Connect with us

अन्तर्राष्ट्रिय

वेस्लीको अर्धशतकमा पाकिस्तानलाई चुनौतिपूर्ण लक्ष्य

wesportz

Published

on

वेस्ली माधेवेरेको पहिलो ट्वान्टी ट्वान्टी अन्तरास्ट्रिय अर्धशतकको मद्धतमा जिम्बाब्वेले घरेलु टोली पाकिस्तानलाई पहिले खेल जित्न १५७ रनको चुनौतीपूर्ण लक्ष्य दिएको छ ।

रावलपिन्डीमा टस जितेर पहिले ब्याटिङ गरेको जिम्बाब्वेले पुरै २० ओभर खेल्दै छ विकेटको नोक्सानीमा १५६ रन बनायो ।

जिम्बाब्वेको तर्फबाट अविजित रहेका वेस्ली माधेवेरेले सर्वाधिक ७० रन बनाए । तेश्रो ट्वान्टी ट्वान्टी अन्तरास्ट्रिय खेल खेल्दै आफ्नो पहिलो अर्धशतक प्रहार गरेका वेस्लीले नौं चौका र एक छक्का प्रहार गरे ।

वेस्ली बाहेक जिम्बाब्वेको तर्फबाट सिन विलियम्सले २५ तथा ओपनर ब्रेन्डन टेलरले २० रनको योगदान दिए भने । ओपनिङमा ब्याटिङ गर्न आएका जिम्बाब्वेका कप्तान चामु सिबाबा शुन्य, रायन बर्ल आठ तथा सिकन्दर राजा सात रन बनाएर पेभेलियन फर्किए ।

त्यस्तै जिम्बाब्वेको पारीको अन्तिम बलमा आउट भएका एल्टन चिगमबराले पनि १३ बल खेल्दै दुई चौका र एक छक्काको मद्धतमा २१ रनको पारी खेले ।

पाकिस्तानका ह्यारिस रौफ र वहाबा रियाजले समान २-२ विकेट हात पारे ।

पाकिस्तान र जिम्बाब्वे दुई बर्ष भन्दा बढी पछि पहिलो पटक एक आपसमा भिड्दै छन् । पछिल्लो पटक जुलाई २०१८ मा भएको खेलमा पाकिस्तानले जिम्बाब्वेलाई सात विकेटले पराजित गरेको थियो ।

पाकिस्तान र जिम्बाब्वेले अहिले सम्म ट्वान्टी ट्वान्टीमा ११ पटक भिडेका छन् जसमा पाकिस्तानले सबै नै खेलमा जित दर्ता गराउँदा जिम्बाब्वे जित बिहिन रहेको छ ।

हालै सम्पन्न तीन खेलको एकदिवसीय शृंखला पाकिस्तानले २-१ ले जितेको थियो । लगातार पहिलो दुई खेलमा क्रमश २६ रन र छ विकेटको जित हात पारेको पाकिस्तान तेश्रो तथा अन्तिम खेलमा भने सुपर ओभरमा पराजित हुन पुगेको थियो ।

 

Click to comment

Leave a Reply

Your email address will not be published. Required fields are marked *

Headline

मेस्सीको दुई गोलमा बार्सिलोनाको फराकिलो जित

wesportz

Published

on

अर्जेन्टाइन सुपरस्टार लियोनल मेस्सीले दुई गोल गरेपछि बार्सिलोनाले स्पेनिस ला लिगामा गेटाफेलाई ५–२ को फराकिलो अन्तरले पराजित गरेको छ ।

खेलमा मेस्सीले ८ मिनेटमै अग्रता दिलाए पनि क्लेमेन्ट लेँगेटको आत्मघाती गोलले गेटाफे खेलमा फर्किएको थियो । गेटाफे गोलकिपर डेभिड सोरियासँग असमझदारीका कारण डिफेण्डर चाक्लाले आत्मघाती गोल गर्दा बार्साले २८ औं मिनेटमा अग्रता फर्काएको थियो ।

मेस्सीले ३३ औं मिनेटमा गोल गरेपछि बार्साले अग्रता दोब्बर पार्यो । ६९ औं मिनेटमा एनेस उनाइले पेनाल्टीमा गोल गर्दै गेटाफेलाई केही आशा त दिलाए तर रोनाल्ड अरुजोले ८७ र एन्टोइन ग्रिजमनले थप गरिएको तेश्रो मिनेटमा पेनाल्टीमा गोल गर्दै बार्साको जित फराकिलो बनाएका थिए ।

ला लिगामा मेस्सी यो सिजन पनि २३ गोलका साथ सर्वाधिक गोलकर्ताको सुचीमा पहिलो नम्बर मै छन् । भिलारियालका जेरार्ड मोरेनोको २० र एट्लेटिको गएका मेस्सीको पुर्व बार्सिलोना टिम मेट लुईस सुवारेजको १९ गोल छ । रियल म्याड्रिडका करिम बेन्जेमाले १८ गोल गरेका छन् ।

एक खेल कम खेलेको बार्सिलोनाले शिर्ष स्थानको एट्लेटिको म्याड्रिडसँगको दुरी ५ अंकमा छोट्याएको छ । हुवेस्कालाई बिहिबार नै २–० ले हराएको एट्लेटिकोको ३२ खेलबाट ७३ अंक छ । समान खेलबाट दोश्रो स्थानको रियल म्याड्रिडको ७० अंक छ ।

एट्लेटिको र बार्सिलोना मे ८ मा खेल्ने छन् । बिहिबार नै भएका अन्य खेलमा ग्रानडाले आईबारलाई ४–१ र रियल सोसिडाडले सेल्टा भिगोलाई २–१ ले हरायो ।

Continue Reading

अन्तर्राष्ट्रिय

पडिक्कलको पहिलो आईपीएल शतकमा बेंगलोरको लगातार चौथों जित

wesportz

Published

on

देवदत्त पडिक्कलले शतकीय तथा कप्तान विराट कोहलीले अर्धशतकीय पारी खेले पछि १४ औं संस्करणको इन्डियन प्रिमियर लिग (आईपीएल) मा रोयल च्यालेन्जर्स बेंगलोरले लगातार चौथों जित दर्ता गराएको छ । चार खेलमा चार जित दर्ता गराउने क्रममा बेंगलोरले राजस्थान रोयल्सलाई १० विकेटले पराजित गरेको हो ।

१७८ रनको चुनौतिपूर्ण लक्ष्य पक्ष्याएको बेंगलोरले बिना विकेटको नोक्सानीमा २१ बल अगावै लक्ष्य पार गर्यो ।

बेंगलोरको जितमा पडिक्कलले अविजित रहँदै सर्वाधिक १०१ रन बनाए भने कप्तान कोहलीले पनि अविजित ७२ रनको पारी खेले । ५२ बलको सामना गरेका पडिक्कलले ११ चौका र छ छक्का प्रहार गरे भने ४७ बल खेलेका कोहली छ चौका र तीन छक्का प्रहार गरे ।

यस अघि खेलमा टस जितेर पहिले ब्याटिङ गरेको राजस्थानले नौं विकेटको नोक्सानीमा १७७ रन बनायो ।

ओपनरद्वय जस बटलर आठ तथा मनन बोहरा सात र डेभिड मिल्लर शुन्य रनमा आउट भए पनि शिवम दुबेले ४६ तथा राहुल टेवाटियाले २३ बलमा ४० रन बनाए पछि राजस्थानले राम्रो योगफल बनाउन सकेको हो । राजस्थानका लागि रियान परागले २५, कप्तान सन्जु सामसनले २१ तथा क्रिस मोरिसले १० रनको योगदान दिए ।

बेंगलोरका हर्षल पटेल र मोहम्मद सिराजले समान ३-३ विकेट आफ्नो नाममा दर्ता गराए ।

 

Continue Reading

Headline

रोनाल्डो फर्कदा युभेन्टसको जित, इन्टर बराबरीले पनि मजबुत

wesportz

Published

on

निकटतम प्रतिद्वन्दी एसि मिलान सासुलोसँग घरमै २–१ ले पराजित भएपछि इटालियन सिरी आ लिडर इन्टर मिलानले स्पेजियासँग १–१ गोलको बराबरीका बावजुद शिर्ष स्थानमा १० अंकको अग्रता कायम गरेको छ ।

युरोपियन सुपर लिगले बिश्व फुटबलमा खैलाबैला मच्चाएको दिन युभेन्टस भने पार्मालाई ३–१ ले पराजित गर्दै मिलानसँग एक अंकको दुरीमा रहदै तेश्रो स्थानमा उक्लन सफल भएको छ । शिर्ष तीन स्थानमा रहेका इटालियन क्लबहरु युरोपियन सुपर लिगबाट आफ्नो नाम फिर्ता लिन बाध्य गरिएका थिए ।

“खेलाडीको रुपमा हाम्रो दिमागमा खेल मात्र थियो । इमान्दारीपुर्वक भन्ने हो भने हाम्रो लागि केही परिवर्तन भएको छैन । हाम्रो लागि आज पाएको तीन अंक महत्वपूर्ण छ,” पार्माबिरुद्ध दुई गोल गरेका युभेन्टस डिफेण्डर एलेक्स सान्द्रोले भने ।

एन्टोनियो कोन्टेको इन्टरका लागि भने यो लगातार दोश्रो बराबरी हो । उसले नापोलीसँग पनि गत साता बराबरी खेलेको थिए । दुई खेलमा चार अंक गुमाएको इन्टरलाई एसि मिलानको अप्रत्यासित हारले भने फाइदा पुगेको हो, र युभेन्टसलाई पनि ।

यसअघिको खेलमा पोर्चुगिज सुपरस्टार रोनाल्डो नहुँदा युभेन्टस पराजित भएको थियो । तर बुधबार उनको आगमनसँगै आन्द्रे पिर्लोले महत्वपूर्ण जित हात पारेको हो । युभेन्टसले यो सिजन व्यहोरेको पाँच मध्ये तीन हारमा रोनाल्डो अनुपस्थित रहेका थिए ।

सान सिरोमा १२ औं मिनेटमै डिएगो फारियासले गोल गर्दै स्पेजियाले इन्टरलाई स्तब्ध पारेको थियो । इभान पेरिसिचले ३९ औं मिनेटमा असरफ हकिमीको पासमा गोल गर्दै इन्टरको हार टारेका थिए । पेरिसिच इन्टरका लागि २ सयौं खेल खेलिरहेका थिए ।

यो सिजन उपाधि हातबाट लगभग फुस्किसकेको अवस्थामा युभेन्टसका लागि अब च्याम्पियन्स लिगमा छनोट हुने अवसर फर्किएको छ । शिर्ष तीन टोलीको ६ खेलमात्रै बाकी रहेको स्थितिमा इन्टर ७६ अंकका साथ १० बर्षमा पहिलो उपाधि नजिक रहेको छ ।

एसि मिलानको ६६ र युभेन्टसको ६५ अंक छ । बिहिबारको खेलमा एटलान्टाले एएस रोमालाई पराजित गर्न सकेको खण्डमा उ दोश्रो स्थानमा उक्लनेछ भने युभेन्टस पुन चौथोमा धकेलिने छ ।

Continue Reading
Headline9 mins ago

मेस्सीको दुई गोलमा बार्सिलोनाको फराकिलो जित

अन्तर्राष्ट्रिय9 hours ago

पडिक्कलको पहिलो आईपीएल शतकमा बेंगलोरको लगातार चौथों जित

Headline15 hours ago

नेपालद्वारा मलेसिया ६९ रनको बिशाल अन्तरले पराजित

Headline17 hours ago

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Headline19 hours ago

दिपेन्द्र, कुशल र आसिफलाई माइ सेकेण्ड टिचरको साथ

Headline19 hours ago

कमल सिँह ऐरिले पाए नेपालको लागि ट्वान्टी ट्वान्टी अन्तर्राष्ट्रिय डेब्युको मौका

Headline21 hours ago

रोनाल्डो फर्कदा युभेन्टसको जित, इन्टर बराबरीले पनि मजबुत

Headline22 hours ago

नेपाल मलेसिया भिड्दै गर्दा सन्दिपको १ सयौं टि ट्वान्टी, कुशल अर्को किर्तिमान नजिक

Headline23 hours ago

जर्मन बुन्डेसलिगाः रेलिगेसन सहन नसकेपछि साल्के खेलाडीहरुमाथि आक्रमण, अण्डा प्रहार

Headline24 hours ago

अर्को जितपछि ग्वार्डियोलाले भने सुपर लिग एउटा समाप्त अध्याय

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!