Connect with us

अन्तर्राष्ट्रिय

आईपीएलमा अब ९ टोली

wesportz

Published

on

विश्वकै सबैभन्दा धनी खेलकुद प्रतियोगिता इन्डियन प्रिमियर लिग (आईपीएल) को १३ औं संस्करण हिजो मात्र सकियो । तर भारतीय क्रिकेट बोर्ड (बिसीसीआई) ले सन् २०२१ मा आयोजना हुने १४ औं संस्करणको आईपीएलको तयारी सुरु गरिसकेको छ ।

भारतीय संचारमाध्यमहरुले जनाए अनुसार १४औं संस्करणको आईपीएलमा बिसीसीआईले आठको स्थानमा नौं टोलीलाई खेलाउन लागेको छ । कोरोना भाइरसका कारण बोर्डमा आर्थिक मन्दि छाएको भन्दै सबैभन्दा धनी बोर्डले अर्को एक टोली थप्दै नौं टोली बनाउन लागेको हो ।

बिसीसीआईले अहिले नै कुन टोलीलाई समावेस गर्ने केहि जनाएको छैन । तर पनि गुजरात अहमदाबादले नवौं टोलीको रुपमा प्रवेस पाउने पनि संचारमाध्यमहरुले जनाएका छन् । गुजरातमा विश्वकै सबैभन्दा ठुलो क्रिकेट रंगशाला रहेको छ जुन एक लाख १० हजार दर्शक क्षमताको छ ।

त्यस्तै बिसीसीआईले अर्को संस्करणको लागि भब्य अक्सन गर्ने भएको छ । यस बर्ष कोरोनाका कारण अप्रिल-मेको सट्टामा सेप्टेम्बरमा भएको प्रतियोगिता आगामी बर्ष भारतमा अप्रिल-मेमा नै गर्ने योजना बुनेको छ जसका लागि भब्य अक्सन जनवरी/फेब्रुअरीमा गर्नेछ ।

बिसीसीआई यस अघि सन् २०११ मा १० टोली तथा सन् २०१२ र २०१३ को सिजनमा नौं-नौं टोली समावेस गरेर आईपीएलको आयोजना गरेको थियो । तर पछि प्रतियोगिताको समय लामो भएको भन्दै सन् २०१४ बाट फेरी आठ टोलीलाई नै समावेस गर्दै प्रतियोगिता संचालन गर्दै आएको छ ।

हिजो राती सम्पन्न फाइनल खेलमा दिल्ली क्यापिटल्स माथि पाँच विकेटको जित हात पार्दै मुम्बई इन्डियन्सले पाँचौं पटक उपाधि चुमेको थियो ।

 

Headline

प्रिमियर लिगमा आज: चेल्सी विरुद्ध खेल्दा सिटीलाई उपाधि पक्का गर्ने मौका

wesportz

Published

on

प्रिमियर लिगको ३५ औँ चरणको खेलमा शनिबार चार खेलहरु हुँदै छन् । दिनको पहिलो खेलमा लिड्स युनाइटेडले टोटनह्यामको सामना गर्दै छ। नेपाली समय अनुसार साँझ ५:१५ सुरु हुने खेलमा टोटनह्यामको युरोपियन प्रतियोगिता खेल्ने सपना साकार पार्ने यो खेल जित्नै पर्ने छ ।

यस्तै ७:४५ बजेको खेलमा भने रेलिगेसनमा पेरिसकेको सेफिल्ड युनाइटेडले क्रिस्टल प्यालेससँग खेल्ने छ । आजको मुख्य खेल भने म्यानचेस्टर सिटी विरुद्ध चेल्सी हुने छ । लेस्टर सिटी न्युकासल युनाइटेडसँग ४-२ ले पराजित भए पछि तेस्रो स्थानमा उक्लिने मौकाका साथ चेल्सी खेल्दै छ । म्यानचेस्टर सिटीले यो खेल जित्ने हो भने सिटीले उपाधि पक्का गर्ने छ ।

बिहीबार मात्रै यि दुई टोलीले च्याम्पियन्स लिग फाइनलको यात्रा तय गरेका थिए । प्रिमियर लिगको यो खेलका लागि चेल्सीका प्रशिक्षक थोमस टुचेलले आफ्ना मुख्य खेलाडीहरुलाई बिश्राम दिने बताएका छन् । जस्का कारण आज हुने खेलमा चेल्सीका लागि रिइस जेम्स, बिल्ली गिल्मोर, कालुम हड्सन ओडोइ र ट्यामी अब्राहमले खेल्नसक्ने सम्भावना रहेको छ ।

सिटीलाई खेलको केही दबाव नभए पनि उपाधि पक्का गर्ने सक्ने खेल भएका कारण आज जित आवश्यक छ । सिटीका लागि पनि सर्जियो अग्वेरो शुरुवाती ११ मा खेल्न सक्ने छन् ।

यो खेल नेपाली समय अनुसार रातको १०:१५ मा सुरु हुने छ ।

यस्तै मध्यरात १०:१५ मा हुने खेलमा लिभरपुलले साउथह्याम्प्टन विरुद्ध खेल्दै छ ।

Continue Reading

Headline

ला लिगाको निर्णायक खेलमा बार्सा र एट्लेटिको भिड्दै

wesportz

Published

on

स्पेनिस ला लिगाको निर्णायक सप्ताहन्त हुन सक्ने समयमा शनिबार बार्सिलोना र एट्लेटिको म्याड्रिड भिड्न गइरहेका छन् । आइतबारको खेलमा रियल म्याड्रिड र चौथो स्थानको सेभिया खेल्नेछन् ।

जनवरीमा एट्लेटिकोसँग १३ अंकले पछि परेको बार्सिलोनाले शनिबार जित हात पार्ने हो भने हाल एट्लेटिकोलाई एक अंकले पछि पार्दै शिर्ष स्थानमा उक्लनेछ । तर आइतबार सेभियालाई पराजित गर्ने हो भने रियल राम्रो हेड टु हेड नतिजाका आधारमा शिर्ष स्थानमा रहनेछ ।

ला लिगामा सिजनको शुरुवातमा बिशाल अग्रता लिदै सहज उपाधि यात्रा तय गर्ने देखिएको एट्लेटिकोसँग रियल र बार्सिलोना मात्र दुई अंकको दुरीमा छन् । युरोपा लिग च्याम्पियन सेभिया ६ अंक पछाडी छ ।

‘अहिले जहाँ छौ त्यसको कल्पाना पनि थिएन’

म्याच अफिसियलमाथि अपशब्द प्रयोग गरेका कारण दुई म्याचको टचलाइन ब्यान खेपेका बार्सिालोना प्रशिक्षक रोनाल्ड कोमन शनिबार एट्लेटिको बिरुद्ध खेलमा बेञ्चमा हुने छैनन् । कोमनले सिजनको मध्यतिर आफ्नो टोलीले ला लिगा उपाधि जित्ने अवस्थामै नरहेको बताएका थिए ।

तर २०२१ लागेपछि बार्सिलोनाले १९ मध्ये १६ खेल जित्दै आफूलाई अनपेक्षित रुपले उपाधि दौडमा उभ्याएको थियो । ला लिगामा अब कुल चार खेल बाँकी छ तर शनिबार र आइतबारका खेलहरु निर्णायक बन्न सक्छन् ।

“मलाई थाहा छैन यो खेलको परिणाम महत्पूर्ण हुन्छ कि हुँदैन तर महत्वपूर्ण भने अवश्य छ,” कोमनले भने ।

“हामी लिग उपाधिका लागि दुई अन्य टोलीसँग भिडिरहेका छौं । केही महिना अगाडी हामी यो स्थितिमा आइपुग्ने छौं भनेर कल्पना समेत गर्न सक्दैन थियौं । च्याम्पियन बन्नका लागि हामीलाई हरेक खेल जित्न आवश्यक छ । हामीले सबै खेल जित्ने हो भने हामी च्याम्पियन बन्न सक्छौं,” कोमन भन्छन् ।

एट्लेटिको क्याम्प नोउमा आउदा पछिल्लो ६ खेलमा तीनमा जित हात पारेको टिमको रुपमा हुनेछ । उतार चढावपूर्ण ला लिगामा यो राम्रै फर्मको रुपमा हेरिएको छ । आफू प्रशिक्षक भएयता बार्सिलोनालाई उसकै घरमा हराउन असफल रहेको एट्लेटिको प्रशिक्षक डिएगो सिमिओने शनिबारका लागि बिशेष योजना नरहेको बताउछन् ।

“हामी यो सिजन स्पष्ट आइडिया लिएरै खेलिरहेका छौं । हामी धेरै परिवर्तन गर्ने टोलीमा पर्दैनौं । सिजनको शरुवातमा जस्तो प्रदर्शन गरेको थियो त्यसलाई बार्सिलोनाले पछाडी छोडिसकेको छ । यो खेललाई हामीले अन्य खेल सरह नै खेल्नेछौं,” सिमिओनेले भने ।

Continue Reading

Headline

लेस्टरलाई स्तब्ध पार्दै न्युकासल रेलिगसेनबाट जोगिन मात्र एक अंक टाढा

wesportz

Published

on

च्याम्पियन्स लिगमा स्थान बनाउन कसरत गरिरहेको लेस्टर सिटीमाथि ४–२ को शान्दार जित हात पार्दै न्युकासल युनाइटेड इङ्गलिस प्रिमियर लिगबाट रेलिगेट हुनबाट जोगिन मात्र एक अंक टाढा रहेको छ ।

७३ औं मिनेटमा ४–० को अग्रता लिएपछि न्युकासलको लागि महत्वपूर्ण जित सुनिश्चित भएको थियो । न्युकासलको जितले लेस्टरको च्याम्पियन्स लिगमा छनोट हुने अभियानमा पनि केही धक्का लागेको छ । ३५ खेलपछि लेस्टर ६३ अंक सहित तेश्रो स्थानमा छ भने एक खेल कम खेलेका चेल्सीको ६१, वेष्ट ह्यामको ५८ र टोटेन्ह्यामको ५६ अंक छ ।

१३ औं स्थानमा रहेको न्युकासलले अब बाँकी रहेका तीन खेलबाट एक अंक मात्र बटुले रेलिसेसन बचाउने छ । रेलिगेसन जोनमा रहेका फुलह्यामको २७ र वेष्टब्रोमको २६ अंक छ । १७ अंक मात्र रहेको सेफिल्ड युनाइटेड भने रेलिगेट भइसकेको छ ।

जो विलकले २२ औं मिनेटमा अग्रता दिलाएपछि अवे मैदानमा न्युकासल पउल डमेटको गोलसँगै पहिलो हाफमा २–० ले अगाडी बढेको थियो । क्यालम विल्सनले त्यसपछि ६५ र ७३ औं मिनेटमा गोल गर्दै लेस्टरलाई लज्जास्पद हार तर्फ धकेलेका थिए ।

मार्क अलब्राइटन र केलेची इनियाचोले दुई गोल त फर्काए तर न्युकासललाई जितबाट रोक्न धेरै ढिलो भइसकेको थियो । यो सिजन लेस्टरले घरेलु मैदानमा व्यहोरेको यो आठौं पराजय थियो ।

लेस्टर भन्दा अगाडी यो सिजन घरमै सबैभन्दा बढी खेल हार्ने टोलीहरुमा सेफिल्ड युनाइटेड (१२) र फुलह्याम (११) रहेका छन् । पछिल्लो पाँच खेलमा मात्र एकमा पराजय व्यहोरेको न्युकासलले १० अंक जोडेको हो ।

Continue Reading
Headline2 hours ago

अन्जनको २ गोल, एक असिस्टमा ललितपुर प्ले अफमा

Headline3 hours ago

नेपाल सुपर लिगः ललितपुरलाई बिराटनगरबिरुद्ध १–० को अग्रता

Headline5 hours ago

प्रिमियर लिगमा आज: चेल्सी विरुद्ध खेल्दा सिटीलाई उपाधि पक्का गर्ने मौका

Headline8 hours ago

ला लिगाको निर्णायक खेलमा बार्सा र एट्लेटिको भिड्दै

Headline9 hours ago

नेपाल सुपर लिगमा आज ‘सुपर स्याटर्डे’

Headline10 hours ago

लेस्टरलाई स्तब्ध पार्दै न्युकासल रेलिगसेनबाट जोगिन मात्र एक अंक टाढा

Headline23 hours ago

नाटकीय खेलमा चितवनलाई हराउदै पोखराको प्लेअफ आशा कायम

Headline24 hours ago

नेपाल सुपर लिगः पोखरा र चितवनबीचको पहिलो हाफ बराबर

राष्ट्रिय1 day ago

विश्वकप खेल्ने सपनाको सुरुवात गर्दै महिला क्रिकेट टोली

अन्तर्राष्ट्रिय1 day ago

कोहली र आनुस्काले कोरोना विरुद्ध लड्न दुई करोड सहयोग गर्ने

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline1 week ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!