Connect with us

IPL 2020

राजस्थानको लज्जास्पद हार, मुम्बई फेरी अंक तालिकाको शिर्ष स्थानमा  

wesportz

Published

on

तिब्र गतिका बलरहरु जस्प्रित बुम्रा र ट्रेन्ट बोल्ट चम्कँदा १३ औं संस्करणको इन्डियन प्रिमियर लिग (आईपीएल) अन्तर्गत आफ्नो आफ्नो पाँचौं खेलमा राजस्थान रोयल्सले साबिक विजेता मुम्बई इन्डियन्ससँग ५७ रनको लज्जास्पद हारको सामना गरेको छ । छैठौं खेलमा मुम्बईको यो चौथों जित हो भने पाँचौं खेलमा राजस्थानको तेश्रो हार हो ।

आजको जितसँगै मुम्बई अंक तालिकाको पहिलो स्थानमा उक्लिएको छ । मुम्बई भन्दा एक खेल कम खेलेको दिल्लीको पनि आठ अंक नै रहे पनि नेट रन रेटका आधारमा मुम्बईले पहिलो स्थान ओगटेको हो ।

१९४ रनको विशाल लक्ष्य लिएर ब्याटिङमा आएको राजस्थानका लागि ओपनर जस बटलरले अर्धशतकीय पारी खेले पनि अन्य ब्याट्सम्यानले योगदान दिन नसक्दा १८ दशमलब एक ओभर खेल्दै मात्र १३६ रनमा अलआउट हुन पुग्यो ।

राजस्थानको लागि बटलरले सर्वाधिक ४४ रन बनाए । ओपनिङमा ब्याटिङ गर्न आएका उनले ४४ बलको सामना गर्दै चार चौका र पाँच छक्का प्रहार गरे । यस सिजन बटलरको यो पहिलो अर्धशतक हो ।

खराब सुरुवात गरेको राजस्थानले पहिलो ओभरको दोश्रो बलमा नै ओपनर यशस्वी जैसवाल शुन्य रनमा ट्रेन्ट बोल्टको बलमा आउट भए । दोश्रो ओभरको चौथों बलमा छ रन बनाएका कप्तान स्टिभ स्मिथ जस्प्रित बुम्राको बलमा पेभेलियन फर्किए । त्यस पछि ब्याटिंङ गर्न आएका सन्जु सामसन पनि खाता खोल्न नपाउँदै बोल्टको नै शिकार भए ।

एक एण्डबाट बटलर टिकेर खेले पनि अर्को एण्डबाट राजस्थानले लगातार रुपमा विकेट गुमाई राख्यो ।राजस्थानका अन्य ब्याट्सम्यानमा महिपाल लोम्रोर ११, टम कुर्रान १५, राहुल टेवाटिया पाँच रन, श्रेयस गोपाल एक,

राजस्थानको पारी ध्वस्त पार्ने क्रममा मुम्बईका जस्प्रित बुम्राले सर्वाधिक चार विकेट हात पारे भने ट्रेन्ट बोल्ट र जेम्स प्याटिनसनले समान दुई-दुई विकेट आफ्नो नाममा दर्ता गराए । समान चार – चार ओभर बलिङ गरेका बुम्रा र बोल्टले क्रमश २० र २६ रन तथा प्याटिनसनले तीन दशमलब एक ओभरमा १९ रन खर्चिए ।

यस अघि शेख जयाद क्रिकेट रंगशालामा टस जितेर पहिले ब्याटिङ गर्ने निर्णय गरेको मुम्बईले पुरै २० ओभर खेल्दै चार विकेटको नोक्सानीमा १९३ रन बनायो ।

मुम्बईको लागि तेश्रो नम्बरमा ब्याटिङ गर्न आएका सुर्य कुमार यादवले अविजित रहँदै सर्वाधिक ७९ रन बनाए । ४७ बलको सामना गरेका उनले ११ चौका र दुई छक्का प्रहार गरे ।

यादव बाहेक ओपनरद्वय क्विन्टन डि कक २३ र कप्तान रोहित शर्मा ३५ रन बनाएर आउट भए । अघिल्ला खेलहरुमा राम्रो ब्याटिङ गरेका इशान किशान श्रेयस गोपालको बलमा गोल्डेन डक आउट भए । त्यस्तै कुर्नाल पाण्ड्याले पनि १२ रन भन्दा जोड्न सकेनन् भने हार्दिक पाण्ड्याले १९ बल खेल्दै दुई चौका र एक छक्काको मद्धतमा अविजित ३० रनको योगदान दिए ।

राजस्थानका श्रेयस गोपालले चार ओभर बलिङ गर्दै २८ रन खर्चिएर सर्वाधिक दुई विकेट हात पारे । त्यस्तै महँगो साबित भए पनि जोफ्रा आर्चर र आजको खेलमा आईपीएलमा डेब्यु गरेका भारत यु१९ टोलीका कार्तिक त्यागीले पनि समान १-१ विकेट आफ्नो नाममा दर्ता गर्न सफल भए ।

यस सिजनको उद्घाटन खेलमा चेन्नाई सुपर किंग्ससँग पाँच विकेटले पराजित भएको मुम्बईले दोश्रो खेलमा कोलकाता नाइट राईडर्सलाई ४९ रनको फराकिलो अन्तरले पराजित गर्यो । रोयल च्यालेन्जर्स बेंगलोरसँगको खेल बराबरीमा टुंगिए पनि मुम्बई सुपर ओभरमा पराजित हुन पुग्यो । मुम्बईले त्यस पछिका दुई खेलमा किंग्स ११ पन्जाबलाई ४८ रनले र सनराईजर्स हैदराबादलाई ३४ रनले पराजित गर्यो ।

प्रतियोगिताको आफ्नो पहिलो दुई खेलमा जित हात पार्दै उत्कृस्ट सुरुवात गरेको राजस्थान पछिल्लो दुई खेलमा भने पराजित हुन पुग्यो । आफ्नो पहिलो खेलमा चेन्नाई सुपर किंग्सलाई १६ रनले र दोश्रो खेलमा किंग्स ११ पन्जाबलाई चार विकेटले पराजित गरेको राजस्थान कोलकाता नाइट राईडर्ससँग ३७ रनले र रोयल च्यालेन्जर्स बेंगलोरसँग आठ विकेटले पराजित हुन पुग्यो ।

मुम्बई र राजस्थान कुल २३ पटक एक आपसमा भिडेका छन् जसमा दुबै टोलीले ११-११ खेल जितेका छन् भने एक खेल रद्द भएको थियो । उनीहरु आईपीएलमा २१ पटक भिड्दा १०-१० खेल जित्न सफल भएका थिए ।

पछिल्लो पाँच खेलको नतिजा हेर्ने हो भने मुम्बई राजस्थान अघि निरिह रहेको छ । पाँच खेलमा राजस्थानले चार खेलमा जित हात पार्दा मुम्बईले एक खेल मात्र जित्न सकेको थियो ।मुम्बईले पछिल्लो पटक राजस्थानलाई सन् २०१५ को सिजनमा पराजित गरेको थियो ।

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading

IPL 2020

पहिलो पटक उपाधि जित्न दिल्लीले मुम्बईलाई १५६ रन भित्र रोक्न पर्ने

wesportz

Published

on

खराब सुरुवात गरे पनि कप्तान श्रेयस ऐयर र विकेट किपर ब्याट्सम्यान रिशब पन्तले अर्धशतक प्रहार गरे पछि १३ औं संस्करणको इन्डियन प्रिमियर लिग (आईपीएल) को फाइनल जित्नका लागि दिल्ली क्यापिटल्सले साबिक विजेता मुम्बई इन्डियन्सलाई १५७ रनको लक्ष्य दिएको छ ।

दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

दिल्लीले आजको खेलमा कुनै पनि परिवर्तन गरेको छैन । आजको खेलमा पनि नेपाली लेग स्पिनर सन्दिप लामिछानेले खेल्ने मौका पाएनन् । उनले यस पटकको पुरै सिजन बेञ्चमा नै बिताउन बाध्य भए ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो ।

दिल्ली पहिलो पटक फाइनल खेल्न लागेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेल्दै छ । यस अघि मुम्बईले पाँच मध्य चार पटक उपाधि पनि चुमेको थियो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

दिल्ली र मुम्बई आईपीएलमा २७ पटक एक आपसमा भिड्दा मुम्बईले १५ तथा दिल्लीले १२ खेलमा जित हात पारेका छन् ।

Continue Reading
Headline5 mins ago

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

Headline4 hours ago

इस्तानबुलबाट पोर्टो सर्यो च्याम्पियन्स लिग फाइनल

Headline6 hours ago

२४ घण्टा पनि नबित्दै काठमाडौँ विरुद्ध क्वालिफायर्स खेल्दै ललितपुर

Headline6 hours ago

युरोपियन राउण्डअप: एट्लेटिकोलाई चार अंकको अग्रता, चेल्सी पराजित, पिएसजी फाइनलमा

Headline9 hours ago

श्रीलंका लंका प्रिमियर लिगको दोश्रो संस्करण आयोजना गर्दै

Headline23 hours ago

अन्जनको डाइभिङ्ग हेडरसँगै ललितपुरले पायो फाइनलको लागि दोश्रो मौका

Headline1 day ago

नेपाल सुपर लिग एलिमिनेटरः बुटवल लुम्बिनी लगातार मौकामा चुक्दै

अन्तर्राष्ट्रिय1 day ago

बंगलादेशसँगको एकदिवसीय शृंखलाका लागि पारेरा कप्तान नियुक्त, चन्दिमल र म्याथ्युस टोलीमा अटाएनन्

Headline1 day ago

ललितपुर सिटी र बुटवल लुम्बिनी एलिमिनेटरमा खेल्दै

Headline1 day ago

लेभान्टेसँगको बराबरी पछि उपाधि होडमा बार्सिलोनालाई गार्हो

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!