Connect with us

IPL

राम्रो सुरुवात गरे पनि बुम्राको घातक बलिङमा बेंगलोरको मध्य स्कोर

wesportz

Published

on

राम्रो सुरुवात गर्दै ओपनरद्वय देवदत्त पडिकल र जश फिलिप्पेले पहिलो विकेटका लागि ७१ रन जोडे पनि जस्प्रित बुम्राले घातक बलिङ गरे पछि इन्डियन प्रिमियर लिग (आईपीएल) अन्तर्गत ४८ औं खेलमा मुम्बई इन्डियन्सलाई रोयल च्यालेन्जर्स बेंगलोरले १६५ रनको मध्यम लक्ष्य दिएको छ ।

शेख जायद रंगशाला, अबुधबीमा मुम्बईले टस हारेर पहिले ब्याटिङ गरेको बेंगलोरले २० ओभर खेल्दै छ विकेटको नोक्सानीमा १६४ रन बनायो ।

बेंगलोरको लागि ओपनरद्वय देवदत्त पडिकल र जश फिलिप्पेले पहिलो विकेटको लागि सात दशमलब पाँच ओभरमा ७१ रन जोड्दै राम्रो सुरुवात दिए । २४ बलमा ३३ रन बनाएका फिलिप्पे राहुल चाहारको शिकार भए । त्यस पछि आएका कप्तान बिराट कोहली नौं, एबी डि भिलियर्स १५ तथा सौरभ दुबे दुई रन बनाएर पेभेलियन फर्किए ।

उत्कृस्ट ब्याटिङ गरेका पडिकल ४५ बल खेल्दै १२ चौका र एक छक्का प्रहार गर्दै सर्वाधिक ७४ रन बनाए । उनी १७ औं ओभरमा जस्प्रित बुम्राको बलमा आउट हुन पुगे ।

क्रिस मोरिस दुई बलमा चार रन बनाएर आउट भए पनि वाशिंगटन सुन्दर र गुरकिरत सिंहले अविजित रहँदै क्रमश १० र १४ रनको योगदान दिए ।

बेंगलोरलाई मध्यम स्कोरमा रोक्ने क्रममा जस्प्रित बुम्राले चार ओभर बलिङ गर्दै एक मेडन सहित १४ रन खर्चिएर तीन विकेट हात पारे ।

आजको खेलमा मुम्बईले आफ्नो टोलीमा कुनै पनि परिवर्तन गरेको छैन भने बेंगलोरले तीन परिवर्तन गरेको छ । बेंगलोरका तिब्र गतिका बलर डेल स्टेनले सुरुवाती ११ मा स्थान बनाउँदा आरोन फ़िञ्च टोली बाहिर रहेका छन् । त्यस्तै जश फिलिप्पे र सौरभ दुबेले टोलीमा स्थान बनाएका छन् ।

मुम्बईका कप्तान रोहित शर्मा यस अघिका दुई खेलमा चोटका कारण खेल्न सकेका थिएनन् भने आज पनि खेल्ने नखेल्ने भएका छन् । उनको स्थानमा काइरन पोलार्डले नै कप्तानी सम्हाल्ने छन् ।

मुम्बई र बेंगलोर अंक तालिकामा क्रमश पहिलो र दोश्रो स्थानमा रहेका छन् । समान ११-११ खेल खेल्दै ७-७ जित र ४-४ हारका साथ दुबै टोलीको समान १४-१४ अंक रहे पनि मुम्बई नेट रन रेटका आधारमा पहिलो र बेंगलोर दोश्रो स्थानमा रहन गएका हुन् ।

आजको खेलमा जित हात पार्ने टोलीले अंक तालिकामा शिर्ष स्थानमा पकड जमाउनुको साथ साथै प्ले अफमा पुग्ने छ । हुन त अझै पनि पाँच टोलीले १६ अंक बटुल्दै शिर्ष स्थानमा पुग्ने र प्ले अफमा स्थान जमाउने सम्भावना बाँकी नै रहेको छ । तर पनि आजको खेलमा जित निकाल्न सक्ने टोलीले लगभग प्लेअफमा स्थान जमाउन सक्ने छ ।

यस अघि भएको पहिलो लेगमा बेंगलोरले मुम्बईलाई सुपर ओभरमा पराजित गर्दै दुई अंक बटुल्न सफल भएको थियो । पहिले ब्याटिङ गरेको बेंगलोरले २० ओभरमा तीन विकेट गुमाएर २०१ रन बनायो भने जवाफी ब्याटिङ गरेको मुम्बईले पुरै २० ओभर खेल्दै पाँच विकेटको नोक्सानीमा २०१ रन बनाए पछि खेल बराबरी हुँदै सुपर ओभरमा पुगेको थियो ।

Click to comment

Leave a Reply

Your email address will not be published. Required fields are marked *

Headline

लखनउले सार्वजनिक गर्यो आफ्नो फ्रेन्चाइजको नाम 

wesportz

Published

on

इन्डियन प्रिमियर लिग (आईपीएल) टोली लखनउले आफ्नो नाम सार्वजनिक गरेको छ । संजिव गोयन्का समुहको लगानी रहेको लखनउले आफ्नो नाम लखनउ सुपर जायन्ट राखेको छ ।

सात हजार करोड ९० भारतीय रुपैयाँ खर्च गरेर किनेको गोयन्काले भारतीय क्रिकेट टोलीका उपकप्तान तथा ओपनर केएल राहुललाई आफ्नो कप्तान पनि नियुक्त गरेको छ । केही दिन अघि मात्र १७ करोड भारतीय रुपैयाँमा लखनउमा आबद्ध भएका राहुलले यस अघि प्रीति जिन्टाको लगानी रहेको किंग्स ११ पन्जाबको कप्तानी गरेका थिए ।

राहुल आईपीएलमा सबैभन्दा धेरै तलब खाने खेलाडी पनि बनेका छन् । यस अघि भारतीय टोलीका पूर्व कप्तान विराट कोहलीले पनि रोयल च्यालेन्जर्स बेंगलोरबाट १७ करोड भारतीय रुपैयाँ तलब बुझ्ने गरेका थिए । सन् २०१८ को अक्सन अघि कोहलीलाई रिटेन गर्दा बेंगलोरले उक्त रकम खर्चिएको हो ।

सन् २०१६ र सन् २०१७ को सिजनमा जब चेन्नाई सुपर किंग्स र राजस्थान रोयल्सलाई दुई वर्षका लागि आईपीएलबाट निलम्बन गरियो त्यस समयमा गोयन्का समुहले राईजिङ्ग पुणे सुपर जयन्ट्स किनेका थिए ।

यस पटकको आईपीएलका लागि लखनउले अष्ट्रेलियाका अलराउण्डर मार्कस स्टोइनिसलाई नौ दशमलब दुई करोड तथा युवा लेग स्पिनर रवि बिष्णोईलाई चार करोड भारतीय रुपैयाँमा आबद्द गरेको छ ।

यस पटकको आईपीएलको मेगा अक्सन आगामी फेब्रुअरी १२ र १३ मा आयोजना हुनेछ भने आईपीएल मार्च २७ तारिकबाट सुरु हुनेछ ।

Continue Reading

Headline

आईपीएलका लागि आवेदन दिने १५ जना नेपाली खेलाडीहरु को को हुन् ?

wesportz

Published

on

नेपाल क्रिकेट संघ (क्यान) ले १५ औं संस्करणको इन्डियन प्रिमियर लिग (आईपीएल) को मेगा अक्सनको लागि आबेदन दिने १५ जना नेपाली खेलाडीहरुको नाम सार्वजनिक गरेको छ । आज बिहान मात्र भारतीय क्रिकेट बोर्ड (बिसीसीआई) ले मेगा अक्सनका लागि १२ सय १४ खेलाडीले आवेदन दिँदा नेपालका १५ जना खेलाडीहरुले आवेदन दिएको जनाएको थियो ।

नेपालबाट आवेदन दिने खेलाडीहरुमा असिफ शेख, पवन सर्राफ, सन्दिप जोरा, कुशल भुर्तेल, रोहित कुमार पौडेल, सुशन भारी, आरिफ शेख, अविनाश बोहरा, बिनोद भण्डारी, शरद भेषावाकर, कुशल मल्ल, करण केसी, सोमपाल कामी, दिपेन्द्र सिंह ऐरी, सन्दिप लामिछाने रहेका छन् ।

एसोसिएट्स राष्ट्रबाट ४१ जनाले आवेदन दिँदा सबैभन्दा धेरै आवेदन नेपालबाट नै परेको छ भने नेपालले बंगलादेश, आयरल्याण्ड र जिम्बाब्वे जस्ता टेस्ट राष्ट्रलाई पनि पछि पारेको छ । नेपाल पछि एसोसिएट्स राष्ट्रबाट आवेदन दिनेमा अमेरिका रहेको छ । अमेरिकाबाट १४ खेलाडीले आवेदन दिएका छन् ।

यो पनि पढ्नु होस् – ७ बर्षपछि जितेन्द्र मुखियाले देखेको उज्यालो

आवेदन दिनेमा सबैभन्दा धेरै अष्ट्रेलियाका खेलाडीहरुले दिएका छन् । अष्ट्रेलियाका ५९ जनाले आवेदन दिँदा भुटान, नेदरल्यान्ड्स, स्कटल्याण्ड र युएईका समान १-१ जनाले आवेदन दिएका छन् ।

यस पटकको मेगा अक्सनबाट १० फ्रेन्चाइजहरुले कुल २१७ खेलाडीको छनोट गर्नेछन् जस मध्य ७० जना विदेशी खेलाडी समावेस हुनेछन् । प्रत्येक फ्रेन्चाइजले अधिकतम २५ खेलाडी आफ्नो टोलीमा राख्न पाउने छन् ।

नेपाली टोलीका नवनियुक्त कप्तान सन्दिप लामिछाने मात्र नेपालको तर्फबाट आईपीएल खेल्ने एक्ला खेलाडी हुन् । सन् २०१८ मा उनी तीन सिजनका लागि दिल्ली क्यापिटल्समा आबद्ध भएका थिए भने अघिल्लो सिजनको लागि भएको मिनी अक्सनमा भने उनलाई कुनै पनि टोलीले आफ्नो टोलीमा समावेस गरेको थिएन ।

१५ औं सिजनको आईपीएलको अक्सन फेब्रुअरी १२ र १३ मा गरेर दुई दिन सम्म चल्ने छ ।

Continue Reading

Headline

पाँच धनी आईपीएल फ्रेन्चाइजहरु 

wesportz

Published

on

इन्डियन प्रिमियर लिग (आईपीएल) विश्वको सबैभन्दा चर्चित लिग मध्यको एक हो । जब भारतीय क्रिकेट बोर्ड (बिसीसीआई) ले सन् २००८ मा आईपीएल सुरु गर्यो पछिल्लो १४ संस्करणमा यसले विश्व क्रिकेट र विषेश गरि भारतीय क्रिकेटलाई अर्कै स्तरमा पुर्याउन सफल रह्यो । त्यस बाहेक यसले क्रिकेटलाई नै चर्चित बनाउन पुग्यो ।

तर १५ औं संस्करण सम्म आइपुग्दा आईपीएल एउटा राम्रो व्यवसाय पनि बन्न पुग्यो । खेलाडीहरुले करोडौं रुपैयाँ कमाउनु बाहेक फ्रेन्चाइजहरुले पनि अरबौं रुपैयाँ आम्दानी गर्दछन् आईपीएलबाट । 

ठूला व्यवसायिक घरानाहरूको लगानी गरिएका कारण मात्र नभएर अन्य व्यापारीहरूले पनि यसमा लगानी गर्न इच्छुक भएकाले गर्दा पनि आईपीएलमा सहजै अनुमान लगाउन सकिन्छ । 

बिसीसीआईले १५ औं संस्करणको आईपीएलमा दुई टोली थप्ने निर्णय गर्यो । त्यसमा दुई टोलीहरु  लखनउको लागि सन्जिव गोयन्काको आरपीएसजी ग्रुपले सात हजार करोड भारु तथा अहमदाबादका लागि सिभीसी  क्यापिटल्सले ५२ सय करोड भारु खर्च गरेको थियो । त्यस्तै इंग्लिस प्रिमियर लिग टोली म्यानचेस्टर युनाइटेडले समेत आईपीएलमा टोली किन्नका लागि आवेदन दिएको कुराले पनि यो कति ठुलो व्यापार हो भन्न सकिन्छ ।   

फ्रेन्चाइजहरुको आम्दानी भनेको टिभी राइट, स्पोन्सर र टिकटको पैसा हो । जर्सी नै ढाकिने गरि भिन्न ब्रान्डहरूले गरेको विज्ञापन बापत फ्रेन्चाइजहरुले करोडौं उठाउने गरेका छन् ।

यसै सन्दर्भमा हामी आज आईपीएलका पाँच धनी टोलीहरुको चर्चा गर्दैछौँ ।

५. सनराईजर्स हैदराबाद 

सन टिभीका मालिक कलानिथी मरनको स्वामित्वमा रहेको सनराईजर्स हैदराबाद १० मध्य सबैभन्दा धनी टोलीको पाँचौं स्थानमा रहेको छ । हैदराबादको प्रतिनिधित्व गर्ने यस टोलीको मूल्य पाँच सय करोड भारतीय रुपैयाँ रहेको छ ।        

सन् २०१२ मा स्थापना गरिएको यस टोलीले सन् २०१३ को संस्करणबाट आईपीएल खेल्न सुरु गर्यो । त्यसको तीन वर्ष पछि सन् २०१६ मा उसले पहिलो पटक आईपीएलको उपाधि चुम्न सफल भयो । त्यस बाहेक सन् २०१८ को संस्करणमा फाइनल सम्मको यात्रा तय गरे पनि चेन्नाई सुपर किंग्ससँग आठ विकेटले पराजित हुँदा हैदराबाद उपविजेतामा सीमित हुन पुग्यो ।

४. चेन्नाई सुपर किंग्स 

चेन्नाई सुपर किंग्स आईपीएलको सबैभन्दा सफल फ्रेन्चाइज मध्य एक हो । पहिलो संस्करण देखि हाल सम्म भारतका पूर्व तथा सबैभन्दा सफल कप्तान महेन्द्र सिंह धोनीको कप्तानीमा रहेको चेन्नाईको स्वामित्व भारतीय क्रिकेट बोर्डका अध्यक्ष एन श्रीनिवासनको इन्डियन सिमेन्टको नाममा रहेको छ । 

आफुले खेलेका १२ संस्करणमा नौ पटक फाइनलको यात्रा तय गरेको चेन्नाईले सन् २०१०, २०११, २०१८ र २०२१ को आईपीएलको उपाधि चुमेको थियो भने सन् २००८, २०१२, २०१३, २०१५ र २०१९ मा गरेर पाँच पटक उपविजेतामा सीमित भएको थियो । मालिकहरु सट्टेबाजमा संलग्न भएको भन्दै चेन्नाई र राजस्थान रोयल्सलाई बिसीसीआईले सन् २०१६ र २०१७ गरेर दुई सिजनको लागि प्रतिबन्ध लगाएको थियो ।

चेन्नाईको बजारी मूल्य ६ सय ९७ करोड भारतीय रुपैयाँ रहेको छ । नौ पटकको फाइनल खेलेको टोली तथा सबैभन्दा धेरै पटक प्लेअफ सम्म पुग्ने टोली धनी क्लबहरुको सुचीको चौथों स्थानमा पुग्नु सबैलाई अस्चार्य पार्ने विषय हो । तर दुई सिजनको प्रतिबन्धले पनि यसको असर परेको नकार्न सकिन्न ।

 

यो पनि पढ्नु होस्

आईपीएलको मेगा अक्सनमा १५ जना नेपाली खेलाडीहरु 

७ बर्षपछि जितेन्द्र मुखियाले देखेको उज्यालो

 

३. रोयल च्यालेन्जर्स बेंगलोर 

सफलताको कुरा गर्ने हो भने बेंगलोर आईपीएलका सबैभन्दा असफल टोली हो । तीन पटक फाइनलको यात्रा तय गरेको बेंगलोरले एक पटक पनि उपाधि चुम्न सकेको छैन । त्यस बाहेक उसले दुई पटक प्ले अफमा स्थान बनाएको थियो भने बाँकी संस्करणमा खासै राम्रो प्रदर्शन दिन सकेको थिएन ।

उपाधि चुम्न असफल रहे पनि सायद चर्चित भएका कारणले नै होला रोयल च्यालेन्जर्स बेंगलोर ६ सय ७९ करोड भारतीय रुपैयाँ सहित धनी क्लबहरुको सुचीको तेश्रो स्थानमा रहेको । भारतका चर्चित ब्यापारी विजय माल्याको लगानी रहेको बेंगलोर पछि उनकै कम्पनी युनाइटेड स्प्रिट्सको नाममा रहेको छ ।   

चर्चित खेलाडीहरुको बाहुल्यता रहने भएका कारण पनि बेंगलोर समर्थक माझ निकै चर्चित छ । राहुल द्रविड, केविन पिटरसन, अनिल कुम्बले र डेनियल भेट्टोरी जस्ता चर्चित पुरा खेलाडी देखि विराट कोहली र एबी डि भिलियर्स जस्ता चर्चित नामले गर्दा पनि बेंगलोरको मूल्य धेरै भएको सजिलै अनुमान लगाउन सकिन्छ ।

२. कोलकाता नाइट राईडर्स 

बलिउडका चर्चित हिरो शाहरुख खान, जुही चावला र जय मेहताको लगानी रहेको कोलकाता नाइट राईडर्स सात सय ४० करोड भारतीय रुपैयाँ सहित सबैभन्दा धनी आईपीएल टोलीको दोश्रो स्थानमा छ ।

तीन पटक फाइनलमा स्थान बनाएको कोलकाताले सन् २०१२ र सन् २०१४ मा गरेर दुई पटक उपाधि चुम्दा गत संस्करणमा उपविजेतामा खुम्चिन पुगेको थियो । त्यस बाहेक उसले अर्को दुई पटक प्लेअफ सम्मको यात्रा तय गरेको थियो ।

उपाधिको हिसाबले हेर्ने हो भने एकदमै सफल टोली नरहेको र चर्चित खेलाडीहरुको पनि बाहुल्य नरहे पनि कोलकाताले धनी टोलीमा चेन्नाई र बेंगलोर जस्ता टोलीलाई पछि पार्न सफल भएको छ । यसको मुख्य कारण शाहरुख पनि हुनसक्दछ ।

१. मुम्बई इन्डियन्स 

मुम्बई इन्डियन्स आईपीएलको सबैभन्दा सफल र सबैभन्दा धनी क्लब हो । पाँच पटकको उपाधी विजेता मुम्बईको बजारी मूल्य १०० मिलियन डलर भन्दा बढी रहेको छ र उ १०० मिलियन डलरको आईपीएल टोली बन्ने पहिलो र एक मात्र टोली हो ।

भारतका धनाड्य मुकेश अम्बानीको लगानीमा रहेको मुम्बई पाँच पटक आईपीएलको उपाधि जित्ने एक मात्र टोली हो । उसले सन् १०१३, सन् २०१५, सन् २०१७,सन् २०१९ र सन् २०२० मा गरेर पाँच पटक आईपीएलको उपाधी जितेको थियो भने सन् २०१० को संस्करणमा उपविजेतामा सीमित भएको थियो ।

 मुम्बईको बजारी मूल्य आठ सय तीन करोड भारतीय रुपैयाँ रहेको छ ।    


 

Continue Reading
Headline7 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline8 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline8 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline15 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline21 hours ago

सबैलाई एक्सपोजर दिदै प्रशिक्षक अलमुताइरी

Headline22 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline23 hours ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!