Connect with us

IPL

बेंगलोरसँग चेन्नाईको लज्जास्पद हार

Published

on

ब्याट्सम्यानहरु चल्न नसक्दा इन्डियन प्रिमियर लिग (आईपीएल) को रोयल च्यालेन्जर्स बेंगलोर विरुद्धको खेलमा मध्यम लक्ष्य पक्ष्याएको चेन्नाई सुपर किंग्सले ३७ रनको लज्जास्पद हारको सामना गरेको छ ।

छ खेल खेलेको बेंगलोरको यो चौथों हार हो भने सातौं खेलमा चेन्नाईको यो पाँचौं हार हो । आजको जितसँगै बेंगलोर अंक तालिकाको चौथों स्थानमा उक्लिएको छ भने चेन्नाई छैठौं स्थानमा झरेको छ । अंक तालिकाको दोश्रो र तेश्रो स्थानमा रहेका मुम्बई इन्डियन्स र कोलकाता नाइट राईडर्सको पनि समान आठ-आठ अंकका नै भए पनि नेट रन रेटका आधारमा बेंगलोर चौथों स्थानमा रहन पुगेको हो ।

जितका लागि १७० रनको मध्य लक्ष्य लिएर ब्याटिङ गर्न आएको चेन्नाईले पुरै २० ओभर खेल्दै आठ विकेटको नोक्सानीमा मात्र १३२ रन बनाउन सक्यो ।

ओपनरद्वय फाफ डु प्लेसिस १० बलमा आठ रन र शेन वाटसन १८ बलमा १४ रन बनाएर वाशिंगटन सुन्दरको शिकार हुँदा चेन्नाई खराब सुरुवात गर्दै पाँच दशमलब चार ओभरमा ३५ रनको स्थितीमा पुग्यो ।

तेश्रो नम्बरमा ब्याटिङ गर्न आएका अम्बाती रायुडू र आजको खेलबाट आईपीएलमा डेब्यु गरेका नारायण जगदिसान मिलेर तेश्रो विकेटका लागि आठ दशमलब चार ओभरमा ६४ रन जोड्दै चेन्नाईको पारी सम्हाल्ने प्रयास गरे । तर २८ बलमा चार चौकाको मद्धतमा ३३ रन बनाएका जगदिसान रन आउट भए पछि चेन्नाई सम्हालिन सकेन ।

त्यस पछि आएका कप्तान महेन्द्र सिंह धोनी छ बल खेल्दै १० रन बनाएर युज्बेन्द्र चाहालको बलमा आउट भए भने साम कुर्रान क्रिस मोरिसको बलमा गोल्डेन डकआउट हुन पुगे । त्यस पछिको ओभरमा जाधव पनि ४० बलमा ४२ रन बनाउँदै आउट भए पछि चेन्नाई लज्जास्पद हारको संघारमा पुग्यो ।

१९औं ओभरमा समान ७-७ रन बनाएका ड्वायन ब्राभो र रविन्द्र जडेजा क्रिस मोरिसको शिकार भए ।

बेंगलोरको जितमा यस सिजन आफ्नो पहिलो खेल खेलेका क्रिस मोरिसले चार ओभर बलिङ गर्दै मात्र १९ रन खर्चिएर सर्वाधिक तीन विकेट हात पारे भने वाशिंगटन सुन्दरले पनि तीन ओभरमा १६ रन खर्चिएर दुई विकेट आफ्नो नाममा दर्ता गराए । महँगो साबित भए पनि युज्बेन्द्र चाहाल र इसरु उडानाले पनि १-१ विकेट लिए ।

यस अघि दुबई अन्तरास्ट्रिय क्रिकेट रंगशालामा टस जितेर पहिले ब्याटिङ गरेको बेंगलोरले पुरै २० ओभर खेल्दै चार विकेटको नोक्सानीमा १६९ रन बनायो ।

बेंगलोरको तर्फबाट कप्तान बिराट कोहलीले सर्वाधिक ९० रन बनाए । ५२ बलको सामना गरेका उनले समान ४-४ चौका र छक्का प्रहार गरे । छैठौं खेलमा कोहलीको यो दोश्रो अर्धशतक हो भने यस सिजनको व्यक्तिगत उच्च योगफल हो । पहिलो तीन खेलमा मात्र १८ रन बनाउन सकेका कोहलीले राजस्थान रोयल्स विरुद्धको आफ्नो चौथों खेलमा अविजित ७२ रनको पारी खेलेका थिए ।

बेंगलोरले पारीको तेश्रो ओभरमा ओपनर आरोन फ़िञ्चलाई गुमाएर खराब सुरुवात गर्यो ।नै बल खेल्दै दुई रन बनाएका फ़िञ्च दिपक चाहारको बलमा बोल्ड हुन पुगे ।

खराब सुरुवात गरे पनि अर्का ओपनर देवदत्त पडिकल र कप्तान बिराट कोहलीले दोश्रो विकेटका लागि ५३ रन जोड्दै पारी सम्हाल्ने प्रयास गरे । तर बेंगलोरले ३४ बलमा ३३ रन बनाएका पडिकल र दुई बल खेल्दै खाता खोल्न नभ्याएका एबी डि भिलियर्सलाई एकै ओभरमा गुमाए पछि दबाबमा आयो । दुबैलाई शार्दुल ठाकुरले पेभेलियनको बाटो देखाए । वाशिंगटन सुन्दरले पनि १० रन भन्दा जोड्न सकेनन् ।

१४ दशमलब तीन ओभरमा ९३ रनमा चार विकेट गुमाएको बेंगलोरको लागि कप्तान कोहली र शिबम दुबेले पाँचौं विकेटका लागि पाँच दशमलब तीन ओभरमा ७६ रनको साझेदारी गर्दै बेंगलोरलाई प्रतिस्पर्धात्मक योगफल सम्म लिएर गए । १४ बलको सामना गरेका दुबे दुई चौका र एक छक्काको मद्धतमा २२ रन बनाएर अविजित रहे ।

चेन्नाईका शार्दुल ठाकुरले चार ओभर बलिङ गर्दै ४० रन खर्चिएर सर्वाधिक दुई विकेट लिए भने महँगो साबित हुँदै चार ओभरमा नै ४८ रन खर्चिएका साम कुर्रानले पनि आफ्नो नाममा एक विकेट दर्ता गराए । किफायती बलिङ गरेका दिपक चाहारले तीन ओभरमा १० रन मात्र खर्चिएर एक विकेट हात पारे ।

Headline

पन्जाब माथि रोमान्चक जित निकाल्दा दिल्ली प्लेअफ नजिक 

Published

on

मिचेल मार्शको अर्धशतक तथा शार्दुल ठाकुरको घातक बलिङमा दिल्ली क्यापिटल्सले पन्जाब किंग्स माथि १७ रनको रोमान्चक जित हात पारेको छ । जितसँगै दिल्ली १५ औँ संस्करणको इन्डियन प्रिमियर लिग (आईपीएल) को प्लेअफ नजिक पुगेको छ ।

१३ खेलमा सात जित निकाल्न सकेको दिल्ली १४ अंक सहित अंक तालिकाको चौथो स्थानमा उक्लिएको छ । समान १४ अंक रहेको बेंगलोर नेट रन रेटका आधारमा दिल्ली भन्दा पछि रहेको छ । आजको खेलमा पराजित हुँदा पन्जाबको प्लेअफ पुग्ने आशा झिनो भनेको छ । १३ खेल नै खेलेको पन्जाब १२ अंक सहित अंक तालिकाको सातौँ स्थानमा रहेको छ ।

टस हारेर पहिले ब्याटिङ गरेको दिल्लीले २० ओभर खेल्दै सात विकेट गुमाएर १५९ रनको सामान्य योगफल बनाए पनि पन्जाबलाई २० ओभरमा नौ विकेटको नोक्सानीमा १४२ रनको अवस्थामा रोक्न सफल भएको हो ।

दिल्लीको जितमा तेश्रो नम्बरमा ब्याटिङ गर्दै मिचेल मार्शले ४८ बल खेल्दै चार चौका र तीन छक्का सहित ६३ रनको पारी खेले भने खेलको प्लेयर अफ द म्याच घोषित शार्दुल ठाकुरले चार ओभरमा ३६ रन दिएर सर्वाधिक चार विकेट हात पारे ।

यस सिजन निकै उत्कृष्ट फर्ममा रहेका ओपनर डेविड वार्नर गोल्डेन डकआउट हुँदा खराब सुरुवात गरे पनि दिल्लीका लागि मार्शले १६ बलमा ३२ रन बनाएका सरफराज खान र २१ बलमा २४ रनको पारी खेलेका ललित यादवसँग साझेदारी गर्दै आफ्नो टोलीको पारी सम्हालेका थिए ।

तल्लोक्रमका ब्याटरहरु सस्तोमा आउट हुँदा राम्रो सुरुवात गरे पनि दिल्ली ठुलो योगफल बनाउनबाट भने चुक्यो ।

सुरुवात देखि नै लगातार रुपमा विकेट गुमाएको पन्जाबको तर्फबाट छैटौँ नम्बरमा ब्याटिङ गर्दै विकेट किपर जितेश शर्माले सर्वाधिक २४, ओपनर जोनी बेयरस्टोले २८, राहुल चाहरले अविजित २५ तथा अर्का ओपनर शिखर धवनले १९ रन जोडे पनि जितका लागि पर्याप्त रहेन । १२ रनको अन्तरालमा पन्जाबले मध्यक्रमका आफ्ना पाँचजना ब्याटरलाई गुमाउँदा सानो लक्ष्य पछ्याउँदा पनि जित भने निकाल्न असमर्थ रह्यो ।         

पन्जाबलाई रोक्ने क्रममा ठाकुर बाहेक अक्सर पटेलले चार ओभरमा तथा कुलदिप यादवले तीन ओभरमा समान १४-१४ रन दिएर समान २-२ विकेट हात पारे ।

यस अघि दिल्लीलाई मध्यम योगफलमा रोक्ने क्रममा लियाम लिविंगस्टोनअर्शदिप सिंहले समान ३-३ विकेट आफ्नो नाममा दर्ता गराए ।  

Continue Reading

Headline

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Published

on

लखनउ सुपर जायन्ट्स माथि २४ रनको फराकिलो जित निकाल्दै राजस्थान रोयल्स जारी इन्डियन प्रिमियर लिग (आईपीएल) को अंक तालिकाको दोश्रो स्थानमा उक्लिएको छ ।

समान १३-१३ खेल खेलेका राजस्थान र लखनउको समान १६-१६ अंक रहे पनि नेट रन रेटका आधारमा राजस्थान अंक तालिकाको दोश्रो स्थानमा तथा लखनउ तेश्रो स्थानमा छन् । लगातार दुई खेलमा पराजित हुँदा लखनउले प्लेअफमा पुग्नका लागि अन्तिम खेल सम्म कुर्न पर्ने भएको छ भने आजको जितले राजस्थानले पनि प्लेअफको सम्भावना कायमै राखेको छ ।

यस सिजन गुजरात पहिलो स्थानमा रहँदै प्लेअफमा पुग्ने पक्का भएको छ भने अझै पनि चेन्नाई र मुम्बई बाहेक बाँकी सात टोलीको प्लेअफको आशा जीवितै छ ।

प्लेअफमा स्थान सुरक्षित गर्नका लागि १७९ रनको चुनौतिपूर्ण लक्ष्य लिएर ब्याटिङमा आएको लखनउले पुरै २० ओभर खेले पनि आठ विकेट गुमाएर १५४ रन भन्दा जोड्न सकेन ।

लखनउका दिपक हूडाले ३९ बलमा ५९, मार्कस स्टोइनिसले १७ बलमा २७, कुर्नाल पान्ड्याले २५  तथा कप्तान केएल राहुलले १० रन बनाए भने अन्य ब्याटरले दोहोरो अंकमा रन जोड्न नसक्दा लखनउले खेलमा हारको मात्र सामना गरेन प्लेअफको लागि अर्को खेल सम्म कुर्न पर्ने भयो ।

लखनउलाई रोक्ने क्रममा ट्रेन्ट बोल्ट, प्रसिध कृष्णा र ओबेड म्याककोएले समान २-२ विकेट लिए भने युज्बेन्द्र चाहल र रविचन्द्रन अश्विनले पनि समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित ट्रेन्ट बोल्टले चार ओभरमा मात्र १८ रन दिए ।

यस अघि खेलमा टस जितेर पहिले ब्याटिङ गरेको राजस्थानले पुरै २० ओभर खेल्दै ६ विकेट गुमाएर १७८ रनको चुनौतिपूर्ण योगफल बनायो ।     

राजस्थानको तर्फबाट ओपनर जस बटलरले बाहेक सबै ब्याटरले दोहोरो अंकमा रन जोडे । राजस्थानका ओपनर यशस्वी जैसवालले २९ बलमा सर्वाधिक ४१ रन बनाए भने देवदत्त पड्डीकलले १८ बलमा आक्रामक ३९ तथा कप्तान सन्जु सामसनले ३२ रनको पारी खेले । 

Continue Reading

Headline

चेन्नाई माथि शीर्ष स्थानको गुजरातको सहज जित   

Published

on

ओपनर रिद्दिमन साहले अर्धशतक प्रहार गर्दा शीर्ष स्थानमा रहेको गुजरात टाइटान्सले  इन्डियन प्रिमियर लिग (आईपीएल) को जारी सिजनको आफ्नो १३ औँ खेलमा  यस अघि नै समुह चरणबाट नै बाहिरी सकेको चेन्नाई सुपर किंग्स माथि सात विकेटको सहज जित हात पारेको छ । आजको खेलमा जित निकाल्दै गुजरातले पहिलो स्थानमा आफ्नो पकड बनाएको छ । 

खेलमा टस जितेर पहिले ब्याटिङ गरेको चेन्नाईले २० ओभर खेल्दै पाँच विकेट गुमाएर १३३ रन भन्दा जोड्न सकेन भने गुजरातले तीन विकेटको क्षेतीमा पाँच बल अगावै लक्ष्य पार गर्यो ।

गुजरातको जितमा खेलको प्लेयर अफ द म्याच घोषित विकेट किपर तथा ओपनर रिद्दिमन साहले ५७ बल खेल्दै आठ चौका र एक छक्का सहित अविजित ६७ रन बनाए । त्यस बाहेक म्याथ्यु वेडले २०, ओपनर शुमबन गिलले १८ तथा डेविड मिलरले अविजित १५ रनको योगदान दिए ।

यस अघि रुतुराज गायकवाडले सर्वाधिक ५३, नारायण जगदिसनले अविजित ३९ तथा मोईन अलीले २१ रन बनाए पनि अन्य ब्याटरहरुले दोहोरो अंकमा रन जोड्न सक्दा चेन्नाई सानो योगफलमा नै रोकिन पुग्यो ।

चेन्नाईलाई सानो स्कोरमा रोक्ने क्रममा मोहम्मद शामीले चार ओभरमा १९ रन दिएर सर्वाधिक दुई विकेट लिए ।     

 

Continue Reading
Headline7 hours ago

खराब फिल्डिङका कारण जित नजिक पुगेर पनि हार्यो नेपाल 

Headline9 hours ago

नेपालले दियो १०२ रनको चुनौतिपूर्ण लक्ष्य 

Headline23 hours ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline1 day ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline2 days ago

नेपाली महिला खेलाडीको तलबमा भारी वृद्धि  

Headline2 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline2 days ago

चेन्नाई माथि शीर्ष स्थानको गुजरातको सहज जित   

Headline3 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL3 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline3 days ago

यु१९ टोलीकी रोय पहिलो पटक राष्ट्रिय टोलीमा

Headline4 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline5 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline6 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline6 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline7 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline1 week ago

पाँच पटकको च्याम्पियन मुम्बई फेरी पनि हार्यो  

Headline1 week ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline7 hours ago

खराब फिल्डिङका कारण जित नजिक पुगेर पनि हार्यो नेपाल 

Headline9 hours ago

नेपालले दियो १०२ रनको चुनौतिपूर्ण लक्ष्य 

Headline23 hours ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline1 day ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline2 days ago

नेपाली महिला खेलाडीको तलबमा भारी वृद्धि  

Headline2 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline2 days ago

चेन्नाई माथि शीर्ष स्थानको गुजरातको सहज जित   

Headline3 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL3 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline3 days ago

यु१९ टोलीकी रोय पहिलो पटक राष्ट्रिय टोलीमा

Headline4 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline5 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline6 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline6 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline7 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline1 week ago

पाँच पटकको च्याम्पियन मुम्बई फेरी पनि हार्यो  

Headline1 week ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Trending

error: Content is protected !!