Connect with us

अन्तर्राष्ट्रिय

शृंखला माथि कब्जा जमाउने दाउमा पाकिस्तान जिम्बाब्वेको सामना गर्दै

wesportz

Published

on

पाकिस्तान र जिम्बाब्वे बीचको दोश्रो एकदिवसीय खेल आज हुँदैछ । रावलपिन्डीमा हुने खेल नेपाली समय अनुसार दिउँस १२:४५ बजे सुरु हुनेछ ।

तीन खेलको शृंखलामा पाकिस्तान १-० को अघि रहेको छ । शुक्रबार भएको पहिलो एकदिवसीय खेलमा घरेलु टोली पाकिस्तानले जिम्बाब्वेलाई २६ रनले पराजित गरेको थियो । आजको खेलमा जित हात पारे पाकिस्तानले एक खेल अगावै शृंखला माथि कब्जा जमाउने छ ।

पाकिस्तानले दिएको २८२ रनको लक्ष्य लिएर ब्याटिङमा आएको जिम्बाब्वेले ४९ दशमलब चार ओभरमा आफ्ना सबै विकेट गुमाएर २५५ रन मात्र बनाउन सक्यो ।

चौथों नम्बरमा ब्याटिङ गर्न आएका ब्रेन्डन टेलरले ११६ बल खेल्दै ११ चौका र तीन छक्काको मद्धतमा सर्वाधिक ११२ रन बनाए पनि आफ्नो टोलीलाई जित भने दिलाउन सकेनन् । टेलर बाहेक वेस्ली माधेवेरेले ६१ बलमा ५५ रन तथा क्रेग एर्विनले पनि ४१ रनको पारी खेले ।

जिम्बाब्वेको पारी ध्वस्त पार्ने क्रममा पाकिस्तानका शाहिन शाह अफ्रिदीले सर्वाधिक पाँच विकेट हात पारे भने वहाब रियाजले आफ्नो आफ्नो नाममा चार विकेट दर्ता गराए । १० ओभर बलिङ गरेका अफ्रिदीले ४९ रन खर्चिए भने रियाजले नौं दशमलब चार ओभरमा ४१ रन खर्चिए ।

यस अघि ह्यारिस सोहेल र इमाम उल-हकले अर्ध शतक प्रहार गरे पछि खेलमा टस जितेर पहिले ब्याटिङ गरेको पाकिस्तानले आठ विकेट गुमाएर २८१ रन बनायो ।

पाकिस्तानको तर्फबाट सोहेलले ८२ बलमा सर्वाधिक ७१ रन बनाए भने ओपनर उल हकले पनि ५८ रनको पारी खेले । त्यस्तै इमाद वासिमले आठौँ नम्बरमा ब्याटिङ गरे अविजित ३४ रनको योगदान दिए ।

 

Click to comment

Leave a Reply

Your email address will not be published. Required fields are marked *

Headline

मेस्सीलाई किर्तिमानी सातौं बालोन डि ओर जित्न रोक्ने धुनमा लेवान्डोस्की

wesportz

Published

on

गत बर्ष कोरोना भाइरसका कारण रद्द गरिएको बिश्व फुटबलको सबैभन्दा प्रतिष्ठित पुरस्कार बालोन डि ओर सोमबार फर्कदा पोल्याण्ड स्ट्राइकर रोबर्ट लेवान्डोस्की अर्जेन्टिनी सुपरस्टार लियोनल मेस्सीलाई किर्तिमानी सातौं पटक उपाधि जित्नबाट रोक्ने प्रयास गर्नेछन् ।

बायर्न म्युनिख स्टार लेवान्डोस्कीले गत सिजन बुन्डेसलिगामा मात्र २९ खेलमा ४० गोल गर्दै लामो समयदेखि रहदै आएको गर्ड मुलरको किर्तिमानलाई तोडेका थिए । ३३ बर्षिय लेवान्डोस्कीले २०२० को फिफा बेस्ट प्लेयर पुरस्कार पनि जितेका थिए ।

बायर्न प्रशिक्षक युलियन नागेल्सम्यान र उनका टिममेट थोमस मुलर पनि यो सिजनको उत्कृष्ट शुरुवात गरिसकेका लेवान्डोस्की नै बालोन डि ओरको हकदार मान्छन् ।

“अहिले लेविले जुन तरिकाले खेलिरहेका छन् मलाई लाग्छ सोमबार उनले नै पुरस्कार जित्ने छन्,” मुलरले भने । यो सिजन सबै प्रतियोगिता गरेर खेलेको शुरुवाती २० खेलमा लेवान्डोस्कीलाई २५ गोल गरिसकेका छन् ।

पछिल्लो १२ सिजन मेस्सी र क्रिष्चियानो रोनाल्डोले संयुक्त रुपमा ११ पटक जित्दै दबदबा बनाउदा २०१८ मा क्रोएसियन प्लेमेकर लुका मोड्रिच अपवादको रुपमा रहेका थिए । मोड्रिचले त्यो बर्ष रियलका लागि च्याम्पियन्स लिग जित्नुका साथै क्रोएसियालाई बिश्वकपको फाइनलसम्म डोर्याएका थिए ।

“रोबर्ट यस उपाधिको हकदार हुन् । पछिल्लो दुई बर्ष उनी अन्य खेलाडीहरु भन्दा अविश्वसनीय रुपमा नै एक समानको प्रदर्शन दिदै आएका छन्,” नागेल्सम्यानले गत महिना दिइएको एक अन्तर्वार्तामा भनेका थिए ।

मेस्सीले भने बार्सिलोनामा आफ्नो अन्तिम सिजनमा ३० गोल गर्दै कोपा डेल रेको उपाधि जितेका थिए । जुलाईमा भने उनी कोपा अमेरिका च्याम्पियन बन्दै २८ बर्षमा पहिलो पटक अर्जेन्टिनालाई अन्तर्राष्ट्रिय उपाधि जिताएका थिए ।

पछिल्लो पटक २०१७ मा बालोन डि ओर जितेका रोनाल्डो भने यसपटक प्रमुख दाबेदारको रुपमा रहेका छैनन् ।

Continue Reading

Headline

कोरोनाको नयाँ भेरिएन्टका कारण महिला बिश्वकप छनोट नै रद्द, थाइल्याण्डमाथि अन्याय

wesportz

Published

on

दक्षिण अफ्रिकी देशहरुमा कोरोना भाइरसको नयाँ भेरिएन्ट फैलिन थालेपछि अन्तर्राष्ट्रिय क्रिकेट काउन्सिल (आईसिसि) ले महिला क्रिकेट बिश्वकप क्वालिफायर नै रद्द गरेको छ ।

हाल क्वालिफायर जारी रहेको देश जिम्बाब्वे सहित अन्य थुप्र्रै देशहरुले ट्राभल रेस्ट्रिक्सन प्रयोगमा ल्याएपछि क्रिकेटको सर्वोच्च निकायले यस्तो निर्णय लिएको हो ।

ओमिक्रन नाम दिइएको कोरोनाको नयाँ भेरिएन्टलाई बिश्व स्वास्थ्य संगठनले खतरनाक हुन सक्ने बताइसकेको छ । यो नयाँ भेरिएन्ट दक्षिण अफ्रिकामा नै पत्ता लागेको हो । नयाँ भेरिएन्टको संक्रमणलाई कोरोनाबिरुद्ध यसअघि दिइएका खोपहरु प्रभावकारी हुन नसक्ने पनि बताइएको छ ।

९ टिम सम्मिलित बिश्वकप छनोट हाल लिग चरणमा रहेको छ । न्युजिल्याण्डमा हुने बिश्वकपका लागि जारी क्वालिफायरबाट तीन टिम छनोट हुनुका साथै आईसिसि उमन्स च्याम्पियनसिपको अर्को साइकलका लागि थप टोलीको निर्धारण गर्ने थियो ।

न्युजिल्याण्डमा हुने महिला बिश्वकपका लागि अब आईसिसिले कट अफ डेट अनुसार आईसिसि बरियतामा यसअघि नै स्थान बनाइसकेका पाँच राष्ट्र बाहेकका तीन उत्कृष्ट टोलीहरुको समावेश हुने भएको छ । यस अनुरुप बंगलादेश, पाकिस्तान र वेष्ट इण्डिज बिश्वकपका लागि छनोट भएका छन् ।

शनिबार जिम्बाब्वेबिरुद्ध पाकिस्तान र अमेरिकाबिरुद्ध थाइल्याण्डका खेलहरु भएपनि श्रीलंकन क्रिकेट टिमको सपोर्ट स्टाफहरुमा कोराना देखिएपछि वेष्ट इण्डिज र श्रीलंकाबीचको खेल भने हुन सकेन ।

बंगलादेश, पाकिस्तान र वेष्ट इण्डिज अब महिला बिश्वकपका लागि आयोजक न्युजिल्याण्डसहित अष्ट्रेलिया, इंगल्याण्ड, भारत र दक्षिण अफ्रिकासँग जोडिने भएका छन् ।

बरियताकै आधारमा आईसीसी उमन्स च्याम्पियनसिपका लागि आईसिसिले श्रीलंका र आयरल्याण्डलाई छनोट गरेको छ ।

आईसीसी र कोरोनाको तेश्रो भेरिएन्टको अन्याय भने थाइल्याण्डलाई भएको छ । बंगलादेश, जिम्बाब्वे र अमेरिकालाई पराजित गरेको थाइल्याण्ड समुह बी को शिर्ष स्थानमा रहदै सुपर सिक्सका लागि छनोट भइसकेको थियो भने बिश्वकपमा छनोट नभएपनि उसको लागि उमेन्स च्याम्पियनसिपका लागि स्थान बनाउने राम्रो आधार स्थापित भइसकेको थियो ।

तर थाइल्याण्डले यो सबै अवसर गुमाएको छ । गत बर्ष महिला ट्वान्टी ट्वान्टी बिश्वकप खेल्दै पहिलो पटक आफ्नो क्रिकेट इतिहासमै ठूलो फड्को मारेको थाइल्याण्ड उत्कृष्ट प्रदर्शन गर्दा गर्दै अभागी साबित भएको छ ।

Continue Reading

Headline

पछिल्लो दुई युरो कप च्याम्पियन नै कतार बिश्वकपमा नहुन सक्छन्

wesportz

Published

on

२०२२ को कतार बिश्वकपको युरोपियन प्लेअफमा तीन ठूला टिम एकै समुहमा परेपछि इटाली र पोर्चुगल नै बाहिरिने सम्भावना रहेको छ ।

प्लेअफको समुह बी मा इटाली र पोर्चुगलसँगै टर्की पनि रहेको छ । इटालीले नर्थ मेसेडोनिया र पोर्चुगलले टर्कीसँग खेल्ने छन् । दुई खेलको बिजेताले एक आपसमा खेल्ने छन् । एउटा कुरा के स्पष्ट छ भने टर्की पराजित हुने हो भने पछिल्लो दुई युरो कप बिजेता मध्ये एक बिश्वकपमा हुने छैनन् ।

टर्कीले उत्कृष्ट प्रदर्शन गर्न सक्ने हो भने दुवै टोली बाहिरिने सम्भावना पनि कायम छ । इटाली युरो कप च्याम्पियन र पोर्चुगल २०१६ को बिजेता हो ।

इटाली २०१८ को बिश्वकपका लागि पनि प्लेअफ बाटै बाहिरिएको थियो । इटाली ६० बर्षमा पहिलो पटक बिश्वपमा छनोट नभएको हो । पोर्चुगलले १९९८ को बिश्वकप छुटाए यता हरेक प्रमुख प्रतियोगिताहरु खेल्दै आएको छ ।
छनोटको पहिलो चरणमा इटाली नर्दन आयरल्याण्डसँग बराबरीमा रोक्किएपछि स्विट्जरल्याण्डले बिश्वकपमा स्थान बनाएको थियो भने पोर्चुगल सर्बियासँग पराजित हुन पुगेको थियो ।

पोर्चुगल प्रशिक्षक फर्नान्डो सान्टोसले आफ्नो टोलीको पहिलो लक्ष्य मार्चमा हुने प्लेअफमा टर्कीलाई नै हराउनु रहेको बताएका छन् । उनीहरु कहिले राम्रो खेल्छन् कहिले खेल्दैनन् । टर्की यस्तो टोली हो जसले सधै अर्को टिमको लागि काँडा हुने गर्छ । तर म बिश्वकपमा छनोट हुनेमा भने बिश्वस्त छु, सान्टोसले भने ।

प्ले अफको अर्को समुहमा वेल्स र स्कटल्याण्डको फाइनलमा भेट हुन सक्छ । वेल्सले अष्ट्रियसँग खेल्ने छ भने स्कटल्याण्डले युक्रेनको सामना गर्नेछ । १९९८ यता स्कटल्याण्ड बिश्वकपमा छनोट हुन सकेको छैन । वेल्स ६४ बर्षमा पहिलो पटक बिश्वकप खेल्ने प्रयासमा हुनेछ ।

यस्तै रुसले अर्को समुहमा पोल्याण्डको सामना गर्नेछ भने स्विडेनले चेक रिपब्लिकसँग खेल्नेछ । रुसले हालसम्म घरेलु मैदानमा जम्मा एक पटक मात्र बिश्वकप छनोटको खेल हारेको छ र त्यो सन् २००९ मा जर्मनीबिरुद्ध रहेको थियो ।

Continue Reading
Headline4 hours ago

पुलिसको पहिलो जितमा सुमन लामाको निर्णायक गोल

Headline7 hours ago

सन्तोषको शतक र कप्तान बिबेकको आक्रमक ब्याटिँगमा प्रदेश २ ले बागमतीलाई हरायो

Headline8 hours ago

नेपालको ग्लोबल क्वालिफायर खेल्ने सपना चकनाचुर

Headline10 hours ago

युएईबिरुद्ध नेपालले पायो १ सय २८ रनको ठूलो लक्ष्य

Headline11 hours ago

सुदुर पश्चिम बिरुद्ध कर्णालीको लज्जास्पद हार

Headline12 hours ago

मेस्सीलाई किर्तिमानी सातौं बालोन डि ओर जित्न रोक्ने धुनमा लेवान्डोस्की

Headline1 day ago

कोरोनाको नयाँ भेरिएन्टका कारण महिला बिश्वकप छनोट नै रद्द, थाइल्याण्डमाथि अन्याय

Headline1 day ago

खानको २ सय ५० म्याचको कोशेढुँगा

Headline1 day ago

ए डिभिजन लिगः लगातार दोश्रो जित सहित मनाङ शिर्ष स्थानमा

Headline1 day ago

देव, बिशाल र वसिर चम्किएपछि लुम्बिनीको तेश्रो जित

Headline11 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!