Connect with us

IPL

बेन स्टोक्सको शतकमा राजस्थानको रोमान्चक जित

Published

on

बेन स्टोक्सले अविजित शतक तथा सन्जु सामसनले अविजित अर्धशतक प्रहार गरे पछि इन्डियन प्रिमियर लिग (आईपीएल) को ४५औं खेलमा राजस्थान रोयल्सले मुम्बई इन्डियन्स माथि आठ विकेटको रोमान्चक जित हात पारेको छ ।

आजको जित पछि १२ खेलमा १० अंक सहित राजस्थान छैठौं स्थानमा उक्लिएको छ भने हारका बाबजुद मुम्बई १४ अंकका साथ अंक तालिकाको पहिलो स्थानमा यथावत छ ।

जितका लागि १९६ रनको विशाल लक्ष्य लिएर ब्याटिङमा आएको राजस्थानले १८ दशमलब दुई ओभर खेल्दै दुई विकेटको नोक्सानीमा जित दर्ता गरायो ।

राजस्थानको जितमा ओपनर बेन स्टोक्सले ६० बल खेल्दै १४ चौका र तीन छक्काको मद्धतमा सर्वाधिक १०७ रन बनाए भने सन्जु सामसनले पनि ३१ बलमा चार चौका र तीन छक्का सहित ५४ रनको पारी खेले । आईपीएलमा स्टोक्सको यो दोश्रो शतक हो । ४४ रनमा दुई विकेट गुमाएको राजस्थानलाई सहज जित दिलाउने क्रममा स्टोक्स र सामसनले तेश्रो विकेटका लागि १३ दशमलब चार ओभरमा अविजित १५२ रनको साझेदारी गरे ।

मुम्बईका जेम्स प्याटिनसनले दुई विकेट हात पारे भने अन्य बलरहरु विकेट बिहिन रहे ।

१० खेल खेलेको मुम्बई १४ अंक सहित अंक तालिकाको पहिलो स्थानमा रहेको छ भने आठ अंक रहेको राजस्थान अंक तालिकाको पुछारमा छ ।

यस अघि हार्दिक पान्ड्याले तुफानी पारी खेल्दै अर्धशतक प्रहार गरे पछि टस जितेर पहिले ब्याटिङ गरेको मुम्बईले पुरै २० ओभर खेल्दै पाँच विकेटको नोक्सानीमा १९६ रन बनायो ।

मुम्बईको तर्फबाट छैठौं नम्बरमा ब्याटिङ गर्न आएका पान्ड्याले २१ बलको सामना गर्दै अविजित ६० रन बनाए । तुफानी पारी खेलेका उनले दुई चौका र सात छक्का प्रहार गरे । पान्ड्याले कार्तिक त्यागीको अन्तिम ओभरमा तीन छक्का र दुई चौका प्रहार गर्दै मुम्बईलाई विशाल योगफल सम्म पुर्याय ।

त्यस्तै मुम्बईका अन्य ब्याट्सम्यानहरुमा सुर्य कुमार यादवले २६ बलमा ४० रन, ओपनर इशान किशानले ३७ रन तथा सौरभ तिवारीले २५ बलमा ३४ रनको योगदान दिए ।

राजस्थानका श्रेयस गोपाल र र जोफ्रा आर्चरले समान २-२ विकेट लिए भने कार्तिक त्यागीले पनि आफ्नो नाममा एक विकेट आफ्नो नाममा दर्ता गराए ।

यस अघि भएको पहिलो लेगमा मुम्बईले राजस्थानलाई ५७ रनको फराकिलो अन्तरले पराजित गरेको थियो । पहिले ब्याटिङ गरेको मुम्बईले चार विकेटको नोक्सानीमा १९३ रन बनायो भने जवाफी ब्याटिङ गरेको राजस्थानले १८ दशमलब एक ओभरमा आफ्ना सबै विकेट गुमाएर १३६ रन मात्र बनाउन सक्यो ।

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Published

on

ओपनर जस बटलरले अविजित रहँदै शतकीय पारी खेल्दा रोयल च्यालेन्जर्स बेंगलोरलाई सात विकेटले पाखा लगाउँदै राजस्थान रोयल्स दोश्रो पटक इन्डियन प्रिमियर लिग (आईपीएल) को फाइनलमा प्रवेश गरेको छ ।

सन् २००८ मा सुरु भएको आईपीएलको पहिलो सिजनमा  नै उपाधि चुमेको राजस्थान पहिलो सिजन पछि पहिलो पटक आईपीएलको फाइनलमा पुगेको हो । १५ औँ संस्करणको उपाधिका लागि राजस्थानले अब नव प्रवेशी टोली गुजरात टाइटान्सको सामना गर्नेछ । राजस्थानसँग पराजित हुँदा बेंगलोरको फाइनल खेल्ने सपना चकनाचुर भएको छ । 

रजत पाटिदारले अर्धशतकीय पारी खेल्दा टस हारेर पहिले ब्याटिङ गरेको बेंगलोरले २० ओभरमा आठ विकेट गुमाएर १५७ रनको सामान्य योगफल बनायो भने जबाफी ब्याटिङ गरेको राजस्थानले बटलरको शतकीय पारीमा तीन विकेट गुमाएर ११ बल अगावै जित आत्मसाथ गर्यो ।

राजस्थानलाई दोश्रो पटक फाइनलमा पुर्याउने क्रममा ओपनर बटलरले अविजित रहँदै रनको पारी खेले । जारी सिजनको चौथो शतक प्रहार गर्ने क्रममा बटलरले ६० बल खेल्दै १० चौका र चार छक्का प्रहार गरे । बटलर बाहेक राजस्थानको जितमा कप्तान सन्जु सामसनले २३ तथा ओपनर यशस्वी जैसवालले २१ रन बनाए ।   

एलिमिनेटर खेलमा शतक प्रहार गर्दै बेंगलोरलाई क्वालिफायर्स सम्मको यात्रा तय गराएका रजत पाटिदारले ४२ बलमा सर्वाधिक ५८ रन बनाए भने कप्तान फाफ डु प्लेसिसले १५ तथा ग्लेन म्याक्सवेलले २४ रन बनाए । पुर्व कप्तान विराट कोहली सात, महिपाल लोमरोर आठ, दिनेश कार्तिक ६ तथा वानिन्दु हसरंगा गोल्डेन डकआउट भए भने शहबाज अहमदले अविजित १२ रनको पारी खेले ।

बेंगलोरका ओबेड म्याककोय र प्रसिध कृष्णाले समान ३-३ विकेट हात पारे ।    

 

Continue Reading

Headline

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Published

on

रजत पाटिदारले शतकीय पारी खेल्दा रोयल च्यालेन्जर्स बेंगलोर लखनउ सुपर जायन्ट्स माथि १४ रनको शानदार जित निकाल्दै १५ औँ संस्करणको इन्डियन प्रिमियर लिग (आईपीएल) को दोश्रो क्वालिफायर्समा प्रवेश गरेको छ । बेंगलोरले फाइनल प्रवेशका लागि पहिलो क्वालिफायर्समा पराजित राजस्थान रोयल्सको सामना गर्नेछ ।

तेश्रो नम्बरमा ब्याटिङ गर्न आएका पाटिदारको अविजित शतकमा बेंगलोरले चार विकेट गुमाएर २०७ रनको विशाल योगफल बनायो । २०८ रनको लक्ष्य पछ्याएको लखनउले पुरै २० ओभर खेल्दै ६ विकेटको नोक्सानीमा १९३ रन मात्र जोड्न सक्यो ।

कप्तान केएल राहुलले अर्धशतकीय पारी खेल्दै लखनउलाई जित तर्फ उन्मुख गराए पनि १९ औँ ओभरमा जश हेजलउडको शिकार बन्दा एलिमिनेटरबाट नै बाहिरिन पुग्यो । ५८ बलको सामना गरेका राहुलले हेजलउडको बलमा शहबाज अहमदको हातबाट क्याच आउट हुनु अघि तीन चौका र पाँच छक्का सहित सर्वाधिक ७९ रन बनाए ।

ओपनर क्विन्टन डि कक ६ तथा तेश्रो नम्बरमा ब्याटिङ गर्न आएका मनन वोहरा १९ रनमा आउट भए पन्नी राहुलले दिपक हूडासँग तेश्रो विकेटका लागि ६१ बलमा ९६ रनको साझेदारी गर्दै आफ्नो टोलीलाई खेलमा फर्काए । २६ बलमा एक चौका र चार छक्का सहित ४५ रन बनाएका हूडाको विकेटको पतन पछि आएका मार्कस स्टोइनिस नौ  र कुर्नाल पान्ड्या गोल्डेन डकआउट हुँदा लखनउको क्वालिफायर्सको सपना चकनाचुर भयो ।

लखनउलाई रोक्ने क्रममा जश हेजलउडले सर्वाधिक तीन विकेट लिए भने मोहम्म्मद सिराज, हर्षल पटेल र वानिन्दु हसरंगाले समान १-१ विकेट आफ्नो नाममा दर्ता गराए ।       

बेंगलोरको जितमा अविजित रहेका पाटिदारले ५४ बल खेल्दै १२ चौका र सात छक्काको मद्दतमा सर्वाधिक ११२ रनको पारी खेले । २८ बलमा अर्धशतक प्रहार गरेका उनले दोश्रो अर्धशतक २१ बलमा पुरा गर्दा ४९ बलमा शतक पुरा गरेका थिए । त्यस्तै उनले पछिल्लो ४९ रन मात्र १८ बलमा पुरा गरेका थिए ।

ओपनिङमा ब्याटिङ गर्न आएका कप्तान फाफ डु प्लेसिस गोल्डेन डकआउट भए पनि पाटिदारले पुर्व कप्तान विराट कोहलीसँग मिलेर ६६ रनको साझेदारी गर्दै बेंगलोरको पारी सम्हाले । कोहली २५, ग्लेन म्याक्सवेल नौ तथा महिपाल लौमरोर १४ रनमा आउट हुँदा बेंगलोर १३ दशमलब एक ओभरमा चार विकेटको नोक्सानीमा ११५ रनको अवस्थामा खुम्चिन पुग्यो ।  

तर दबाबमा परेको बेंगलोरको लागि पाटिदारले विकेट किपर दिनेश कार्तिकसँग चौथो विकेटका लागि ४१ बलमा अविजित ९२ रनको साझेदारी गर्दै २०० को स्कोर पार गराए । उनीहरुले अन्तिम पाँच ओभरमा ८४ रन जोड्दै बेंगलोरलाई विशाल योगफल सम्म डोर्याए । अविजित रहेका कार्तिकले २३ बलमा पाँच चौका र एक छक्का सहित अविजित ३७ रनको योगदान दिए ।

लखनउका मोहसिन खान, कुर्नाल पान्ड्या, आवेश खान र रवि बिश्नोईले समान १-१ विकेट हात पारे ।  

 

Continue Reading
लेख8 hours ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख8 hours ago

नयाँ प्रशिक्षक प्रभाकर भन्छन् : पहिलो काम लिग टु

लेख2 days ago

बाना कपका लागि सुदुरपश्चिमको जर्सी सार्वजनिक  

लेख3 days ago

यस्ता छन् एन्फा कार्यसमिति बैठकका निर्णयहरू

लेख2 weeks ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 weeks ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 weeks ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 weeks ago

 नेपालको पोस्टमा भारतको गोलको वर्षा 

Headline2 weeks ago

साफ महिला च्याम्पियनसिप :  नेपाललाई सजिलो समूह

Headline3 weeks ago

लगातार दोस्रो जित निकाल्दा नेपाल फाइनल नजिक 

Headline3 weeks ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline3 weeks ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline3 weeks ago

क्यान अध्यक्ष चन्दलाई आईसीसीको सम्मान 

Headline3 weeks ago

आयोजक बाना र फार वेस्टर्न टेक्ससलाई बाना कपको  उपाधि 

Headline3 weeks ago

साफ यू-२० च्याम्पियनसिपमा नेपालकाे शानदार जित

Headline3 weeks ago

बाना कपको क्वाटरफाइनल समिकरण पुरा 

राष्ट्रिय4 weeks ago

साथी कपका लागि मेरिल्याण्ड क्रयाबको जर्सी सार्वजनिक 

राष्ट्रिय4 weeks ago

फार वेस्टर्नलाई घिमिरे होम्सको साथ 

Headline4 weeks ago

पुबुदुले दिए राजिनामा 

Headline4 weeks ago

एक वर्ष पछि सर्‍यो एसियाड

लेख8 hours ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख8 hours ago

नयाँ प्रशिक्षक प्रभाकर भन्छन् : पहिलो काम लिग टु

लेख2 days ago

बाना कपका लागि सुदुरपश्चिमको जर्सी सार्वजनिक  

लेख3 days ago

यस्ता छन् एन्फा कार्यसमिति बैठकका निर्णयहरू

लेख2 weeks ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 weeks ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 weeks ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 weeks ago

 नेपालको पोस्टमा भारतको गोलको वर्षा 

Headline2 weeks ago

साफ महिला च्याम्पियनसिप :  नेपाललाई सजिलो समूह

Headline3 weeks ago

लगातार दोस्रो जित निकाल्दा नेपाल फाइनल नजिक 

Headline3 weeks ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline3 weeks ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline3 weeks ago

क्यान अध्यक्ष चन्दलाई आईसीसीको सम्मान 

Headline3 weeks ago

आयोजक बाना र फार वेस्टर्न टेक्ससलाई बाना कपको  उपाधि 

Headline3 weeks ago

साफ यू-२० च्याम्पियनसिपमा नेपालकाे शानदार जित

Headline3 weeks ago

बाना कपको क्वाटरफाइनल समिकरण पुरा 

राष्ट्रिय4 weeks ago

साथी कपका लागि मेरिल्याण्ड क्रयाबको जर्सी सार्वजनिक 

राष्ट्रिय4 weeks ago

फार वेस्टर्नलाई घिमिरे होम्सको साथ 

Headline4 weeks ago

पुबुदुले दिए राजिनामा 

Headline4 weeks ago

एक वर्ष पछि सर्‍यो एसियाड

Trending

error: Content is protected !!