Connect with us

Headline

प्रिमियर लिगमा आजः लिभरपुललाई एवर्टनको चुनैती, सिटी र आर्सनल भिड्दै

wesportz

Published

on

इङ्गलिस प्रिमियर लिग अन्तर्गत शनिबार हुने पहिलो खेलमा शिर्ष स्थानमा रहेको एवर्टनले साविक बिजेता लिभरपुलको समाना गर्दै छ ।

अघिल्लो खेलमा एस्टन भिल्लासँग ७–१ को लज्जास्पद हार व्यहोरेको लिभरपुललाई लगातार चार खेल अपराजित रहेको एवर्टनलाई रोक्न निकै चुनौतिपूर्ण रहनेछ । २०१० मा अन्तिम पटक २–० को जितपछि भने एवर्टनले लिभरपुललाई १९ खेलमा पराजित गर्न सकेको छैन् । गूडिसन पार्कमा हुने खेलमा एवर्टनले लिभरपुललाई हराएको खण्डमा १० बर्षमा पहिलो जित निकाल्ने छ ।

एवर्टन यस सिजन निकै लयमा देखिएको छ । हामेस रोड्रिगेजको आगमन र डोमिनिक क्याल्भर्ट लेविनको फर्म एवर्टनको लागि निकै महत्वपूर्ण रहेको छ । लिभरपुलका सादियो माने र नयाँ खेलाडी थियागो अल्कान्टराले यो खेल कोभिड–१९ का कारण गुमाउने छन् । यो खेल नेपाली समय अनुसार साँझ ५ः१५ मा सुरु हुने छ ।

यस्तै अर्को ठुलो खेलमा म्यानचेस्टर सिटीले आर्सनलको समाना गर्दै छ । २०१५ २–१ को जित हात पारे यता आर्सनलले प्रिमियर लिगको खेलमा सिटीलाई हराउन सकेको छैन । गत सिजनको एफए कप सेमिफाइनलमा भने आर्सनलले सिटीलाई २–० ले पराजित गरेको थियो ।

नयाँ खेलाडी थोमस पार्टेको आगमन पछि आर्सनलको मिडफिल्डमा केही सुधार आएको छ । सिटीका स्टार केभिन डि ब्रुनले भने चोटका कारण खेल गुमाउने छन् ।

यो सिजन सिटीले लय समाउन सकेको छैन् । पछिल्ला तीन खेलमा चार चार अंक मात्र जोडेको सिटीले लेस्टर सिटीसँग ५–२ को लज्जास्पद हार पनि ब्यहोरेको थियो ।
इतिहाद स्टेडियममा हुने खेलमा सिटीले यो खेल हारेको खण्डमा पेप ग्वार्डियोलाको करिअरमा सबै भन्दा खराब शुरुवात बन्न पुग्ने पक्का छ । यो खेल नेपाली समय अनुसार १०ः१५ मा सुरु हुने छ ।

अन्य खेलहरुमा चेल्सीले साउथह्याप्टन र म्यानचेस्टर युनाइटेडले न्युकासलको समाना गर्ने छ ।

Headline

सान्चेजको दुई गोलमा इन्टरलाई ६ अंकको स्पष्ट अग्रता

wesportz

Published

on

एलेक्सिस सान्चेजले दुवै गोल गरेपछि इन्टर मिलानले इटालियन सिरी आ मा ६ अंकको स्पष्ट अग्रता लिएको छ । इन्तरले बिहिबार भएको खेलमा पार्मालाई २–१ ले पराजित गर्यो ।

जितपछि इन्टरले शहरी प्रतिद्वन्दी एसि मिलानबिरुद्ध ६ अंकको अग्रता लिएको छ भने डिफेन्डिङ्ग च्याम्पियन युभेन्टसभन्दा १० अंकले अघि रहेको छ । तेश्रो स्थानमा रहेको युभेन्टसले एक खेल कम खेलेको छ ।

पहिलो हाफका कुनै गोल हुन नसकेपछि ५४ औं मिनेटमा सान्चेजले लुज बललाई गोलमा परिणत गरेका थिए । ८ मिनेटपछि नै रोमेलु लुकाकुको असिस्टमा साञ्चेजले आफ्नो दोश्रो गोल गरे ।

एजेभेदो जुनियर हर्नानीले ७१ औं मिनेटमा पार्माको लागि गोल फर्काए तर इन्टरले अन्तिम मिनेटसम्म आफ्नो अग्रतालाई कायमै राख्यो । इन्टर ११ बर्षपछि पहिलो पटक सिरी आ को उपाधि जित्ने दाउमा रहेको छ ।

नोभम्बर यता एक खेल पनि जित्न नसकेको पार्मा भने रेलिगेसन जोनभन्दा ६ अंकले पछाडी रहेको छ ।

Continue Reading

Headline

लिभरपुलको क्लब इतिहासमै घरेलु मैदानमा खराब प्रदर्शन

wesportz

Published

on

क्लब इतिहासमै पहिलो पटक लगातार पाच खेलमा पराजय व्यहोरेपछि लिभरपुल व्यवस्थापक योर्गन क्लोपले ठूलो झड्का लागेको स्विकार गरेका छन् ।

मेसन माउन्टले पहिलो हाफको इन्जुरी समयमा शान्दार गोल गरेपछि लिभरपुल बिहिबार राति चेल्सीसँग १–० ले पराजित भयो । गत बर्ष निकै सशक्त रुपमा ३० बर्षयता पहिलो उपाधि जितेको लिभरपुल प्रमुख खेलाडीहरु चोटग्रस्त बन्दा यो सिजन भने शिर्ष चार स्थानमै प्रवेश गर्नका लागि पनि अब ठूलै कसरत गर्नु पर्ने स्थितिमा पुगेको छ ।

११ खेल बाकी रहेको अवस्थामा सातौं स्थानको लिभरपुल चौथो स्थानको चेल्सीसँग चार अंकको दुरीमा रहेको छ । तर यो सिजन निकै खराब गएको क्लोपको टोलीका लागि त्यो चार अंक कमाउन पनि कसरत गर्नु पर्ने देखिन्छ । पछिल्लो ६ खेलमा पाँच पराजयपछि क्लोपले च्याम्पियन्स लिगको छनोटको प्रतिस्पर्धामा रहेको प्रतिद्वन्दीसँग पराजित हुँदा नराम्रो झड्का लागेको स्विकारेका छन् ।

“यो एन्फिल्ड अथवा अरु केही कुरा होइन । सामान्य रुपमै निरन्तर हार्दा नराम्रो अनुभव भएको छ । निर्णायक क्षणहरुमा हामीले सुधारिनु आवश्यक रहेको छ,” क्लोपले भने ।

बिहिबार नै वेष्टब्रोमलाई १–० ले पराजित गरेपछि एभर्टन पाचौं स्थानमा उक्लियो । उसका लागि एक पटक फेरि रिचार्लिसनले गोल गरेका थिए ।

शिर्ष चार टोलीभन्दा एक खेल कम खेलेको अवस्थामा एमर्टनले अब एक खेल जिते चेल्सीलाई पछि पार्दै चौथोमा उक्लनेछ भने दोश्रो स्थानको म्यानचेस्टर युनाइटेडसँग दुई र तेश्रो स्थानको लेस्टर सिटीसँग एक अंकले दुरी छोट्याउनेछ ।

अर्को खेलमा टोटेन्ह्याम हट्स्परले फुलह्यामलाई १–० ले पराजित गर्यो । स्पर्स ४२ अंकका साथ आठौं स्थानमा रहेको छ । छैटौं स्थानको वेष्टह्यामको ४५ र लिभरपुलको ४३ अंक छ ।

Continue Reading

Headline

डि कक दक्षिण अफ्रिकाको कप्तानबाट निलम्बित, बवुमा र एल्गर नयाँ कप्तान

wesportz

Published

on

दक्षिण अफ्रिका क्रिकेट बोर्डले विकेट किपर तथा कप्तान क्विनटन डि ककलाई निलम्बन गर्दै नयाँ कप्तान नियुक्त गरेको छ ।

बोर्डले यसै बर्ष भारतमा तथा अर्को बर्ष अष्ट्रेलियामा आयोजना हुने ट्वान्टी ट्वान्टी विश्वकप तथा सन् २०२३ मा भारतमा आयोजना हुने एकदिवसीय विश्वकपलाई लक्षित गर्दै टेम्बा बवुमालाई ट्वान्टी ट्वान्टी र एकदिवसीयको कप्तान नियुक्त गरेको छ । त्यस्तै अर्को वर्ल्ड टेस्ट च्याम्पियनसिपलाई मध्य नजर गर्दै डिन एल्गरलाई टेस्ट कप्तान नियुक्त गरेको छ ।

कप्तान नियुक्त भएका बवुमा दक्षिण अफ्रिका क्रिकेट टोलीको पहिलो अश्वेत कप्तान पनि बनेका छन् ।

फाफ डु प्लेसिसको स्थानमा कप्तान बनेका डि ककको कप्तानीमा दक्षिण अफ्रिकाले हालै सम्पन्न घरेलु टोली पाकिस्तान विरुद्धको दुई खेलको शृंखलामा ह्वाइटवास हुन पुगेको थियो । त्यस्तै इंग्ल्यान्ड विरुद्ध आफ्नै घरेलु मैदानमा सम्पन्न तीन खेलको शृंखलामा पनि ह्वाइटवास हुन पुगेको थियो ।

‘हामी डि कक प्रति निकै आभारी छौं । उनले जसरी दक्षिण अफ्रिका टोलीको कप्तानका रुपमा टोली सम्हाले त्यो निकै सर्हानिय छ । जब हामी टेस्टमा कप्तानको खोजीमा थियौं त्यो समयमा उनले अगाडी आएर टोलीको कप्तानी सम्हालेका थिए,’ दक्षिण अफ्रिकाका पुर्व कप्तान तथा डाइरेक्टर अफ क्रिकेट, ग्रेम स्मिथले जनाए । ‘कप्तानको भूमिकामा नरहे पनि उनले टोलीको लागि नेतृत्वदायिक भूमिका खेल्छन् भन्नेमा पनि आशावादी छौं ।’

३० बर्षिय बवुमाले छवाट एकदिवसीय र आठवटा ट्वान्टी ट्वान्टी मात्र खेलेका भए पनि उनलाई सन् २०२३ सम्ममा आयोजना हुने तीनवटा विश्वकपलाई लक्षित गर्दै कप्तान नियुक्त गरेको पनि स्मिथले जनाए ।

‘दक्षिण अफ्रिकाको कप्तानी गर्ने मेरो पुरानो सपना हो । मेरा नजिककाहरुलाई यस बारेमा थाहा छ,’ बवुमाले भने । ‘यो मेरो लागि मेरो जीवनको सबैभन्दा ठुलो उपलव्धि र सम्मान हो । म दक्षिण अफ्रिकालाई नयाँ उचाईमा लान लालायित छु ।’

३३ बर्षिय एल्गरले दक्षिण अफ्रिकाको तर्फबाट ६७ टेस्ट खेल्दै १३ शतकको मद्धतमा हर हजार दुई सय ६० रन बनाएका छन् ।

‘मेरो र बवुमाको लागि सबैभन्दा ठुलो चुनौती भनेको दक्षिण अफ्रिकालाई एक उत्कृस्ट टोलीको स्थानमा पुर्याउनु हो । हामी दुबै जनाको लक्ष्य भनेको दक्षिण अफ्रिकालाई टेस्ट, एकदिवसीय र ट्वान्टी ट्वान्टी तीनवटै ढाँचामा नम्बर एक टोली बन्ने हो,’ एल्गरले बताए ।

Continue Reading
Headline2 hours ago

सान्चेजको दुई गोलमा इन्टरलाई ६ अंकको स्पष्ट अग्रता

Headline4 hours ago

लिभरपुलको क्लब इतिहासमै घरेलु मैदानमा खराब प्रदर्शन

Headline13 hours ago

डि कक दक्षिण अफ्रिकाको कप्तानबाट निलम्बित, बवुमा र एल्गर नयाँ कप्तान

लेख16 hours ago

आरबीबी–एनभिए राष्ट्रिय भलिबल प्रतियोगिता चैत १९ गतेदेखि

Headline16 hours ago

ह्वाइट हाउस, सिसिआरसी थ्रि बाइ थ्रि बास्केटबलको क्वार्टर–फाइनलमा

Headline17 hours ago

सबैले बिर्सिएको युरोपियन सिजनमा म्याराडोनाले चलाएको पोस कार लिलामीमा

Headline19 hours ago

भारतीय बलर हाबी हुँदा इंग्ल्यान्डको खराब ब्याटिङ

Headline19 hours ago

बि डिभिजन: श्री कुमारी र आरसिटीको बराबरी

Headline22 hours ago

बि डिभिजन: झम्शीखेललाई पराजित गर्दा श्री भगवतीलाई राहत

Headline22 hours ago

पाकिस्तान सुपर लिग अनिश्चित कालका लागि रोकियो

Headline3 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending