Connect with us

Headline

लिग कपमा आज टोटनह्याम र चेल्सी भिड्दै 

wesportz

Published

on

ईंग्लिस लिग कप अन्तरगत आज हुने अन्तिम १६ को खेलमा दुई  लन्डन  क्लब टोटनह्याम हट्स्पर र चेल्सी भिड्दै छन् ।

टोटनह्यामको घरमा हुने खेलमा चेल्सीले नयाँ खेलाडी हकिम जियाच र क्रिष्चियन पुलिसिकलाई चोटका कारण गुमाएको छ भने टोटनह्यामले प्रिमियर लिग अन्तर्गत न्युकासल युनाइटेडसँग भएको खेलमा ह्यामस्टिर्ङको कारण स्टार खेलाडी ह्युङ मिन सनलाई गुमाएको छ ।

अघिल्लो चरणमा लीएटोन ओरिएन्टका खेलाडीहरुलाई कोरोना संक्रमण देखिए पछी टोटनह्यामले अन्तिम १६ मा स्वत: स्थान बनाएको थियो । चेल्सीले भने बार्न्सलेलाई ६-० ले हराउदै अन्तिम १६ मा स्थान बनाएको थियो ।

आजको खेलको बिजेताले क्वार्टर-फाइनलमा प्रवेश पाउने छ । आज चेल्सीका लागि नयाँ खेलाडी बेन चिलवेल र एड्वर्डो मेन्डीले पहिलो टोलीमा स्थान बनाएको चेल्सी प्रशिक्षक फ्रान्क लामपार्डले बताएका छन् ।

टोटनह्यामले आजको खेल पछि फेरी दुई दिनको अन्तरालमा युरोपा लिगको छनोट चरण खेल्ने छ । त्यही कारण पनि प्रशिक्षक होजे मोउरिन्होले लिग कपका लागि मुख्य खेलाडीहरु नखेलाउने बताएका छन् ।

खेल नेपाली समय अनुसार राती १२:३० मा सुरु हुने छ ।

Headline

गोलकिपर अशोक नायक बन्दा मनाङ आहा–रारा गोल्डकपको फाइनलमा

wesportz

Published

on

गोलकिपर अशोक बराल नायक बनेपछि मनाङ मस्र्याङ्गदी क्लब टाई ब्रेकरमा त्रिभुवन आर्मी क्लबलाई ४–३ ले पराजित गर्दै आहा–रारा गोल्डकपको फाइनलमा प्रवेश गरेको छ ।

पोखरा रँगशालामा निर्धारित ९० र ३० मिनेटको एक्स्ट्रा टाइममा दुवै तर्फबाट गोल हुन नसकेपछि खेलको निर्णय टाईब्रेकरबाट भएको थियो । टाई ब्रेकरमा चोटले ग्रस्त अशोकले महत्वपूर्ण प्रहार बचाउदा मनाङले जित हात पार्यो ।

मनाङले अब सातौं पटक उपाधि जित्नका लागि फाइनलमा नेपाल एपिएफ क्लबसँग खेल्नेछ । एपिएफ बुधबार मच्छिन्द्र फुटबल क्लबलाई ३–१ ले पराजित गर्दै १४ बर्षमा पहिलो पटक फाइनलमा प्रवेश गर्यो । चार पटक फाइनल प्रवेश गरेपनि एक पटक उपाधि नजितेको आर्मी यसपटक भने सेमिफाइनलबाटै बाहिरिन पुग्यो ।

टाई ब्रेकरमा आर्मीका दिपक गुरुङको प्रहार पोस्टमा ठोक्किए लगत्तै बिश्व अधिकारीले भने त्यही ठाँउमा हिर्काउदा दुवै टोली २–२ गोलको स्थितिमा रहेको थियो । अशोकले युद्ध शाहीको प्रहारलाई रोकेपछि मनाङको कप्तानी गरिरहेका ओलादिपो ओलावाले अफिजले निर्णायक प्रहारमा गोल गरेका थिए ।

यसअघि मनाङले आठौं मिनेटमा नै अग्रता बनाउने सुनौलो मौकालाई खेर फालेको थियो । एडिजालजा सोमिडेको क्रसलाई रोक्ने क्रममा बलले युद्धको हातमा लागेपछि मनाङले पेनाल्टी पाएको थियो । तर मनाङका कप्तान बिमल रानाले क्रसबारबाट धेरै माथि प्रहार गरेका थिए ।

दुवै टोलीबाट गोलका लागि धेरै प्रयास जारी रहेपनि सफल भने रहेका थिएनन् ।

Continue Reading

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading
Headline26 mins ago

गोलकिपर अशोक नायक बन्दा मनाङ आहा–रारा गोल्डकपको फाइनलमा

Headline9 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline10 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline23 hours ago

सबैलाई एक्सपोजर दिदै प्रशिक्षक अलमुताइरी

Headline24 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline1 day ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Trending

error: Content is protected !!