Connect with us

IPL 2020

एकै खेलमा दुई सुपर ओभर, मुम्बई माथि पन्जाबको सनसनीपूर्ण जित

wesportz

Published

on

इन्डियन प्रिमियर लिग (आईपीएल) अन्तर्गत आफ्नो नवौं खेलमा किंग्स ११ पन्जाबले मुम्बई इन्डियन्सलाई दोश्रो सुपर ओभरमा पराजित गर्दै १३औं संस्करणमा तेश्रो जित हात पारेको छ ।

दोश्रो सुपर ओभरमा पहिले ब्याटिङ गरेको मुम्बईले ११ रन बनाउन सक्यो भने १२ रनको लक्ष्य लिएर ब्याटिङमा आएको पन्जाबले चार बल खेल्दै जित दर्ता गर्यो ।

पहिलो सुपर ओभरमा पन्जाबले पाँच रन मात्र बनाउन सक्यो भने पाँच रनको लक्ष्य लिएर जवाफी ब्याटिङ गरेको मुम्बईले पनि पाँच रन नै बनाउंदा खेल दोश्रो सुपर ओभरमा पुग्यो ।

जितका लागि १७७ रनको चुनौती लिएर ब्याटिङ गर्न आएको पन्जाबले पुरै २० ओभर खेल्दै छ विकेटको नोक्सानीमा १७६ रन बनाउन सके पछि खेल सुपर ओभरमा गएको हो ।

पन्जाबको लागि कप्तान केएल राहुलले सर्वाधिक ७७ रन बनाए । ओपनिङमा आएका राहुल १७ दशमलब तीन ओभरमा जस्प्रित बुम्राको बलमा बोल्ड हुनु अघि ५१ बलको सामन गर्दै सात चौका र तीन छक्का प्रहार गरे । आजको खेलमा राहुलले यस सिजन आफ्नो व्यक्तिगत रन संख्या पनि पाँच सय कटाए ।

राहुल पेभेलियन फर्किंदा पन्जाबलाई जितका लागि १५ बलमा २४ रन आवस्यक रहेको अवस्थामा दिपक होडा र क्रिस जोर्डनले छैठौं विकेटका लागि मात्र २३ रन जोड्न सक्दा खेल सुपर ओभरमा गयो । अन्तिम बलमा दुई रन चाहिए पनि आठ बलमा १३ रन प्रहार गरेका जोर्डन रन आउट हुँदा पन्जाब रोमान्चक जित दर्ता गर्नबाट बन्चित रह्यो । अविजित रहेका होडाले १६ बलमा २३ रन बनाए ।

पन्जाबका अन्य ब्याट्सम्यानमा मायंक अगरवाल ११, क्रिस गेल २१ बलमा २४ रन, निकोलस पुरण १२ बलमा २४ रन, ग्लेन म्याक्सवेल दुई बल खेल्दै डक आउट भए ।

मुम्बईका जस्प्रित बुम्राले किफायती बलिङ गर्दै चार ओभरमा २४ रन खर्चिएर सर्वाधिक तीन विकेट हात पारे भने राहुल चाहारले पनि आफ्नो नाममा दुई विकेट दर्ता गराउन सफल रहे ।

यस अघि काइरन पोलार्ड र नाथन काउल्टर नाइलले अन्तिम २१ बलमा ५७ रन जोडे पछि खराब सुरुवातका बाबजुद खेलमा टस जितेर पहिले ब्याटिङ रोजेको मुम्बईले पुरै २० ओभर खेल्दै छ विकेटको नोक्सानीमा १७६ रन बनायो ।

मुम्बईको तर्फबाट ओपनर क्विन्टन डि ककले ४३ बल खेल्दै समान ३-३ चौका र छक्काको मद्धतमा ५३ रन बनाए । त्यस्तै कुर्नाल पान्ड्याले पनि ३० बलमा ३४ रन जोडे ।

१६ दशमलब तीन ओभरमा छ विकेट गुमाएको मुम्बईको लागि अविजित रहेका काइरन पोलार्डले १२ खेल्दै एक चौका र चार छक्काको मद्धतमा ३४ तथा नाथन काउल्टर नाइलले पनि १२ बल नै खेल्दै चार चौका सहित २४ रन बनाए । पोलार्ड र निलले मात्र तीन दशमलब तीन ओभरमा अविजित ५७ रन जोड्दै मुम्बईलाई ठुलो योगफल सम्म पुर्याए ।

पन्जाबका मोहम्मद शामी र आर्शदिप सिंहले समान २-२ विकेट हात पारे ।

यस अघि भएको पहिलो लेगमा मुम्बईले पन्जाबलाई ४८ रनको फराकिलो अन्तरले पराजित गरेको थियो । पहिले ब्याटिङ गरेको मुम्बईले २० ओभर खेल्दै चार विकेटको नोक्सानीमा १९१ रन बनायो भने जवाफी ब्याटिङ गरेको पन्जाबले पुरै २० ओभर खेल्दै आठ विकेटको नोक्सानीमा मात्र १४३ रन बनाउन सक्यो ।

Headline

राष्ट्रिय टोलीसंगको भविष्यको प्रश्न आउदा बेलले अन्तर्वार्ता छोडेर हिडे

wesportz

Published

on

वेल्स कप्तान ग्यारेथ बेल आफ्नो टोली डेनमार्कसंग नराम्ररी पराजित हुदै युरो कपबाट बाहिरिएपछि उनको राष्ट्रिय टोलीको भविष्यलाई लिएर गरिएको प्रश्नमा अन्तर्वार्ता छोडेर हिडेका छन् ।

शनिबार क्यास्पर डोल्बर्गले दुई गोल गरेपछि वेल्स डेनमार्कसंग ४-० को फराकिलो अन्तरले पराजित हुंदै अन्तिम १६ बाट बाहिरियो । यसअघि फ्रान्समा भएकोअघिल्लो संस्करणको सेमिफाइनल खेलेको वेल्सका लागि शनिबारको हार लज्जास्पद रहन पुग्यो ।

३१ बर्षिय बेललाई खेल समाप्त पछि मैदानमै हुने अन्तर्वार्तामा अब उनको वेल्ससंगको भविष्य के हुनेभनेर प्रश्न आउने बित्तिकैउनी माइक छोडेर गएका थिए । बेलको कदमलाई वेल्स प्रशिक्षक रोबर्ट पेजले एकदम सही भएको भन्दै सोधिएको प्रश्नलाई असंवेदनशीलको रुपमा व्याख्या पनि गरेका थिए ।

“तपाईलाई हिजो पनि के यो खेल तपाईको वेल्सका लागि अन्तिम हुने भनेर सोधिएको थियो र तपाईले कम से कम पनि अर्को मौका पाउनु पर्ने बताउनु भएको थियो,” बिबिसीका एक पत्रकारको यो प्रश्न पुरा हुन नपाउदै क्रुद्ध देखिएका बेल क्यामेरा छोडेर हिडे ।

“चेन्जिंग रुममा अन्य खेलाडीहरु सरह उनी पनि निराश छन् । उनी किन आफ्नो भविष्यको बारेमा अहिले उत्तर दिन्छन् जस्तो लागिरहेको छ तपाईलाई , वेल्स प्रशिक्षक पेजले भने ।

“मेरो लागि यो निकै नै असंवेदनशील प्रश्न हो । मैदानबाट भर्खरै हारको सामना गरेर फर्किएका खेलाडीलाई यस्तो प्रश्न सोध्नुको कुनै तर्क छैन । यस्तो क्षणमा हारको चोट आलै हुन्छ र मेरो लागि उनले अन्तर्वार्ता छोडेर जानु एकदम सही निर्णय थियो,” पेजले समर्थन जनाए ।

अन्तर्वार्ताबाट हिड्नु अघि बेलले रेफ्रिको निर्णयले खेलमा प्रभाव पारेको बताएका थिए । डेनमार्कले दोश्रो गोल गर्दा किफर मुरमाथि फउल भएकोमा उनी अडिग थिए । डोल्बर्गले दोश्रो हाफको शुरुवातमै गोल गरे लगत्तै बेलले जर्मन रेफ्रि ड्यानियल सिबर्टसंग मुरमाथि फउल भएको भन्दै अपिल गरेका थिए ।

दोश्रो गोलपछि वेल्स खेलमा पुनरागमन जनाउन पूर्ण रुपमा असफल भएको थियो । तपाईले कुनै खेलाडीलाई पछाडीबाट लडाउदै बल खोस्नु हुन्छ भने त्यो फउल हो । शायद रेफ्रि यो खेलमा दर्शकबाट प्रेरित हुनु भयो, बेलले भने ।

Continue Reading

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading
Headline2 hours ago

बागमतीलाई फराकिलो अन्तरले हराउदै सुदुर पश्चिम फाइनलमा

Headline3 hours ago

रोनाल्डोको ८ सय गोलको कोशेढुँगा

Headline22 hours ago

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

Headline1 day ago

‘बल प्लेयिङ डिफेन्डर’ जम्दै गर्दा पृथक देखिन थालिएको घरेलु फुटबल

Headline1 day ago

प्रकाशले ८ विकेट लिँदा प्रदेश २ अण्डर १९ राष्ट्रिय क्रिकेटबाट बाहिरियो

Headline2 days ago

बसिरको ५ विकेट, देव र आकाशको शतकीय साझेदारीपछि लुम्बिनी फाइनलमा

Headline2 days ago

प्रदेश १ लाई हराउदै सुदुर पश्चिम फाइनल समिकरणमा कायमै

Headline3 days ago

सुदुर पश्चिमको दोश्रो जितमा अर्जुन नायक

Headline3 days ago

बागमतीलाई सानो लक्ष्यमा संघर्ष गराएको कर्णाली बाहिरियो

Headline3 days ago

बालोन डि ओरः फेरि पनि मेस्सीकै राज

Headline12 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline2 years ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!