Connect with us

Headline

जेम्सको ट्रिपल डबलसँगै लेकर्सलाई एक दशकपछि एनबिए उपाधि

wesportz

Published

on

लेब्रोन जेम्सको ट्रिपल डबल प्रदर्शनसँगै लस एन्जलस लेकर्सको एनबिए उपधिको १० बर्षदेखिको पर्खाइ अन्त्य भएको छ । फाइनल्सको गम सिक्समा लेकर्सले सोमबार बिहान भएको खेलमा मायामी हिटलाई १०६–९३ ले पराजित गर्दै ४–२ ले उपाधिमा कब्जा गर्यो ।

लेकर्सको लागि उपाधि बिशेष पनि किन रह्यो भने उसले यसै बर्ष हेलिकप्टर दुर्घट्नामा आफ्नो लेजेण्ड खेलाडी कोबी ब्रायन्टलाई गुमाएको थियो । लेकर्सले कोबीलाई सबैभन्दा उत्कृष्ट ढँगले श्रद्धाञ्जली अर्पण गरेको छ ।

“हामीले उनलाई (कोबीलाई) निराश बनाएनौं । यो बियोगले हामीलाई सताएदेखि नै हामी उनको लागि उपाधि जित्न चाहन्थ्यौं । यसले हाम्रो लागि धेरै अर्थ राखेको छ र हाम्रो लागि निकै कठिन समय पनि हो । कोबी हामी सबैको लागि अभिभावक थिए र यो उपाधि उनलाई समर्पण गर्दछौं,” लेकर्सको उपाधि यात्राको केन्द्रमा रहेका एन्थोनी डेभिसले भने ।

लेकर्सलाई १७ औं एनबिए उपाधि दिलाउने क्रममा जेम्सको नाममा सोमबार २८ अंक, १४ रिबाउण्ड र १० असिस्ट रह्यो । प्लेअफमा किर्तिमानी २ सय ६० औं खेल खेलेका उनले चौथो पटक फाइनल्स एमभिपि पनि जिते । अर्का अमेरिकी लेजेण्ड माइकल जोर्डनको नाममा किर्तिमानी ६ फाइनल्स एमभिपि रहेको छ ।

“हामी मात्र सम्मान चाहन्छौं,” खेल समाप्त भएपछि ट्रफि ग्रहण गर्दै जेम्सले भने । “रब (लेकर्सका महाप्रबन्धक पेलिंका) आफ्नो सम्मान चाहन्छन् । प्रशिक्षक भोजेल (फ्रांक) आफ्नो सम्मान चाहन्छन् । हाम्रो संस्था सम्मान चाहन्छ, लेकर्स नेसन सम्मान चाहन्छ र म पनि आफ्नो सम्मान चाहन्छु ।”

डेभिसले पनि उत्कृष्ट प्रदर्शन दिने क्रममा १९ अंकको योगदान दिए भने १५ रिबाउण्ड पनि लिएका थिए । उनले पहिलो पटक एनबिए उपाधि जितेका हुन् ।

लेब्रोनको भने यो चौथो उपाधि हो । उनले तीन फरक टोलीका लागि उपाधि जित्ने किर्तिमान पनि कायम गरे । लेब्रोनले २०१२ र २०१३ मा हिट, २०१६ मा क्लेभल्याण्ड क्याभेलियर्सका लागि एनबिए उपाधि जितिसकेका थिए ।

लेकर्स भने बोस्टन सेल्टिक्ससँगै सर्वाधिक एनबिए जित्ने टिमको किर्तिमानको बराबरीमा रहेको छ ।

Headline

इङ्गल्याण्डको जितमा डाविड मलन नायक, जित्यो ट्वान्टी ट्वान्टी श्रृंखला

wesportz

Published

on

डाविड मलन र ओइन मोर्गनले महत्वपूर्ण अद्र्धशतकीय साझेदारी गरेपछि इङ्गल्याण्ड दोश्रो ट्वान्टी ट्वान्टी अन्तर्राष्ट्रियमा पनि दक्षिण अफ्रिकालाई ५ विकेटले पराजित गर्दै तीन खेलको श्रृंखला आफ्नो पक्षमा पार्न सफल भएको छ ।

पार्लको स्लो विकेटमा पहिलो ब्याटिङ्ग गरेको दक्षिण अफ्रिकाले ६ विकेटको क्षतिमा १ सय ४६ रनको सामान्य योगफल खडा गर्यो । जवाफमा इङ्गल्याण्डले शुरुवातमा संघर्ष गरेपनि मलन र कप्तान मोर्गनले उत्कृष्ट ब्याटिङ्ग गर्दै टिमलाई एक बल बाकी रहेको अवस्थामा जित दिलाए ।

इङ्गल्याण्डलाई अन्तिम ६ ओभरमा ६२ रन चाहिएको थियो । अर्को चार ओभरमा ५१ रन जोड्दै मोर्गन र मलनले इङ्गल्याण्डलाई जित नजिक पुर्याएका थिए । १८ औं ओभरमा लुँगि एनगिदीले १८ रन खर्चदा मलन एक्लैले १६ रन बनाएका थिए । आफ्नो १७ औं ट्वान्टी ट्वान्टी अन्तर्राष्ट्रियमा आठौं अद्र्धशतक प्रहार गर्ने क्रममा मलनले ४० बलमा ७ चौका र एक छक्काको मद्दतमा ५५ रन बनाए ।

कागिसो रबाडाको अन्तिमा ओभरमा मात्र तीन रन चाहिएको अवस्थामा टम कुरान दोश्रो बलमा बोल्ड भएका थिए । नयाँ ब्याट्स्म्यान क्रिस जोर्डनले तेश्रो बलमा दुई रन लिए र अर्को बल डट भएपछि इङ्गल्याण्डमा दुई बलमा एक रनको आवश्यकता थियो । तर जोर्डनले पाचौं बलमा चौका प्रहार गर्दै जित दिलाए ।

मोर्गन १७ बलमा तीन चौका र एक छक्का सहित २६ रनमा नटआउट रहे । दक्षिण अफ्रिकाका लागि तबरेज सम्सीले चार ओभरमा १९ रन खर्चदै तीन विकेट लिए भने एनगिदीले चार ओभरमा ५१ रन खर्चदा दुई विकेट हात पारे ।

यसअघि घरेलु टोलीका लागि कप्तान क्वेन्टिन डि ककले १८ बलमा ३० रन बनाएका थिए भने जर्ज लिन्डेले २० बलमा २९ रन बनाए । यस्तै रासी भान डर डसनले २९ बलमा नटआउट २५ रन बनाएका थिए । भान डर डसनले इनिङ्गसमा चौका र छक्का प्रहार गर्न सकेनन् ।

इङ्गल्याण्डका लागि अदिल रशिदले दुई विकेट लिए ।

Continue Reading

Headline

साउथह्याम्प्टनलाई हराउदा युनाइटेडका लागि कभानी नायक

wesportz

Published

on

दुई गोलले पछि परेको स्थितीलाई उल्टाउदै म्यानचेस्टर युनाइटेडले साउथह्याम्प्टनलाई ३-२ ले पराजित गरेको छ ।

साउथह्याम्प्टनका लागि जान बेन्ड्रन्रेक र जेम्स वार्ड प्रोवसले गोल गरेका थिए भने युनाइटेडका लागि ब्रुनो फर्नानडेजले एक र एडिसन कभानीले दुई गोल गरेका थिए ।

खेलको २१ औँ मिनेटमा साउथह्याम्प्टनले खेलमा अग्रता लिएको थियो । साउथह्याम्प्टनका लागि वार्ड प्रोवसको पासमा जान बेन्ड्रन्रेकले गोल गरेका थिए । साउथह्याम्प्टनले ३३ औँ मिनेटमा अग्रता दोब्बर बनाएको थियो । जेम्स वार्ड प्रोवसले फ्रिकिकबाट सिधै गोल गरेका थिए ।

पहिलो हाफमा २-० को अग्रता लिएको साउथह्याम्प्टनले दोस्रो हाफमा तीन गोल खान पुगेको थियो ।

युनाइटेडका लागि पहिलो गोल ५९ औँ मिनेटमा ब्रुनो फार्नानडेजले गरेका थिए । उनले गोल गर्दै खेल २-१ को स्थितीमा पुर्याएका थिए । यस्तै ७४ औँ मिनेटमा अर्को गोल गरे पछि युनाइटेडले खेल बराबरी गर्न सफल भएको थियो । युनाइटेडका लागि एडीसन कभानीले दोस्रो गोल गरेका थिए ।

यस्तै ९० मिनेट पछि थपिएको इन्जुरी समयमा मार्कस रासफोर्डको पासमा कभानीले हेडिङ गोल गर्दै युनाइटेडलाई महत्वपूर्ण तीन अंक दिलाएका थिए ।

जितसँगै युनाइटेड १६ अंकका साथ सातौँ स्थानमा उक्लिएको छ भने साउथह्याम्प्टन पाचौँ स्थानमा रहेको छ ।

Continue Reading

Headline

बार्सिलोनाको फराकिलो जित, मेस्सीले गोल गरेपछि दिए म्याराडोनालाई ट्रिब्युट

wesportz

Published

on

मार्टिन ब्रेथवेट, एन्टोइन ग्रिजमन, फेलिपे काउटिन्हो र लियोनल मेस्सीले गोल गरेपछि बार्सिलोनाले स्पेनिस ला लिगामा ओसासुनामाथि ४–० को फराकिलो जित दर्ता गरेको छ ।

जितसँगै बार्सिलोनाको ला लिगाको अंक तालिकामा सातौं स्थानमा उक्लिएको छ । यसअघि च्याम्पियन्स लिग अन्तगर्त सख्तर दोनेस्कबिरुद्धको खेलमा पनि दुई गोल गरेका मार्टिन ब्रेथवेटले क्याम्प नाउमा बार्सालाई २९ औं मिनेटमा अग्रता दिलाए । बार्साको घरेलु मैदानमा यो उनको पहिलो गोल हो ।

४२ औं मिनेटमा ग्रिजमनले अग्रतालाई दोब्बर बनाएका थिए भने दोश्रो हाफ शुरु भएको केही समय पछि नै काउटिन्होले बार्साका लागि तेश्रो गोल गरे । मेस्सीले ७३ औं मिनेटमा गोल गर्दै बार्साको जित फराकिलो बनाएका थिए ।

गोल लगत्तै मेस्सीले दुवै हाथ माथि उठाउदै अर्जेन्टिनी टोलीका आफ्ना पुर्व प्रशिक्षक तथा बिश्व फुटबल लेजेण्ड डिएगो म्याराडोनालाई सम्झिएका थिए । मेस्सीले गोल गरे लगत्तै आफ्नो पुरानो अर्जेन्टिनी क्लब नेवेल्स ओल्ड बोइजको १० नम्बरको जर्सी लगाएर म्याराडोनालाई सम्मान दिएका थिए । खेलका दौरान जर्सी फुकालेर अर्को लगाउदा उनले पहेलो कार्ड पनि पाए ।

म्याराडोनाको निधनपछि बार्सिलोनाले पहिलो खेल खेलेको हो । मेस्सी र म्याराडोनाको सम्बन्ध निकै घनिष्ट रहेको थियो । सन् २०१० को दक्षिण अफ्रिकामा भएको बिश्वकप दौरान म्याराडोनाले अर्जेन्टिनाको टोलीको प्रशिक्षण गरेका थिए । तर मेस्सी र म्याराडोनाको जादु उक्त बिश्वकपमा भने चलेन । अर्जेन्टिना क्वार्टर फाइनलमा जर्मनीसँग ४–० ले पराजित हुदै बाहिरिएको थियो ।

Continue Reading
Headline14 mins ago

इङ्गल्याण्डको जितमा डाविड मलन नायक, जित्यो ट्वान्टी ट्वान्टी श्रृंखला

Headline37 mins ago

साउथह्याम्प्टनलाई हराउदा युनाइटेडका लागि कभानी नायक

Headline2 hours ago

बार्सिलोनाको फराकिलो जित, मेस्सीले गोल गरेपछि दिए म्याराडोनालाई ट्रिब्युट

Headline5 hours ago

भारतको अर्को हार, अष्ट्रेलियाले जित्यो श्रृंखला

Headline9 hours ago

अष्ट्रेलियाको बिष्फोटक ब्याटिङ्ग, भारतलाई ३ सय ९० रनको बिशाल लक्ष्य

Headline11 hours ago

फिलिप्सको किर्तीमानी ट्वान्टी ट्वान्टी शतकमा न्युजिल्याण्डलाई श्रृंखला

Headline12 hours ago

युरोपियन राउन्ड-अप: शिर्ष स्थानमा रहने डर्ट्मण्डको सपना अधुरो, रियल म्याड्रिड पराजित, युभेन्टस बराबरीमा रोकियो

Headline13 hours ago

प्रिमियर लिग आज: चेल्सी विरुद्ध टोटनह्यामको महाभिडन्त,आर्सनल र वुल्भ्स भिड्दै

Headline13 hours ago

ग्लेन फिलिप्सको आक्रमक शतकमा न्युजिल्याण्डको २ सय ३८ रन

Headline13 hours ago

प्रिमियर लिग:सिटीले ठोक्यो बर्नलीलाई पाँच, एवर्टन लिड्ससँग पराजित

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending