Connect with us

IPL 2020

कोलकाता पहिले ब्याटिङ गर्दै, पन्जाबले आज पनि क्रिस गेललाई खेलाएन

wesportz

Published

on

इन्डियन प्रिमियर लिग (आईपीएल) अन्तर्गत आजको पहिलो खेलमा किंग्स ११ पन्जाब विरुद्ध कोलकाता नाइट राईडर्सले पहिले ब्याटिङ गर्ने भएको छ । शेख जायद रंगशालामा कोलकाताका कप्तान दिनेश कार्तिकले टस जितेर पहिले ब्याटिङ गर्ने निर्णय लिएका हुन् ।

कोलकाता र पन्जाब दुबैले आजको खेलमा १-१ परिवर्तन गरेका छन् । कोलकाताले सिबम मावीको स्थानमा प्रसिध कृष्णालाई सुरुवाती ११ मा स्थान दिएको छ भने पन्जाबले घाइते भएका शेल्डन कोट्रेलको स्थानमा क्रिस जोर्डनलाई टोलीमा समावेस गरेको छ ।

यस अघिका खेलमा आक्रमक ब्याट्सम्यान क्रिस गेललाई सुरुवाती ११ मा स्थान दिएको थिएन भने आजको खेलमा पनि उनलाई बेञ्चमा नै राख्ने भएको छ ।

पन्जाब तालिकाको पुछारमा तथा कोलकाता चौथों स्थानमा रहेको छ । छ खेल खेलेको पन्जाबले पाँच खेलमा पराजय भोगेको छ भने एक खेलमा मात्र जित हात पार्न सफल भएको छ । कोलकाताले भने यस अघि आफुले खेलेका तीन खेलमा जित दर्ता गराउंदा दुई खेलमा हारको सामना गरेको छ ।

आईपीएलमा कोलकाता र पन्जाब २५ पटक एक आपसमा भिड्दा छन् जसमा कोलकाता १७-८ ले अघि रहेको छ । पछिल्लो पाँच खेलमा कोलकाताले तीन तथा पन्जाबले दुई खेलमा जित हात परेका थिए । अघिल्लो सिजन एक आपसमा दुई पटक भिड्दा दुबै खेल कोलकाताले जितेको थियो ।

Click to comment

Leave a Reply

Your email address will not be published. Required fields are marked *

IPL 2020

प्लेअफको लक्ष्य सहित मुम्बई र बेंगलोर भिड्दै 

wesportz

Published

on

इन्डियन प्रिमियर लिग (आईपीएल) अन्तर्गत ४८ औं खेलमा रोहित शर्माको कप्तानीमा रहेको मुम्बई इन्डियन्स र बिराट कोहलीको कप्तानीमा रहेको रोयल च्यालेन्जर्स बेंगलोर बीच भिडन्त हुँदैछ । शेख जायद रंगशाला, अबुधबीमा हुने खेल नेपाली समय अनुसार अहिले साँझ ७:४५ बजे सुरु हुनेछ ।

मुम्बई र बेंगलोर अंक तालिकामा क्रमश पहिलो र दोश्रो स्थानमा रहेका छन् । समान ११-११ खेल खेल्दै ७-७ जित र ४-४ हारका साथ दुबै टोलीको समान १४-१४ अंक रहे पनि मुम्बई नेट रन रेटका आधारमा पहिलो र बेंगलोर दोश्रो स्थानमा रहन गएका हुन् ।

आजको खेलमा जित हात पार्ने टोलीले अंक तालिकामा शिर्ष स्थानमा पकड जमाउनुको साथ साथै प्ले अफमा पुग्ने छ । हुन त अझै पनि पाँच टोलीले १६ अंक बटुल्दै शिर्ष स्थानमा पुग्ने र प्ले अफमा स्थान जमाउने सम्भावना बाँकी नै रहेको छ । तर पनि आजको खेलमा जित निकाल्न सक्ने टोलीले लगभग प्लेअफमा स्थान जमाउन सक्ने छ ।

मुम्बईका कप्तान रोहित शर्मा यस अघिका दुई खेलमा चोटका कारण खेल्न सकेका थिएनन् भने आज पनि खेल्ने नखेल्ने केहि निश्चित छैन ।

यस अघि भएको पहिलो लेगमा बेंगलोरले मुम्बईलाई सुपर ओभरमा पराजित गर्दै दुई अंक बटुल्न सफल भएको थियो । पहिले ब्याटिङ गरेको बेंगलोरले २० ओभरमा तीन विकेट गुमाएर २०१ रन बनायो भने जवाफी ब्याटिङ गरेको मुम्बईले पुरै २० ओभर खेल्दै पाँच विकेटको नोक्सानीमा २०१ रन बनाए पछि खेल बराबरी हुँदै सुपर ओभरमा पुगेको थियो ।

Continue Reading

Headline

ट्वान्टी–ट्वान्टीमा रशिद खान किन यस्तो घातक ?

wesportz

Published

on

रशिद खानले मङ्गलवार साच्चिकै अविश्वसनीय बलिङ्ग गरे । इण्डियन प्रिमियर लिगको प्लेअफको दौडमा कायमै रहन सनराइजर्स हैदरावादलाई सशक्त प्रदर्शन गर्दै आएको दिल्ली क्यापिटल्सलाई हराउन आवश्यक थियो ।

ओपनर तथा कप्तान डेविड वार्नर र पहिलो पटक माथिल्लो क्रममा ब्याटिङ्ग गर्न आएका रिद्दिमान शाहले बलियो शुरुवात दिलाउदै हैदरावादको २ सय १९ रनको बिशाल योगफलको आधार खडा गरे । तर ब्याटिङ्ग अर्डरमा डेप्थ रहेको दिल्लीबिरुद्ध हैदरावाद ढुक्क हुन सक्ने स्थिति थिएन ।

शिखर धवन र ठूलो लक्ष्यलाई मध्येनजर गर्दै तेश्रो नम्बरमा ब्याटिङ्ग गर्न आएका मार्कस स्टोइनिसलाई पेभिलियन फर्काएपनि वेष्ट इण्डिज ब्याट्स्म्यान सिम्रोन हेट्मायर र अजिंक्या रहाने दिल्लीलाई सम्हाल्ने प्रयास गर्दै थिए ।

पावरप्ले लगत्तै रशिद आफ्नो पहिलो ओभर लिएर आए । पहिलो बलमै उनले हेट्मायरलाई बोल्ड गर्दै ४० रनको साझेदारी तोडे र चौथो बलमा रहानेलाई आउट गरेपछि खेलमा हैदरावाद पूर्ण रुपमा हावी भयो । रशिदले यस्तो राम्रो लाइन समाते जहा उनलाई खेल्न सम्भव नै रहेन । रशिदले १३ ओभरभित्रै आफ्नो चार ओभर स्पेल सक्काउदा दिल्लीले अन्य हैदरावाद बलरहरुबिरुद्ध पनि खेल्न असमर्थ रह्यो ।

यो उनले खेलमा पारेको सबैभन्दा ठूलो असर थियो । अक्षर पटेलको पनि विकेट लिएका रशिदले चार ओभरमा मात्र ७ रन खर्चदै तीन विकेट हात पारे । दिल्ली १९ ओभरमै १ सय २१ रनमा अलआउट हुन पुग्यो । जारी आइपिएलमा दिल्लीले रनको हिसाबमा सबैभन्दा ठूलो हार ब्यहोर्यो ।

२२ बर्षिय अफगान लेग स्पिनर रशिद जारी आईपिएलमा १७ विकेटका साथ जारी आइपिएलमा सबैभन्दा बढी विकेट लिने खेलाडीहरुमा तेश्रो स्थानमा रहेका छन् । दिल्लीका तिब्र गतिका दक्षिण अफ्रिकी बलर कागिसो रबाडाको २३ र अर्का फास्ट बलर किंग्स इलेभेन पञ्जाबका मोहम्मदा सामीको २० विकेट रहेको छ ।

रशिदले पहिलो पटक यस्तो गरेका होइनन् । उनी हरेक फ्रान्चाइज ट्वान्टी ट्वान्टी प्रतियोगितामा आफ्नो टिमको मुख्य हतियार हुने गर्छन् । चाहे त्यो अष्ट्रेलियन बिग ब्याश लिग होस या क्यारेबियन प्रिमियर लिग । उनलाई हैदराबादले त्यत्तिकै रिटेन गरेको होइन र फ्रान्चाइजहरुले उनीमाथि त्यत्तिकै पैसा बगाइरहेका छैनन् ।

आईपिएलको १३ औं सिजनमा मङ्गलवारको प्रदर्शनपछि रशिदको इकोनोमी ५ मा झरेको छ । सबैभन्दा बढी विकेट लिने पाँच खेलाडीको सुचीमा रहेकाहरुलाई उनले लामै दुरीले पछि पारेका छन् । राजस्थान रोयल्सका इङ्गल्याण्ड फास्ट बलर जोफ्रा आर्चरको ६ दशमलव ७१ इकोनोमी त्यो सुचिमा रशिदपछि दोश्रो स्थानमा रहेको छ ।

र यो सबै दुर्घट्ना पनि होइन । किन गाह्रो छ त रशिदबिरुद्ध ट्वान्टी ट्वान्टी रन बटुल्न ?

“चाहे म विकेट हात पार्न सकौं या नसकौं, मेरो मुख्य ध्यान भनेको इकोनोमिकल्ली बलिङ्ग गर्नेमा मात्रै हुन्छ । डट बलले मलाई विकेट दिन्छ र अर्को एन्डबाट पनि बलरहरुले विकेट पाउछन्,” रशिद आफै भन्छन् ।

“म स्कोरबोर्डको बारेमा कहिल्यै पनि सोच्दिन । टार्गेट के हो र पहिलो ब्याटिङ्ग गर्दा राम्रो स्कोर के हो मलाई मतलब हुदैन । मेरो दिमागमा सबै कुरा स्पष्ट छ । मैले सहि ठाँउमा बलिङ्ग गर्नु पर्यो र त्यो गर्ने हो भने मलाई कुनै ब्याट्स्म्यानले दुख दिन सक्दैन । तपाईले बलिङ्ग गर्दा ब्याट्स्म्यानको दिमागसँग खेल्नु पर्ने हुन्छ । ब्याट्स्म्यानले के गर्ने प्रयास गर्दैछन् त्यही अनुरुप आफ्नो आक्रमणमा विविधता ल्याउन आवस्श्यक छ,” रशिदले भने ।

मङ्गलवार दिल्लीको पहिलो दुई विकेटमा क्याच लिएका वार्नर शुरु देखि नै आक्रमक देखिन्थे । उनको त्यो बडी ल्याङ्गवेजलाई थप उर्जा दिने काम रशिदले गरेका थिए । रशिदमाथि वार्नरको बिश्वास सधै उच्च नै रहने गरेको छ ।

“व्याट्स्म्यानहरुले रशिदलाई प्रहार गर्न नजानु एक स्तरीय बलरले पाएको सम्मान हो भनेर स्पष्छ हुन्छ । उनी जति बेला पनि राइट एरियामा मात्रै बलिङ्ग गर्छन् । मैदानमा शित हुँदा पनि उनको विकेट लिन सक्ने अद्वितीय प्रतिभा छ,” वार्नरले भने ।

२०१८ देखि अन्तर्राष्ट्रिय क्रिकेट काउन्सिलको बरियतामा नम्बर एक ट्वान्टी ट्वान्टी अन्तर्राष्ट्रिय बलर कायम रहेका रशिद २०१७ मा आईपिएलमा डेब्यु गरेदेखि नै सबैभन्दा बढी डट बल गर्ने प्रमुख पाँच खेलाडीहरुको सुचिमा रहदै आएका छन् । २०१८ मा उनी पहिलो स्थानमा थिए, यो त्यही बर्ष थियो जब हैदराबादले उनलाई अरु कुनै फ्रान्चाइजका लागि खेल्न नदिने निर्णय गरेको थियो ।

जारी आईपिएलमा पनि रशिद सबैभन्दा बढी डट बल गर्ने खेलाडीहरुको सुचिमा दोश्रो स्थानमा रहेका छन् । उनले १ सय ३५ डट बल गरेका छन् भने राजस्थानका आर्चर १ सय ४७ डटसहित पहिलो स्थानमा रहेका छन् । के थाहा हैदरावाद प्लेअफमा क्वालिफाई हुने हो भने मङ्गलवारको जस्तो बलिङ्ग गर्दै रशिदले आर्चरलाई नै पछाडी पार्ने हो की ?

एउटा कुरा के स्पष्ट भने ट्वान्टी ट्वान्टीमा विकेट भन्दा पनि डट बलको महत्व बिशेष हुन्छ । कुनै इनिङ्गसको अन्त्यमा विकेटलाई डट बलको रुपमा हेर्न थालिएको छ । त्यो डट बल फाल्न रशिद माहिर छन् त्यसै कारण उनी ट्वान्टी ट्वान्टीमा खेल्नै नसकिने बलर बन्दै गएका छन् ।

Continue Reading

IPL 2020

दिल्लीको लज्जास्पद हार

wesportz

Published

on

पछि इन्डियन प्रिमियर लिग (आईपीएल) अन्तर्गत ४७ औँ खेलमा दिल्ली क्यापिटल्सले सनराईजर्स हैदराबादसँग ८८ रनको लज्जास्पद हारको सामना गरेको छ ।

जितका लागि २२० रनको विशाल लक्ष्य लिएर ब्याटिङमा आएको दिल्लीले १९ ओभर खेल्दै अफ्न सबै विकेट गुमाएर मात्र १३१ रन बनाउन सक्यो ।

१२ औं खेलमा दिल्लीको यो पाँचौं हार हो भने १२ खेल नै खेलेको हैदराबादको यो पाँचौं जित हो । आजको खेलमा जित दर्ता गराए पछि दिल्ली अंक तालिकाको छैठौं स्थानमा उक्लिएको छ भने दिल्ली तेश्रो स्थानमा झरेको छ । मुम्बई इन्डियन्स, रोयल च्यालेन्जर्स बेंगलोर र दिल्लीको अंक तालिकामा समान १४-१४ अंक रहे पनि नेट रन रेटका आधारमा मुम्बई पहिलो, बेंगलोर दोश्रो तथा दिल्ली तेश्रो स्थानमा रहेका छन् ।

सुरुवात देखि नै लगातार रुपमा विकेट गुमाएको दिल्लीका ओपनर शिकार धवन पहिलो ओभरको तेश्रो बलमा नै गोल्डेन डकआउट हुन पुगे । त्यस पछि ब्याटिङमा आएका मार्कस स्टोइनिश पाँच, शिम्रोन हेटमायर १६ तथा ओपनर अजिंक्य रहाने पनि २६ रन बनाएर आउट भए भने कप्तान श्रेयस ऐयर सात रन बनाएर पेभेलियन फर्किए ।

अक्सर पटेलले एक, कागिसो रबाडा सात बनाएर आउट भए । त्यस्तै दिल्लीको तर्फबाट सर्वाधिक रन बनाएका विकेट किपर ब्याट्सम्यान रिशब पन्त पनि ३५ बलमा २६ रन बनाएर सन्दिप शर्माको शिकार बने । रविचन्द्रन अश्विन सात, एनरिच नोर्ट्जे एक रन बनाएर आउट भने भने तुषार देशपाण्डेले नौं बलमा २० रनको तुफानी पारी खेले ।

हैदराबादलाई फराकिलो जित दिलाउने क्रममा क्रममा रशिद खानले चार ओभर बलिङ गर्दै मात्र सात रन खर्चिएर सर्वाधिक तीन विकेट हात पारे भने टि नटराजन र सन्दिप शर्माले समान ४-४ ओभर बलिङ गर्दै क्रमश २६ र २७ रन खर्चिएर समान २-२ विकेट आफ्नो नाममा दर्ता गराए ।

यस अघि दुबई अन्तरास्ट्रिय क्रिकेट रंगशालामा टस हारेर पहिले ब्याटिङ गरेको हैदराबादले २० ओभर खेल्दै दुई विकेटको नोक्सानीमा २१९ रन बनायो ।

हैदराबादको तर्फबाट ओपनर रिद्दीमन शाहले सर्वाधिक ८७ रन बनाए भने अर्का ओपनर तथा कप्तान डेभिड वार्नरले पनि ६६ रनको पारी खेले । ४५ बल खेल्दै १२ चौका र दुई छक्का प्रहार गरेका शाह र ३४ बलमा आठ चौका र दुई छक्का प्रहार गरेका वार्नरले पहिले विकेटका लागि नौं दशमलब चार ओभरमा १०७ रन जोड्दै तुफानी सुरुवात दिए ।

कप्तान वार्नर आउट भए पनि शाहले दोश्रो विकेटका लागि तेश्रो नम्बरमा ब्याटिङ गर्न आएका मनिष पाण्डेसँग मिलेर २९ बलमा आक्रमक ६३ रनको साझेदारी गरे ।

अविजित रहेका पाण्डेले ३१ बलमा चार चौका र एक छक्का प्रहार गर्दै ४४ रन तथा केन विलियमसनले १० बलमा अविजित ११ रनको पारी खेले ।

दिल्लीका एनरिच नोर्ट्जे र रविचन्द्रन अश्विनले समान १-१ विकेट हात पारे ।

पहिलो लेगमा हैदराबादले दिल्लीलाई १५ रनले पराजित गरेको थियो । पहिले ब्याटिङ गरेको हैदराबादले २० ओभरमा चार विकेट गुमाएर १६२ रनको मध्यम योगफल बनाउन सक्यो भने जवाफी ब्याटिङ गरेको दिल्लीले पुरै २० ओभर खेल्दै सात विकेटको नोक्सानीमा १४७ रन मात्र जोड्न सक्यो ।

Continue Reading
IPL 20201 hour ago

प्लेअफको लक्ष्य सहित मुम्बई र बेंगलोर भिड्दै 

Headline3 hours ago

ट्वान्टी–ट्वान्टीमा रशिद खान किन यस्तो घातक ?

Headline5 hours ago

१ सय मिटरका बिश्व बिजेता कोलम्यान दुई बर्षको प्रतिबन्धमा

अन्तर्राष्ट्रिय7 hours ago

डि भिलियर्स बिग ब्यास लिग नखेल्ने, मुजिब यस पटक पनि ब्रिस्बेनमा

Headline8 hours ago

बाइ! बाइ! बार्तोमेउ। अन्ततः राजीनामा दिए बार्सिलोना अध्यक्षले

Headline9 hours ago

च्याम्पियन्स लिग: रोनाल्डो बिना बार्सिलोना विरुद्ध खेल्दै युभेन्टस

Headline12 hours ago

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

Headline15 hours ago

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

Headline18 hours ago

एसी मिलान बराबरीमा रोकिदा इब्राहिमोभिचको दुई गोल

IPL 202020 hours ago

दिल्लीको लज्जास्पद हार

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending