Connect with us

राष्ट्रिय

पुनरागमनको तयारीमा भलिबल स्टार प्रतिभा माली (फोटो फिचर र भिडियो सहित)

wesportz

Published

on

नेपाली महिला भलिबल टोलीकी स्टार हुन् प्रतिभा माली । गत नोभेम्बरमा नेपाली महिला भलिबल टोलीले पहिलो पटक अन्तरास्ट्रिय स्वर्ण पदक चुम्दा प्रतिभा प्रतियोगिताकै उत्कृस्ट स्पाइकर घोषित भएकी थिइन् ।

नेपालले दक्षिण एसियाली खेलकुद (साग) अन्तर्गत महिला भलिबलमा ऐतिहासिक रजत पदक चुम्दा पनि प्रतिभाको योगदान महत्वपूर्ण रहेको थियो ।

तर पछिल्लो पटक यिनै स्टार प्रतिभा चोटबाट पिरोलिएकी छिन् । नेपाल भलिबल संघले आयोजना गरेको राष्ट्रिय प्रतियोगिताको फाइनलका क्रममा उनले घुँडाको चोट बोक्न पुगिन् । उनलाई लागेको एसिएल चोट स्पोर्ट्स इन्जुरीमै पर्ने गर्दछ ।

चोटबाट मुक्त हुन प्रतिभाले दुई पटक शल्यक्रिया पनि गरिसकेकी छिन् । हाल उनी नियमित रुपमा फिजियोथेरापी गराउँदै आएकी छिन् । फिजियोथेरापी गर्दै चोटबाट ठिक हुँदै राष्ट्रिय टोलीमा पुनरागम गर्न उनी कडा मिहिनेत पनि गर्दै आएकी छिन् ।

Headline

सहज जितसँगै पुलिस प्रधानमन्त्री कपमा अपराजित

wesportz

Published

on

बलरहरुले संयुक्त प्रदर्शन दिएपछि नेपाल पुलिस क्लब प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगितामा लिग चरण अपराजित टोलीको रुपमा टुंग्याएको छ ।

पुलिसले सोमबार भएको अन्तिम लिग खेलमा प्रदेश १ लाई ६ विकेटले पराजित गर्यो । शनिबारका लागि तय भएको खेल प्रदेश १ का कप्तान सहित दुई खेलाडीलाई कोरोना संक्रमण भएपछि सोमबारका लागि स्थगित गरिएको थियो ।

त्रिवि मैदानमा पहिलो ब्याटिँग गरेको प्रदेश १ लाई मिनास थापाले एक्लै अद्र्धशतक प्रहार गरेपछि २० ओभरमा ८ विकेटको क्षतिमा १ सय १ रनको सानो योगफल बनायो । कुशल भुर्तेलले एक पटक फेरि आक्रमक इनिङ्गस खेलेपछि पुलिसले १३ दशमलव १ ओभरमै १ सय ५ रन जोडेको थियो ।

प्रतियोगितामा सर्वाधिक रन बटुल्ने खेलाडीहरुको सुचीमा शिर्ष स्थानमा पुग्ने क्रममा कुशलले २८ बलमै ४४ रन बनाएका थिए । उनले तीन छक्का र तीन चौका प्रहार गरे ।

कुशलले प्रतियोगिताका शुरुवाती चार खेलमै १ सय ८२ रन बनाएका छन् । दोश्रो स्थानमा लुम्बिनीका देव खनाल (१५८) र तेश्रो स्थानमा नेपाल एपिएफ क्लबका प्रदिप ऐरि (१४९) छन् । कुशलले पुलिस जित सहज बनाउने क्रममा तेश्रो विकेटका लागि अनिल साहसँग ५६ रनको साझेदारी गरेका थिए ।

अनिलले २४ बलमा २६ रन बनाए भने दिपेन्द्र सिँह ऐरिले १३ बलमा २० रन बनाएका थिए ।

यसअघि मिनासले प्रदेश १ को आधा भन्दा बढी रन बटुल्ने क्रममा ५९ बलमा ५९ रन बनाए । उनले ६ चौका र एक छक्का प्रहार गरे । त्यसबाहेक सर्वन यादव (१०) दोहोरो अंकमा रन बटुल्ने एक मात्र ब्याट्स्म्यान रहे ।
पुलिसका लागि आरिफ शेख, कप्तान मञ्जित श्रेष्ठ र दिपेन्द्रले २–२ विकेट लिए ।

मँगलवार हुने सेमिफाइनलमा अब पुलिसले बागमती र नेपाल एपिएफ क्लबले आर्मीको सामना गर्नेछ  । फाइनल बुधबार हुनेछ ।

Continue Reading

Headline

१९ खेलाडीमा कोरोना देखिएपछि च्यासल र पुलिसबीचको खेल स्थगित

wesportz

Published

on

युथ क्लबका लगभग सबै खेलाडीलाई कोरोना भएपछि शहीद स्मारक ए डिभिजन लिग फुटबल प्रतियोगिता अन्तर्गत आइतबार साँझ हुने भनिएको नेपाल पुलिस क्लबबिरुद्धको खेल स्थगित भएको छ ।

च्यासलका १९ खेलाडीहरुमा कोरोना संक्रमण भएको पुष्टि भएको हो । एन्फाले १४ खेलाडीसम्म उपस्थित हुन सक्ने अवस्थामा खेल खेलाउने बताएको थियो । तर २८ खेलाडी मात्र दर्ता गरेको च्यासलका लागि शुरुवाती ११ को लागि पनि खेलाडी नपुग्ने भएको छ ।

लिग अन्तर्गत दुवै टोली अंक तालिकामा संकटबाट गुज्रिरहेका छन् । पाँच पटकको बिजेता पुलिस ७ अंक सहित ११ औं स्थानमा छ भने रेलिगेसन जोनमा रहेको च्यासलको ५ अंक छ । दुवै टोली लिगको नवौं चरणको खेल खेल्न गइरहेका थिए ।

एन्फाले यो खेलका लागि अब नयाँ मिति तय गर्नेछ ।

Continue Reading

Headline

देव खनालको २१ बलमै अद्र्धशतक

wesportz

Published

on

आफ्नो उच्च लयलाई निरन्तर कायम राख्दै देव खनालले २१ बलमै अद्र्धशतक बनाउदा लुम्बिनी प्रदेशले प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगिता अन्तर्गत आफ्नो अन्तिम खेलमा गण्डकी प्रदेशलाई ५ विकेटले अन्तरले पराजित गरेको छ ।

दुवै टोली यसअघि नै प्रतियोगिताको समुह बी बाट बाहिरिसकेका थिए । पहिलो ब्याटिँग गरेको गण्डकीका लागि अनिल गुरुङले छरितो अद्र्धशतक पुरा गरेपनि टोली १९ दशमलव १ ओभरमै १ सय ४ रनमा अल आउट हुन पुगेको थियो ।

अनिल खरेलले १९ औं ओभरमा तीन विकेट लिँदा गण्डकीले अन्तिम चार विकेट १० रनमै गुमाएको थियो । जवाफमा देवले प्रतियोगिताकै संयुक्त तिब्र गतिको अद्र्धशतक बनाएपछि लुम्बिनीले १३ दशमलव १ ओभरमा जित हात पार्यो ।

यसअघि नेपाल पुलिस क्लबले कुशल भुर्तेलले पनि कर्णाली प्रदेशबिरुद्ध २१ बलमै अद्र्धशतक बनाएका थिए । ओपनर सौरभ खनाल एक पटक फेरि सस्तैमा पेभिलियन फर्किएपछि देवले लुम्बिनीको इनिङ्गसलाई गति दिएका थिए ।

उनले दोश्रो विकेटका लागि सुशान्त सिँह थापासँग ७२ रनको साझेदारी गरे । २६ बलमा ५६ रन बनाएका देव स्पिनर बिशाल पौडेलेको बलमा ठूलो शट खेल्न अघि बढ्दा स्टम्पिँग भएका थिए ।

प्रतियोगितामा दुई अद्र्धशतक प्रहार गरेका देवले चार म्याचमा १ सय ५८ रन जोड्दै प्रतियोगितामा सर्वाधिक रन जोड्ने खेलाडीको सुचीमा शिर्ष स्थानमा उक्लिए ।

सुशान्तले ३५ बलमा दुई चौकाको मद्दतमा २२ रन बनाए । गण्डकीका लागि सुभाष भण्डारीले चार ओभरमा २१ रन खर्चदै तीन विकेट लिए ।

यसअघि अनिलले गण्डकीको ब्याटिँगलाई सम्हाल्दै तीन अंकको योगफल कटाउन प्रमुख भुमिका खेले । तिब्र गतिका बलर दुर्गेश गुप्तालाई दुई चौका र एक छक्का प्रहार गर्दै अद्र्धशतक पुरा गरे लगत्तै उनी आउट भएका थिए ।

अनिलले ३९ बलमा ५० रन बनाएका थिए । उनको इनिङ्गसमा पाँच चौका र दुई छक्का सामेल थियो । उनले १६ रन बनाएका बिशालसँग ३४ रनको पार्टनरसिप गरे । लुम्बिनीका लागि एक पटक फेरि अनिल खरेलले चार विकेटको प्रदर्शन गरे ।

अनिलले चार ओभरमा १५ रन खर्चदै चार विकेट लिएका थिए । प्रदेश २ बिरुद्ध पनि चार विकेट लिएका अनिलको प्रतियोगितामा विकेट संख्या १० पुग्यो । उनी बढी विकेट लिने खेलाडीको सुचीमा शिर्ष स्थानमा छन् ।

Continue Reading
Headline3 hours ago

सहज जितसँगै पुलिस प्रधानमन्त्री कपमा अपराजित

Headline7 hours ago

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

Headline8 hours ago

मोड्रिच र बेन्जेमाको गोलमा रियललाई सुपर कप

Headline1 day ago

१९ खेलाडीमा कोरोना देखिएपछि च्यासल र पुलिसबीचको खेल स्थगित

Headline1 day ago

देव खनालको २१ बलमै अद्र्धशतक

Headline1 day ago

बिमल चम्किएपछि मच्छिन्द्रलाई लिगमा चार अंकको स्पष्ट अग्रता

Headline1 day ago

राजुले आकर्षक इनिङ्गस खेल्दै पुर्याए आफ्नो पुर्व क्लब आर्मीलाई सेमिफाइनलमा

Headline1 day ago

एमबाप्पेको गोलले पिएसजीलाई दोहोरो अंकको अग्रता

Headline1 day ago

अफ्रिका कप अफ नेसन्सः सलाह स्कोरसिटमा फर्किए, नाइजेरिया अन्तिम १६ मा

Headline2 days ago

क्रिकेटका पाँच विश्व किर्तिमान जुन सायदै तोडिएला

Trending

error: Content is protected !!