Connect with us

IPL 2020

भारतले गर्ने अस्ट्रेलिया भ्रमण सुनिश्चित, अस्ट्रेलिया सरकारले दियो स्विकृति

wesportz

Published

on

भारतले आगामी महिनाबाट गर्ने भनेको अस्ट्रेलिया भ्रमण सुनिश्चित भएको छ । अस्ट्रेलिया क्रिकेट बोर्डले आज जनाए अनुसार सरकारले भ्रमणको स्विकृति दिएको छ ।

सरकारको तर्फबाट स्विकृत पाए पनि खेलाडीहरुले क्वारेन्टिनको नियम पालना गर्न पर्ने हुन्छ । न्यु साउथ वेल्स सरकारले युएईमा जारी इन्डियन प्रिमियर लिग (आईपीएल) मा सहभागी अस्ट्रेलियन र भारतीय खेलाडीले क्वारेन्टिनमा बस्न पर्ने भए पनि अभ्यास गर्न पाउने जनाएको छ ।

भारतले अस्ट्रेलिया भ्रमणका क्रममा समान ३-३ ट्वान्टी ट्वान्टी र एकदिवसीय तथा चारवटा टेस्ट खेल्ने छ । पहिलो र दोश्रो ट्वान्टी ट्वान्टी क्रमश नोभेम्बर २७ र २९ मा सिड्नीमा तथा तेश्रो र अन्तिम एकदिवसीयका साथ साथै पहिलो ट्वान्टी ट्वान्टी खेल डिसेम्बर एक र चार तारिखमा क्यानबेरामा हुनेछ ।त्यस्तै फेरी बाँकी दुई ट्वान्टी ट्वान्टीका लागि दुबै टोली सिड्नी फर्कने छन् र ति खेलहरु डिसेम्बर छ र आठ तारिखमा हुनेछ ।

भारतले अस्ट्रेलिया भ्रमणको पहिलो टेस्ट भने डे-नाइट टेस्टबाट सुरु गर्नेछ । एडिलेड ओभलमा हुने उक्त खेल डिसेम्बर १७ बाट २१ सम्म संचालन हुनेछ । दोश्रो टेस्टको लागि भने अस्ट्रेलियाले दुईवटा भेन्यु छुट्टाएको छ । बक्सिङ डे टेस्ट मेलबर्नमा डिसेम्बर २६ बाट ३० तारिख सम्म खेलाइने छ । तर यदि कोरोनाका कारण मेलबर्नले आयोजना गर्न नसक्ने भएको खण्डमा एडिलेडले नै दोश्रो टेस्ट पनि आयोजना गर्नेछ ।

तेश्रो टेस्ट सिड्नीमा जनावरी सात देखि ११ सम्म तथा चौथों र अन्तिम टेस्ट ब्रिसबेनमा जनावरी १५-१९ सम्म चल्ने छ ।

Click to comment

Leave a Reply

Your email address will not be published. Required fields are marked *

Headline

राष्ट्रिय टोलीसंगको भविष्यको प्रश्न आउदा बेलले अन्तर्वार्ता छोडेर हिडे

wesportz

Published

on

वेल्स कप्तान ग्यारेथ बेल आफ्नो टोली डेनमार्कसंग नराम्ररी पराजित हुदै युरो कपबाट बाहिरिएपछि उनको राष्ट्रिय टोलीको भविष्यलाई लिएर गरिएको प्रश्नमा अन्तर्वार्ता छोडेर हिडेका छन् ।

शनिबार क्यास्पर डोल्बर्गले दुई गोल गरेपछि वेल्स डेनमार्कसंग ४-० को फराकिलो अन्तरले पराजित हुंदै अन्तिम १६ बाट बाहिरियो । यसअघि फ्रान्समा भएकोअघिल्लो संस्करणको सेमिफाइनल खेलेको वेल्सका लागि शनिबारको हार लज्जास्पद रहन पुग्यो ।

३१ बर्षिय बेललाई खेल समाप्त पछि मैदानमै हुने अन्तर्वार्तामा अब उनको वेल्ससंगको भविष्य के हुनेभनेर प्रश्न आउने बित्तिकैउनी माइक छोडेर गएका थिए । बेलको कदमलाई वेल्स प्रशिक्षक रोबर्ट पेजले एकदम सही भएको भन्दै सोधिएको प्रश्नलाई असंवेदनशीलको रुपमा व्याख्या पनि गरेका थिए ।

“तपाईलाई हिजो पनि के यो खेल तपाईको वेल्सका लागि अन्तिम हुने भनेर सोधिएको थियो र तपाईले कम से कम पनि अर्को मौका पाउनु पर्ने बताउनु भएको थियो,” बिबिसीका एक पत्रकारको यो प्रश्न पुरा हुन नपाउदै क्रुद्ध देखिएका बेल क्यामेरा छोडेर हिडे ।

“चेन्जिंग रुममा अन्य खेलाडीहरु सरह उनी पनि निराश छन् । उनी किन आफ्नो भविष्यको बारेमा अहिले उत्तर दिन्छन् जस्तो लागिरहेको छ तपाईलाई , वेल्स प्रशिक्षक पेजले भने ।

“मेरो लागि यो निकै नै असंवेदनशील प्रश्न हो । मैदानबाट भर्खरै हारको सामना गरेर फर्किएका खेलाडीलाई यस्तो प्रश्न सोध्नुको कुनै तर्क छैन । यस्तो क्षणमा हारको चोट आलै हुन्छ र मेरो लागि उनले अन्तर्वार्ता छोडेर जानु एकदम सही निर्णय थियो,” पेजले समर्थन जनाए ।

अन्तर्वार्ताबाट हिड्नु अघि बेलले रेफ्रिको निर्णयले खेलमा प्रभाव पारेको बताएका थिए । डेनमार्कले दोश्रो गोल गर्दा किफर मुरमाथि फउल भएकोमा उनी अडिग थिए । डोल्बर्गले दोश्रो हाफको शुरुवातमै गोल गरे लगत्तै बेलले जर्मन रेफ्रि ड्यानियल सिबर्टसंग मुरमाथि फउल भएको भन्दै अपिल गरेका थिए ।

दोश्रो गोलपछि वेल्स खेलमा पुनरागमन जनाउन पूर्ण रुपमा असफल भएको थियो । तपाईले कुनै खेलाडीलाई पछाडीबाट लडाउदै बल खोस्नु हुन्छ भने त्यो फउल हो । शायद रेफ्रि यो खेलमा दर्शकबाट प्रेरित हुनु भयो, बेलले भने ।

Continue Reading

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading
T20 World Cup 20216 hours ago

ट्वान्टी ट्वान्टी विश्वकप : ट्रम्पलमन र फ्रिलिंकको घातक बलिङमा नामिबियाको सनसनीपूर्ण जित

Headline9 hours ago

महिला ट्वान्टी ट्वान्टी बिश्वकपको एसिया छनौटका लागि नेपाली टोलीको घोषणा

T20 World Cup 202110 hours ago

ट्वान्टी ट्वान्टी विश्वकप : इंग्ल्यान्डको उत्कृष्ट प्रदर्शन जारी

T20 World Cup 20211 day ago

ट्वान्टी ट्वान्टी विश्वकप : न्युजिल्याण्डलाई पनि पाखा लगाउन सफल पाकिस्तान 

T20 World Cup 20211 day ago

ट्वान्टी ट्वान्टी विश्वकप : डिफेन्डिङ च्याम्पियनको लगातार दोश्रो हार 

Headline2 days ago

ट्वान्टी ट्वान्टी बिश्वकपमा आज दुवै ठूला खेल

Headline2 days ago

मिसन वर्ल्ड कप : महिला टोलीले पहिलो पटक ट्वान्टी ट्वान्टी अन्तर्राष्ट्रिय शृंखला खेल्ने 

Headline2 days ago

१२ हजार करोड भारुमा बिसीसीआईले थप्यो आईपीएलका लागि दुई नयाँ टोली

T20 World Cup 20212 days ago

 ट्वान्टी ट्वान्टी विश्वकप : मुजिब र राशिदको घातक बलिङमा स्कटल्याण्डको लज्जास्पद हार 

Headline2 days ago

अण्डर–२३ एसियन कप क्वालिफायर्सः नेपाल इरानसँग ४–० ले पराजित

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!