Connect with us

अन्तर्राष्ट्रिय

जिम्बाब्वे माथि आठ विकेटको सहज जित हात पार्दै पाकिस्तानलाई ट्वान्टी ट्वान्टी शृंखला

wesportz

Published

on

पाकिस्तानले जिम्बाब्वे विरुद्धको ट्वान्टी ट्वान्टी शृंखला एक खेल अगावै आफ्नो पक्ष्यमा पारेको छ । तीन खेलको शृंखला अन्तर्गत दोश्रो ट्वान्टी ट्वान्टी खेलमा आठ विकेटको सहज जित हात पार्दै पाकिस्तानले शृंखला आफ्नो पोल्टामा पार्न सफल भएको छ ।

यस अघि हिजो सम्पन्न पहिलो खेलमा पाकिस्तानले छ विकेटको जित दर्ता गराएको थियो । आजको जित पछि पाकिस्तानले तीन खेलको शृंखलामा २-० को अग्रता कायम गरेको छ र मंगलबार हुने तेश्रो तथा अन्तिम खेलमा पराजित भए पनि शृंखला जित्ने छ ।

जितका लागि १३५ रनको सामान्य लक्ष्य लिएर ब्याटिङमा आएको पाकिस्तानले १५ दशमलब एक ओभर खेल्दै दुई विकेटको नोक्सानीमा जित दर्ता गरायो ।

पाकिस्तानको जितमा हैदर अली र कप्तान बाबर अजामले अर्धशतकिय पारी खेले । पाकिस्तानको तर्फबाट खेलको म्यान अफ द म्याच घोषित अलीले अविजित रहँदै सर्वाधिक ६६ रन बनाए । ४३ बलको सामना गर्दै छ चौका र तीन छक्का प्रहार गरेका उनले २८ बलमा आठ चौका र एक छक्का सहित ५१ रन बनाएर अजामसँग मिलेर दोश्रो विकेटका लागि १०० रन जोड्दै पाकिस्तानको जित सुनिश्चित गरे । पाकिस्तानका खुशदिल शाह ११ रनमा अविजित रहे भने ओपनर फखार ज़मान पाँच रन बनाएर आउट भए ।

जिम्बाब्वेका ब्लेसिङ मुज़राबानीले दुई विकेट लिए भने अन्य बलर विकेट बिहिन रहे ।

यस अघि खेलमा टस हारेर पहिले ब्याटिङ गरेको जिम्बाब्वेले पुरै २० ओभर खेल्दै सात विकेटको नोक्सानीमा १३४ रन मात्र जोड्न सक्यो । जिम्बाब्वेको तर्फबाट अविजित रहेका रायन बुरीले २२ बलमा सर्वाधिक ३२ रन बनाए ।

जिम्बाब्वेलाई सस्तैमा रोक्ने क्रममा पाकिस्तानका ह्यारिस रौफ र उस्मान कादिरले समान ३-३ विकेट हात पारे ।

Click to comment

Leave a Reply

Your email address will not be published. Required fields are marked *

Headline

बेन्जेमाको गोलले मड्रिड डर्बीमा पराजित हुनबाट बच्यो रियल

wesportz

Published

on

करीम बेन्जेमाले खेलको अन्तिम समयमा गोल गरे पछि रियल म्याड्रिड एट्लेटिको म्याड्रिडसँग २०१६ पछि पहिलो पटक पराजित हुनबाट बचेको छ । १-१ को बराबरीमा सकिएको खेलमा एट्लेटिको लागि भने लुइस स्वारेजले गोल गरेका थिए ।

खेलमा पहिलो गोल एट्लेटिकोका लागि स्वारेजले गरेका थिए । फेर्नान्डो लोरेन्टेले दिएको थ्रु बलमा रफाइल भराने र केसेमेरो र लुकास भास्क्वेजलाई बिट गर्दै स्वारेजले गोल गरेका थिए । पहिलो गोल गर्ने बितिकै डिफेन्सीभ खेलेको एट्लेटिकोले पहिलो हाफमा रियललाई आक्रमणको धेरै मौका पनि दिएको थिएन ।

तर दोस्रो हाफको शुरुवात देखी नै आक्रमक देखिएको एट्लेटिकोका लागि ५३ औँ मिनेटमा स्वारेज चुक्न पुगे । यन्निक करास्कोले दिएको पासलाई स्वारेजले गरेको प्रहर टिबो कोर्टुवाले बचाएका थिए । फेरी ५७ औँ मिनेटमा स्वारेजकै प्रहरलाई कोर्टुवाले अर्को उत्कृष्ट बचाउ गरे ।

मुभहरु बनाए पनि एट्लेटिकोको पेनाल्टी क्षेत्रमा धेरै पोजेसन नराखेको रियलका लागि ८८ औँ मिनेटमा भने करीम बेन्जेमाले गोल गर्दै पराजित हुनबाट बचाए । केसेमेरोले एट्लेटिकोका डिफेन्डरहरुलाई कटाउदै दिएको पासलाई बेन्जेमाले ट्याप इन गर्दै गोल गरेका थिए ।

बराबरीसँगै एट्लेटिको ५९ अंकका साथ शिर्ष स्थानमा छ भने एक खेल बढी खेलेको बार्सिलोना ५६ अंक सहित दोस्रो र रियल म्याड्रिड ५४ अंक सहित तेस्रो स्थानमा रहेको छ ।

Continue Reading

Headline

‘म्यानचेस्टर युनाइटेड फर्नानडेजमा मात्रै निर्भर छ’

wesportz

Published

on

ब्रुनो फर्नानडेजका पुर्व क्लब स्पोर्टइङका भुतपुर्व प्रशिक्षक कार्लोस कारवाल्हलका अनुसार म्यानचेस्टर युनाइटेड फर्नानडेजमा मात्रै निर्भर भएको र चाँडै समुहिक रुपमा खेल अगाडि नबढाए पछि असहज हुने बताएका छन् ।

२०१९ को जनवरीमा स्पोर्टइङ लिस्बनबाट ५५ मिलियन युरोमा युनाइटेड भित्रिए देखी फर्नानडेजले निकै राम्रो खेल देखाउदै आएका छन् ।

२६ वर्षिय फर्नानडेजको उत्कृष्ट व्यक्तिगत प्रदर्शनका कारण युनाइटेडले धेरै खेलहरुमा अन्तिम समय सम्म प्रतिस्पर्धा दिदै आएको छ तर कारवाल्हलका अनुसार भने युनाइटेडको खेल एक जनामा भर पर्दै आएको र अरु खेलाडीले नै उत्तिकै प्रदर्शन गरे खेल अझै राम्रो हुने पनि बताए ।

“यदी एउटा टोलीमा एक खेलाडीको मात्र खेल देखिन्छ भने त्यो टोलीलाई राम्रो मन्न सकिदैन र त्यो राम्रो पनि हैन,” बार्गाका प्रशिक्षक रहेका उनले भने ।

“टोलीमा सबैले उत्तिकै योग्दान दिए राम्रो हुने हो र युनाइटेडको कुरा गर्दा उसको खेल फर्नानडेजको वरीपरी मात्र घुमिरहेको हुन्छ । फुटबल ११ जनाले खेल्ने खेल हो र त्यही कारण पनि एक खेलाडी भन्दा धेरैलाई खेलमा समावेस गर्न सके निकै राम्रो हुने थियो।” उनले थपे ।

Continue Reading

Headline

गुप्टिलको अर्को आकर्षक प्रदर्शनमा न्युजिल्याण्डलाई श्रृंखला

wesportz

Published

on

इन–फर्म मार्टिन गुप्टिलले निर्णायक खेलमा पनि आफ्नो फर्मलाई कायम राख्दा न्युजिल्याण्डले अष्ट्रेलियालाई ७ विकेटले पराजित गर्दै पाँच म्याचको ट्वान्टी ट्वान्टी अन्तर्राष्ट्रिय श्रृंखला आफ्नो नाममा गरेको छ ।

वेलिंगटनमा पहिलो ब्याटिङ्ग गरेको अष्ट्रेलियाले २० ओभरमा ८ विकेट गुमाउदै १ सय ४२ रनको सामान्य योगफलमै खुम्चिएको थियो । गुप्टिलले पहिलो विकेटका लागि डेभोन कन्वेसँग शतकीय साझेदारी गरेपछि न्युजिल्याण्डले १५ दशमलव ३ ओभरमा मात्र तीन विकेटको क्षतिमा लक्ष्य भेट्टायो ।

न्युजिल्याण्डले पहिलो दुई ट्वान्टी ट्वान्टी जितेपछि अष्ट्रेलियाले उत्कृष्ट पुनरागमन गर्दै बाँकी दुई खेल जित्दै श्रंखला २–२ को बराबरीमा आइपुगेको थियो । न्युजिल्याण्डलाई फर्ममा फर्कन आवश्यक रहेको स्थितिमा गुप्टिलले उच्च प्रदर्शन गरेका थिए ।

राइली मेरडिथले ३६ रन बनाएका कन्वे र कप्तान केन विलियम्सनलाई लगातार दुई बलमा पेभिलियन फर्काए पनि गुप्टिलले न्युजिल्याण्डलाई सहज जिततर्फ धकेलेका थिए । उनले ४६ बलमा सात चौका र चार छक्काको मद्दतमा ७१ रन बनाए ।

कन्वेले २८ बलमा तीन चौका र एक छक्का प्रहार गरे । ग्लेन फिलिप्सले १६ बलमा पाँच चौका र दुई छक्काको मद्दतमा नटआउट ३४ रनको योगदान दिए ।

यसअघि अष्ट्रेलियाले ओपनर जोश फिलिपलाई दुई रनमै गुमाएपनि कप्तान आरोन फिन्च र म्याथ्यु वेडले ६६ रनको साझेदारी गर्दै इनिङ्गस सम्हालेका थिए । तर इशा सोढीले निकै कसिलो बलिङ्ग गरेपछि अष्ट्रेलियाको मिडल अर्डरले चाहे अनुरुपको प्रदर्शन गर्न सकेन ।

सोढी चार ओभरमा मात्र २४ रन खर्चदै तीन विकेट लिएका थिए । टिम साउदी र ट्रेन्ट बाउल्टले पनि २–२ विकेट हात पारेका थिए ।

वेडले सर्वाधिक ४४ रन बनाए । २९ बलको सामना गरेका उनले तीन चौका र दुई छक्का हिर्काए । आरोन फिन्चले ३२ बलमा ३६ रन बनाए । उनको इनिङ्गसमा पाँच चौका र एक छक्का सामेल थियो ।
मार्कस स्टोइनिसले २६ र मिचेल मार्सले १० रन बनाए ।

Continue Reading
Headline6 hours ago

बेन्जेमाको गोलले मड्रिड डर्बीमा पराजित हुनबाट बच्यो रियल

Headline9 hours ago

जेराडको रेन्जर्स स्कटिश लिग च्याम्पियन

Headline9 hours ago

‘म्यानचेस्टर युनाइटेड फर्नानडेजमा मात्रै निर्भर छ’

Headline11 hours ago

बि डिभिजन: बाँसबारीले झम्शीखेललाई हराए पछि खुमलटारलाई दवाब

Headline13 hours ago

बागमतिको लगातार दोश्रो हार, सन्दिपको अलराउण्ड प्रदर्शन

Headline15 hours ago

बि डिभिजन: श्री कुमारीसँग नयाँ बस्ती पराजित

Headline15 hours ago

मेयर ११ ले मुलपानीमा बागमतीलाई दियो २ सय ४४ रनको चुनौतिपूर्ण लक्ष्य

Headline16 hours ago

दिपेन्द्र सिँह ऐरिको करिअरकै पहिलो शतक

Headline18 hours ago

गुप्टिलको अर्को आकर्षक प्रदर्शनमा न्युजिल्याण्डलाई श्रृंखला

Headline21 hours ago

लेवान्डोस्कीको ह्याट्रिकमा बायर्नको डर्टमण्डमाथि सनसनीपूर्ण जित

Headline3 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline9 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending