Connect with us

Headline

म्याराडोना कि पेले ? को महान भन्ने बिवाद अझै पनि निरन्तर चलिरहनेछ

wesportz

Published

on

लियोनल मेस्सी आउनु अघि फुटबलमा को महान भन्ने कहिल्यै नटुङ्गिएको बिवादमा जम्मा दुई खेलाडी संलग्न थिएः डिएको म्याराडोना र पेले ।

यो यस्तो बिवाद थियो जुन बर्षौसम्म छत र बारमा चलिरह्यो, इन्टरनेटमा पनि चल्यो र टेलिभिजनमा पनि ।

बुनोस आएर्समा बुधबार ह्रदयघातका कारण मृत्यु भएका म्याराडोनाले कुनै पनि प्रमुख प्रतियोगितामा शायद इतिहासकै सबैभन्दा प्रेरणादायी प्रदर्शन गर्दै अर्जेन्टिनालाई १९८६ को बिश्वकप थमाए र अस्तित्व पनि खतरामा रहेको नापोलीलाई इटाली र युरोपको उचाइमा पुर्याए ।

पेलेले अभुतपुर्व रुपमा तीन बिश्वकप जिते र निकै सानो शहर सान्तोसलाई बिश्व मानचित्रमा खडा गरिदिए भने न्युयोक कसमसमार्फत अमेरिकामा राज गरे ।

कसको लिगेसी ठूलो भन्ने बिवादले फुटबल जगतलाई यसरी दुई चिरा पारिदियो की म्याराडोनाले फिफाको इन्टरनेट पोलमा सबैभन्दा बढी मत ल्याउदै २० औं शताब्दीको उत्कृष्ट खेलाडी चुनिदा कराडौं स्तब्ध भए । धेरैलाई असह्य भएपछि दवाबमै फिफाले अर्को पोल आफ्नै फुटबल फ्यामिलीको नाममा खडा गरेपछि पेलेले जिते र पुरस्कार बाडिएको जस्तो देखिएको थियो ।

“एकातर्फ छन् पेले यस्ता स्ट्राइकर जसको क्षेत्र पेनाल्टी बक्स थियो, यस्ता खेलाडी जसले मजाको लागि गाल गरे, खेलकुद मन्त्री पनि भए र तपाईले खोजेको जस्तै शान्त ब्यक्ति बने,” २०१३ मा भोटिङ्गपछि भएको समारोहमा फिफाले भन्यो ।

“अर्को तर्फ छन् म्याराडोना, सम्भवत सबैभन्दा पूर्ण खेलाडी, प्लेमेकर र गोलस्कोरर, प्राविधिक रुपमा निपूण, अविश्वसनीय र मैदान भित्र र बाहिरका सनकी र बर्षौ बिभिन्न समस्याले घेरिएका खेलाडी,” दुवैतर्फ सन्तुलन कायम गर्ने क्रममा फिफाले लेखेको थियो ।

दुई खेलाडीको महानताको बिवादमा अन्य केही पदहरु पनि थपिएर आउथेः अर्जेन्टाइनबिरुद्ध ब्राजिलियन, जनताको छोरा बिरुद्ध संस्थापनका व्यक्ति, पार्टी एनिमलबिरुद्ध शान्त ब्यक्ति र क्रान्तिकारीबिरुद्ध परम्परागत छवि ।

सबैले आ–आफ्नो पक्ष लिन्थे भने दुवै जनाले कहिल्यै पनि एक अर्काप्रति आफ्नो धारणालाई लुकाएर राखेनन् । पेलेलाई म्याराडोना सामाजिक रुपमा स्विकार गर्न नसकिने र नालायक लाग्थ्यो भने म्याराडोनालाई पेले बिकाउ ।

“खेलाडीको रुपमा पेले महान थिए तर उनी राजनैतिक रुपमा बढी सोच्छन्,” म्याराडोनाले सबैभन्दा सरल तरिकाले गरिएको आलोचनामा भनेका थिए । ड्रगको कुलतमा फसेका म्याराडोनालाई भने पेले खराब उदाहरण मान्थे ।

यद्दपि १९७९ म्याराडोना पेलेलाई भेट्न रियो दि जेनेरियो पुग्दा दुवै दक्षिण अमेरिकी खेलाडीहरुले आफ्नो पहिलो भेटलाई निकै न्यानो बनाएका थिए । अब आउदै गरेका नयाँ स्टारलाई आफ्नो सल्लाह–सुझाव दिदा पेले खुशी थिए भने म्याराडोना ब्राजिलियन लेजेण्डलाई भेट्ने सपना पुरा गर्न पाउदा निकै उत्साहित ।

दुईबीचको सम्बन्धमा तब तनाव उत्पन्न भयो जब म्याराडोना स्पेनमा भएको १९८२ बिश्वकपमा ब्राजिलियन खेलाडीलाई खुट्टाले हान्दा सोझै रेडकार्ड खादै मैदानबाट बाहिरिए । त्यसयता दुवै खेलाडी दशकौं सम्म एक अर्काको आलोचनामा बिताउदै कहिलेकाही सम्मान गर्दै क्षतिपुर्ति गर्ने काममा पनि लागेका थिए ।

म्याराडोना ६० पुग्नु एक महिना अघि ८० औं जन्मदिन मनाएका पेलेले म्याराडोनाको मृत्युको खबर सुनेपछि उदार हुदै प्रतिक्रिया दिएका थिए । “मैले निकै राम्रो साथी गुमाए र संसारले एउटा लेजेण्ड,” पेलेले बुधबार भने ।

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 202053 mins ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20201 hour ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय1 hour ago

बटलरको अविजित अर्धशतकमा इंग्ल्यान्डको सहज जित 

Euro 20202 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20204 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय5 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline7 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय9 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202010 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline12 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!