Connect with us

Headline

लिभरपुल र आर्सनल भिड्दा परिणाम निर्धारण गर्ने तीन प्रमुख लडाई

wesportz

Published

on

इङ्गलिस प्रिमियर लिगको शुरुवाती पहिलो दुई खेल जित्नु अघि एफए कप र कम्युनिटी शिल्ड जिताएका मिकेल आर्टेटाले आर्सनलाम मुड परिवर्तन गराएको लिभरपुल व्यवस्थापक योर्गेन क्लोप मान्छन् ।

तर आर्सनलको लागि यो सिजनको सबैभन्दा कठिन परिक्षा भने सोमबार एन्फिल्डको यात्रा रहनेछ । एन्फिल्डमा लिभरपुल पछिल्लो ६० प्रिमियर लिग खेलमा अपराजित रहेको छ । आर्सनल व्यवस्थापक आर्टेटा लिभरपुलको घर उनले यात्रा गर्न गइरहेको सबैभन्दा गाह्रो ठाँउ रहेको मानेका छन् ।

यद्दपि, प्रिमियर लिग डिफेन्डिङ्ग च्याम्पियनबिरुद्ध पछिल्लो तीन महिनामा हात पारेको जितहरुले आत्मबिश्वास दिनेछ । सोमबारको ठूलो लिग खेलमा हार जितको निर्णय गर्ने प्रमुख तीन लडाइ कस्ता छन् त ?

ट्रेन्ट एलेक्जेण्डर आर्नोल्ड भर्सेस पिएरे एमेरिक–औबामेयाङ

औबामेयाङ आर्सनललाई पुर्नजिवित बनाउने एक प्रमुख आधार रहेका छन् । उनले एफए कपको सेमिफाइनलमा म्यानचेस्टर सिटी र फाइनलमा चेल्सीबिरुद्ध दुई गोल गरेका थिए । त्यति मात्र नभएर कम्युनिटी शिल्डमा पनि गोल गर्दै लिभरपुलबिरुद्ध टाइ ब्रेकरको बिजयी पेनाल्टी प्रहार गरेका थिए ।

आर्टेटाले क्लोपको अनुशरण गर्दै वाइड एरियाबाट गोल गर्ने आफ्नो प्रमुख हतियारलाई प्रयोग गर्दै आइरहेका छन् भने एलेक्जेण्डर–आर्नोल्ड अगाडी बढ्दै छोड्न सक्ने खाली ठाँउबाटै औबामेयाङ आक्रमण गर्न खोज्नेछन् ।

आर्सनलको काउन्टर अट्याकमा जुन स्पिड छ त्यसले समस्या सृजना गर्न सक्छ, क्लोप भन्छन् । तर औबामेयाङले नपछ्याएका लिगको सबैभन्दा रचनात्मक खेलाडी मध्येका एक एलेक्जेण्डर–आर्नोल्डबाट लिभरपुलले भने धेरै फाइदा उठाउन सक्छ ।

सामान्य चोटका कारण एलेक्जेण्डर–आर्नोल्डले कम्युनिटी शिल्ड गुमाउदा औबामेयाङले अनुभवहीन नेस्को विलियम्सको उपस्थितिको फाइदा उठाउन पाएका थिए । उनको आगमनपछि भने लिभरपुल टोलीमा भिन्नता स्पष्ट देखिनेछ ।

थियोगो अल्कन्टारा भर्सेस ग्रानित जाका

उपाधि रक्षा गर्ने योजनासहित लिभरपुलले बायर्न म्युनिखबाट बिश्वस्तरीय अल्कन्टारालाई अनुबन्ध गरेको हो । आफूले लिगमा दिन सक्ने कुराको एक झलक दिदै अल्कन्टाराले गत हप्ता स्ट्याम्फोर्ड ब्रिजमा लिभरपुलले २–० को जित हात पार्दा मात्र दोश्रो हाफ खेलेपनि चेल्सी कुनै पनि खेलाडीले भन्दा बढी पास दिएका थिए ।

जोर्डन हेन्डरसन चोटग्रस्त हुदा स्पेनिस अन्तर्राष्ट्रिय अल्कान्टाराले पहिलो पटक लिभरपुलको लागि शुरुवाती ११ मा स्थान पाउन सक्नेछन् । र जाकाको काम भनेको अल्कन्टारालाई खेलमा नियन्त्रण गर्न नदिने हुनेछ । स्विस फुटबलर जाकाको खेलमा जुन परिवर्तन आएको छ त्यसले आर्टेटाको आगमनपछि आर्सनलमै आएको परिवर्तनलाई प्रतिबिम्बित गरेको छ ।

क्रिष्टल प्यालेसको खेलबिरुद्ध सब्स्टिच्युट हुदा आफ्नो आर्म ब्याण्ड निकाल्दै आफ्नै समर्थकहरुलाई मुख छाड्ले जाकाले मैदान छोडेको एक बर्ष पनि भएको छैन । तर त्यसयता आर्सनलको मिडफिल्डको मुटु बन्दै उनले समर्थकहरुको भरपुर साथ फेरि कमाएका छन् ।

मोहम्मद सलाह भर्सेस किरान टिएर्ने

सिजनको पहिलो दिन लिड्सबिरुद्धको सनसनीपूर्ण जितमा ह्याट्रिक गरेका मोहम्मद सलाहको प्रिमियर लिग इतिहासमा लिभरपुलको घरेलु मैदानमा ५७ खेलबाट ५१ गोल भइसकेको छ । ती मध्ये आर्सनलले तय गरेको तीन यात्राको प्रत्येक खेलमा उनले १–१ गोल गरेका छन् । तर आर्सनलको बाया तर्फको रक्षपंक्तिमा मजबुती ल्याएका टिएर्ने पहिलो पटक लिभरपुललाई एन्फिल्डमा सामना गरिरहेका छन् ।

स्कटिस टिएर्ने आर्सनलको तीन जनाको रक्षपंक्ति संरचनामा राम्ररी फिट हुन्छन् । ३२ मिलियन डलरमा सेल्टिकबाट आउनुअघि उनले गर्दै आइरहेको पोजेसन लिने कामका लागि पनि उनी उपयुक्त छन् ।

सलाहले चेल्सी र लिभरपुलका लागि आर्सनलबिरुद्ध खेलिएका सबै ६ खेलमा गोल गरेका छन् तर टिएर्ने संलग्न रहेको पछिल्लो दुई खेलमा भने उनले गोल गर्न सकेका छन् ।

Headline

अण्डर–२३ एसियन कप क्वालिफायर्सः बलियो इरानको सामना गर्दै नेपाल

wesportz

Published

on

नेपालले एएफसी अण्डर–२३ एसियन कप क्वालिफायर्स अन्तर्गत सोमबार आफ्नो पहिलो खेलमा बलियो इरानको सामना गरिरहेको छ ।

ताजकिस्तानको दुसान्बेमा हुन गइरहेको पहिलो खेल साँझ ४:४५ मा पामिर स्टेडियममा हुनेछ । समुह बीमा रहेको नेपालले आयोजक ताजिकिस्तान र लेबनानको पनि सामना गर्नु पर्ने भएका कारण नेपालको लागि समुह चरण निकै कठिन रहेको छ ।

२०२२ को अण्डर–२३ एसियन कप आयोजक उज्वेकिस्तान प्रतियोगिताका लागि छनौट भइसकेको छ । छनोट चरणमार्फत ११ समुह बिजेताले उज्वेकिस्तानको टिकट काट्ने छन् भने सबै समुहबाट चार उत्कृष्ट समुह बिजेताले १६ टिम सम्मिलित फाइनलमा स्थान बनाउने छन् ।

हालै साफ च्याम्पियनसिप उपबिजेता टोलीबाट ६ खेलाडी लिएर गएको नेपाली टोलीका लागि इरानसँग बराबरीले पनि ठूलो महत्व राख्न सक्छ । मनिष डाँगी, आयुष घलान, सुमन अर्याल, गौतम श्रेष्ठ, नितिन थापा र सुरज जेउ ठकुरीले माल्दिभ्समा नेपालका लागि साफ च्याम्पियनसिप खेलेका थिए ।

यी पाँच खेलाडीको आगमनले नेपाली टोलीको आत्मबिश्वास बढेको देखिन्छ । यसबाहेक अभिषेक रिजाल र एरिक बिष्टले पनि राष्ट्रिय टोलीबाट खेलिसकेको कारण नेपाली टिमलाई अनुभवी मान्न सकिन्छ ।

नेपालले प्रतियोगिता अघि भएको मैत्रीपूर्ण खेलमा इन्डोनेसियाको अण्डर–२३ टोलीसँग २–० को हार व्यहोरेको थियो । इरानसँग कम्तिमा पनि बराबरी गर्दै प्रतियोगिताको शुरुवात गर्ने प्रशिक्षक बालगोपाल महर्जनको लक्ष्य रहनेछ ।

बालगोपालले टिमको रुपमा प्रशिक्षण गर्न थोरै समय भएपनि आफ्नो टोलीले सक्दो राम्रो गर्ने बताएका छन् ।

“प्रशिक्षककै रुपमा पनि मैले तैयारीका लागि थोरै समय पाएको थिए । केही केटाहरु साफ च्याम्पियनसिपमा व्यस्त रहेको कारण पनि टिमको रुपमा प्रशिक्षणका लागि थोरै समय थियो । सबै टोली निकै राम्रा छन् र हामी राम्रो परिणामको अपेक्षा गरिरहेका छौं,” बालगोपालले भने ।

नेपालले अक्टोबर २८ मा ताजिकिस्तान र अक्टोबर ३१ मा लेबनानबिरुद्ध खेल्नेछ ।

Continue Reading

Headline

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

wesportz

Published

on

सिजनको पहिलो एल क्लासिकोमा बार्सिलोनालाई २–१ ले पराजित गर्दै रियल म्याड्रिडले आफ्नो निकटतम प्रतिद्वन्दी र उसको प्रशिक्षक रोनाल्ड कोमनमाथि थप दवाब बनाएको छ ।

क्याम्प नोउमा डेभिड आलाबाको उत्कृष्ट गोलमार्फत ३२ औं मिनेटमा अग्रता पाएको रियलको जितलाई लुकास भास्केजले दोश्रो हाफको इन्जुरी समयको तेश्रो मिनेटमा सुनिश्चित पारेका थिए ।

सर्जियो अगुएरोले खेल सकिन केही सेकेण्ड मात्र बाँकी हुँदा बार्साका लागि एक गोल फर्काएका थिए । उनले बार्साको लागि पहिलो गोल गरेका हुन् ।

सांघुरो हारमा पनि बार्सिलोनाको अवस्था नाजुक बन्ने निश्चितप्राय भने छ । बार्साले १९६५ पछि पहिलो पटक लगातार चार वटा एल क्लासिकोमा पराजय व्यहोरेको हो ।

रियल २० अंकका साथ पहिलो स्थानमा उक्लदा बार्सिलोना भने नवौं स्थानमा झरेको छ । यद्दपि यो सिजन शिर्ष स्थानमा निकै तिब्र प्रतिस्पर्धा हुँदा रियल, सेभिया र रियल सोसिडाडको समान २० अंक रहेको छ । बार्सिलोना मात्र ५ अंक पछाडी छ ।

गत साता ला लिगामा भ्यालेन्सिया र च्याम्पियन्स लिगमा डाइनामो किभलाई हराउदै पुनरागमन गरेको कोमनका लागि यो अर्को झड्का हो । यसले उनको भविष्यलाई पनि अन्धकारमा पार्ने डर कायम रहनेछ ।

६५ बर्षमा पहिलो पटक ६ खेलाडी २२ बर्ष भन्दा कमका रहे भने १७ बर्षिय बार्सिलोना मिडफिल्डर गाभी झण्डै एक शताब्दीमा क्लबका लागि एल क्लासिकोमा शुरुवात गर्ने सबैभन्दा कान्छा खेलाडी बने ।

Continue Reading

Headline

सलाहको ह्याट्रिकमा युनाइेटडले ओल्ड ट्राफोर्डमै लिभपुलसँग पाँच खायो

wesportz

Published

on

मोहम्मद सलाहले आफ्नो उच्च प्रदर्शन कायम राख्दै ह्याट्रिक पुरा गरेपछि लिभरपुलले सशक्त प्रदर्शन गर्दै म्यानचेस्टर युनाइटेडलाई उसकै घरमा ५–० को लज्जास्पद हार चखाएको छ ।

ओल्ड ट्राफोर्डमा नीरिह साबित भएको युनाइटेड पहिलो हाफमै चार गोलले पछि परेको थियो । यो सिजन आफ्नो लगातार १० औं खेलमा गोल गरेका सलाहले ५० औं मिनेटमा आफ्नो ह्याट्रिक पुरा गरेका थिए ।

दुई मिनेटपछि नै क्रिष्चियानो रोनाल्डोको गोललाई भिडियो असिस्टेन्ट रेफ्रिले अमान्य घोषित गरेका थिए । ६० औं मिनेटमा पउल पोग्बा रेड कार्ड खादै बाहिरिएपछि युनाइटेडको समस्य अझै बढेको थियो ।

सलाहले यो प्रिमियर लिग सिजन ९ खेलबाट १० गोल गरिसकेका छन् । उनले खेलमा एक असिस्ट पनि दिएका थिए । सलाहको पासमा नाबी किटाले पाचौं मिनेटमै लिभरपुललाई अग्रता दिलाए । त्यसपछि १४ औं मिनेटमा ट्रेन्ट एलेक्जेण्डर आर्नोल्डको क्रसमा डियोगो जोटाले गोल लाइन नजिकैबाट गोल गरे ।

सलाहले किटाको पासमा ३८ औं मिनेटमा लिभरपुलका लागि तेश्रो गोल गरे । उनले इन्जुरी समयको पाचौं मिनेटमा डियोगो जोटाको पासमा आफ्नो दोश्रो गोल गरे ।

सलाहले आफ्नो पछिल्लो दुई खेलमा पाँच गोल गरेका छन् । उनले यसअघि एट्लेटिको म्याड्रिडबिरुद्ध च्याम्पियन्स लिगमा दुई गोल गर्दा लिभरपुल ३–२ ले बिजयी भएको थियो ।

अंक तालिकामा लिभरपुल २१ अंकका साथ दोश्रो स्थानमा उक्लिएको छ भने पहिलो स्थानको चेल्सीको २२ अंक छ । नवौं चरणको खेलहरु समाप्त हुँदा म्यानचेस्टर सिटीको २० अंक छ । युनाइटेड १४ अंक सहित सातौं स्थानमा छ ।

Continue Reading
Headline6 hours ago

अण्डर–२३ एसियन कप क्वालिफायर्सः बलियो इरानको सामना गर्दै नेपाल

Headline19 hours ago

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

T20 World Cup 202119 hours ago

पाकिस्तानले पहिलो पटक बिश्वकपमा भारतलाई घुँडा टेकायो

Headline19 hours ago

सलाहको ह्याट्रिकमा युनाइेटडले ओल्ड ट्राफोर्डमै लिभपुलसँग पाँच खायो

Headline20 hours ago

लिभरपुलबिरुद्ध युनाइटेड पहिलो हाफमा ओल्ड ट्राफोर्डमै ४–० ले पछाडी

T20 World Cup 202121 hours ago

ट्वान्टी ट्वान्टी विश्वकप : कोहलीको अर्धशतकमा पाकिस्तानलाई १५२ रनको मध्यम लक्ष्य

T20 World Cup 202123 hours ago

ट्वान्टी ट्वान्टी विश्वकप – असलंका र राजापक्षाको अर्धशतकमा बंगलादेश माथि श्रीलंकाको सहज जित 

Headline1 day ago

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

Headline1 day ago

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

T20 World Cup 20211 day ago

भारतलाई हराउन सफल हुने पाकिस्तानी प्रधानमन्त्री इमरान खानको विश्वास

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!