Connect with us

Headline

सर्वाधिक गोलकर्ताको किर्तिमान बनाउने भरतको लक्ष्य

wesportz

Published

on

बङ्गलादेशविरुद्ध नोभेम्बर १३ र १७ मा को दुई मैत्रीपुर्ण खेलमा उत्रदा नेपाली राष्ट्रिय फुटबल टोलीका फरवार्ड भरत खवास नेपालको तर्फबाट सर्वाधिक गोलकर्ताको किर्तिमान बनाउने लक्ष्यमा हुनेछन् ।

नेपालका लागि सर्वाधिक गोल गर्ने खेलाडीको सुचीमा शिर्ष स्थानमा उक्लन भरतलाई तीन गोलको आवश्यकता रहेको छ । भरतले हाल सम्म नेपालको लागि ५६ खेल खेल्दै १० गोल गरेका छन् भने अर्का पुर्व नेपाली फर्वार्ड जुमानु राईसँगै सर्वाधिक गोल गर्ने खेलाडीको सुचीमा दोश्रो स्थानमा रहेका छन् ।

पहिलो स्थानमा रहेका हरि खड्का र निराजन रायमाझीको नाममा समान १३-१३ गोल रहेको छ ।

भरतले बङ्गलादेश विरुद्धको खेलमा तीन गोल गर्ने हो भने उनी हरि र निराजनको नाममा रहेको १३ गोलको किर्तिमानको बराबरी गर्ने छन् । चार गोल गरेको खण्डमा नयाँ किर्तिमान आफ्नो नाममा लेखाउने छन् ।

नेपाली टोलीसँगै बङ्गलादेशमा रहेका भरतले विस्पोर्टज् सँगको कुराकानीमा बङ्गलादेशविरुद्ध मैदानमा उत्रदा गोल गर्दै नेपाललाई जिताउने र सर्वाधिक गोलकर्ताको किर्तिमान राख्ने चाहना भएको बताए ।

“हामी लामो अन्तराल पछि अन्तराष्ट्रिय फुटबल खेल्दै छौं । कोरोनाका कारण खेलकुद रोकिंदा यसको असर फुटबलमा पनि परेको छ र यस्तो अवस्थामा अन्तराष्ट्रिय खेल खेल्ने मौका पाउँदा नेपालको तर्फबाट सबैभन्दा धेरै गोल गर्ने खेलाडीको किर्तिमान बनाउने लक्ष्य राखेको छु,” भरतले भने ।

         अभ्यासका क्रममा भरत खवास  तस्बिर/एन्फा 

“बङ्गलादेश हामीले पहिले पनि खेलेको टोली हो । उसको बलियो र कमजोर पक्ष सबै राम्रोसँग थाहा छ । त्यसैले पनि दुई खेलमा कम्तिमा तीन गोल गर्दै हरि दाई र निराजन दाईको किर्तिमान बराबरी गर्ने सोच राखेको छु,”

तर भरत शुरुवाती ११ मा अथवा खेल्न नपाउने हो कि भन्ने कुरामा पनि सजग छन् । उनी भन्छन्, “अहिले राष्ट्रिय टोलीमा पर्नका लागि मात्र नभएर खेल्ने अवसर पाउन पनि निकै कठिन छ । टोलीमा निकै प्रतिस्पर्धा छ । अहिलेका युवा भाईहरु पनि निकै राम्रा छन् । सबैभन्दा पहिले खेल्ने अवसर बनाउन सक्नु पर्छ ।”

“कोरोनाका कारण खेल्न नपाए पनि आफुले आफैलाई फिट राखेको र पर्याप्त अभ्यास पनि गरेकोले गर्दा राम्रो फर्ममा नै छु । अब भनेको खेलको पाटो हो । खेलमा पनि आफुले राम्रो गर्न सक्छु भन्नेमा विश्वस्त छु,” भरतले जोशिलो आवाजमा भने ।

उनले आफुले अभ्यासमा देखाएको प्रदर्शनले शुरुवाती ११ मा स्थान बनाउनेमा ढुक्क रहेको नि बताए । “मौका पाएको खण्डमा राम्रो प्रदर्शन गर्न सक्छु । राष्ट्रिय टोलीसँगको अभ्यासका क्रममा पनि राम्रो प्रदर्शन गरेकोले गर्दा सुरुवाती ११ मा नै स्थान बनाउनेमा ढुक्क छु,” भरतले थपे ।

त्यस्तै भरत मैत्रीपूर्ण खेल भएकाले प्रतियोगिताहरुमा भन्दा गोल गर्ने अवसर धेरै र खेलमा दवाब काम हुने भएकाले गोल गर्न गार्हो नभएको बाताए ।

यो पनि पढ्नुहोस्:अन्तर्राष्ट्रिय फुटबलको पुनरागमनमा जितको आशा

“मेरो बिचारमा प्रतियोगितामा भन्दा पनि मैत्रीपूर्ण खेलहरुमा गोलको अवसर बढी हुन्छ । हुन त प्रतियोगिता होस् या मैत्रीपूर्ण खेल दुबैमा पहिलो लक्ष्य भनेको जित नै हुन्छ तर प्रतियोगितामा जित्नै पर्ने दवाब बढी हुन्छ । जसमा गल्ती गर्ने मौका कम नै हुन्छ । त्यसैले कति पय अवस्थामा आफुले नै गोलको लागि जाने भन्दा पनि अरु साथीहरुलाई गोलको अवसर सिर्जना गर्न पर्ने हुन्छ तर मैत्रीपूर्ण खेलमा आफुले नै गोल गर्न जाँदा पनि त्यती फरक पर्दैन,” भरतले थपे ।

सन् २००८ मा पाकिस्तान विरुद्ध पोखरामा भएको पाकिस्तान विरुद्धको मैत्रीपूर्ण खेलबाट रास्ट्रिय टोलीमा डेब्यु गरेका भरतले नेपाली जर्सीमा ५६ खेल खेलेका छन् ।

भरत खवासले  गरेका अन्तराष्ट्रिय  गोलहरु
जोर्डन – १ गोल
बङ्गलादेश – १ गोल
पाकिस्तान – २ गोल
अफगानिस्तान – १ गोल
भुटान – १ गोल
ब्रुनाई – १ गोल
नर्थन मरियाना – ३ गोल (ह्याट्रिक)

नेपालको तर्फबाट धेरै गोल गर्ने खेलाडी
हरि खड्का १३ गोल
निराजन रायमाझी १३ गोल

जुमानु राई १० गोल

भरत खवास १० गोल

गणेश थापा ९ गोल
बसन्त थापा ९ गोल
अनिल गुरुङ ९ गोल

बिमल घर्ती मगर ८ गोल

मणि शाह ६ गोल
नरेश जोशी ६ गोल
नवयुग श्रेष्ठ ६ गोल

Headline

युनाइटेड लेस्टरसँग पराजित भए पछि म्यानचेस्टर सिटी प्रिमियर लिग च्याम्पियन

wesportz

Published

on

म्यानचेस्टर युनाइटेडलाई लेस्टर सिटी एफसीले २-१ ले हराए पछि म्यानचेस्टर सिटीले प्रिमियर लिगको उपाधी जितेको छ ।

मंगलबार राती भएको खेल लेस्टरका लागि लुक थोमस र कल्गर सोयुचुले गोल गर्दै युनाइटेडलाई २-१ ले प्राजित गरेका थिए । युनाइटेडका लागि भने मेसन ग्रिनवुडले एक गोल गरेका थिए ।

थोमसले खेलको १० औँ मिनेटमा लेस्टरलाई अग्रता दिलाए पनि युनाइटेडका लागि १५ औँ मिनेटमै ग्रिनवुडले गोल गरे पछि खेल बराबरीमा आएको थियो । त्यस पछि भने दोस्रो हाफको ६६ औँ मिनेटमा सोयुचुले गोल गरेदै लेस्टरलाई जित दिलाए ।

युनाइटेड पराजित भए पछि सिटीलाई लिगको उपाधी उपहार दिन पुग्यो । सिटीको यो पाँचौँ प्रिमियर लिग उपाधि हो । प्रशिक्षक गोर्डियोला आए पछि मात्रै सिटीले ८ उपाधि जितिसकेको छ ।

सिटीले २००८ मा अबु धाबीका सेख मन्सुरले क्लब किने पछि मात्रै १२ उपाधिहरु हात पेरिसकेको छ ।

Continue Reading

Headline

बिशालको गोलपछि धनगढी नेपाल सुपर लिगको फाइनलमा

wesportz

Published

on

बिशाल राइले अतिरिक्त समयमा गोल गरेपछि धनगढी एफसी नेपाल सुपर लिगको फाइनलमा प्रवेश गरेको छ ।

पहिलो क्वालिफायरमा धनगढी एक गोलले पछाडी रहेको स्थितिमा मङ्गलवार काठमाडौं रेजर्सलाई निकै नै रोमाञ्चक खेलमा काठमाडौं रेजर्सलाई पराजित गर्न सफल भयो ।

१ सय आठौं मिनेटमा काठमाडौं डिफेन्सले खराब क्लियरेन्स गरेपछि सब्स्टिच्युट रमेश दँगालबाटको आएको हेडरमा बिशालले गोलकिपर बिकेश कुथुलाई आरामले बिट गर्दै बिजयी गोल गरेका थिए ।

तेज तामाङको गोलपछि पुजन उपरकोटीले प्रतियोगिताकै सम्भवत उत्कृष्ट गोल गरेपछि खेल अतिरिक्त समयमा धकेलिएको थियो । तेजले लिगका सर्वाधिक गोलकर्ता मेसुकेको असिस्टमा हेडर मार्फत गोल गरेपछि काठमाडौंले अग्रता लिएको थियो ।

तर पुजनले बाइसाइकल किकमा गोल गर्दै धनगढीलाई खेलमा फर्काएका थिए । अतिरिक्त समयमा धनगढीले बिशालमार्फत उपाधिका लागि झण्डै एक कदम टाढा रहने गरि गोल गरेको थियो ।

अञ्जन राइले आफ्नो टोली पछाडी परेको स्थितिमा पोस्ट नजिकैबाट चुक्दा काठमाडौं खेलमा फर्कन असफल रहेको थियो । धनगढीले अब काठमाडौं र एलिमिनेटरको बिजेतासँग खेल्नेछ । दोश्रो क्वालिफायरको बिजेताले धनगढीसँग खेल्नेछ ।

एलिमिनेटरमा बुधबार बुटवल लुम्बिनी एफसी र ललितपुर सिटी एफसी खेल्दै छन् ।

खेलको पहिलो हाफमा काठमाडौंले नियन्तत्रण गरेको थियो । १६ औं मिनेटमा मेसुकेको कर्लिङ्ग शट क्रसबारमा लागेर फर्किएको थियो । ३७ औं मिनेट सुदिल राइले टाइट एँगलबाट गरेको प्रहारलाई धनगढीका गोलकिपर किरण चेम्जोङ्गले बचाइदिएका थिए ।

७५ औं मिनेटमा बिश्वास श्रेष्ठले निकालेको बलमा मेसुकेले बक्स भित्र निकालेको पासमा तेज तामाङले ६ यार्ड बक्सबाटै गरेको हेडरमा गोल गर्दै काठमाडौंलाई अग्रता दिलाएका थिए ।

धनगढीले तीन मिनेटमै बराबरी गोल फर्कायो र प्रतियोगितामै उत्कृष्ट ढँगले । ७८ औं मिनेटमा निशान खड्काको कर्नरलाई बिकेश कुथुले पञ्च गरेपछि धनगढीका फ्रान्कालिन टालाले हेड गर्दा आएको बलमा पुजनले बाइसाइकल किक प्रहार गर्दै लिगकै सम्भवत उत्कृष्ट गोल गरेका थिए । पञ्च गर्न आफ्नो स्थानमा नरहेका बिकेशले आएर बचाउने समय नै थिएन ।

८९ औं मिनेटमा बिकेशले ओलावालेलाई वान भर्सेस वान स्थितिमा रोकेका थिए ।

Continue Reading

Headline

नेपाल सुपर लिगः पुजनको उत्कृष्ट गोलपछि अतिरिक्त समयमा गयो पहिलो क्वालिफायर

wesportz

Published

on

पुजन उपरकोटीले नेपाल सुपर लिगकै सम्भवत सबैभन्दा उत्कृष्ट गोल गरेपछि धनगढी एफसी र काठमाडौं रेजर्सबीचको पहिलो क्वालिफायर ३० मिनेटको अतिरिक्त समयमा धकेलिएको छ ।

दशरथ रँगशालामा तेज तामाङले लिगका सर्वाधिक गोलकर्ता मेसुकेको असिस्टमा हेडर मार्फत तेज तामाङले दोश्रो हाफमा अग्रता दिलाएपछि पुजनले बाइसाइकल किकमा गोल गर्दै धनगढीलाई खेलमा फर्काएका थिए ।

खेलको पहिलो हाफमा काठमाडौंले नियन्तत्रण गरेको थियो । १६ औं मिनेटमा मेसुकेको कर्लिङ्ग शट क्रसबारमा लागेर फर्किएको थियो । ३७ औं मिनेट सुदिल राइले टाइट एँगलबाट गरेको प्रहारलाई धनगढीका गोलकिपर किरण चेम्जोङ्गले बचाइदिएका थिए ।

क्वालिफायरको बिजतो सिधै फाइनलमा पुग्नेछ भने पराजित हुने टोलीले बुधबार हुने बुटवल लुम्बिनी एफसी र ललितपुर सिटी एफसीबीचको एलमिनेटर खेलको बिजेतासँग खेल्नेछ । ७५ औं मिनेटमा बिश्वास श्रेष्ठले निकालेको बलमा मेसुकेले बक्स भित्र निकालेको पासमा तेज तामाङले ६ यार्ड बक्सबाटै गरेको हेडरमा गोल गर्दै काठमाडौंलाई अग्रता दिलाएका थिए ।

धनगढीले तीन मिनेटमै बराबरी गोल फर्कायो र प्रतियोगितामै उत्कृष्ट ढँगले । ७८ औं मिनेटमा निशान खड्को कर्नरलाई बिकेश कुथुले पञ्च गरेपछि धनगढीका फ्रान्कालिन टालाले हेड गर्दा आएको बलमा पुजनले बाइसाइकल किक प्रहार गर्दै लिगकै सम्भवत उत्कृष्ट गोल गरेका थिए । पञ्च गर्न आफ्नो स्थानमा नरहेका बिकेशले आएर बचाउने समय नै थिएन ।

८९ औं मिनेटमा बिकेशले ओलावालेलाई वान भर्सेस वान स्थितिमा रोकेका थिए ।

सुपर लिगमा काठमाडौं र धनगढी दोश्रो पटक भिडिरहेका हुन् । दुई टिमबीच लिग चरण भएको पहिलो खेलमा धनगढी ३–० फराकिलो अन्तरले पराजित गरेको थियो ।

Continue Reading
Headline7 hours ago

युनाइटेड लेस्टरसँग पराजित भए पछि म्यानचेस्टर सिटी प्रिमियर लिग च्याम्पियन

Headline12 hours ago

बिशालको गोलपछि धनगढी नेपाल सुपर लिगको फाइनलमा

Headline13 hours ago

नेपाल सुपर लिगः पुजनको उत्कृष्ट गोलपछि अतिरिक्त समयमा गयो पहिलो क्वालिफायर

Headline14 hours ago

नेपाल सुपर लिग क्वालिफायरः पहिलो हाफमा काठमाडौंकै पलडा भारी

Headline17 hours ago

धनगढी भर्सेस काठमाडौंः मेसुके भर्सेस ओलावाले

राष्ट्रिय18 hours ago

नेपाली खेलाडीहरु सोमपाल, करण, कुशल र पारस सम्मिलित आबु धाबी टि-१० लिग नोभेम्बरमा

Headline21 hours ago

प्रिमियर लिगमा आएकै सिजन बहिरियो फुलह्याम

Headline22 hours ago

युभेन्टसलाई इटालीको प्रथम श्रेणीबाट ‘किक आउट’ गर्ने धम्की

Headline22 hours ago

कोरोनाका कारण दुई अन्तर्राष्ट्रिय टोली बनाउने तयारी गर्दै भारत

राष्ट्रिय2 days ago

नेपालका कुशललाई पछि पार्दै बाबरले जिते ‘प्लेयर अफ द मन्थ’ को उपाधि

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!