Connect with us

Headline

मैत्रीपूर्ण खेलका लागि नेपाली फुटबल टोली बिहिबार बंगलादेश उड्ने 

wesportz

Published

on

बंगलादेशसँगको मैत्रीपूर्ण खेलका लागि नेपाली राष्ट्रिय फुटबल टोली बिहिबार कार्तिक २० गते बंगलादेश जाने  भएको छ । नेपाली टोली हिमालयन एयर मार्फत बंगलादेश जान लागेको हो ।

नेपाली टोलीले त्यहाँ पाँच दिन क्वारेन्टिनमा बस्न पर्ने भएकाले बंगलादेश छिटै जान लागेको हो । तर नेपाली टोलीले क्वारेन्टिनमा रहेको अवस्थामा पनि अभ्यास गर्न पाउने एन्फाका पदाधिकारीले जानकारी दिए ।

अखिल नेपाल फुटबल संघ (एन्फा) ले मैत्रीपूर्ण खेलका लागि बोलाएको ३५ जना खेलाडी सहितको टोलीले बिहिबारदेखि दशरथ रंगशालामा प्रशिक्षण सुरु गरिसकेको छ । तर पाँच जना खेलाडीलाई कोरोना संक्रमण भएका कारण उनीहरु भने आइसोलेसनमा रहेका छन् ।

यो पनि पढ्नुहोस् :- फेरि पनि टिममा अटाएनन् स्ट्राइकर बिमल

नेपालका मुख्य प्रशिक्षक योहान कालिन अहिलेको अवस्थामा नेपाल आउन सम्भब नभए पछि सोमबार एन्फाले बालगोपाल महर्जनलाई प्रशिक्षक नियुक्त गरेको थियो ।

त्यस्तै एन्फाले किरण श्रेष्ठलाई सहायक प्रशिक्षक र विकास मल्ललाई गोलकिपर प्रशिक्षक पनि नियुक्त गरेको छ । बालगोपालको प्रशिक्षणमा नेपालले दक्षिण एसियाली खेलकुद अन्तर्गत साग फुटबलमा स्वर्ण पदक तथा बंगलादेशमा २०१६ मा बंगबन्धुको उपाधि हात पारेको थियो ।

नेपालले बंगलादेशसँग ढाकामा यहि नोभेम्बर १३ र १७ तारिखमा दुई मैत्रीपूर्ण खेल खेल्ने छ ।

प्रशिक्षणमा रहेका खेलाडीहरु :-अभिषेक रिजाल, बिशाल श्रेष्ठ, देबेन्द्र तामाङ, सुजल श्रेष्ठ, बिशाल राई, रञ्‍जित धिमाल, विकेश कुथु, सुमन अर्याल, नवयुग श्रेष्ठ, सेशेहाङ आङदेम्बे लिम्बु, जर्ज प्रिन्स कार्की, विकास खवास, सरोज दाहाल, अमित तामाङ, सुबाश गुरुङ, तेज तामाङ, अजित भण्डारी, रवि पासवान, सुनिल बल, छिरिङ गुरुङ, आशिष लामा, अनन्त तामाङ, बिक्रम लामा, मिक्चेन तामाङ, दिलेन लोक्तान, अन्जन बिष्ट, पुजन उपरकोटी, बिमल राना, भरत खवास, दिप कार्की, एरिक बिष्ट, दर्शन गुरुङ, रोहित चन्द र किरण लिम्बु

नेपाली टोलीको अभ्यासको भिडियो 

Headline

च्याम्पियन्स लिगमा आज: रियल म्याड्रिड र इन्टरको सँग-सँगै अग्नी परिक्षा

wesportz

Published

on

च्याम्पियन्स लिगको यो सिजनको समुह चरणमै १३ पटकको बिजेता रियल म्याड्रिडलाई यति अप्ठ्यारा खेलहरु खेल्नु पर्ला भनेर कसैले सोचेको थिएन । पहिलो खेलमा शख्तार दोनेस्कसँग पराजित भएको रियल दोस्रो खेलमा बोरुसिया मोचेनग्याल्डब्याचसँग बराबरीमा रोकिएको थियो ।

तेस्रो खेलमा आइपुग्दा इन्टर मिलनलाई ३-२ ले हराउदै पहिलो तीन अंक हात पारेको म्याड्रिडले बुधबार फेरी समुहको दोस्रो लेगमा सान सिरोमा इन्टरसँग खेल्दै छ ।

दुवै क्लबहरुले राम्रो प्रदर्शन गर्न नसके पछि समुह बि मा रियल म्याड्रिड र इन्टर क्रमश: तेस्रो र चौथो स्थानमा रहेका छन् ।

इन्टरले च्याम्पियन्स लिग भन्दा अगाडि सिरी आ मा भएको खेलमा टोरिनोलाई ४-२ ले पराजित गरेको थियो भने रियल भिल्लारियलसँग १-१ को बराबरीमा रोकिएको थियो ।

ला लिगा र च्याम्पियन्स लिगमा सोचे अनुरुप प्रदर्शन गर्न नसकेको रियल आजको खेलमा पराजित भए वा बराबरीमा रोकिए मात्रै पनि धेरै ठुलो दवाबमा आउने छ । यता इन्टरको अवस्था पनि कम नाजुक छैन । बुधबार तीन अंक ल्याउन नसक्ने हो भने इन्टरले अघिल्लो चरणमा पुग्नका लागि निकै संघर्ष गर्नु पर्ने हुन्छ ।

रियलसँगको पहिलो अवे खेल गुमाएका रोमेलु लुकाकुको फर्मले खेलमा निकै ठुलो असर पार्ने छ । लौटारो मार्टिनेज र लुकाकुको जोडी चल्ने हो भने रियललाई इन्टरले सजिलै पराजित गर्न सक्छ । रियलका लागि भने एडेन हजार्डले खेलमा शुरुवात देखी नै खेल्न सक्ने छन् ।

खेल नेपाली समय अनुसार १:४५ मा सुरु हुने छ ।

यस्तै बुधबार हुने ११:४५ बजेका खेलमा भने ओलम्पियाकोसले म्यानचेस्टर सिटी र सख्तर दोनेस्कले  मोचेनग्याल्डब्याचसँग खेल्दै छ ।

र १:४५ मा हुने अन्य खेलहरुमा मार्सेले पोर्टो, लिभरपुलले एट्लान्टा, बायर्न म्युनिखले रेड बुल साल्जबर्ग, एट्लेटिको म्याड्रीडले लोकोमोटिभ मस्को र आयाक्सले मिजील्याण्डको सामना गर्ने छ ।

Continue Reading

Headline

बेन्चमा बसे पनि ग्रिजमन ‘खुसी’ छन्

wesportz

Published

on

बार्सिलोनाका प्रशिक्षक रोनाल्ड कोमनले च्याम्पियन्स लिग अन्तर्गत डाइनामो किएभसँग भएको खेलमा एन्टोनी ग्रिजमनलाई शुरुवात नगराए पनि उनी खुशी भएको बताएका छन् ।

बार्सिलोनाले ४-० ले जितेको खेलमा ग्रिजमन बेन्चमा रहेका थिए । ६६ औँ मिनेट फिलिपे कोउटिन्होको स्थानमा मैदान छिरेका ग्रिजमनले बार्सिलोनाका लागि थपिएको इन्जुरी समयमा गोल पनि गरेका थिए ।

केही दिनअघि मात्रै ग्रिजमनका काकाले बार्सिलोना स्टार मेस्सीलाई लगाएका आरोपहरुका कारण उनको  र मेस्सीको सम्बन्ध त्यती राम्रो रहेको छैन । मेस्सीले भने किएभसँगको खेल खेलेका थिएनन् । खेलमा बैकल्पिक खेलाडीको रुपमा रहे पनि बार्सिलोना प्रशिक्षक कोमनले ग्रिजमन बार्सिलोनामा खुशी भएको बताएका थिए ।

“ग्रिजमनले आफ्नो चोटलाई ध्यानमा राख्दै बेन्चमा केही समय बिताएका हुन्,” कोमनले खेल पछि भने । “अभ्यासमा निकै मिहिनेत गर्ने खेलाडीलाई केही समयको खेलमा उतार्न निकै महत्वपूर्ण हुन्छ।”

“उनी निकै खुशी छन् । मैले उनलाई राम्रो सँग चिनेको छु र उनी क्लब र आफ्ना साथी खेलाडीहरुका लागि पनि खुशी छन्,” कोमनले भने ।

बार्सिलोनाले डाइनामो किएभलाई ४-० ले हराएसँगै अन्तिम १६ मा स्थान बनाएको छ । ला लिगामा भने राम्रो प्रदर्शन गर्न नसकेको बार्सिलोना १० औँ स्थानमा रहेको छ ।

Continue Reading

Headline

रोनाल्डो र मेस्सीलाई पनि पछि पारेका हालान्ड के सर्वकालीन महान बन्लान ?

wesportz

Published

on

एर्लिङ्ग हालान्ड गोल नगरि बस्नै सक्दैनन् ।

यस्तो लाग्छ उनले फेरि गोल गरेको वा नयाँ रेकर्ड तोडेको भन्दै नाम नआएको कुनै हप्ता छैन । बोरुसिया डर्टमण्डका यी २० बर्षिय स्ट्राइकरको तथ्यांक हेरे मात्रै पुग्छ ।

हालान्डले नर्वेका लागि जम्मा ७ खेल खेलेका छन् तर ६ गोल भने ठोकिसकेका छन्, पहिलो गोल दुई महिना अगाडी मात्रै गरेका थिए । उनले यो सिजन डर्टमण्डको लागि १३ खेल खेलका छन् र मात्रै तीनमा गोल गर्न सकेनन् । उनले यो सिजन डर्टमण्डका लागि १७ गोल गरिसकेका छन् । यस क्रममा शनिबार एकै बुन्डेसलिगा खेलमा चार गोल गर्ने सबैभन्दा कान्छा खेलाडीको किर्तिमान पनि भँग गरिसकेका छन् ।

हालान्डले पछिल्लो लगातार ७ खेलमा गोल गरेका छन् र मङ्गलवार बेल्जियन टोली क्लब बुगबिरुद्धको दुई गोलले उनको नाममा च्याम्पियन्स लिगमा १६ गोल भइसकेको छ । च्याम्पियन्स लिग इतिहासमा कुनै पनि खेलाडीले आफ्नो पहिलो १२ खेलमा १६ गोल गर्न सकेका छैनन् । उनको नजिक अहिलेसम्म कुनै पनि खेलाडी रहेका छैनन् ।

उति नै म्याच खेलिसक्दा अर्जेन्टिनका लियोनेल मेस्सीले दुई गोल मात्र गरेका थिए भने रोनाल्डोले एक गोल पनि गर्न सकेका थिए । च्याम्पियन्स लिगमा उनले ब्राजिलियन पुर्व स्टारहरु रोनाल्डो र एड्रियानो भन्दा बढी गोल गरिसकेका छन् ।

युरोपियन लिग खेल्ने २१ वा त्यो भन्दा कम उमेरका उत्कृष्ट युवा खेलाडीहरुलाई दिइदै आएको गोल्डेन बोइ अवार्ड यो बर्ष उनले नै पाए । तर के उनी बिश्वकै उत्कृष्ट हुन सक्लान ?

जहाँ छोडे, त्यहीबाट अर्को शुरुवात

गत सिजन दुई क्लबका लागि ४० खेलमा ४४ गोल गर्दै अविश्वसनीय प्रदर्शन गरेका हालान्डले फेरि गोल गरिरहनु कुनै सरप्राइज होइन । गत सिजन जनवरीमा रेड बुल साल्जबर्गबाट डर्टमण्ड गएका हालान्डले नयाँ क्लबका लागि मात्रै ५९ मिनेट खेल्दा नै बुन्डेसलिग प्लेयर अफ द मन्थ घोषित भए ।

च्याम्पियन्स लिगको एन्थम उनले आफ्नो कारमा ड्राइभ गरिरहदा पनि सुन्ने गर्छन् । आफूलाई एकदम मन पर्ने प्रतियोगितामा उनले गत सिजन १० गोल गर्दै च्याम्पियन्स लिगमा पनि टिनएजरको रुपमा त्यो किर्तिमान आफ्नो नाम लेखाएका थिए ।

यस क्रममा उनले मात्र ७ खेल खेलेका थिए र च्याम्पियन्स लिगमा गोलका दोहोरो अंक छुन उनले नै सबैभन्दा कम खेल लगाए ।

ठूलो क्लबको मुभ ?

बोरुसिया डर्टमण्ड पक्कै पनि ठूलो क्लब हो । तर हालान्डले आफ्नो गोल स्कोरिङ्ग फर्मलाई अझै ठूला क्लबहरु उनलाई मोटो रकममै आबद्ध गर्न लालयित हुने पक्का–पक्की छ ।

गत सिजन समाप्त हुने बित्तिकै गरेको नयाँ सम्झौता अनुसार हालान्ड अर्को दुई बर्ष डर्टमण्डमै रहनेछन् तर २०२२ मा क्लब छोड्नको लागि राखिएको ६७ मिलियन पाउण्डको रिलिज क्लज क्रियाशिल हुनेछ । यो यस्तो रकम हो जसलाई अन्य ठूला क्लबहरुले सजिलै तिर्न सक्छन्, यदि हालान्डले गोल गरि नै रहने हो भने ।

हालान्ड स्पष्ट रुपमै एक बिजेताको रुपमा जन्मिएका हुन् । उनीमा सफलताको भोक पोर्चुगिज सुपरस्टार रोनाल्डो आफ्ना आइडल स्विडिस लेजेण्ड ज्लाटन इब्राहिमोभिच जत्तिकै देखिन्छ ।

डर्टमण्डले बुन्डेसलिगा नजितेको आठ बर्ष भइसकेको छ र बायर्न म्युनिखलाई लामो समयदेखि चुनौति दिदै आएको एक मात्र क्लबले पछिल्लो पटक १९९७ मा च्याम्पियन्स लिगको उपाधि जित्दा उनी जन्मिएका समेत थिएनन् । त्यसैले एक प्रमुख उपाधि जित्ने पर्खाइ समाप्त नहुने हो भने सर्वोत्कृष्ट बनेर देखाउने इखका कारण उनी अबको दुई बर्षमा अर्को क्लब पुग्नेछन् ।

तर कता ?

म्यानचेस्टर युनाइटेडले यसअघि उनलाई लिने इच्छा देखाएको भनिएपनि उसले हालान्डलाई इङ्गलिस प्रिमियर लिग वा युरोपियन उपाधि जित्ने मौका सृजना गर्न सक्छ वा सक्दैन हेर्न बाकी नै छ । स्पेनिस महारथी रियल म्याड्रिडले पनि उनलाई लिने रुचि देखाएको रिपोर्ट सार्वजनिक भएको थियो भने हालान्ड आफै पनि स्पेनको राजधानी जान रुचाउने दाबी गरिएको छ ।

त्यसपछि आफ्ना बुवा आल्फ इन्जले कुनै समय खेलेको र आफूले सानै देखि समर्थन गर्दै आएको अर्को इङ्गलिस क्लब लिड्स पनि छ । तर १६ बर्षपछि मात्रै प्रिमियर लिगमा फर्किएको टोलीबाट दुई बर्षको अन्तरालमा उपाधिको दोबेदारी गर्ने टोली बन्ने अपेक्षा गर्नु भने यथार्थपरक हुदैन ।

इमान्दारी पुर्वक भन्ने हो भने हालान्डले आफ्नो लय कायमै राख्ने हो भने आफूले रोजेको क्लब नै पाउनेछन् ।

मेस्सी र रोनाल्डो सधै यत्तिकै जान सक्दैनन्

पछिल्लो १५ बर्ष वा त्यो भन्दा बढी समय बिश्वक दुई उत्कृष्ट खेलाडीहरु ३५ बर्षिय रोनाल्डो र ३३ बर्षिय मेस्सीलाई मात्र देख्न पाउदा हामीलाई उत्कृष्ट मात्रै हेर्ने बानीले बिगारिसकेको छ । यी दुई खेलाडी एकै समयमा खेल्दा हामीले व्यवसायिक फुटबलरबाट धेरै माथिल्लो स्तरको अपेक्षा मात्रै राख्न थालिसकेका छौं ।

तर यथार्थ के हो भने मेस्सी र रोनाल्डो सधै भरि फुटबल पिचमा रहिररहने छैनन् । अथवा त्यही स्तरमा खेलिरहने छैनन् । अहिले त बायर्न म्युनिखका गोल मसिन रोबर्ट लेवान्डोस्की पनि ३२ बर्षका भइसकेका छन् । त्यसो भए के हालान्डले यी खेलाडीहरुले छोेडेको रिक्त स्थानको पुर्ति गर्न सक्लान ?

हालान्डका नर्वे राष्ट्रिय टोलीका प्रशिक्षक लार्स लागरब्याक उनले त्यसो गर्नेमा निश्चिन्त छन् ।

“म शायद धेरै लामो समयदेखि यही रहदै आएको छु र मलाई लाग्छ मेस्सी र रोनाल्डोपछि हालान्ड जसरी युवा अवस्थामा आफ्नो खेल बिकास गरेका अन्य कोही खेलाडी छैनन्,” सेप्टेम्बरमा हालान्डले नर्वेका लागि आफ्नो पहिलो अन्तर्राष्ट्रिय गोल गरेपछि लागरब्याकले भनेका थिए ।

“उनी बिछट्टै छन् र एक बिश्वस्तरीय खेलाडी बन्नका लागि सबै सम्भावनाहरु छन् । मैदानको अफेन्सिभ थर्ड र बक्समा मात्रै हेर्ने हो भने पनि उनी साच्चिकै उच्च स्तरकै छन् । जुन गुण उनीमा छ र जति केन्द्रित रहने गरेका छन्, चोटबाट मुक्त हुने हो भने उनले त्यो स्थान लिन सक्छन्,” लागरब्याकले भने ।

अन्य टप क्लास हुन सक्ने युवा प्रतिभा को छन् ?

निष्चय पनि बर्तमान बिश्व फुटबलम धेरै उत्साहित बनाउने युवा प्रतिभाहरु छन् ।

फ्रेञ्च फर्वार्ड किलियन एमबाप्पे लामै समयदेखि खेलिरहेको जस्तो लागेपनि उनी जम्मा २१ बर्षका छन् र चोटले नगाज्ने हो भने उनी लामो समय चुचुरोमै बसेर राज गर्न सक्छन् । बोरुसिया डर्टमण्डमा खेल्दै आइरहेका जेडन सान्चो र जुड बेलिङ्गम इङ्गल्याण्डका यस्ता पुस्ताका खेलाडी हुन जो फुटबलमा लामो यात्रा तय गर्न सक्छन् ।

त्यसपछि बार्सिलोनाका पेद्रि छन् । १७ बर्षिय अट्याकिङ मिडफिल्डर पेद्री अहिले मेस्सीकै संरक्षणमा छन् र उनलाई धेरै सुझावहरु दिदै आइरहेका छन् ।

रेनेसका १८ बर्षिय फ्रेञ्च मिडफिल्डर एडुवार्डो कामाभिँगाले राष्ट्रिय टोलीका लागि तीन खेल खेल्दै एक गोल गर्न समेत भ्याइसकेका छन् । उनलाई सम्झौता गराउन बिश्वका ठूला क्लबहरु पनि लागि परेको रिपोर्ट बाहिर आउन थालेको छ ।

युरोपमा उदीयमान युवा खेलाडीहरुको उपस्थिति उत्साहजनक रहे पनि हालान्डको जस्तो सानो उमेरमा धेरै कमले मात्रै आफ्नो छाप छोडेका छन् । यदि उनीबाट गोल अहिले जसरी नै निस्कने हो भने एक दिन मेस्सी र रोनाल्डोको असंख्य किर्तिमानहरु खतरामा पर्ने छन् ।

Continue Reading
Headline4 hours ago

च्याम्पियन्स लिगमा आज: रियल म्याड्रिड र इन्टरको सँग-सँगै अग्नी परिक्षा

Headline6 hours ago

बेन्चमा बसे पनि ग्रिजमन ‘खुसी’ छन्

Headline9 hours ago

रोनाल्डो र मेस्सीलाई पनि पछि पारेका हालान्ड के सर्वकालीन महान बन्लान ?

Headline11 hours ago

च्याम्पियन्स लिग राउण्ड–अपः बार्सा, युभेन्टस, सेभिया प्रि–क्वार्टरफाइनलमा

Headline17 hours ago

रेनेसलाई हराउदै चेल्सी च्याम्पियन्स लिगको अन्तिम १६ मा

Headline1 day ago

च्याम्पियन्स लिग आज: मेस्सी बिनाको बार्सिलोनालाई किएभको चुनौती, पिएसजी र लाइपजिग भिड्दै

राष्ट्रिय1 day ago

कालिन नेपाल फर्कने सम्भावना न्युन 

राष्ट्रिय1 day ago

पारस खड्का दशककै उत्कृष्ट एशोसिएट खेलाडीको मनोनयनमा

Headline1 day ago

ए–लिग खुम्चिदै जादा अष्ट्रेलियन फुटबलरहरुको जमात आईएसएल खेल्न भारतमा

Headline1 day ago

सुविधा सम्पन्न जेलमा बसेको अनुभब भएको छः कागिसो रबाडा

Headline2 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 weeks ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline3 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending