Connect with us

Headline

बिश्व फुटबलमा चर्चित देशहरुको ‘निकनेम’ र त्यसको कारण

wesportz

Published

on

फुटबलमा लामो समयदेखि राज गर्दै आइरहेका टिमहरु जति प्रख्यात छन् उति नै प्रख्यात उनीहरुको उपनाम (निकनेम) पनि छ । अन्तर्राष्ट्रिय मिडियामा ती टिमहरुको बारे समाचार आउदा अथवा कुनै पनि सामग्री बन्दा उनीहरुको उपनाम एक न एक पटक जोडिएकै हुन्छ ।

उपनामले एक हिसाबले टिमलाई एक छुट्टै पहिचान त दिन्छ नै सुन्नेलाई अतिरिक्त कौतुहलता पनि जागेर आउछ । कति फुटबल समर्थकहरुलाई त यो निकनेम बुझ्न नै कठिन हुने गर्छ । आज हामी त्यस्तै फुटबल समर्थकहरुको कौतुहलता मेटाउदै निकनेम पछाडीको अर्थ खुलस्त पार्नेछौं ।

इटाली (अज्जुरी)

सन् २००६ मा इटालीले चौथो पटक बिश्वकप जित्दा उ ब्राजिलपछि सबैभन्दा बढी उपाधि जित्ने टोली बनेको थियो । ब्राजिलले पाँच पटक बिश्वकप जितेको छ । इटालीको राष्ट्रिय फुटबल टोलीलाई ‘अज्जुरी’ पनि भनिने गर्छ र यो नाम पटक पटक लिने गरिन्छ । शायद यो उपनाम बिश्व फुटबलमा सबैभन्दा बढी चर्चित छ ।

अज्जुरी भनेको इटालियन भाषमा निलो रँग हो । इटालीको मुख्य जर्सि निलो भएकोले उसको फुटबल टिमलाई अज्जुरी भनिने गरिएको हो । इटालीको दोश्रो जर्सी सेतो रँगको हुने गर्छ तर टिमको पहिचान निलो जर्सिमा छ ।

अर्जेन्टिना (आल्बिसेलेस्टे)

इटालीको निकनेम भन्न जति सजिलो छ अंग्रेजीको हिज्जे हेर्ने हो भने अर्जेन्टिनाको उपनाम भन्न केही क्षण सोच्नै पर्छ । अर्जेन्टिनी टिमलाई ‘आल्बिसेलेस्टे’ पनि भन्ने गरिन्छ । स्पेनिस बोलिने गरेको अर्जेन्टिनामा यसको नाम लेखिदा (Albiceleste) हुन्छ । त्यसैले बोल्दा केही समय हिज्जेमा ध्यान दिनुपर्छ ।

अन्तर्राष्ट्रिय मिडियामा अज्जुरी (Azzurri) लेख्न जति सजिलो हुन्छ, आल्बिसेलेस्टे लेख्नलाई हिज्जे कण्ठ पार्नै पर्छ । आल्बिसेलेस्टेको मतलब स्पेनिसमा आकाशे निलो र सेतो हो । यो अर्जेन्टिनाको झण्डाको रँग हो र अर्जेन्टिनी फुटबल टिमको प्रमुख जर्सीको पनि । अर्जेन्टिनी टिम जस्तै यसको जर्सी पनि निकै लोकप्रिय छ । यसको श्रेय म्याराडोनालाई जान्छ भने उनको लिगेसीलाई लियोनेल मेस्सीले पनि कायमै राखेका छन् ।

नेदरल्याण्ड्स (ओरान्ये)

नेदरल्याण्ड्सको राष्ट्रिय फुटबल टोलीको उपनाम उक्त देशको झण्डा अनुरुप छैन । नेदरल्याण्ड्सको झण्डाको रँग सेतो, निलो र रातो हो तर पनि राष्ट्रिय टोलीले सुन्तला रँगको जर्सी लगाउने गर्छ । सुन्तलालाई डच भाषमा ‘ओरान्ये’ (Oranje) भनिन्छ । यसमा अंग्रेजीको तुलनामा मात्र जी लेटरको फरक छ तर उच्चारण गरिदा भने पूर्ण रुपमा फरक छ ।

नेदरल्याण्ड्सको जर्सी सुन्तला रँगको हुनुको कारण त्यहाको शाही परिवार हो । नेदरल्याण्ड्सको शाही परिवारको रँगको प्रतिक सुन्तला रँगको भएर नै देशको फुटबल टोलीको जर्सी उक्त रँगको हुन गएको हो ।

इङ्गल्याण्ड (द थ्रि लायन्स)

इङ्गल्याण्ड राष्ट्रिय फुटबल टोलीको जर्सीमा भएको लोगोमा तीन वटा सिँहको आकृति प्रयोग गरिएको छ । यो आकृति १२ औं शताब्दीको दौरान इङ्गल्याण्डमा शासन गरेका प्लान्टाजेनेट शासकहरुको कोटमा हुने गथ्र्यो । यसलाई नै पछि इङ्गल्याण्डको फुटबल टिमको जर्सीमा प्रयोग गरियो र राष्ट्रिय टोलीलाई ‘द थ्रि लायन्स’ पनि भनियो ।

जापान (ब्लु सामुराई)

जापानी राष्ट्रिय फुटबल टोलीको जर्सीको रँग निलो हुनु पछाडी कुनै बिशेष कारण नै छैन । जापानले जब १९५४ मा बिश्वकप छनोट खेल्न थाल्यो त्यो समय जापानमा न कुनै व्यवसायिक लिग थियो न त व्यवसायिक खेलाडी नै । त्यसैले टोक्यो बिश्वबिद्यालयको सिँगो टोलीले नै जापान देशको प्रतिनीधित्व गर्दै बिश्वकप छनोट खेलेका थिए ।

टोक्यो बिश्वबिद्यालयको फुटबल जर्सी निलो थियो र यही कारणले पछि पनि यसले मान्यता पाएको हो । जापानले पहिलो बिश्वकप १९९८ मा खेलेको थियो । सामुराई शब्द भने जापानमा १२ औं देखि १९ औं शताब्दीसम्म शासन गरेका सामुराई योद्धाहरुको नाममा प्रयोग गरिएको हो ।

अष्ट्रेलिया (सकरुज)

अमेरिका र क्यानडामा जस्तै अष्ट्रेलियामा पनि फुटबललाई बोली चालीमा ‘सकर’ भन्ने गरिन्छ । अष्ट्रेलियामा फुटबल भनेको ‘रुल्स फुटबल’ हो जुन रग्बी भन्दा केही परिमार्जित हुन्छ । अष्ट्रेलियाले यो सञ्चालनको लागि आफ्नै नियम बनाएको छ । क्रिकेट र रग्बीपछि फुटबल अष्ट्रेलियामा तेश्रो रोजाइमा रहने गरेको खेलकुद हो ।

अष्ट्रेलियन फुटबल टिमलाई ‘सकरुज’ भन्ने कारण त्यहा मात्रै पाइने जनावर कँगारु हो । यो सकर र कँगारुज शब्दहरुलाई मिसाए कँगारुज बनाइएको हो । अष्ट्रेलियाको क्रिकेट टिमलाई कँगारुज भनिन्छ भने रग्बी टिमलाई ‘वालबिज’ भनिन्छ । वालबिज अष्ट्रेलिया र पपुवा न्यु गिनीमा मात्र पाइने अर्को जनावर हो जुन दुरुस्त कँगारु जस्तै देखिन्छ ।

दक्षिण अफ्रिका (बफाना बफाना)

२०१० को बिश्वकपमा सबैभन्दा चर्चित उपनाम ‘बफाना बफाना’ नै थियो । दक्षिण अफ्रिकाले आफ्नै देशमा आयोजना गरेको बिश्वकपमा दोश्रो चरणमा प्रवेश गर्न नसकेपनि फ्रान्सलाई स्तब्ध पार्दै सनसनी मच्चाएको थियो । आदिवासी दक्षिण अफ्रिकीहरुको परम्परागत बाजा ‘भुभुजेला’ सँगै उक्त बिश्वकपमा दक्षिण अफ्रिकाको उपनाम पनि निकै चर्चित बन्यो ।

बफाना बफाना को अर्थ दक्षिण अफ्रिकी भाषामा ‘गो बोइज’ हुन्छ । दुई पटक यसको उच्चारण गर्दै दक्षिण अफ्रिकीहरुले आफ्नो टिमलाई हौस्याएका हुन् । त्यही शब्दलाई नै दक्षिण अफ्रिकी राष्ट्रिय फुटबल टोलीको उपनाम दिइएको हो ।

ब्राजिल (सेलेकाओ)

बिश्व फुटबलमा अहिले पनि सबैभन्दा सफल राष्ट्र ब्राजिलको उपनाम ‘सेलेकाओ’ हो । कुनै समय पोर्चुगलको अधीनमा रहेको ब्राजिलको भाषा पोर्चुगिज नै हो । १६ औं शताब्दीमा शुरु भएको पोर्चुगिज शासन १८२२ मा आएर समाप्त हुँदा ब्राजिलमा प्रयोग हुने गरेको पोर्चुगिज भाषामा पनि थुप्रै परिमार्जन भइसकेको छ ।

ब्राजिलि फुटबल टोलीलाई दिइएको उपनाम सेलेकाओ भने शुद्ध पोर्चुगिज भाषा नै हो । पोर्चुगिजमा सेलेकाओको अर्थ हुन्छ सेलेक्सन, अर्थात छनोट । राष्ट्रिय टोलीमा छनोट भएको कारण ब्राजिली टोलीलाई सेलेकाओ भनिएको हो । पोर्चुगिज टोलीलाई पनि सेलेकाओ नै भनिन्छ तर ब्राजिललाई भनिने जसरी चर्चित भने हुन सकेन । पोर्चुगलले पहिले नै धेरै बिश्वकप जितेको भए शायद यो नाम उसकै हुने थियो ।

Click to comment

Leave a Reply

Your email address will not be published. Required fields are marked *

Headline

साफ च्याम्पियनसिपका लागि नेपाली फुटबल टोलीको घोषणा

wesportz

Published

on

माल्दिभ्समा अक्टोबर १ देखि शुरु हुन गइरहेको साफ च्याम्पियनसिपका लागि नेपाली टोलीको घोषणा भएको छ ।

हाल साफ च्याम्पियनसिपको तैयारीका लागि कतारमा रहेको २५ सदस्यीय नेपाली टोलीबाट प्रशिक्षक अब्दुल्लाह अल्मुताइरीले गोलकिपर बिकेश कुथु र डिफेण्डर राजन गुरुङलाई बाहिर राखेका छन् ।

नेपाली टोलीले आइतबार नै ओमानको राष्ट्रिय टोलीसँग अनौपचारिक मैत्रीपूर्ण खेल्न गइरहेको छ ।

अक्टोबर १६ सम्म हुने साफ च्याम्पियनसिपमा नेपालले आफ्नो पहिलो खेल अक्टोबर १ मै माल्दिभ्स बिरुद्ध खेल्न गइरहेको छ । भुटान र पाकिस्तानको अनुपस्थिति रहेको साफ च्याम्पियनसिप यस पटक राउण्ड रोबिनका आधारमा हुन गइरहेको छ ।

सबै टिमले एक अर्कासँग गरेर कुल चार खेल खेल्नेछन् भने लिगको शिर्ष स्थानमा रहने दुई टोली सिधै फाइनलमा भिड्ने छन् । नेपाल अहिले सम्म साफ च्याम्पियनसिपको फाइनल सम्म पनि पुग्न सकेको छैन ।

नेपाली टोली यस प्रकार रहेको छः

किरण चेम्जोङ, दिप कार्की, बिशाल श्रेष्ठ, दिनेश राजबंशी, सुरज जेउ ठकुरी, अनन्त तामाङ, गौतम श्रेष्ठ, सुमन अर्याल, नितिन थापा, बिशाल राई, सुनिल बल, आशिष लामा, पुजन उपरकोटी, सुमन लामा, तेज तामाङ, अञ्जन बिष्ट, सुजल श्रेष्ठ, सन्तोष तामाङ, नवयुग श्रेष्ठ, आयुष घलान, मनिष डाँगी, कमल थामा, रोहित चन्द

Continue Reading

Headline

भैरहवाका सशक्त प्रदर्शनमा बर्षा बाधक

wesportz

Published

on

बर्षा बाधक बनेपछि एभरेष्ट प्रिमियर लिगमा भैरहवा ग्लेडिएटर्सका दुई डेब्युटेन्टको प्रदर्शन छायामा परेको छ । भारी बर्षाका कारण पोखरा राइनोज र भैरहवाबीचको दिनको दोश्रो खेल रद्द हुन पुग्यो ।

बायाँ हाते तिब्र गतिका बलर दुर्गेश गुप्ताले सनसनीपूर्ण प्रदर्शन गर्दै तीन विकेट लिएपछि पोखराले १० दशमलव १ ओभरमा ६५ रन जोड्दा ७ विकेट गुमाईसकेको थियो । तर भारी बर्षाका कारण मैदानमा पानी जमेपछि खेल रद्द गरिएको थियो ।

धम्मिका प्रसादले पहिलो ओभरमै खतरनाक दक्षिण अफ्रिकी ब्याट्स्म्यान रिचर्ड लेभीलाई शुन्यमै पेभिलियन फर्काएका थिए । त्यसपछि खेलमा दुर्गेशले सनसनीपूर्ण प्रदर्शन गरे ।

ट्यालेन्ट हन्टबाट आएका उनले दोश्रो ओभरमा पाचौं बलमा बिपिन रावल (६) र कप्तान बिनोद भण्डारीको लगालग विकेट लिए । अर्को ओभरमा उनले उत्कृष्ट ढँगले सुनिल धमलालाई बोल्ड गरे ।

अविनाश बोहोराले लोकश बमलाई पनि आरिफ शेखको हातबाट क्याच आउट गराएपछि पोखराले १२ रनमै पाँच विकेट गुमाएको थियो ।

श्रीलंकन खेलाडी असेला गुणरत्नेले केही राम्रा सटहरु खेल्दै २३ रन बनाएपछि रनआउट हुँदा भैरहवाले ४० रनमा छैटौं विकेट गुमायो । चाइनाम्यान बलर तुल बहादुर थापाले पनि आफ्नो पहिलो फ्रान्चाइज खेलमा वेष्ट इण्डिजका केजरिक विलियम्सलाई शुन्यमै पेभिलियन फर्काए ।

aखेल बर्षाले बिथोलिदा बिबेक यादव १६ र बिक्रम सोब ७ रनमा खेलिरहेका थिए ।

Continue Reading

Headline

बिराटनगरलाई अन्तिम बलमा पराजित गर्दै चितवनको बिजयी शुरुवात

wesportz

Published

on

राजेश पुलामी मगरले सुझबुझपूर्ण इनिङ्गस खेल्दै राम्रो फिनिसिङ्ग दिदा चितवन टाइगर्सले एभरेष्ट प्रिमियर लिगमा बिजयी शुरुवात गरेको छ । त्रिवि मैदानमा दिनको पहिलो खेलमा चितवनले २०१७ को बिजेता बिराटनगर वारियर्सलाई दुई विकेटले पराजित गर्यो ।

बलरहरुको मिश्रित प्रदर्शनमा चितवनले बिराटनगरलाई ९ विकेटको क्षतिमा १ सय ५१ रनमै रोक्यो । अफगानिस्तानका बिष्फोटक ओपनर मोहम्मद साहजादलाई शुरुमै गुमाएपनि घरेलु खेलाडीहरुले महत्वपूर्ण ब्याटिङ्ग प्रदर्शन दिदा चितवनले अन्तिम बलमा जित हात पार्यो ।

बिराटनगरले नियमित रुपमा चितवनको विकेट लिएपनि भिम सार्की, दिलिप नाथ र राजेशले जितको आधार खडा गरेका थिए । छरितो ब्याटिङ्ग गरेका भिमले ११ बलमै ३० रन प्रहार गरेका थिए । उनले पाँच चौका र एक छक्का प्रहार गरे ।

दिलिपले दुई छक्का र एक चौकाको मद्दतमा २१ बलमा २३ रन बनाए । अन्तिम बलमा एक रन चाहिएको अवस्थामा स्पिनर अनिल खरेललाई चौका प्रहार गरेका राजेशले ३९ बलमा दुई छक्का र दुई चौकाको मद्दतमा ४३ रन बनाए ।

अन्तिम ओभरमा दुई रन चाहिएको अवस्थामा अनिलले पहिलो पाँच बलमा मात्र एक रन खर्चदै कमल सिँह ऐरिलाई बोल्ड गरेका थिए । बिराटनगरले सिकन्दर रजा र कप्तान करण केसीले २–२ विकेट हात पारे ।

यसअघि सोमपाल कामीले पहिलो ओभरमै दुई विकेट लिएपछि बिराटनगरको शुरुवात राम्रो हुन सकेन । राष्ट्रिय टोलीका स्टार ओपनर आसिफ शेख गोल्डेन डक आउट हुन पुगे भने क्यानडाका रायन पठान (चार) पनि सस्तैमा पेभिलियन फर्किएका थिए ।

दोश्रो ओभरमा चन्द्रपउल हेमराजलाई कमल सिँह ऐरिले बोल्ड गरेपछि बिराटनगरले ९ रनमै तीन विकेट गुमाएको थियो ।

अनिल कुमार साह र रजाले चौथो विकेटका लागि ६१ रनको साझेदारी गर्दै बिराटनगरलाई सम्हालेका थिए । स्पिनर सागर ढकालले त्यसपछि दुई बलमा दुई विकेट लिदै बिराटनगरलाई रोकेका थिए ।

उनले अनिल र सुमित महर्जनको विकेट लिदै चितवनलाई खेलमा फर्काएका थिए । अर्को ओभरमा साहब आलमले करण केसीलाई एक रनमै पेभिलियन फर्काए । ३१ बलमा ३२ रन बनाउदा तीन चौका र एक छक्का प्रहार गरे ।

७३ रनमा ६ विकेट गुमाएको स्थितिबाट रजाले सौरभ खनालसँग ५१ रनको साझेदारी गर्दा निरन्तर रन बटुलेका थिए । रजाले ४७ बलमा ६७ रन बनाए । उनको इनिङ्गसमा ७ छक्का र दुई चौका प्रहार गरेका थिए ।

सौरभले १९ बलमा नटआउट ३० रनको महत्वपूर्ण इनिङ्गस खेलेपछि बिराटगरले डेढ सय रन कटाएको थियो । सोमपाल र सागर बाहेक चितवनका लागि करिम जन्नत र कमलले पनि २–२ विकेट लिएका थिए ।

Continue Reading
Headline12 hours ago

साफ च्याम्पियनसिपका लागि नेपाली फुटबल टोलीको घोषणा

Headline12 hours ago

भैरहवाका सशक्त प्रदर्शनमा बर्षा बाधक

Headline16 hours ago

बिराटनगरलाई अन्तिम बलमा पराजित गर्दै चितवनको बिजयी शुरुवात

Headline1 day ago

म्यानचेस्टर युनाइटेड एस्टन भिल्लासँग स्तब्ध, चेल्सीलाई सिटीले हरायो

Headline2 days ago

काठमाडौंको उत्कृष्ट प्रदर्शन, डिफेन्डिँग च्याम्यिन ललितपुर पहिलो खेलमै पराजित

Headline6 days ago

९० औं मिनेटको गोलले बार्सिलोना जोगियो

Headline7 days ago

नेपाली फुटबल टोलीले बलियो ओमानसँग मैत्रीपूर्ण खेल्ने !

Headline7 days ago

अन्तिम ४ मिनेटमा दुई गोल गर्दै रियलको सनसनीपूर्ण जित

Headline1 week ago

नेपालले ८ बर्षमा पहिलो पटक ओमानलाई हरायो

Headline1 week ago

नेपालको उत्कृष्ट बलिङ्ग, ओमान १ सय २१ रनमै समेटियो

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!