Connect with us

अन्तर्राष्ट्रिय

वेस्लीको अर्धशतकमा पाकिस्तानलाई चुनौतिपूर्ण लक्ष्य

wesportz

Published

on

वेस्ली माधेवेरेको पहिलो ट्वान्टी ट्वान्टी अन्तरास्ट्रिय अर्धशतकको मद्धतमा जिम्बाब्वेले घरेलु टोली पाकिस्तानलाई पहिले खेल जित्न १५७ रनको चुनौतीपूर्ण लक्ष्य दिएको छ ।

रावलपिन्डीमा टस जितेर पहिले ब्याटिङ गरेको जिम्बाब्वेले पुरै २० ओभर खेल्दै छ विकेटको नोक्सानीमा १५६ रन बनायो ।

जिम्बाब्वेको तर्फबाट अविजित रहेका वेस्ली माधेवेरेले सर्वाधिक ७० रन बनाए । तेश्रो ट्वान्टी ट्वान्टी अन्तरास्ट्रिय खेल खेल्दै आफ्नो पहिलो अर्धशतक प्रहार गरेका वेस्लीले नौं चौका र एक छक्का प्रहार गरे ।

वेस्ली बाहेक जिम्बाब्वेको तर्फबाट सिन विलियम्सले २५ तथा ओपनर ब्रेन्डन टेलरले २० रनको योगदान दिए भने । ओपनिङमा ब्याटिङ गर्न आएका जिम्बाब्वेका कप्तान चामु सिबाबा शुन्य, रायन बर्ल आठ तथा सिकन्दर राजा सात रन बनाएर पेभेलियन फर्किए ।

त्यस्तै जिम्बाब्वेको पारीको अन्तिम बलमा आउट भएका एल्टन चिगमबराले पनि १३ बल खेल्दै दुई चौका र एक छक्काको मद्धतमा २१ रनको पारी खेले ।

पाकिस्तानका ह्यारिस रौफ र वहाबा रियाजले समान २-२ विकेट हात पारे ।

पाकिस्तान र जिम्बाब्वे दुई बर्ष भन्दा बढी पछि पहिलो पटक एक आपसमा भिड्दै छन् । पछिल्लो पटक जुलाई २०१८ मा भएको खेलमा पाकिस्तानले जिम्बाब्वेलाई सात विकेटले पराजित गरेको थियो ।

पाकिस्तान र जिम्बाब्वेले अहिले सम्म ट्वान्टी ट्वान्टीमा ११ पटक भिडेका छन् जसमा पाकिस्तानले सबै नै खेलमा जित दर्ता गराउँदा जिम्बाब्वे जित बिहिन रहेको छ ।

हालै सम्पन्न तीन खेलको एकदिवसीय शृंखला पाकिस्तानले २-१ ले जितेको थियो । लगातार पहिलो दुई खेलमा क्रमश २६ रन र छ विकेटको जित हात पारेको पाकिस्तान तेश्रो तथा अन्तिम खेलमा भने सुपर ओभरमा पराजित हुन पुगेको थियो ।

 

Click to comment

Leave a Reply

Your email address will not be published. Required fields are marked *

Headline

प्रिमियर लिग आज: लिभरपुल विरुद्ध ब्राइटन,बर्नली विरुद्ध सिटी

wesportz

Published

on

प्रिमियर लिगमा साविक बिजेता लिभरपुलले आज  ब्राइटनको सामना गर्दै छ भने अर्को खेलमा बर्नलीले म्यानचेस्टर सिटीसँग खेल्दै छ ।

साविक बिजेता लिभरपुलले ब्राइटनसँग उस्कै घर एमेक्स रङ्गशालामा खेल्न लागेको हो । लिभरपुल ब्राइटनसँग प्रिमियर लिगमा अहिले सम्म पराजित भएको छैन ।

लिभरपुलले अहिले सम्म ब्राइटनसँग ९ खेल खेल्दा २७ गोल गरेको छ भने मात्र सात गोल खाएको छ । लिभरपुललाई भने आफ्नो डिफेन्सका चार खेलाडीको चोटले सताउने पक्का छ ।

ब्राइटनका लागि भने युवा खेलाडी तारिक लाप्टीले अघिल्लो खेलमा रातो कार्ड खाए पछि लिभरपुल विरुद्धको खेल गुमाउने छन् ।

लिभरपुलले वुधबार भएको च्याम्पियन्स लिग अन्तर्गत एट्लान्टा विरुद्धको खेल २-० ले पराजित हुन पुगेको थियो । रक्षापङ्गतीका चारै पहिलो रोजाइका खेलाडी घाइते रहेको लिभरपुलले ब्राइटनसँगको खेलमा पराजित हुने वा बराबरीमा रोकिने हो भने पहिलो स्थान गुमाउने छ ।

यो खेल आज नेपाली समय अनुसार ६:१५ मा सुरु भएको थियो ।

यस्तै अर्को खेलमा बर्नलीले म्यानचेस्टर सिटी विरुद्ध खेल्दै छ ।

बर्नलीले यो सिजनमा एक खेल मात्र जितेको छ । अघिल्लो साता क्रिस्टल प्यालेसलाई १-० ले हराए पछि बर्नलीले यो सिजनको पहिलो तीन अंक आफ्नो हातमा पारेको थियो । सिटी पनि अघिल्लो खेलमा टोटनह्यामसँग २-० ले पराजित भएको थियो ।

सिटी पनि स्टार फर्वार्ड सर्जियो अग्वेरोको चोटको चिन्ता रहने छ ।

यो खेल नेपाली समय अनुसार २०:४५ मा सुरु हुने छ ।

यस्तै आज हुने अन्य खेलहरुमा एवर्टनले लिड्स र वेष्ट ब्रोमले सेफिल्ड युनाइटेडसँग खेल्दै छ ।

Continue Reading

Headline

अष्ट्रेलियाको भारतबिरुद्ध फराकिलो जित, कठिन पिचमा जाम्पाको उत्कृष्ट बलिङ्ग

wesportz

Published

on

अष्ट्रेलिया भारतलाई पहिलो एकदिवसीयमा ६६ रनले पराजित गर्दै तीन म्याचको श्रंखलामा १–० को अग्रता लिएको छ ।

कप्तान आरोन फिन्च र पुर्व कप्तान स्टिभन स्मिथले आकर्षक शतक प्रहार गरेपछि अष्ट्रेलियाले उल्लेख्य संख्यामा दर्शकको उपस्थिति रहेको सिड्नी क्रिकेट ग्राउण्डमा पहिलो ब्याटिङ्ग गर्दै ६ विकेटको क्षतिमा ३ सय ७५ रनको बिशाल योगफल खडा गर्यो ।

पहिलो चार विकेट १ सय १ रनमै गुमाएपछि दवाबमा आएको भारतलाई ओपनर शिखर धवन र हार्दिक पाण्ड्याले खेलमा कायमै राखे तर दुवै ब्याट्स्म्यान पेभिलियन फर्किएपछि भारत ५० ओभरमा ३०८ रनमै रोक्कियो ।

अष्ट्रेलियाले शुरुवाती ओभरहरुमा त्रुटिपूर्ण बलिङ्ग गर्दा भारतले छरितो शुरुवात पाएको थियो । पहिलो ओभर समाप्त गर्न ११ बल लगाएका मिचेल स्टार्कले २० रन दिएका थिए । आईपिएलमा उत्कृष्ट प्रदर्शन गरेपछि टिममा स्थान पाएका मयंक अग्रवाल २२ रन बनाउदा जोस हेजलउडको बलमा आउट भए ।

कप्तान विराट कोहलीलाई एडम जाम्पाले स्टार्कको बलमा डिप स्क्वायर लेगमा दुई रनमै ड्रप गरेपनि उनले त्यसको फाइदा उठाउन सकेनन् । कोहली २१ रनमा हेजलउडकै शिकार भए भने उनले त्यही ओभरमा श्रेयस ऐयरलाई पनि पेभिलियन फर्काएका थिए ।

कै एल राहुल (१२) पनि सस्तैमा पेभिलियन फर्किएपछि धवन र पाण्ड्याले शतकीय साझेदारी गर्दै भारतलाई बिशाल लक्ष्यमा झिनो आशा दिलाएका थिए । दुई ब्याट्स्म्यानको १ सय २८ रनको साझेदारीलाई तोड्ने क्रममा जाम्पाले धवनलाई पेभिलियन फर्काएका थिए ।

बलरको लागि कठिन रहेको पिचमा तुलनात्मक रुपमा प्रभावशाली बलिङ्ग गरेका जाम्पाले पाण्ड्याको पनि विकेट लिएका थिए । पाण्ड्याले ७६ बलमा ९० रन बनाउदै सात चौका र चार छक्क प्रहार गरे । १० चौका हिर्काएका धवनले ८६ बलमा ७४ रन बनाए ।

जाम्पाले १० ओभरमा ५४ रन खर्चदै चार विकेट लिए । हेजलउडले उति नै ओभरमा ५५ रन खर्चदै तीन विकेट लिए ।

यसअघि पहिलो १० ओभरमा भारतले खेललाई नियन्त्रणमै राखेपनि अष्ट्रेलियाले बिशाल योगफल खडा गरेको थियो । सम्हालिएर इनिङ्गस शुरु गरेको अष्ट्रेलियालाई डेविड वार्नर र फिन्चले पहिलो विकेटका लागि १ सय ५६ रनको शान्दार शुरुवात दिलाएका थिए । वार्नरले ७६ बलमा ६९ रन बनाए । उनको इनिङ्गसमा ६ चौका सामेल थियो ।

त्यसपछि फिन्चले स्मिथसँग अर्को शतकीय साझेदारी गर्ने क्रममा दोश्रो विकेटका लागि १ सय ८ रन जोडेका थिए । फिन्चले १ सय २४ बलमा ९ चौका र दुई छक्का प्रहार गरे । अष्ट्रेलियाले मार्कस स्टोइनिसलाई शुन्यमै गुमाएपनि स्मिथ र ग्लेन म्याक्सवेलले भारती बलरहरुलाई निराश पारे ।

म्याक्सवेलले १९ बलमै ४५ रन ठोक्दै अष्ट्रेलियाले सोचेभन्दा चाडो ३ सय रन कटाउन सहयोग गरे । उनले पाँच चौका र तीन छक्का प्रहार गरे । निकै छरितो खेलेका स्मिथ अन्तिम ओभरमा आउट हुनु अघि १ सय ५ रन बनाउदै नवौं एकदिवसीय शतक बनाए ।

मात्र ६६ बलको सामना गरेका स्मिथको इनिङ्गसमा ११ चौका र ४ छक्का सामेल थियो । फिन्चको भने यो १६ औं एकदिवसीय शतक हो । भारतको लागि मोहम्मद सामीले तीन विकेट लिए ।

Continue Reading

Headline

वेष्ट इण्डिजको बिशाल स्कोरका बावजुद न्युजिल्याण्डको सनसनीपूर्ण जित

wesportz

Published

on

न्युजिल्याण्डले रोमाञ्चक ट्वान्टी ट्वान्टी अन्तर्राष्ट्रियमा वेष्ट इण्डिजलाई पाँच विकेटले पराजित गर्दै श्रंखलामा १–० को अग्रता लिएको छ ।

कायरोन पोलार्डले बिष्फोटक ब्याटिङ्ग गर्दै ३७ बलमै नटआउट ७५ रन बनाएपछि वेष्ट इण्डिजले अकल्याण्डमा बर्षातका कारण १६ ओभरमा छोट्याइएको खेलमा ७ विकेटको क्षतिमा १ सय ८० रन बनायो ।

६३ रनमै चार विकेट गुमाएको न्युजिल्याण्ड जितबाट निकै टाढा रहेको स्थितिमा जिमी निसम र डेभोन कोनवेले ७७ रनको साझेदारी गर्दै खेलमा फर्काएका थिए । निसमले १० औं ओभरमा केज्रिक विलियम्सलाई २२ रन प्रहार गरेपछि न्युजिल्याण्डलाई अन्तिम ६ ओभरमा ५८ रन चाहिएको थियो ।

पोलार्डले कोनवेको विकेट त लिए तर न्युजिल्याण्ड जित नजिक पुगिसकेको थियो । किमो पउलले १४ औं ओभरमा बाउन्डरी नदिएपनि चार ओटा नो–बल गर्न पुग्दा १४ रन दिएका थिए । अन्तिम १२ बलमा १५ रन चाहिदा न्युजिल्याण्डले सेल्डन कोट्रेलको १५ औं ओभरमा ११ रन जोड्यो भने पोलार्डले गरेको अन्तिम ओभरको दोश्रो बलमा मिचेल स्यान्टनरले छक्का प्रहार गर्दै जित दिलाए ।

न्ष्ुजिल्याण्डका लागि लकि फर्गुसनले पाँच विकेट लिएका थिए ।

स्यान्टनरले निसमसँग तीन ओभरमा ३९ रनको साझेदारी गर्ने क्रममा १८ बलमा तीन छक्का प्रहार गर्दै ३१ रन बनाए । तीन वटै छक्का प्रहार गरेका निसम २४ बलमा ४८ रन नटआउट रहे । उनले पाँच चौका पनि हिर्काएका थिए ।

यसअघि पहिलो फिल्डिङ्ग गरेको न्युजिल्याण्डले आन्द्रे फ्लेचरले दिएको छिटो छरितो शुरुवातलाई पाखा लगाउदै वेष्ट इण्डिजको ५९ रनमा पाँच विकेट झारेको थियो । तर पोलार्डले आफूलाई किन ट्वान्टी ट्वान्टी संरचनामा उत्कृष्ट ब्याट्स्म्यान भनिएको साबित गरि छाडे । उनले फाबियन एलेनसँग छैटौं विकेटका लागि ८४ रनको सझेदारी गरे ।

एलेनको विकेट गएपछि उनले एक्लै वेष्ट इण्डिजको पारी सम्हाले । पोलार्डको इनिङ्गसमा ८ छक्का र तीन चौका सामेल थियो । एलेनले २६ बलमा चार चौका र एक छक्काको मद्दतमा ३० रन बनाए ।

फ्लेचरले १४ बलमा तीन चौका र उति नै छक्कको मद्दतमा वेष्ट इण्डिजलाई पहिलो विकेटका लागि चौथो ओभरभित्र ५८ रनको शुरुवात दिएका थिए । तर त्यसपछि वेष्ट इण्डिजले मात्र एक रन जोड्दै अस्वाभाविक रुपमा पाँच विकेट गुमाएको थियो ।

यस क्रममा लकि फर्गुसनले तीन र टिम साउदीले दुई विकेट लिएका थिए । फर्गुसनले चार ओभरमा २१ रन खर्चदै पाँच विकेट लिए ।

Continue Reading
Headline4 hours ago

प्रिमियर लिग आज: लिभरपुल विरुद्ध ब्राइटन,बर्नली विरुद्ध सिटी

Corona Virus7 hours ago

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

Headline21 hours ago

अभिषेक र मञ्जलीले पाए मोटरसाइकल

Headline21 hours ago

नगरपालिकासँग फुटबल बिकासका लागि एन्फाले गर्‍यो सहकार्य

Headline22 hours ago

अष्ट्रेलियाको भारतबिरुद्ध फराकिलो जित, कठिन पिचमा जाम्पाको उत्कृष्ट बलिङ्ग

Headline23 hours ago

मनाङ ए र हुम्देको पहिलो दिन जित

Headline1 day ago

वेष्ट इण्डिजको बिशाल स्कोरका बावजुद न्युजिल्याण्डको सनसनीपूर्ण जित

Headline1 day ago

पोलार्डको बिष्फोटक ब्याटिङ्गमा न्युजिल्याण्डलाई १ सय ८० रनको लक्ष्य

Headline1 day ago

भारतबिरुद्ध अष्ट्रेलियाको पहाडजस्तो योगफल, फिन्च र स्मिथको शतक

Headline1 day ago

यस कारण मेस्सी र रोनाल्डोभन्दा म्याराडोना महान

Headline2 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending