Connect with us

Headline

पाँच देश जहाँ फुटबल लोकप्रिय खेल मानिदैन

wesportz

Published

on

फुटबललाई विश्वले मन पराउने गर्छ । फुटबल विश्वकप पृथ्वीको आधी जनसंख्याले हेर्ने गर्छन् । युरोपियन लिग र अन्य धेरै लिगहरु विश्वकै सबै भन्दा लोकप्रिय प्रतियोगिताहरु मध्ये पर्ने गर्छन् । तर आज हामी यस्ता देशको बारे लेख्दै छौँ जहाँ फुटबललाई धेरै रुचाइदैइन ।

५) अष्ट्रेलिया

पाँच पटक फिफा विश्वकप खेले पनि अष्ट्रेलियामा फुटबल लोकप्रिय खेलकुद मनिदैन । अष्ट्रेलियामा फुटबल बाहेक अन्य धेरै नौलो खेलहरु खेल्ने गरिन्छ । धेरै खेलकुद मनपराउने अष्ट्रेलियनहरु फुटबल भने धेरै रुचाउदैनन् । बरु उनीहरु छुट्टै किसिमको रुल्स फुटबलका ठुला समर्थक हुन् ।

रुल्स फुटबलसँगै अष्ट्रेलियामा क्रिकेट र रग्बीको लोकप्रियताले आकाश छुने गरेको छ । अष्ट्रेलियन क्रिकेट र रग्बी दुवैमा जहिले पनि बिश्वकप दाबेदार हुने गर्दछ । उसले क्रिकेट बिश्वकप चार र रग्बी बिश्वकप दुई पटक जितिसकेको छ । रग्बीमा अष्ट्रेलियाको टिमलाई वालबी भन्ने गरिन्छ ।

बिश्वकप नजितेको कारण नै अष्ट्रेलियनहरुको लागि फुटबल पहिलो रोजाइमा पर्दैन । केही वर्ष यता भने अष्ट्रेलियाको माथिल्लो श्रेणीको फुटबल ए–लिगमा धेरैले चासो दिएको देख्न पाईन्छ । युरोपियन फुटबलहरुमा पनि अष्ट्रेलियन खेलाडीहरुको राम्रै उपस्थिति रहे पनि अष्ट्रेलियनहरुका लागि क्रिकेट र रुल्स फुटबलको माया कसैले कम गर्न सक्दैन ।

४) क्यानडा

यदी तपाईं चिसो ठाउँमा बस्नु हुन्छ भने फुटबल तपाईंको लागि लोकप्रिय खेल नहुनु कुनै नौलो कुरा हैन । यस्तै क्यानडा पनि त्यही देशहरु मध्ये पर्दछ । एक पटक विश्वकपमा आफ्नो स्थान बनाएको क्यानडाका लागि फुटबल त्यति लोकप्रिय खेल भने होइन । फुटबलको स्थानमा क्यानडेली नागरिकहरु आइस हक्की धेरै मन पराउछन् ।

क्यानडेली क्लब भए पनि टोरोन्टो एफसी अमेरिकी लिग एमएलएसमा खेल्ने गर्छ । एमएलसमा टोरन्टो एफसीको खेल गत बर्ष धेरै समर्थकहरुले हेरेका थिए । तर पनि क्यानडामा फुटबललाई त्यती लोकप्रिय खेल भने मनिदैन । निकै सानो जनसंख्या रहेको क्यानडामा गत सिजन टोरन्टो र्याप्टर्सले अमेरिकन बास्केटल लिग एनबिए जित्दा बास्केटबलको समर्थकहरु भने ह्वात्तै बढेका छन् ।

३) अमेरिका

उत्तर अमेरिकामा जम्म दुई देश छन्, क्यानडा र अमेरिका । क्रिकेट बाहेक संसारका सबै खेल खेल्ने अमेरिकामा कुन खेल सबैभन्दा लोकप्रिय भन्ने बिषयमा विवाद भाईरहने गर्छ । तर फुटबल लोकप्रियमध्ये भने पर्दैन ।

अमेरिकनहरुले फुटबललाई सकर भन्छन् र उनीहरुले अमेरिकन फुटबल भन्ने गरेको खेल अन्तर्राष्ट्रिय रग्बीको आफ्नै परिमार्जित रुप हो । यसका आफ्नै नियमहरु रहेका छन् । नेशनल फुटबल लिग (एनएफएल) अमेरिकामा सबैभन्दा चर्चित र लोकप्रिय खेल हो । यसलाई त्यहा धर्मको रुपमा नै लिने गरिन्छ । यदि कसैले एनएफलको बिषयमा कुरा गर्न सक्दैन भने उ त्यो संवादमा फिट मानिदैन ।

अमेरिकाले खेलकुदमा आफ्नै दुनिया बसाएको छ । बेसबल, बास्केटबल र आइस हक्की पनि त्यहा निकै लोकप्रिय छन्, लामै समय देखि । अमेरिकाले १९९४ मा बिश्वकप आयोजन गरेपछि मात्रै त्यहा फुटबल लिग शुरु गरिएको हो । मेजर लिग सकर त्यहाको प्रथम श्रेणीको फुटबल हो ।

१९८६ देखी लागतार विश्वकप खेल्दै आएको अमेरिकी फुटबल टोली २०१८ को विश्वकपमा छनोट हुन भने चुकेको थियो । तर अमेरिकाको नयाँ पुस्ताका फुटबल खेलाडीहरु निकै उत्कृष्ट मानिने गरिन्छ । बिभिन्न अनुसन्धानहरुले भने अमेरिकामा फुटबल लोकप्रिय हुन धेरै समय नलाग्ने बताउछ ।

२) लिथुवानिया

युरोपियन देश भएर पनि फुटबल लोकप्रिय नभएको देश मध्ये पर्ने गर्दछ लिथुवानिया । लिथावानियामा बस्केटबल निकै लोकप्रिया खेल मानिन्छ । बस्केटबलमा धेरै उपाधी हात पारेको लिथवानियाको बास्केटबल टोली विश्वको उत्कृष्ट टोलीमा चौथोँ स्थानमा रहेको छ । फुटबललाई त्यसत नरुचाउने लिथुवानियनहरु बास्केटबल बाहेक एथ्लेटिक्स र साइकलिङलाई धेरै रुचाउने गर्छन् ।

लिथवानियन फुटबल टोली फिफाको बरियतामा १ सय ३१ औं स्थानमा रहेको छ । लिथवानियाले अहिले सम्म विश्वकप खेल्न सकेको छैन भने युरो कपको छनोट चरणबाटै बाहिरिदै आएको छ ।

१) भारत

भारत क्रिकेटको लागि पागल देश हो । फुटबल उनीहरुको रोजाइमा पर्दैन । बरु घरेलु फुटबल भन्दा बढी उनी युरोपियन लिग बढी फलो गर्ने गर्छन् । म्यानचेस्ट युनाइटेड भारतमा सबैभन्दा बढी फलो गरिने टोली हो । भारतमा पहिले हक्की सबैभन्दा बढी रुचाइएको खेल हुने गर्दथ्यो, कारण हो भारत ओलम्पिकमा हक्कीको स्वर्ण बिजेता नै थियो ।

तर पछि १९८३ मा क्रिकेट बिश्वकप जितेपछि हक्की पनि उनीहरुको पहिलो रोजाइबाट बाहिरियो । भारतले दुई पटक ५० ओभरको क्रिकेट बिश्वकप जितिसकेको छ ट्वान्टी ट्वान्टी बिश्वकपको पहिलो संस्करणको बिजेता पनि हो । २००७ मा पहिलो संस्करणको ट्वान्टी ट्वान्टी बिश्वकप जितेपछि भारतमा इण्डियन प्रिमियर लिग शुरु भयो र त्यसपछि क्रिकेटको लोकप्रियता झनै चुलियो ।

आइपिएलमा दर्शकको उपस्थिति इटालियन सिरी आ मा भन्दा बढी हुने गरेको छ । भारतले क्रिकेटकै शैलिमा इण्डियन सुपर लिग शुरु त गर्यो तर यसले लोकप्रियता पाउन सकेको छैन । दर्शकको अनुपस्थितिका कारण नै आईएसएल अहिले पनि घाटामा चलिरहेको लिग हो ।

Headline

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

wesportz

Published

on

क्रिकेट अष्ट्रेलियाले भारतले नोभेम्बरमा गर्न गइरहेको भ्रमणको तालिका सार्वजकि गरेको छ । कोरोना भाइरस संक्रमणका कारण क्रिकेट ठप्प भएपछि भारतले पहिलो अन्तर्राष्ट्रिय खेल्न गइरहेको हो ।

विराट कोहली नेतृत्वको टोलीले अष्ट्रेलियामा तीन एकदिवसीय अन्तर्राष्ट्रिय, तीन ट्वान्टी ट्वान्टी अन्तर्राष्ट्रिय र चार म्याचको टेस्ट श्रंखला खेल्नेछ । भारतको भ्रमण नोभेम्बर २७ मा हुने पहिलो एकदिवसीयबाट शुरु हुनेछ ।

दोश्रो एकदिवसीय पनि सिड्नीमै नोभेम्बर २९ मा हुनेछ भने डिसेम्बर २ मा हुने तेश्रो खेल मनुका ओभलमा हुनेछ । यस्तै पहिलो ट्वान्टी–ट्वान्टी अन्तर्राष्ट्रिय मनुका ओभलमै डिसेम्बर ४ मा हुनेछ । सिड्नीमा डेसेम्बर ६ र ८ मा दोश्रो र तेश्रो ट्वान्टी ट्वान्टी खेलहरु हुनेछन् ।

यस्तै दुई टोलीबीचको टेस्ट श्रंखला डिसेम्बर १७ देखि २१ सम्म एडिलेड ओभलमा हुनेछ । उक्त टेस्ट डे नाइटको रुपमा रहनेछ । मेलबर्न क्रिकेट ग्राउण्डमा दोश्रो टेस्ट डिसेम्बर २६ देखि ३० सम्म हुनेछ भने ८ दिनको बिश्रामपछि २०२१ जनवरी ७ देखि ११ सम्म सिड्नीमा तेश्रो टेस्टको आयोजना हनेछ ।

अन्तिम टेस्ट गाबामा जनवरी १५ देखि १९ सम्म खेलाइनेछ ।

Continue Reading

Headline

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

wesportz

Published

on

च्याम्पियन्स लिग २०२०/२०२१ अन्तर्गत समुह चरणको दोस्रो खेलमा रियल म्याड्रिड बोरुसिया मोइन्चेनग्लाड्ब्याचसँग २-२ को संघर्षपूर्ण बराबरी खेलेको छ । लगतार दोस्रो खेलमा पनि जित निकाल्न नसकेको १३ पटकको च्यामपियन्स लिग बिजेता रियलको खराब सुरुवात हो ।

मोइन्चेनग्लाड्ब्याचका लागि दुवै गोल स्ट्राइकर मर्कस थुरामले गरेका थिए । रियलको कमब्याकमा भने कारीम बेन्जेमा र कसिमेरोले एक-एक गोल गरेका थिए ।

मोइन्चेनग्लाड्ब्याचले पहिलो हाफको ३३ औँ मिनेटमा खेलमा पहिलो गोल गर्दै अग्रता बनाएको थियो । थुरामले अलासाने प्लेको पसालाई सदुपयोग गर्दै पहिलो गोल गरेका थिए । दोस्रो गोल भने रियलले खेलको ५८ औँ मिनेटमा खान पुग्यो । मोइन्चेनग्लाड्ब्याचका लागि दोस्रो गोल पनि थुरामले गरेका थिए ।

दुई गोलले पछि परेको स्थितीलाई उल्टाउने क्रममा रियलका लागि एक गोल ८७ औँ मिनेटमा करिम बेन्जेमाले गरेका थिए भने ९० मिनेट पछि थपिएको इन्जुरी टाइममा अर्को गोल कसिमेरोले गरेका थिए । कसिमेरोले सर्जियो रामोसको हेडिङ पासलाई गोलमा परीणत गर्दै रियललाई एक अंक दिलाएका थिए ।

अघिल्लो खेलमा शख्तार दोनेक्ससँग ३-२ ले पराजित रियल म्याड्रिड समुहमा एक अंक जोड्दै अन्तिम स्थानमा रहेको छ

यस अघी इन्टर मिलानसँग २-२ को बराबरी खेलेको मोइन्चेनग्लाड्ब्याचको यो दोस्रो बराबरी हो ।

यस्तै अर्को खेलमा साविक बिजेता बायर्न म्युनिखले लोकोभोटिभ मोस्कोलाई २-१ ले पराजित गरेको छ ।

बायर्नको जितमा लियोन गोरेट्ज्का र योसुवा किमिचले गोल गरेका थिए । मोस्कोका लागि भने एन्टोन मिरन्चुकले एक गोल गरेका थिए ।

लोकोमोटिभ रङ्गशालामा भएको खेलमा पहिलो हाफको १३ औँ मिनेटमै साविक बिजेता बायर्नले अग्रता लिएको थियो । बायर्नका लागि पहिलो गोल लियोन गोरेट्ज्काले गरेका थिए ।

पहिलो हाफमा १-० ले अगाडि बायर्नले दोस्रो हाफमा भने मोस्कोको बराबरी गोल खान पुगेको थियो । दोस्रो हाफको ७० औँ मिनेटमा लोकोमोटिभ मोस्कोका लागि एन्टोन मिरन्चुकले बराबरी गोल फर्काएका थिए तर त्यस्को नौँ मिनेट पनि नबित्दै योसुवा किमिचले गोल गर्दै बायर्नलाई अग्रता दिलाएका थिए ।

किमिचले ७९ औँ मिनेटमा भने जाभी हर्नान्डेजको पासमा गरेको उत्कृष्ट भलीलाई मोस्कोको गोलरक्षकले रोक्न नसके पछि बायर्नले समुह ए मा अर्को तीन अंक हात पारेको हो ।

अरु खेलहरुमा भने शख्तार दोनेक्स र इन्टर मिलनले गोलरहित बराबरी खेले भने सिटीले मार्सेलाई ३-०, लिभरपुलले मिजील्यान्डलाई २-०, एट्लेटिको म्याड्रिडले साल्जबर्गलाई ३-२ र पोर्टोले ओलम्पियाकोसलाई २-० ले हरायो ।

Continue Reading

Headline

एसी मिलान बराबरीमा रोकिदा इब्राहिमोभिचको दुई गोल

wesportz

Published

on

सेरी आ अन्तर्गत मङ्गलबार भएको खेलमा एएस रोमा र एसी मिलानले ३-३ गोलको बराबरी खेलेका छन् ।

रोमाका लागि ८४ औँ मिनेटमा मरास कुमबुलाले बराबरी गोल गर्दै हारबाट जोगाएका थिए । रोमाका लागि अरु दुई गोल भने एडेन डेको र जोर्डन भेरेन्टओटले गरेका थिए । एसी मिलानका लागि भने ३९ बर्षिय ज्लाटन इब्राहिमोभिचले दुई गोल गरेका थिए भने एक गोल अलेक्सेस सएलेमएकएर्सले गरेका थिए ।

खेल सुरु भएको दुई मिनेटमै एसी मिलानले ज्लाटन इब्राहिमोभिचको गोल मार्फत अग्रता लिएको थियो । १४ औँ मिनेटमा भने रोमाका लागि स्ट्राइकर एडेन डेकोले गोल गर्दै खेल १-१ को बराबरीमा ल्याएका थिए ।

पहिलो हाफमा १-१ को बराबरी खेलेका दुई टोलीले दोस्रो हाफमा भने चार गोल गरेका थिए । दोस्रो हाफको ४७ औँ मिनेटमा फेरी एसी मिलानले अग्रता लिएको थियो तर ७१ औँ मिनेटमा भने रोमाले पेनाल्टी मार्फत बराबरी गोल गरेको थियो । रोमाका लागि जोर्डन भेरेन्टओटले पेनाल्टी मार्फत बराबरी गोल गरेका थिए ।

७९ औँ मिनेटमा भने फेरी एसी मिलानले अग्रता लिना पुग्यो । मिलानका लागि पेनाल्टी मार्फत ज्लाटन इब्राहिमोभिचले गोल गर्दै खेल ३-२ को स्थितीमा पुर्याएका थिए । तर रोमाका लागि भने मरास कुमबुला ८४ औँ मिनेटमा गोल गर्दै खेल ३-३ को बराबरीमा ल्याएका थिए ।

रोमान्चक खेलमा रोमालाई हारबाट जोगाएका मरास कुमबुलाले मिलानलाई अंक बाढ्न वाध्य बनाएका थिए ।

बराबरी खेले पनि एसी मिलन १३ अंक सहित सेरी आ को शिर्ष स्थानमा रहेको छ ।

Continue Reading
Headline5 mins ago

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

Headline4 hours ago

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

Headline6 hours ago

एसी मिलान बराबरीमा रोकिदा इब्राहिमोभिचको दुई गोल

IPL 20208 hours ago

दिल्लीको लज्जास्पद हार

IPL 202010 hours ago

रिद्दीमन शाह र डेभिड वार्नरको तुफानी पारीमा दिल्लीलाई २२० रनको विशाल लक्ष्य  

IPL 202012 hours ago

हैदराबाद पहिले ब्याटिङमा, सन्दिप लगातार १२ औं खेलमा पनि बेञ्चमा नै

Headline13 hours ago

फेरि पनि टिममा अटाएनन् स्ट्राइकर बिमल

IPL 202014 hours ago

प्लेअफको लक्ष्य सहित दिल्ली हैदराबादसँग भिड्दै 

Headline16 hours ago

च्याम्पियन्स लिगमा आजः रियलको दोस्रो खेल, सिटी र मार्से भिड्दै

राष्ट्रिय17 hours ago

बंगलादेश विरुद्धको मैत्रीपूर्ण खेलका लागि बालगोपाल प्रशिक्षक नियुक्त 

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending