Connect with us

IPL

फर्गुसनको घातक बलिङमा सुपर ओभरमा हैदराबाद माथि कोलकाताको रोमान्चक जित 

Published

on

सुपर ओभरमा लोकी फर्गुसनले दुई रन दिएर दुई विकेट लिए पछि इन्डियन प्रिमियर लिग (आईपीएल) अन्तर्गत आफ्नो नवौं चरणको खेलमा कोलकाता नाइटराईडर्सले सनराईजर्स हैदराबाद माथि रोमान्चक जित दर्ता गराएको छ ।

सुपर ओभरमा पहिले ब्याटिङ गरेको हैदराबादले मात्र दुई रन बनाउन सक्यो । फर्गुसनले घातक बलिङ गरे पछि सुपर ओभरको पहिलो बलमा नै कप्तान डेभिड वार्नर बोल्ड भए । दोश्रो बलमा अब्दुल सामदले दुई रन लिए पनि तेश्रो बलमा बोल्ड हुन पुगे । जवाफी ब्याटिङ गरेको कोलकाताले चार बलमा जित हात पार्यो ।

जितका लागि १६४ रनको सामान्य लक्ष्य सहित ब्याटिङमा उत्रिएको हैदराबादले पुरै २० ओभर खेल्दै छ विकेटको नोक्सानीमा १६३ रन बनायो ।

हैदराबादको लागि ओपनरद्वय जोनी बेरिस्टो र केन विलियमसनले राम्रो सुरुवात दिए । उनीहरुले पहिलो विकेटका लागि छ दशमलब एक ओभरमा ५८ रन जोडे । तर १९ बलमा २९ रन बनाएका विलियमसन र २८ बलमा ३६ रन बनाएका बेरिस्टोको विकेटको पतनसँगै हैदराबादको पारी पनि ध्वस्त हुन सुरु गर्यो ।

हैदराबादका प्रियम गर्ग चार, मनिष पाण्डे छ तथा विजय शंकर सात रन बनाएर आउट हुँदा हैदराबाद हार नजिक पुग्यो ।

तर कप्तान डेभिड वार्नर र अब्दुल सामदले हैदराबादको पारी सम्हाले । १९औं ओभरको अन्तिम बलमा आउट भएका सामदले १५ बल खेल्दै दुई चौका र एक छक्काको मद्धतमा २३ रन बनाए ।

जितका लागि हैदराबादलाई अन्तिम ओभरमा १८ रन चाहिएको अवस्थामा कप्तान वार्नरले लगातार तीन चौका प्रहार गर्दै खेललाई जित तर्फ लगे । अन्तिम दुई बलमा चार रन चाहिएको अवस्थामा तीन रन मात्र जोड्न सक्दा खेल सुपर ओभरमा पुग्यो । आजको खेलमा चौथों नम्बरमा ब्याटिङ गर्न आएका वार्नरले ३३ बल खेल्दै पाँच चौकाको मद्धतमा अविजित ४८ रनको पारी खेले ।

किफायती बलिङ गरेका लुकी फर्गुसनले कोलकाताको तर्फबाट सर्वाधिक तीन विकेट हात पारे । चार ओभर बलिङ गरेका उनले मात्र १५ रन खर्चिए ।

यस अघि खेलमा टस हारेर पहिले ब्याटिङ गरेको कोलकाताले पुरै २० ओभर खेल्दै पाँच विकेटको नोक्सानीमा १६३ रन मात्र बनाउन सक्यो ।

कोलकाताका ओपनर शुबमन गिलले ३७ बल खेल्दै सर्वाधिक ३६ रन बनाए भने अर्का ओपनर राहुल त्रिपाठीले पनि २३ रन मात्र जोड्न सके । त्यस पछिका ब्याट्सम्यानहरु नितिश राना २९, आन्द्रे रसेल नौं रनमा पेभेलियन फर्किए ।

पारीको अन्तिम बलमा आउट भएका कप्तान ओइन मोर्गनले २३ बलमा ३४ रन बनाए भने अविजित रहेका दिनेश कार्तिकले १४ बलमा २९ रनको पारी खेले । । १४ दशमलब छ ओभरमा कुल स्कोर १०५ रन हुँदा पाँच विकेट गुमाएर धराशायी भएको कोलकाताको पारी सम्हाल्ने क्रममा मोर्गन र कार्तिकले पाँचौं विकेटका लागि अन्तिम पाँच ओभरमा ५८ रनको साझेदारी गर्दै सम्मानजनक स्कोर सम्म पुर्याय ।

हैदराबादका टि नटराजनले चार ओभरमा ४० रन खर्चिएर सर्वाधिक दुई विकेट लिए भने विजय शंकर चार ओभरमा २० रन तथा रशिद खानले चार ओभरमा नै २८ रन दिएर आफ्नो नाममा समान १-१ विकेट दर्ता गराए ।

कोलकाता र हैदराबाद दुबैले आजको खेलमा २-२ परिवर्तन गरेका छन् । हैदराबादले बासिल थम्पी र अब्दुल समादलाई तथा कोलकाताले कुलदिप यादव र लोकी फर्गुसनलाई सुरुवाती ११ मा स्थान दिएका छन् ।

समान ८-८ खेल खेलेका कोलकाता र हैदराबाद अंक तालिकामा क्रमश आठ र छ अंकका साथ अंक तालिकाको चौथों र पाँचौं स्थानमा रहेका छन् । कोलकाताले समान ४-४ खेलमा जित र हार व्यहोरेको छ भने हैदराबादले पाँच खेलमा पराजय भोग्दा तीन खेलमा मात्र जित दर्ता गराउन सफल भएको छ ।

यस अघि भएको पहिलो लेगमा कोलकाताले हैदराबादलाई सात विकेटले पराजित गरेको थियो । मनिष पाण्डेको अर्धशतकमा हैदराबादले २० ओभर खेल्दै चार विकेटको नोक्सानीमा मात्र १४२ रन बनाउन सक्यो भने ओपनर शुबमन गिलको अविजित ७० रन तथा ओइन मोर्गनको अविजित ४२ रनको मद्धतमा खराब सुरुवातका बाबजुद कोलकाताले १८ ओभर खेल्दै तीन विकेटको नोक्सानीमा जित हात पारेको हो ।

Click to comment

Leave a Reply

Your email address will not be published. Required fields are marked *

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Published

on

ओपनर जस बटलरले अविजित रहँदै शतकीय पारी खेल्दा रोयल च्यालेन्जर्स बेंगलोरलाई सात विकेटले पाखा लगाउँदै राजस्थान रोयल्स दोश्रो पटक इन्डियन प्रिमियर लिग (आईपीएल) को फाइनलमा प्रवेश गरेको छ ।

सन् २००८ मा सुरु भएको आईपीएलको पहिलो सिजनमा  नै उपाधि चुमेको राजस्थान पहिलो सिजन पछि पहिलो पटक आईपीएलको फाइनलमा पुगेको हो । १५ औँ संस्करणको उपाधिका लागि राजस्थानले अब नव प्रवेशी टोली गुजरात टाइटान्सको सामना गर्नेछ । राजस्थानसँग पराजित हुँदा बेंगलोरको फाइनल खेल्ने सपना चकनाचुर भएको छ । 

रजत पाटिदारले अर्धशतकीय पारी खेल्दा टस हारेर पहिले ब्याटिङ गरेको बेंगलोरले २० ओभरमा आठ विकेट गुमाएर १५७ रनको सामान्य योगफल बनायो भने जबाफी ब्याटिङ गरेको राजस्थानले बटलरको शतकीय पारीमा तीन विकेट गुमाएर ११ बल अगावै जित आत्मसाथ गर्यो ।

राजस्थानलाई दोश्रो पटक फाइनलमा पुर्याउने क्रममा ओपनर बटलरले अविजित रहँदै रनको पारी खेले । जारी सिजनको चौथो शतक प्रहार गर्ने क्रममा बटलरले ६० बल खेल्दै १० चौका र चार छक्का प्रहार गरे । बटलर बाहेक राजस्थानको जितमा कप्तान सन्जु सामसनले २३ तथा ओपनर यशस्वी जैसवालले २१ रन बनाए ।   

एलिमिनेटर खेलमा शतक प्रहार गर्दै बेंगलोरलाई क्वालिफायर्स सम्मको यात्रा तय गराएका रजत पाटिदारले ४२ बलमा सर्वाधिक ५८ रन बनाए भने कप्तान फाफ डु प्लेसिसले १५ तथा ग्लेन म्याक्सवेलले २४ रन बनाए । पुर्व कप्तान विराट कोहली सात, महिपाल लोमरोर आठ, दिनेश कार्तिक ६ तथा वानिन्दु हसरंगा गोल्डेन डकआउट भए भने शहबाज अहमदले अविजित १२ रनको पारी खेले ।

बेंगलोरका ओबेड म्याककोय र प्रसिध कृष्णाले समान ३-३ विकेट हात पारे ।    

 

Continue Reading

Headline

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Published

on

रजत पाटिदारले शतकीय पारी खेल्दा रोयल च्यालेन्जर्स बेंगलोर लखनउ सुपर जायन्ट्स माथि १४ रनको शानदार जित निकाल्दै १५ औँ संस्करणको इन्डियन प्रिमियर लिग (आईपीएल) को दोश्रो क्वालिफायर्समा प्रवेश गरेको छ । बेंगलोरले फाइनल प्रवेशका लागि पहिलो क्वालिफायर्समा पराजित राजस्थान रोयल्सको सामना गर्नेछ ।

तेश्रो नम्बरमा ब्याटिङ गर्न आएका पाटिदारको अविजित शतकमा बेंगलोरले चार विकेट गुमाएर २०७ रनको विशाल योगफल बनायो । २०८ रनको लक्ष्य पछ्याएको लखनउले पुरै २० ओभर खेल्दै ६ विकेटको नोक्सानीमा १९३ रन मात्र जोड्न सक्यो ।

कप्तान केएल राहुलले अर्धशतकीय पारी खेल्दै लखनउलाई जित तर्फ उन्मुख गराए पनि १९ औँ ओभरमा जश हेजलउडको शिकार बन्दा एलिमिनेटरबाट नै बाहिरिन पुग्यो । ५८ बलको सामना गरेका राहुलले हेजलउडको बलमा शहबाज अहमदको हातबाट क्याच आउट हुनु अघि तीन चौका र पाँच छक्का सहित सर्वाधिक ७९ रन बनाए ।

ओपनर क्विन्टन डि कक ६ तथा तेश्रो नम्बरमा ब्याटिङ गर्न आएका मनन वोहरा १९ रनमा आउट भए पन्नी राहुलले दिपक हूडासँग तेश्रो विकेटका लागि ६१ बलमा ९६ रनको साझेदारी गर्दै आफ्नो टोलीलाई खेलमा फर्काए । २६ बलमा एक चौका र चार छक्का सहित ४५ रन बनाएका हूडाको विकेटको पतन पछि आएका मार्कस स्टोइनिस नौ  र कुर्नाल पान्ड्या गोल्डेन डकआउट हुँदा लखनउको क्वालिफायर्सको सपना चकनाचुर भयो ।

लखनउलाई रोक्ने क्रममा जश हेजलउडले सर्वाधिक तीन विकेट लिए भने मोहम्म्मद सिराज, हर्षल पटेल र वानिन्दु हसरंगाले समान १-१ विकेट आफ्नो नाममा दर्ता गराए ।       

बेंगलोरको जितमा अविजित रहेका पाटिदारले ५४ बल खेल्दै १२ चौका र सात छक्काको मद्दतमा सर्वाधिक ११२ रनको पारी खेले । २८ बलमा अर्धशतक प्रहार गरेका उनले दोश्रो अर्धशतक २१ बलमा पुरा गर्दा ४९ बलमा शतक पुरा गरेका थिए । त्यस्तै उनले पछिल्लो ४९ रन मात्र १८ बलमा पुरा गरेका थिए ।

ओपनिङमा ब्याटिङ गर्न आएका कप्तान फाफ डु प्लेसिस गोल्डेन डकआउट भए पनि पाटिदारले पुर्व कप्तान विराट कोहलीसँग मिलेर ६६ रनको साझेदारी गर्दै बेंगलोरको पारी सम्हाले । कोहली २५, ग्लेन म्याक्सवेल नौ तथा महिपाल लौमरोर १४ रनमा आउट हुँदा बेंगलोर १३ दशमलब एक ओभरमा चार विकेटको नोक्सानीमा ११५ रनको अवस्थामा खुम्चिन पुग्यो ।  

तर दबाबमा परेको बेंगलोरको लागि पाटिदारले विकेट किपर दिनेश कार्तिकसँग चौथो विकेटका लागि ४१ बलमा अविजित ९२ रनको साझेदारी गर्दै २०० को स्कोर पार गराए । उनीहरुले अन्तिम पाँच ओभरमा ८४ रन जोड्दै बेंगलोरलाई विशाल योगफल सम्म डोर्याए । अविजित रहेका कार्तिकले २३ बलमा पाँच चौका र एक छक्का सहित अविजित ३७ रनको योगदान दिए ।

लखनउका मोहसिन खान, कुर्नाल पान्ड्या, आवेश खान र रवि बिश्नोईले समान १-१ विकेट हात पारे ।  

 

Continue Reading
Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!