Connect with us

Headline

सिरी आ, सेभियाको बार्सिलोना परिक्षा र ओलम्पिकोः युरोपमा यो सप्ताहन्त के हेर्ने

wesportz

Published

on

युरोपियन फुटबलको यो सप्ताहन्त निकै रोमाञ्चक हुने निश्चित छ । इटालीमा दुई ठूला खेल रहेका छन् भने बायर्न म्युनिख बुन्डेसलिगामा जितका साथ पुनरागमन गर्न चाहन्छ । फ्रेन्च लिग वानका दुई ठूला टोली आइतबार भिड्नेछन् ।

पिर्लोको युभेन्टसलाई नापोलीको चुनौति

गत हप्ता युभेन्टसले रोमासंग बराबरी गर्दा उ क्रिष्चियानो रोनाल्डो प्रति आभारी थियो । रोनाल्डोले नै दुई गोल गरेपछि युभेन्टस पराजयबाट बाल-बाल बचेको थियो । आइतबार नापोलीसंगको खेल नयां प्रशिक्षक आन्द्रे पिर्लोका लागि अर्को कठिन परिक्षा हुनेछ ।

नापोली र युभेन्टसबीच केही बर्ष यता प्रतिस्पर्धात्मक प्रतिद्वान्दिता स्थापित हुदै आएको छ । इन्टर मिलान गत सिजन सिरी आ को उपबिजेता बन्नुअघि जेनारो गाट्टुसोको टोली लगातार तीन सिजन तेश्रो हुदै आएको थियो । गत सिजन नापोली सातौं भएपनि इटालियन कपको फाइनलमा भने युभेन्टसलाई हराउन सफल भएको थियो ।

सिरी आ मा गत सिजन नापोलीले युभेन्टसलाई आफ्नो घरमा हराएपनि अवे खेलमा भने ४-३ ले हार्न पुगेको थियो । जेनाओलाई ६-० ले ध्वस्त पारेको नापोलीले लगातार दुईजित हात पार्दै यो सिजन सुखद शुरुवात गरिसकेको छ ।

इन्टर मिलान मनोरञ्जनका लागि गोलको बर्षा गर्दै

लामो समय देखिको इन्टरको दबदबालाई समाप्त गर्ने दाउमा रहेको इन्टरले सिरी आ मा उत्कृष्ट शुरुवात गरेको छ । फियोरेन्टिना (४-३) र बेनेभेन्तो (५-२) लाई पराजित गर्दा इन्टरले ९ गोल गरिसकेको छ । ती मध्ये तीन रोमेलु लुकाकुको नाममा रहेको छ ।

गत सिजन महत्वपूर्ण खेलमा लाजियोसंग २(ले हार्न पुगेको इन्टर आइतबार उक्त हारको बदला लिन चाहन्छ । लाजियो सिजनको दोश्रो खेलमा एट्लान्टासंग ४-१ ले हार्न पुगेको थियो । स्टाडियो ओलम्पिकोमा हुने खेलमा गोलको बर्षा हुने अपेक्षा गर्न सकिन्छ ।

सेभियाले स्पेनिस महारथीलाई चुनौति दिन सक्ला ?

संस्थागत रुपमा बार्सिलोना संकटमा हुन सक्ला तर घरेलु समर्थकको अनुपस्थितिमा पनि बार्सिलोना क्याम्प नोउमा निकै बलियो टोली हो । लियोनेल मेस्सीको क्लब छोड्ने घोषणा पछि उत्पन्न संकट पछि रोनाल्ड कोमनको प्रशिक्षकत्वमा पहिलो खेल खेल्दा बार्साले भिलारियाललाई ४-० ले हराएर यसलाई साबित गरिसकेको छ ।

युरोपा लिग बिजेता सेभिया राम्रो खेल्दै बार्सिलोनासंगको दुरी घटाउने अपेक्षामा हुनेछ । बार्सिलोना र रियल म्याड्रिड  पहिलेजस्तौ बलियो नरहेको स्थितिमा कुनै अन्य टोलीले उनीहरुलाई पाखा लगाउदै उपाधि जित्ने यो दुर्लभ सिजन हुन सक्छ ।

एट्लेटिको म्याड्रिडबाहेक सेभियालाई नै यसपटक स्पेनका दुई ठूला टोलीहरुको प्रमुख प्रतिस्पर्धी बन्न सक्ने टोलीको रुपमा हेरिएको छ । आइतबारको खेलले यस तथ्यलाई केही हदसम्म प्रमाण जुटाउन मद्दत गर्नेछ ।

के हर्था बर्लिन जर्मनीमा एक शक्ति बन्न सक्ला ?

बायर्न म्युनिख गत साता होफेन्हाइमसंग ४-१ ले स्तब्ध हुदा उसको बुन्डेसलिगाको २३ खेलको अपराजित यात्रामा पूर्णबिरामा लागेको थियो । तर त्यो हार यता जर्मन च्याम्पियनको लागि राम्रो दिन फर्किसकेको छ । बायर्नले बोरुसिया डर्टमण्डलाई हराउदै जर्मन सुपर कुप जित्यो भने रोबर्ट लेवान्डोस्कीले युएफा बर्ष पुरुष खेलाडी र ह्यान्सी फ्लिकले उत्कृष्ट प्रशिक्षकको पुरस्कार प्राप्त गरे।

होफेन्हाइमसंगको हार बायर्नका लागि असामान्य झड्का हुन सक्छ तर हर्थासंगको खेल भने बायर्नको लागि सबैभन्दा कठिन परिक्षा हुन सक्छ । पछिल्लो दुई टान्सफर विन्डोमा हर्थाले एक सय मिलियन भन्दा बढी खर्च गरेको छ । युरोपमा खेल्ने लक्ष्य सहित हर्थाले पैसा बगाएको हो र यसको मुल्य उसले जसरी पनि फिर्ता लिन चाहन्छ । जस्तो सुकै भएपनि हर्थाका लागि यो खेल आफू जर्मनीको उत्कृष्ट टोलीभन्दा कति टाढा रहेको पत्ता लगाउन सक्नेछ ।

लायोन र मार्सेबीच घमासान

यी दुई टोली एक अर्कालाई घृणा गर्छन् र पुर्व मार्से प्रशिक्षक रुदी गार्सियाको लायोनको बेञ्चमा उपस्थितिले यसलाई अझै मसालेदार बनाएको छ । यो भिडन्तका लागि दर्शक नहुनु एक दुर्भाग्य हो र दुवै टोलीले पेरिस सेन्ट जर्माइनलाई उपाधिका लागि चुनौति दिन नसक्ने अर्को तर्फ छदैछ ।

आन्द्रे भिलास-बोआसको मार्से गत सिजनको उपबिजेता हो र यसपटक उ एक कदम अगाडी बढ्न चाहिरहेको छ । २५ बर्षमा पहिलो पटक युरोपियन प्रतियोगितामा छनोट हुन असफल लायोन भनेचौराहमा छ । सोमाबारको टान्सफर डेडलाइन अघि उसले आफ्ना प्रमुख खेलाडीहरु हुसेम अवार र मेम्फिस डिपे गुमाउने खतरामा रहेको छ ।

Headline

फेरि पनि टिममा अटाएनन् स्ट्राइकर बिमल

wesportz

Published

on

स्टार फरवार्ड बिमल घर्ती मगर बंगलादेशसँगको मैत्रीपूर्ण खेलमा पनि नेपाली टोली बाहिर रहने भएका छन् ।

नेपालले बंगलादेशसँग ढाकामा यहि नोभेम्बर १३ र १७ तारिखमा दुई मैत्रीपूर्ण खेल खेल्ने कार्यक्रम रहेको छ । तर आज मात्र उक्त दुई मैत्रीपूर्ण खेलका लागि प्रशिक्षक नियुक्ति पाएका बालगोपाल महर्जनले बिमललाई समावेश नगर्ने जनाएका छन् ।

नेपालका मुख्य प्रशिक्षक योहान कालिन अहिलेको अवस्थामा नेपाल आउन सम्भब नभए पछि एन्फाले बालगोपाललाई मुख्य प्रशिक्षकको जिम्मेवारी दिएको हो ।

विस्पोर्ट्जसँगको टेलिफोन कुराकानीमा बालगोपालले बिहिबारबाट सुरु हुने प्रशिक्षणमा यस अघि विश्वकप र एसिया कप छनोटका लागि बोलाइएको खेलाडीलाई नै निरन्तरता दिने जनाए । उनले आफुले पछिल्लो समय खेलाडीहरुको खेल राम्रोसँग नियाल्न नपाएका कारण पनि नयाँ खेलाडीलाई टोलीमा स्थान दिन आफुलाई गार्हो पर्ने जनाए ।

बिमलको खेल बारेमा आफुलाई राम्रो ज्ञान भएपनि उनले बंगलादेशसँगको मैत्रीपूर्ण खेलका लागि टोलीमा स्थान नदिने स्पस्ट पारे । “बिमल एन्फा एकेडेमीमा हुँदा मैले नै प्रशिक्षण दिएको हो । बिमल के कस्ता खेलाडी हुन् मलाई राम्रोसँग थाहा छ । तर यस पटकको मैत्रीपूर्ण खेलमा उनले स्थान पाउने छैनन्,” उनले भने ।

बिमल विश्वकप छनोट अन्तर्गत कुवेतबिरुद्ध भुटानमा आयोजना भएको खेलका लागि जाने अघिल्लो दिन काठमाडौँको नाइट क्लबमा अबेरसम्म बसेका कारण उनी सहित अन्य दुई खेलाडीलाई एन्फाको अनुशासन समितीले भारी प्रतिबन्ध लगाएका थिए ।

बिमल सहित अन्य दुई खेलाडी अन्जन बिष्ट र दिनेश राजबशीं पनि त्यो समय राष्ट्रिय टोलीबाट निकालिएका थिए तर अन्जनले भने ए डिभिजन लिग र आहा रारा गोल्डकपमा उत्कृष्ट प्रदर्शन गरे पछि राष्ट्रिय टोलीको क्याम्पमा पुन: स्थान बनाएका थिए ।

नेपालमा भएको १३ औँ दक्षिण एसियाली खेलकुदमा पनि मुख्य खेलाडी मनिएका यी तीन खेलाडीहरुलाई निलम्बित गरे पछी त्यस बेलाका प्रशिक्षक नै रहेका बाल गोपाल महर्जनले तीन नयाँ अनुहार राष्ट्रिय टिममा भित्र्याएका थिए । बिमलको स्थानमा प्रशिक्षक महर्जनले फ्रेन्ड्स क्लबका प्रिजेन तमाङलाई मौका दिएका थिए ।

बिमलले निलम्बन फुकुवा पछि ए डिभिजनमा मच्छिन्द्र क्लबबाट एक खेलमात्र खेलेका थिए भने त्यसपछि फ्याटफुट्ट मोफसलका प्रतियोगितामा देखिएका थिए । कुनै समय नेपाली फुटबलमा ‘हट पिक’ मा रहने बिमल अहिले अचानक यसरी हराउन पुग्दा उनले राष्ट्रिय टोलीमा कमब्याक गर्न नसक्नु निकै दुखद कुरा हो ।

बंगलादेशसँगको दुई मैत्रीपूर्ण खेलका लागि प्रशिक्षक तोकिएका बालगोपालको प्रशिक्षणमा नेपालले हालै नेपालमा नै सम्पन्न दक्षिण एसियाली खेलकुद अन्तर्गत साग फुटबलमा स्वर्ण पदक तथा बंगलादेशमा २०१६ मा बंगबन्धुको उपाधि हात पारेको थियो ।

Continue Reading

Headline

च्याम्पियन्स लिगमा आजः रियलको दोस्रो खेल, सिटी र मार्से भिड्दै

wesportz

Published

on

च्याम्पियन्स लिग अन्तर्गत समुह चरणको दोस्रो खेलहरु आजबाट शुरु हुँदै छन् । पहिलो खेलमा साविक बिजेता बायर्न म्युनिखले रसियन टोली लोकोमोटिभ मस्कोको समाना गर्दै छ ।

अघिल्लो खेलमा एट्लेटिको म्याड्रिडलाई चार गोल ठोकेको बायर्नले समुहको सभावित सबै भन्दा कमजोर टोली विरुद्ध खेल्न लागेको हो । अर्को खेलमा भने अघिल्लो सिजनको युरोपा लिग सेमिफाइनलमा आमने–सामने भएका दुई टोली शख्तर दोनेस्क र इन्टर मिलान भिड्दैछन् ।

रोमेलु लुकाकुको उत्कृष्ट फमका कारण अघिल्लो खेलमा पराजयको संघारमा पुगेर पनि इन्टर मिलानले २–२ को बराबरी खेलेको थियो । शख्तरले भने अघिल्लो खेलमा रियललाई उसकै मैदानमा ३–२ को लजास्पद हार चखाएको थियो । यी दुवै खेल राति १२ः१० मा शुरु हुने छन् ।

रियल म्याड्रिड भर्सेस बोरुसिया मोइन्चेनग्लाड्ब्याच

युक्रेनियन क्लब शख्तारसँग ३–२ को अप्रत्याशित हार ब्यहोरेको रियलले समुह चरण अन्तर्गतको दोस्रो खेलमा जर्मन क्लब मोइन्चेनग्लाड्ब्याचको समाना गरिरहेको हो । मोइन्चेनग्लाड्ब्याचले अघिल्लो खेलमा इन्टरलाई बराबरी रोकेको कारण उसको मनोबल उच्च छ । खेललाई प्रशिक्षक जिनेदिन जिदानको रियलमा अबको भविष्यलाई लिएर पनि जोडिएको छ ।

मोइन्चेनग्लाड्ब्याच र रियल म्याड्रिड छैँटौ पटक आमने–समाने हुँदै छन् । जर्मन टोलीको घरेलु रँगशाला बोरुसिया पार्कमा हुने खेल नेपाली समय अनुसार राती २ः१५ मा शुरु हुने छ ।

म्यानचेस्टर सिटी भर्सेस मार्से

एफसी पोर्टो विरुद्ध शान्दार जित निकल्दै यो सिजनको च्याम्पियन्स लिग राम्रो शुरुवात गरेको म्यानचेस्टर सिटीले दोस्रो खेलमा फ्रेन्च क्लब मार्सेसँग खेलिरहेको हो । मार्से पहिलो खेलमा ग्रिक टोली ओलम्पियाकोससँग १–० ले पराजित हुन पुगेको थियो ।

मार्से र सिटीले युरोपियन प्रातियोगितामा पहिलो पटक एक–अर्कासँग खेल्न लागेका हुन् । इङ्गलिस टोलीसँग पछिल्ला १० मध्ये एक खेलमा मात्र बिजयी रहेको मार्सेले दवावका कारण सिटीलाई ठुलो प्रतिस्पर्धा दिन सक्नेछ ।

सिटीका लागि लामो समय चोट बोकेका सर्जियो अगुएरोले यो खेलमा शुरुवाती एघारामा मौका पाउने देखिन्छ । खेल नेपाली समय अनुसार राती २ः१५ मा सुरु हुने छ । अन्य खेलहरुमा लिभरपुलले मिजिल्यान्ड, एट्लेटिको म्याड्रिडले आरबी साल्जबर्ग, पोर्टोले ओलम्पियाकोस र एट्लान्टाले आयक्सको सामना गर्दै छन् ।

Continue Reading

Headline

‘यो सिजन हामी केही खास गर्न सक्छौँ’

wesportz

Published

on

टोटनह्याम हट्सपरका कप्तान ह्यारी केनले यो सिजन टोटनह्यामले केही खास गर्न सक्ने प्रिमियर लिगमा बर्न्लेलाई १-० ले हराएपछि बताएका छन् ।

सन ह्युङ मिनले दोस्रो हाफमा हेडर गोल गरेसँगै बर्न्लेलाई पराजित गरेको टोटनह्याम प्रिमियर लिगको पाँचौ स्थानमा पुगेको छ ।

पहिलो खेलमा एवर्टनसँग पराजित भए पछि भने टोटनह्यामले लगतार १० खेलमा अपराजित रहेको छ ।

लगतार खेलहरु जित्दै गर्दा टोलीका कप्तान ह्यारी केनले भने यो सिजन टोटनह्यामले केही खास गर्ने बताएका हुन् ।

“हामीले पाँच बर्ष सम्म उपाधिको नजिक पुगेर पनि चुक्न पुगेका थियौँ तर यो सिजन भने हामी त्यस्तो हुन दिने छैनौँ,” केनले भने ।

“हामी यो सिजन भने केही गर्ने अठोट लिएका छौँ, यस्तो गुण भएका खेलाडी र प्रशिक्षक रहेका कारण पनि यो सिजन भने हामीले केही गरेर देखाउनु पर्ने छ,”

“हमीले यो सिजन केही गर्ने हो भने हरेक खेलमा हरेक अंक र जित निकाल्नु पर्ने छ,” केनले थपे ।

प्रिमियर लिगमा शिर्ष छ मा रहेका टोलीहरुलाई उछिन्दै एन्स्टन भिल्ला,एवर्टन र लिड्स जस्ता टोलीहरुले लगाताए खेलहरु जितिरहदा टोटनह्यामको पनि यो सिजन केही जित्ने सम्भावना बढ्दै गएको हो ।

“हमीसँग अझै समय बाँकी छ र हामी केही गरेर देखाउने छौँ,” केनले भने ।

Continue Reading
IPL 20201 hour ago

हैदराबाद पहिले ब्याटिङमा, सन्दिप लगातार १२ औं खेलमा पनि बेञ्चमा नै

Headline2 hours ago

फेरि पनि टिममा अटाएनन् स्ट्राइकर बिमल

IPL 20203 hours ago

प्लेअफको लक्ष्य सहित दिल्ली हैदराबादसँग भिड्दै 

Headline4 hours ago

च्याम्पियन्स लिगमा आजः रियलको दोस्रो खेल, सिटी र मार्से भिड्दै

राष्ट्रिय6 hours ago

बंगलादेश विरुद्धको मैत्रीपूर्ण खेलका लागि बालगोपाल प्रशिक्षक नियुक्त 

Headline9 hours ago

‘यो सिजन हामी केही खास गर्न सक्छौँ’

IPL 202021 hours ago

मन्दिप सिंह र क्रिस गेलको अर्धशतकमा पन्जाबको लगातार पाँचौं जित

IPL 202023 hours ago

गिलको अर्धशतकमा कोलकाताको मध्यम योगफल

Headline1 day ago

आफ्नो करिअरमा थपिएका असिमित संकटले घेरिएका मेस्सी

IPL 20201 day ago

पन्जाब विरुद्ध कोलकाता पहिले ब्याटिङमा

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending