Connect with us

Headline

लेकर्सको उपाधिसँगै जोर्डन–लेब्रोन सर्वकालिन महान बहसमा आएको नयाँ ट्विस्ट

Published

on

दुई बर्षअघि लेब्रोन जेम्स क्लिभल्याण्ड क्याभेलियर्स छोड्दै २०१३ देखि प्लेअफमा समेत स्थान नबनाएको निम्न स्तरको लस एन्जलस लेकर्स गएपछि आलोचकहरुले उनको कदम एलएको जीवनशैलि, व्यापारिक रुचि र त्यहाँको राम्रो मौसम मात्रै भएको महसुस गरेका थिए ।

लेकर्स २०१३ मा समेत प्ले अफको पहिलो चरणबाटै बाहिरिएको थियो ।

तर दुई बर्ष भित्रै लेब्रोनले त्यो कदम अर्को एनबिए उपाधि जित्नका लागि लिएको साबित गरिदिए । यस दौरान लेकर्ससँग उपाधि जित्दा माइकल जोर्डन (एमजे) र उनीबीच सर्वकालिन महान बास्केटबल खेलाडी को भन्ने बहसमा अर्को एक तथ्यांक मात्र थपिएको छैन । अब यो बहसको शर्तहरुमा समेत व्यापक परिवर्तन आइसकेको छ ।

यो सिजनको एनबिए फाइनल्स एमभिपि लेब्रोनले सोमबार गेम सिक्समा २८ अंक, १४ रिबाउण्ड र १० असिस्टसहित ट्रिपल डबलको प्रदर्शन गरेपछि लेकर्सले मायामी हिटलाई १०६–९३ ले हराउदै ४–२ ले किर्तिमानी १७ औं पटक एनबिए च्याम्पियनसिप जित्यो ।

मायामी हिट (२०१२ र २०१३) र क्याभेलियर्स (२०१६) का लागि सहित व्यक्तिगत रुपमा चौथो उपाधिसँगै लेब्रोनले चौथो फाइनल्स एमभिपि पनि आफ्नो नाममा लेखाए ।

जोर्डन समर्थकहरुलाई लेब्रोनको चौथो उपाधिले अलिकति पनि बिचलित बनाउने छैन । ६ फाइनलमा जोर्डनले ६ उपाधि जितेका छन् र कुनै पनि फाइनल गेम सिक्स भन्दा पर गएको थिएन । जोर्डनको तुलनामा लेब्रोन फाइनल्समा ४–६ ले पछाडी छन् तर १० फाइनल्स खेल्नु आफैमा एक उपलब्धि हो ।

लेब्रोनले बिश्व बास्केटबलकै प्रतिष्ठित ल्यारी ब्राउन ट्रफि जिताएका लेकर्स उनको व्यवसायिक करिअरमा तेश्रो फ्रान्चाइज हो । र उनले मात्र लेकर्सलाई त्यहासम्म डोर्याएका होइनन् भनेर दाबी गर्दै गल्ति नगर्दा पनि हुन्छ । उनी आउनुअघि लेकर्सले मात्र ३५ खेल जितेको थियो ।

ब्लकबस्टर ट्रेडमा एन्थोनी डेभिस एक सिजन ढिला आए तर लेब्रोनको उपस्थितिका कारण नै लेकर्स आकर्षक टोली बनेको थियो । एमजे–लेब्रोन महानता बहसमा यो लेब्रोनलाई उत्कृष्ट देखाउने यो अतिरिक्त बुँदा हो । तीन फरक टिमका लागि चार एनबिए उपाधि जित्दा लेब्रोन कि त ‘सेन्ट्रल फिगर’ रहे अथवा ‘को–सेन्ट्रल फिगर’

ड्वेन वेड र क्रिस बोस (रे एलेन, सेन बेटियर र अन्यको उपस्थितिको पनि सम्मान गर्दै) सँग सम्मिलित हुदै लेब्रोनले मायामीलाई सुपरटिम बनाउदै दुई पटक उपाधि जिते । क्लिभल्याण्ड फर्किदै उनले उत्कृष्ट पुनरागमन रच्दै क्याभेलियर्सलाई निकै सशक्त गोल्डेन स्टेट वारियर्सबिरुद्ध ३–१ ले पछि परेको स्थितिबाट उपाधि जिताए ।

र अहिले शिथिल रहेको लेकर्ससँग पनि उपाधि जिते ।

माइकल जोर्डनले यो सब गरेनन् ।

तर यो भन्दैमा जोर्डन निकै पछि परेको भन्न मिल्दैन । जोडर्नसँग यो सबै गर्ने मौका नै थिएन । उनले सिकागो बुल्सका लागि मात्र खेले । ३८ र ३९ बर्षको उमेरमा वाशिँगटन विजार्ड्सका लागि उनले खेलेको दुई सिजन बिर्सनलायक नै थियो ।

बुल्स व्यवस्थापनसँग जोर्डनको ३६ को आकडा भएपनि उनी रहदा नै फ्राञ्चाइज निकै बिज्ञताका साथ चलेको थियो भने प्रशिक्षण पनि उत्कृष्ट नै रहेको थियो । जोर्डनका कट्टर दुश्मन, बुल्स महाप्रबन्धक जेरी क्रौजले जोर्डन, स्कटी पिपेन र प्रशिक्षक फिल ज्याक्सनको समन्वयका लागि उत्कृष्ट सहयोगी खेलाडीहरुको जमात खडा गरेका थिए ।

जोर्डनले पहिलो तीन एनबिए उपाधि जित्दा होरेस ग्रान्ट, बि जे आर्मस्ट्रङ्ग, बिल कार्टराइट र जोन प्याक्सनको सहयोग निकै महत्वपूर्ण रहेको थियो । दुई बर्ष बेसबलमा आफूलाई प्रयोग गरेपछि डेनिस रडम्यान, टोनी कुकोच, लुक लँगली र स्टिभ करसँगै फुल टाइम जोर्डन बुल्समा फर्किए ।

लेब्रोनसँग क्लबमा त्यो किसिमको स्थायित्व र प्रतिभावान खेलाडी साथमा रहेको भए उनले पहिलो स्थानमा त क्लिभल्याण्ड नै छोड्नु पर्ने थिएन । व्यवस्थापन बिग्रिएको कारण नै उनले छोड्नु परेको थियो ।

मायामीमा उनले महान खेलाडीहरुको साथ मात्र पाएनन् । त्यहा प्याट रिलेद्वारा स्थापित उत्कृष्ट बास्केटबल संस्कृति पनि थियो । चार बर्ष चार फाइनल्स खेलेपछि लेब्रोनले आफूले सिकेका कुराहरु लिएर क्लिभल्याण्ड फर्किए । नर्थ–इस्ट ओहायोको समर्थकहरुका लागि उनले अन्तत उपाधि दिलाई छोडे । उनलाई आफू क्लिभल्याण्डका समर्थकहरुको ऋणी भएको कारण उपाधि जिताउन पर्छ भन्ने थियो ।

तर क्लिभल्याण्डले यसलाई राम्ररी ग्रहण गर्न सकेन । लेब्रोनले क्याभेलियर्सलाई एक उपाधि मात्र जिदाउदा पनि समर्थकहरुले त्यो युगको खुशीयाली मनाउदै थिए । यद्दपि कुनै एक बिन्दुमा बास्केटबलका इतिहासबिदहरुले कसरी कम से कम पनि आफ्नो युगका महान खेलाडीबाट क्लिभल्याण्डले ११ सिजनमा दुई फरक स्पेलमार्फत एक उपाधि मात्र जित्न सक्यो भनेर आश्चर्यका साथ इतिहासको पाना पल्टाउनेछन् ।

एमजे–लेब्रोन बहसको सन्दर्भमा भने अब यो पुरै कुरालाई हेर्ने नयाँ दृष्टिकोण आएको छ किनभने लेब्रोन पाचौं अथवा त्यो भन्दा बढी उपाधि थप्नका लागि अझै पनि सक्षम छन् । अर्को सिजनको लागि पनि लेकर्स दाबेदारको रुपमा कायम नै रहनेछ र यो उपाधि एक बर्ष चाडो आएको हो भन्न सकिन्छ । यही डिसेम्बरमा लेब्रोन ३६ बर्षको भएपनि उनीमा अझै धेरै बाकी रहेको स्पष्ट देखिन्छ ।

लामो समयदेखि लेब्रोनलाई कमजोर इस्टर्न कन्फेरेन्सको फाइदा उठाएको आरोप लाग्दै आएको थियो । बहसको यो एउटा पाटो अब समाप्त भएको छ । लेकर्स वेस्टको मालिक बनेको छ ।

रातारात लेकर्सको पुनसंरचना गर्दै लेब्रोनले जोर्डनको फाइनल्सको ‘पर्फेक्ट रेकर्ड’ लाई नितान्त नौलो दृष्टिकोणबाट (जुन जोर्डनले गर्न सक्दैनन् ) काउन्टर दिन सक्छन् (जुन स्पष्ट रुपमा लेब्रोन आफैले कहिल्यै गर्न सक्दैनन्) ।

लेब्रोन जहा गए त्यही उपाधि जितेका छन् । एउटा टिम खोज्नुस, लेब्रोनले उपाधि जितेर देखाइदिन्छन् ।

प्रतिभा, मानसिकता र नेतृत्वदायीताले लेब्रोन टिमको असन्तुलन र अनिश्चिततालाई परास्त गर्दै नयाँ संरचनाको निर्माण गर्न सक्छन् । उनी ‘एक्स फ्याक्टर’ हुन् ।

के यो संस्थागत रुपमा उत्कृष्ट ढँगले सञ्चालित बुल्स व्यवस्थापनको सहयोगमा जोर्डनले फाइनल्समा राखेको ६–० को किर्तिमानभन्दा राम्रो हो ?

जस्तो सुकै भएपनि यो पुरानो बहसमा आएको एक नयाँ ट्विस्ट हो ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline3 months ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय3 months ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख5 months ago

केन्या माथि नेपालको कीर्तिमानी जित

लेख5 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख5 months ago

नेपाल टी२० लिग : खेलाडी दर्ता सुरु, चार मापदण्ड तय

लेख5 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख5 months ago

नेपालले हरायो केन्यालाई 

लेख5 months ago

नेपालका लागि केन्या टुर महत्वपूर्ण

लेख6 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख6 months ago

नयाँ प्रशिक्षक प्रभाकर भन्छन् : पहिलो काम लिग टु

लेख6 months ago

बाना कपका लागि सुदुरपश्चिमको जर्सी सार्वजनिक  

लेख6 months ago

यस्ता छन् एन्फा कार्यसमिति बैठकका निर्णयहरू

लेख6 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख6 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline6 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline6 months ago

 नेपालको पोस्टमा भारतको गोलको वर्षा 

Headline6 months ago

साफ महिला च्याम्पियनसिप :  नेपाललाई सजिलो समूह

Headline6 months ago

लगातार दोस्रो जित निकाल्दा नेपाल फाइनल नजिक 

Headline6 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline6 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline3 months ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय3 months ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख5 months ago

केन्या माथि नेपालको कीर्तिमानी जित

लेख5 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख5 months ago

नेपाल टी२० लिग : खेलाडी दर्ता सुरु, चार मापदण्ड तय

लेख5 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख5 months ago

नेपालले हरायो केन्यालाई 

लेख5 months ago

नेपालका लागि केन्या टुर महत्वपूर्ण

लेख6 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख6 months ago

नयाँ प्रशिक्षक प्रभाकर भन्छन् : पहिलो काम लिग टु

लेख6 months ago

बाना कपका लागि सुदुरपश्चिमको जर्सी सार्वजनिक  

लेख6 months ago

यस्ता छन् एन्फा कार्यसमिति बैठकका निर्णयहरू

लेख6 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख6 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline6 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline6 months ago

 नेपालको पोस्टमा भारतको गोलको वर्षा 

Headline6 months ago

साफ महिला च्याम्पियनसिप :  नेपाललाई सजिलो समूह

Headline6 months ago

लगातार दोस्रो जित निकाल्दा नेपाल फाइनल नजिक 

Headline6 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline6 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!