रहार गरेका थिए ।

म्याक्सवेलले ३१ बलमा नटआउट ७० रन बनाए । फिन्चको इनिङ्गसमा ८ चौका र दुई छक्का सामेल थियो । न्युजिल्याण्डका लागि इश सोधीले दुई विकेट लिए ।

Continue Reading

Headline

ज्लाटन इब्राहिमोभिच र लेब्रोन जेम्सको वाक युद्ध

wesportz

Published

on

स्विडिस फुटबल लेजेण्ड ज्लाटन इब्राहिमोभिच र लस एन्जलस लेकर्सका एनबिए सुपरस्टार लेब्रोन जेम्सबीचको वाक युद्ध अझै शान्त भएको छैन ।

रँगभेदबिरुद्ध आवाज उठाउनुका साथै राजनीतिक टिप्पणीहरु पनि गर्ने गरेका जेम्सलाई शुक्रबार इब्राहिमोभिचले खेलमा मात्रै लाग्दा राम्रो हुने बताएका थिए । जेम्सले शनिबार यसको जवाफ फर्काउदै आफू कसैको समर्थन नरहेकाहरुको लडाईमा लागि रहने बताए ।

यस क्रममा जेम्सले २०१८ मा प्रकाशित एक रिपोर्टमा इब्राहिमोभिचले रँगभेदको सामना गर्नु परेको बिषयमा बोलेको पनि उल्लेख गरेका थिए । तर मँगलवार रोयटर्सलाई एक अन्तर्वार्ता दिदै इब्राहिमोभिचले फेरि पनि खेलाडी खेलाडी नै रहि रहनु पर्ने कुरामा आफू अडिग रहेको बताए ।

“रँगभेद र राजनीति दुई फरक कुरा हुन् । एथ्लिटहरुले संसारलाई एक गराउछन् तर राजनीतिले बिभाजित गर्छ । तपाई कहाँबाट आउनु भयो, यसले मतलब राख्दैन र हामी एकता ल्याउन हर सम्भव काम गरिरहेका हुन्छौं । मेरो सन्देश ? एथ्लिट, एथ्लिट हुनु पर्छ र राजनीतिज्ञ, राजनीतिज्ञ,” इब्राहिमोभिचले भने ।

इब्राहिमोभिचले दिएको अभिव्यक्ति जेम्सको लागि भने नौलो होइन । सन् २०१८ मा फक्स न्युजका कमेन्टेटर लौरा इन्ग्राहमले जेम्सलाई “सट अप एण्ड ड्रिबल” (चुप लागेर ड्रिब्लिङ्ग गर) भनेका थिए । जेम्सले पछि यही टिप्पणीलाई सो टाइममा प्रशारित आफ्नो डकुमेन्टरीको लागि प्रयोग गर्दै नमिठो ढँगले सार्वजनिक रुपमै कटाक्ष गरेका थिए ।

“सट अप एण्ड ड्रिबल” क्षणले जेम्सलाई भने अझै सशक्त अभियन्ताको रुपमा स्थापित गर्दै गयो । उनले आहायोमा आई प्रोमिज स्कुल  खोले र त्यसमा निरन्तर सहयोग गर्दै आइरहेका छन् । उनले २०१९ मा स्कुलमा जिम खोल्नका लागि १० लाख डलर पनि दिएका थिए । डिसेम्बरमा जेम्सले ओहायोकै शहर एक्रोनमा सामुदायिक केन्द्र निर्माण गर्ने घोषणा गरे ।

२०२० को अमेरिकी निर्वाचन अघि उनले प्रकृयागत रुपमै अश्वेत नागरिक भोटरमाथि हुने दमनबिरुद्ध लड्न “मोर द्यान अ भोट” नाम गरेको संस्था पनि स्थापित गरे । उक्त संस्थामा प्रशस्त खेलाडीहरु आबद्ध रहेका छन् ।

Continue Reading

Headline

सान्चोको गोलले डर्टमण्ड जर्मन कपको सेमिफाइनलमा

wesportz

Published

on

इङ्गल्याण्ड विङ्गर जेडन सान्चोले एक मात्र निर्णायक गोल गर्दा बोरुसिया डर्टमण्ड जर्मन कपको सेमिफाइनलमा प्रवेश गरेको छ । अवे खेलमा डर्टमण्डले बोरुसिया मोइन्चेनग्ल्याडब्याचलाई ले हरायो ।

बोरुसिया पार्कमा भएको क्वार्टर फाइनको दोश्रो हाफमा पाहुना टोलीको आफ्नै पेनाल्टी एरियाबाट शुरु भएको काउन्टर अट्याकमा सान्चोले गोल गरेका थिए । अतिरिक्त समयमा मोहम्मद दाहुद दोश्रो पहेलो कार्ड खादै मैदान बाहिरिएपछि डर्टमण्ड १० जनामा सिमित भएको थियो ।

“हामीले अन्तिम मिनेटसम्म राम्रो फाइट दियौं । फरक उर्जाका साथ मैदान उत्रनु नै हाम्रो खेलको प्रमुख आधार हुनु पर्छ,” शनिबार डिफेन्डिङ्ग च्याम्पियन तथा शिर्ष स्थानको बायर्न म्युनिखबिरुद्धको खेल अघि डर्टमण्ड कप्तान मार्को रुसले भने । “हाम्रो लागि धेरै कुरा उत्कृष्ट ढँगले अगाडी नबढेको होला तर गोल नखानु निकै महत्वपूर्ण कुरा हो ।”

अर्को सिजन डर्टमण्डको बागडोर सम्हाल्न गइरहेका ग्ल्याडब्याचका प्रशिक्षक मार्को रोजका लागि भने मङ्गलवारको रात बिर्सनलायक रह्यो । उनी डर्टमण्ड आउने घोषणा भएयता रोजले च्याम्पियन्स लिगमा म्यानचेस्टर युनाइटेडसँग व्यहोरेको २–० को हारसँगै सबै चार खेलहरु हारिसकेका छन् ।

डिफेन्डिङ्ग च्याम्पियन बायर्न जर्मन कपबाट दोश्रो श्रेणीको होल्स्टेन किलसँग पेनाल्टी सुटआउटमा पराजित हुदै बाहिरिसकेको छ भने फर्ममा रहेका दुई बुन्डेसलिगा टोली आरबी लाइपजिग र उल्फ्स्बर्ग अर्को क्वार्टर–फाइनलमा बुधबार भिड्ने छन् ।

बुधबार नै होल्स्टेन किलले चौथो श्रेणीको क्लब रट वेस एसेनको सामना गर्नेछ ।

Continue Reading
Headline51 mins ago

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

Headline1 hour ago

फुटसल लिगका सबै खेल कान्तिपुरमा लाइभ हुने

Headline2 hours ago

बि डिभिजन: नयाँ बस्ती र टुसालबीचको खेल बराबरीमा समाप्त

Headline2 hours ago

ज्लाटन इब्राहिमोभिच र लेब्रोन जेम्सको वाक युद्ध

Headline8 hours ago

सान्चोको गोलले डर्टमण्ड जर्मन कपको सेमिफाइनलमा

Headline8 hours ago

प्रिमियर लिगको उपाधि दौडलाई सामान्य प्रकृयामा परिणत गर्दै सिटी

Headline9 hours ago

६ सयौं लिग खेलको कोशेढुँगामा रोनाल्डोको गोल

Headline10 hours ago

२०११ मा बिश्वकप फाइनल, २०२१ मा अष्ट्रेलियामा बस ड्राइभर

Headline20 hours ago

चार नेपाली महिला फुटबलरहरुले पाकिस्तानमा खेल्ने

Headline22 hours ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending