Connect with us

IPL 2020

पराग र टेवाटियाको साझेदारीमा राजस्थानको रोमान्चक जित

wesportz

Published

on

एक समय पाँच विकेट गुमाएर हारको संघारमा पुगेको राजस्थान रोयल्सका रियान पराग र राहुल टेवाटियाले ४७ बलमा ८५ रनको साझेदारी गर्दै इन्डियन प्रिमियर लिग (आईपीएल) आफ्नो सातौं खेलमा सनराईजर्स हैदराबाद माथि पाँच विकेटको रोमान्चक जित हात पारेको छ ।

जितका लागि १५९ रनको मध्यम लक्ष्य लिएर ब्याटिङमा आएको राजस्थानले १९ दशमलब पाँच ओभरमा पाँच विकेटको नोक्सानीमा जित दर्ता गराएको हो ।

राजस्थानको जितमा छैठौं नम्बरमा ब्याटिङ गर्न आएका रियान पराग र सातौं नम्बरमा ब्याटिङ गर्न आएका टेवाटियाले अविजित रहँदै क्रमश ४२ र ४५ रन बनाए । त्यस्तै राजस्थानको तर्फबाट सन्जु सामसनले२६, रबिन उथप्पाले १८, जस बटलरले १६ रनको पारी खेले ।

यस सिजनको पहिलो खेल खेलेका बेन स्टोक्स ओपनिङमा ब्याटिङ गर्न आए । तर दोश्रो ओभरमा नै मात्र पाँच रन बनाएका उनी खलिल अहमदको बलमा बोल्ड भए । पारीको चौथों ओभरमा पाँच रन बनाएका कप्तान स्टिभ स्मिथ पनि रन आउट हुन पुगे ।

त्यस पछि लगातार रुपमा बटलर, उथप्पा र सामसन पनि पेभेलियन फर्किंदा राजस्थान ११ दशमलब छ ओभरमा ७८ रनमा पाँच विकेटको अवस्थामा खुम्चिन पुग्यो । सामसन र उथप्पा रशिद खानको बलमा ओत भए भने बटलर अहमदको शिकार भए ।

त्यस पछि ब्याटिङ गर्न आएका पराग र टेवाटियाले राजस्थानलाई रोमान्चक जित दर्ता गराउन सफल भए । २६ बलको सामना गरेका गर्गले समान २-२ चौका र छक्का प्रहार गरे भने टेवाटियाले २८ बलमा चार चौका र दुई छक्का प्रहार गरे ।

हैदराबादका खलिल अहमद र रशिद खानले समान २-२ विकेट हात पारे ।

यस अघि दुबई अन्तरास्ट्रिय क्रिकेट रंगशालामा टस जितेर पहिले ब्याटिङ गरेको हैदराबादले पुरै २० ओभर खेल्दै चार विकेटको नोक्सानीमा १५८ रन बनायो ।

हैदराबादको तर्फबाट मनिष पाण्डेले सर्वाधिक ५४ रन बनाए भने कप्तान डेभिड वार्नरले पनि ४८ रनको पारी खेले । चार दशमलब चार ओभरमा २३ रन हुँदा ओपनर १९ बलमा १६ रन बनाएर जोनी बेरिस्टो आउट भए पनि वार्नर र पाण्डेले दोश्रो विकेटका लागि ६० बलमा ७३ रनको साझेदारी गर्दै हैदराबादको पारी सम्हाले ।

३८ बलको सामना गर्दै तीन चौका र दुई छक्का प्रहार गरेका वार्नर १४ दशमलब चार ओभरमा जोफ्रा आर्चर बोल्ड भए भने ४४ बल खेल्दै दुई चौका र तीन छक्का प्रहार गर्दै १७ दशमलब चार ओभरमा जयदेव उनादकटको शिकार भए ।

केन विलियमसनले अविजित रहँदै १२ बलमा २२ रन बनाए भने पारीको अन्तिम बलमा रन आउट भएका प्रियम गर्गले पनि १५ रनको योगदान दिए ।

हैदराबादका जोफ्रा आर्चर, जयदेव उनादकट र कार्तिक त्यागीले समान १-१ विकेट हात पारे ।

यस सिजनको पहिलो दुई खेलमा चेन्नाई सुपर किंग्सलाई १६ रनले र किंग्स ११ पन्जाबलाई चार विकेटले पराजित गर्दै राम्रो सुरुवात गरेको राजस्थान त्यस पछिका लगातार चार खेलमा भने पराजित हुन पुग्यो । राजस्थान कोलकाता नाइट राईडर्ससँग ३७ रनले, रोयल च्यालेन्जर्स बेंगलोरसँग आठ विकेटले, मुम्बई इन्डियन्ससँग ५७ रनले तथा दिल्ली क्यापिटल्ससँग ४६ रनले पराजित भएको थियो ।

हैदराबाद सुरुका दुई खेलमा रोयल च्यालेन्जर्स बेंगलोरसँग १० रनले र कोलकाता नाइट राईडर्ससँग सात विकेटले पराजित हुँदै प्रतियोगितामा खराब सुरुवात गर्यो । त्यस पछिका खेलमा उसले दिल्ली क्यापिटल्सलाई १५ रनले र चेन्नाई सुपर किंग्सलाई सात रनले पराजित गर्यो । आफ्नो पाँचौं खेलमा मुम्बईसँग ३४ रनले पराजित भएको हैदराबादले छैठौं खेलमा किंग्स ११ पन्जाबलाई ६९ रनको फराकिलो अन्तरले पराजित गर्यो

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading

IPL 2020

पहिलो पटक उपाधि जित्न दिल्लीले मुम्बईलाई १५६ रन भित्र रोक्न पर्ने

wesportz

Published

on

खराब सुरुवात गरे पनि कप्तान श्रेयस ऐयर र विकेट किपर ब्याट्सम्यान रिशब पन्तले अर्धशतक प्रहार गरे पछि १३ औं संस्करणको इन्डियन प्रिमियर लिग (आईपीएल) को फाइनल जित्नका लागि दिल्ली क्यापिटल्सले साबिक विजेता मुम्बई इन्डियन्सलाई १५७ रनको लक्ष्य दिएको छ ।

दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

दिल्लीले आजको खेलमा कुनै पनि परिवर्तन गरेको छैन । आजको खेलमा पनि नेपाली लेग स्पिनर सन्दिप लामिछानेले खेल्ने मौका पाएनन् । उनले यस पटकको पुरै सिजन बेञ्चमा नै बिताउन बाध्य भए ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो ।

दिल्ली पहिलो पटक फाइनल खेल्न लागेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेल्दै छ । यस अघि मुम्बईले पाँच मध्य चार पटक उपाधि पनि चुमेको थियो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

दिल्ली र मुम्बई आईपीएलमा २७ पटक एक आपसमा भिड्दा मुम्बईले १५ तथा दिल्लीले १२ खेलमा जित हात पारेका छन् ।

Continue Reading
Headline2 hours ago

साल्के ३० बर्षपछि बुन्डेसलिगाबाट रेलिगेसनमा

Headline3 hours ago

धेरै क्लबले नाम फिर्ता लिए पछि युरोपियन सुपर लिग अनिश्चितकालीन लागि बन्द

अन्तर्राष्ट्रिय11 hours ago

मुम्बईलाई पराजित गर्दै दिल्ली अंक तालिकाको दोश्रो स्थानमा 

अन्तर्राष्ट्रिय13 hours ago

मुम्बईको सानो योगफल 

Headline18 hours ago

डि लिडेको उच्च प्रदर्शनमा नेदरल्याण्ड्सको नेपालमाथि रोमाञ्चक जित

Headline20 hours ago

नेपालले नेदरल्याण्ड्सबिरुद्ध बिशाल योगफल बनाउदा कुशलको बिश्व किर्तिमान, दिपेन्द्रको ताबडतोड ब्याटिङ्ग

Headline22 hours ago

नेदरल्याण्ड्स बिरुद्ध नेपाल पहिलो ब्याटिङ्ग गर्दै

अन्तर्राष्ट्रिय1 day ago

राजस्थान माथि चेन्नाईको फराकिलो जित 

Headline2 days ago

मोउरिन्हो बर्खास्त !

Headline2 days ago

नेपालको अर्को उत्कृष्ट ब्याटिङ्ग, कुशलले बनाए अद्र्धशतकको किर्तिमान

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!