IPL
हैदराबाद माथि पन्जाबको सनसनीपूर्ण जित

Published
2 years agoon
By
wesportz
अन्तिम १३ बलमा सनराईजर्स हैदराबादले छ विकेट गुमाउंदा इन्डियन प्रिमियर लिग (आईपीएल) को ४३औं खेलमा किंग्स ११ पन्जाबले १२ रनको सनसनीपूर्ण जित दर्ता गराएको छ । ११औं खेलमा पन्जाबको यो पाँचौं जित हो भने ११ खेल नै खेलेको हैदराबादको यो सातौं हार हो ।
जितका लागि १२७ रनको झिनो लक्ष्य लिएर ब्याटिङ गर्न आएको हैदराबादले १९ दशमलब पाँच ओभरमा आफ्ना सबै विकेट गुमाएर मात्र ११४ रन बनाउन सक्यो ।
१०० रनको अवस्थामा चौथों विकेट गुमाएको हैदराबादले १४ रन जोड्दा बाँकी छ विकेट गुमाउन पुग्दा लज्जास्पद हारको सामना गर्न पुगेको हो ।
पन्जाबलाई जित दिलाउने क्रममा अर्शदिप सिंहले अन्तिम ओभरमा तीन विकेट लिए भने क्रिस जोर्डनले १९औं ओभरमा दुई विकेट हात पारे । सिंह र जोर्डनले समान ३-३ विकेट आफ्नो नाममा दर्ता गराउन सफल भए ।
हैदराबादक ओपनर कप्तान डेभिड वार्नरले २० बलमा सर्वाधिक ३५ रन बनाए भने विजय शंकरले पनि २६ रनको पारी खेले । त्यस्तै जोनी बेरिस्टोले १९ रन, मनिष पाण्डे १५ रन तथा अब्दुल सामद सात रन बनाएर पेभेलियन फर्किए भने त्यस पछिका कुनै पनि ब्याट्सम्यानहरुले दोहोरो अंकमा रन जोड्न सकेनन् भने तीन जनाले रनको खाता पनि खोल्न भ्याएनन् ।
यस अघि खेलमा टस हारेर पहिले ब्याटिङ गरेको पन्जाबले पुरै २० ओभर खेल्दै सात विकेटको नोक्सानीमा १२६ रन मात्र बनाउन सक्यो ।
६६ रनको अवस्थामा दोश्रो विकेट गुमाएको पन्जाबले त्यस पछि ६० रन भन्दा जोड्न नसक्दा सानो योगफलमा रोकिन पुग्यो । पन्जाबको तर्फबाट सर्वाधिक रन बनाएका निकोलस पुरणले चौथों नम्बरमा ब्याटिङ गर्न आएका २८ बलमा दुई चौका प्रहार गर्दै अविजित ३२ रन बनाए ।
पन्जाबको लागि ओपनरद्वय कप्तान केएल राहुल र मन्दिप सिंहले क्रमश २७ र १७ रन बनाए भने तेश्रो नम्बरमा ब्याटिङ गर्न आएका क्रिस गेल पनि २० रन मात्र बनाएर आउट भए । ग्लेन म्याक्सवेल पनि १२ रन बनाएर पेभेलियन फर्किए भने त्यस पछिका अन्य ब्याट्सम्यानले दोहोरो अंकमा रन जोड्न सकेनन् ।
पन्जाबलाई सानो योगफलमा समेट्ने क्रममा रशिद खान, जेसन होल्डर र सन्दिप शर्मा समान २-२ विकेट हात पारे । किफायती बलिङ गरेका रशिदले चार ओभरमा मात्र १४ रन खर्चिए ।
You may like
-
कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित
-
नव प्रवेशी गुजरातले चुम्यो आईपीएलको उपाधि
-
रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो
-
बेंगलोरलाई पाखा लगाउँदै राजस्थान दोश्रो पटक आईपीएलको फाइनल
-
पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा
-
बढ्यो नेपाली खेलाडीको तलब
Headline
नव प्रवेशी गुजरातले चुम्यो आईपीएलको उपाधि

Published
4 weeks agoon
May 30, 2022By
wesportz
कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।
अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।
पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।
गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्या र गिलले ५३ बलमा ६३ तथा मिलर र गिलले २९ बलमा अविजित ४७ रन जोड्दै उपाधि दिलाए ।
यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।
राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायर र ट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।
Headline
बेंगलोरलाई पाखा लगाउँदै राजस्थान दोश्रो पटक आईपीएलको फाइनल

Published
1 month agoon
May 28, 2022By
wesportz
ओपनर जस बटलरले अविजित रहँदै शतकीय पारी खेल्दा रोयल च्यालेन्जर्स बेंगलोरलाई सात विकेटले पाखा लगाउँदै राजस्थान रोयल्स दोश्रो पटक इन्डियन प्रिमियर लिग (आईपीएल) को फाइनलमा प्रवेश गरेको छ ।
सन् २००८ मा सुरु भएको आईपीएलको पहिलो सिजनमा नै उपाधि चुमेको राजस्थान पहिलो सिजन पछि पहिलो पटक आईपीएलको फाइनलमा पुगेको हो । १५ औँ संस्करणको उपाधिका लागि राजस्थानले अब नव प्रवेशी टोली गुजरात टाइटान्सको सामना गर्नेछ । राजस्थानसँग पराजित हुँदा बेंगलोरको फाइनल खेल्ने सपना चकनाचुर भएको छ ।
रजत पाटिदारले अर्धशतकीय पारी खेल्दा टस हारेर पहिले ब्याटिङ गरेको बेंगलोरले २० ओभरमा आठ विकेट गुमाएर १५७ रनको सामान्य योगफल बनायो भने जबाफी ब्याटिङ गरेको राजस्थानले बटलरको शतकीय पारीमा तीन विकेट गुमाएर ११ बल अगावै जित आत्मसाथ गर्यो ।
राजस्थानलाई दोश्रो पटक फाइनलमा पुर्याउने क्रममा ओपनर बटलरले अविजित रहँदै रनको पारी खेले । जारी सिजनको चौथो शतक प्रहार गर्ने क्रममा बटलरले ६० बल खेल्दै १० चौका र चार छक्का प्रहार गरे । बटलर बाहेक राजस्थानको जितमा कप्तान सन्जु सामसनले २३ तथा ओपनर यशस्वी जैसवालले २१ रन बनाए ।
एलिमिनेटर खेलमा शतक प्रहार गर्दै बेंगलोरलाई क्वालिफायर्स सम्मको यात्रा तय गराएका रजत पाटिदारले ४२ बलमा सर्वाधिक ५८ रन बनाए भने कप्तान फाफ डु प्लेसिसले १५ तथा ग्लेन म्याक्सवेलले २४ रन बनाए । पुर्व कप्तान विराट कोहली सात, महिपाल लोमरोर आठ, दिनेश कार्तिक ६ तथा वानिन्दु हसरंगा गोल्डेन डकआउट भए भने शहबाज अहमदले अविजित १२ रनको पारी खेले ।
बेंगलोरका ओबेड म्याककोय र प्रसिध कृष्णाले समान ३-३ विकेट हात पारे ।
Headline
पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा

Published
1 month agoon
May 26, 2022By
wesportz
रजत पाटिदारले शतकीय पारी खेल्दा रोयल च्यालेन्जर्स बेंगलोर लखनउ सुपर जायन्ट्स माथि १४ रनको शानदार जित निकाल्दै १५ औँ संस्करणको इन्डियन प्रिमियर लिग (आईपीएल) को दोश्रो क्वालिफायर्समा प्रवेश गरेको छ । बेंगलोरले फाइनल प्रवेशका लागि पहिलो क्वालिफायर्समा पराजित राजस्थान रोयल्सको सामना गर्नेछ ।
तेश्रो नम्बरमा ब्याटिङ गर्न आएका पाटिदारको अविजित शतकमा बेंगलोरले चार विकेट गुमाएर २०७ रनको विशाल योगफल बनायो । २०८ रनको लक्ष्य पछ्याएको लखनउले पुरै २० ओभर खेल्दै ६ विकेटको नोक्सानीमा १९३ रन मात्र जोड्न सक्यो ।
कप्तान केएल राहुलले अर्धशतकीय पारी खेल्दै लखनउलाई जित तर्फ उन्मुख गराए पनि १९ औँ ओभरमा जश हेजलउडको शिकार बन्दा एलिमिनेटरबाट नै बाहिरिन पुग्यो । ५८ बलको सामना गरेका राहुलले हेजलउडको बलमा शहबाज अहमदको हातबाट क्याच आउट हुनु अघि तीन चौका र पाँच छक्का सहित सर्वाधिक ७९ रन बनाए ।
ओपनर क्विन्टन डि कक ६ तथा तेश्रो नम्बरमा ब्याटिङ गर्न आएका मनन वोहरा १९ रनमा आउट भए पन्नी राहुलले दिपक हूडासँग तेश्रो विकेटका लागि ६१ बलमा ९६ रनको साझेदारी गर्दै आफ्नो टोलीलाई खेलमा फर्काए । २६ बलमा एक चौका र चार छक्का सहित ४५ रन बनाएका हूडाको विकेटको पतन पछि आएका मार्कस स्टोइनिस नौ र कुर्नाल पान्ड्या गोल्डेन डकआउट हुँदा लखनउको क्वालिफायर्सको सपना चकनाचुर भयो ।
लखनउलाई रोक्ने क्रममा जश हेजलउडले सर्वाधिक तीन विकेट लिए भने मोहम्म्मद सिराज, हर्षल पटेल र वानिन्दु हसरंगाले समान १-१ विकेट आफ्नो नाममा दर्ता गराए ।
बेंगलोरको जितमा अविजित रहेका पाटिदारले ५४ बल खेल्दै १२ चौका र सात छक्काको मद्दतमा सर्वाधिक ११२ रनको पारी खेले । २८ बलमा अर्धशतक प्रहार गरेका उनले दोश्रो अर्धशतक २१ बलमा पुरा गर्दा ४९ बलमा शतक पुरा गरेका थिए । त्यस्तै उनले पछिल्लो ४९ रन मात्र १८ बलमा पुरा गरेका थिए ।
ओपनिङमा ब्याटिङ गर्न आएका कप्तान फाफ डु प्लेसिस गोल्डेन डकआउट भए पनि पाटिदारले पुर्व कप्तान विराट कोहलीसँग मिलेर ६६ रनको साझेदारी गर्दै बेंगलोरको पारी सम्हाले । कोहली २५, ग्लेन म्याक्सवेल नौ तथा महिपाल लौमरोर १४ रनमा आउट हुँदा बेंगलोर १३ दशमलब एक ओभरमा चार विकेटको नोक्सानीमा ११५ रनको अवस्थामा खुम्चिन पुग्यो ।
तर दबाबमा परेको बेंगलोरको लागि पाटिदारले विकेट किपर दिनेश कार्तिकसँग चौथो विकेटका लागि ४१ बलमा अविजित ९२ रनको साझेदारी गर्दै २०० को स्कोर पार गराए । उनीहरुले अन्तिम पाँच ओभरमा ८४ रन जोड्दै बेंगलोरलाई विशाल योगफल सम्म डोर्याए । अविजित रहेका कार्तिकले २३ बलमा पाँच चौका र एक छक्का सहित अविजित ३७ रनको योगदान दिए ।
लखनउका मोहसिन खान, कुर्नाल पान्ड्या, आवेश खान र रवि बिश्नोईले समान १-१ विकेट हात पारे ।

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित

नव प्रवेशी गुजरातले चुम्यो आईपीएलको उपाधि

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

बेंगलोरलाई पाखा लगाउँदै राजस्थान दोश्रो पटक आईपीएलको फाइनल

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा

बढ्यो नेपाली खेलाडीको तलब

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा

अर्थहीन खेलमा हैदराबाद माथि पन्जाबको शानदार जित

अमेरिका जाने नेपाली टोलीलाई अमेरिकी राजदूतावास र क्यानको बिदाई

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै

अमेरिका भ्रमणमा नेपालले दुई अभ्यास खेल खेल्ने

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर

शृंखला गुमाएको नेपालको अन्तिम खेलमा शानदार जित

टियुमा पहिलो जित हात पार्दा नेपाल क्लिन स्विप हुनबाट बच्यो

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

रोहितलाई उपकप्तानको जिम्मेवारी

घरेलु मैदानमा खेलेको पहिलो शृंखला नै गुमायो नेपालले

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल

कोलकाता माथि दुई रनको सनसनीपूर्ण जित निकाल्दै लखनउ प्लेअफमा

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित

नव प्रवेशी गुजरातले चुम्यो आईपीएलको उपाधि

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

बेंगलोरलाई पाखा लगाउँदै राजस्थान दोश्रो पटक आईपीएलको फाइनल

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा

बढ्यो नेपाली खेलाडीको तलब

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा

अर्थहीन खेलमा हैदराबाद माथि पन्जाबको शानदार जित

अमेरिका जाने नेपाली टोलीलाई अमेरिकी राजदूतावास र क्यानको बिदाई

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै

अमेरिका भ्रमणमा नेपालले दुई अभ्यास खेल खेल्ने

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर

शृंखला गुमाएको नेपालको अन्तिम खेलमा शानदार जित

टियुमा पहिलो जित हात पार्दा नेपाल क्लिन स्विप हुनबाट बच्यो

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

रोहितलाई उपकप्तानको जिम्मेवारी

घरेलु मैदानमा खेलेको पहिलो शृंखला नै गुमायो नेपालले

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल

कोलकाता माथि दुई रनको सनसनीपूर्ण जित निकाल्दै लखनउ प्लेअफमा
