Connect with us

IPL 2020

बेंगलोरको लज्जास्पद हार 

wesportz

Published

on

इन्डियन प्रिमियर लिग (आईपीएल) को आफ्नो दोश्रो खेलमा बिराट कोहलीको कप्तानीमा रहेको रोयल च्यालेन्जर्स बेंगलोरले लज्जास्पद हारको सामना गरेको छ । हालै सम्पन्न खेलमा बेंगलोर किंग्स ११ पन्जाबसँग ९७ रनको फराकिलो अन्तरले पराजित भएको हो ।

दोश्रो खेलमा पन्जाबको यो पहिलो जित हो भने दुई खेल खेलेको बेंगलोरले पहिलो हारको सामना गरेको हो । आफ्नो पहिलो खेलमा पन्जाब सुपर ओभरमा दिल्ली क्यापिटल्ससँग पराजित भएको थियो भने बेंगलोरले सनराईजर्स हैदराबादलाई १० रनले पराजित गरेको थियो ।

खेलमा जितका लागि २०७ रनको विशाल लक्ष्य पक्ष्याएको बेंगलोरले १७ ओभर खेल्दै आफ्ना सबै विकेट गुमाएर मात्र १०९ रन बनाउन सक्यो ।

बेंगलोरले खेलको कुनै पनि समयमा पकड जमाउन सकेन । अघिल्लो खेलमा अर्धशतक प्रहार गरेका देवदत्त पडिकल (दुई बलमा एक रन) पहिलो ओभरको चौथों बलमा आउट भए । आज तेश्रो नम्बरमा ब्याटिङ गर्न आएका जश फिलिप्पे रनको खाता पनि खोल्न नपाई मोहम्म शामीको बलमा एलबीडब्लुको धरापमा परे ।

चौथों नम्बरमा ब्याटिङ गर्न आएका कप्तान बिराट कोहली पनि पाँच बल खेल्दै मात्र एक रन बनाएर आउट भए पछि दुई दशमलब चार ओभरमा चार रनमा तीन विकेटको स्थितीमा पुग्यो । बेंगलोरलाई आवश्यक राम्रो सुरुवात गर्नबाट रोक्ने क्रममा शेल्डन कोट्रेलले पडिकल र कोहलीको विकेट लिए ।

ओपनर आरोन फ़िञ्च र पाँचौं नम्बरमा ब्याटिङ गर्न आएका एबी डि भिलियर्सले चौथों विकेटका लागि ५० रन जोड्दै बेंगलोरको पारी सम्हाल्ने प्रयास गरे । तर २१ बलमा २० रन बनाएका फ़िञ्च र १८ बलमा २८ रन बनाएका डि भिलियर्स क्रमश रवि  बिस्नोई र मुरुगन अश्विनको शिकार भए पछि बेंगलोर आठ दशमलब दुई ओभरमा ५७-७ को अवस्थामा खुम्चिन पुग्यो ।

त्यस पछि ब्याटिङमा आएका सौरभ दुबे १२, उमेश यादव शुन्य, वाशिंटन सुन्दर ३०, नवदिप साइनी छ तथा युज्बेन्द्र चाहाल एक रनमा आउट भए भने डेल स्टेन एक रन बनाएर अविजित रहे ।

बेंगलोरको पारी ध्वस्त पार्ने क्रममा पन्जाबका रवि विस्नोई र मुरुगन अश्विनले समान ३-३ विकेट लिए भने शेल्डन कोट्रेल पनि सुरुवाती २ विकेट हात पारे । त्यस्तै मोहम्मद शामी, मुरुगन अश्विन र ग्लेन म्याक्सवेलले पनि समान १-१ विकेट आफ्नो नाममा दर्ता गराए । विस्नोईले चार ओभरमा ३२ रन तथा अश्विनले तीन ओभरमा मात्र २१ रन खर्चिए ।

यस अघि दुबई अन्तरास्ट्रिय क्रिकेट रंगशालामा भएको खेलमा टस हारेर पहिले ब्याटिङ गरेको पन्जाबले पुरै २० ओभर खेल्दै तीन विकेटको क्षतीमा २०६ रन बनायो ।

पन्जाबको तर्फबाट ओपनिङमा ब्याटिङ गर्न आएका कप्तान केएल राहुलले अविजित रहँदै सर्वाधिक १३२ रन बनाए । आईपीएलमा राहुलको यो दोश्रो शतक हो । ६९ बलको सामना गरेका राहुलले १४ चौका र सात छक्का प्रहार गरे । राहुलले बेंगलोरको लागि १९ औं ओभर लिएर आएका डेल स्टेनको ओभरमा तीन छक्का र दुई चौका सहित २६ रन प्रहार गरे भने पारीको अन्तिम तीन बलमा सौरब दुबेको बलमा एक चौका र दुई छक्का प्रहार गरे ।

यसै बीच आजको खेलमा आईपीएलमा दुई हजार रन पुरा गर्दै राहुलले सचिन तेन्दुलकरको नाममा रहेको किर्तिमान पनि भंग गरेका छन् । राहुलले यस अघि सचिनको नाममा रहेको तिब्र दुई हजार रन प्रहार भारतीय खेलाडीको किर्तिमान आफ्नो नाममा लेखाएका हुन् । सचिनले आईपीएलको ६३ खेलमा दुई हजार रन पुरा गरेका थिए भने राहुलले मात्र ६० खेलमा २०० रन पुरा गरेका छन् ।

पन्जाबका ओपनर मायंक अगरवालले २६, निकोलस पुरणले १७ तथा ग्लेन म्याक्सवेल पाँच रन बनाएर आउट भए भने करुण नायरले अविजित १५ रनको पारी खेले ।

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading

IPL 2020

पहिलो पटक उपाधि जित्न दिल्लीले मुम्बईलाई १५६ रन भित्र रोक्न पर्ने

wesportz

Published

on

खराब सुरुवात गरे पनि कप्तान श्रेयस ऐयर र विकेट किपर ब्याट्सम्यान रिशब पन्तले अर्धशतक प्रहार गरे पछि १३ औं संस्करणको इन्डियन प्रिमियर लिग (आईपीएल) को फाइनल जित्नका लागि दिल्ली क्यापिटल्सले साबिक विजेता मुम्बई इन्डियन्सलाई १५७ रनको लक्ष्य दिएको छ ।

दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

दिल्लीले आजको खेलमा कुनै पनि परिवर्तन गरेको छैन । आजको खेलमा पनि नेपाली लेग स्पिनर सन्दिप लामिछानेले खेल्ने मौका पाएनन् । उनले यस पटकको पुरै सिजन बेञ्चमा नै बिताउन बाध्य भए ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो ।

दिल्ली पहिलो पटक फाइनल खेल्न लागेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेल्दै छ । यस अघि मुम्बईले पाँच मध्य चार पटक उपाधि पनि चुमेको थियो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

दिल्ली र मुम्बई आईपीएलमा २७ पटक एक आपसमा भिड्दा मुम्बईले १५ तथा दिल्लीले १२ खेलमा जित हात पारेका छन् ।

Continue Reading
Headline6 hours ago

युनाइटेड लेस्टरसँग पराजित भए पछि म्यानचेस्टर सिटी प्रिमियर लिग च्याम्पियन

Headline11 hours ago

बिशालको गोलपछि धनगढी नेपाल सुपर लिगको फाइनलमा

Headline11 hours ago

नेपाल सुपर लिगः पुजनको उत्कृष्ट गोलपछि अतिरिक्त समयमा गयो पहिलो क्वालिफायर

Headline13 hours ago

नेपाल सुपर लिग क्वालिफायरः पहिलो हाफमा काठमाडौंकै पलडा भारी

Headline16 hours ago

धनगढी भर्सेस काठमाडौंः मेसुके भर्सेस ओलावाले

राष्ट्रिय17 hours ago

नेपाली खेलाडीहरु सोमपाल, करण, कुशल र पारस सम्मिलित आबु धाबी टि-१० लिग नोभेम्बरमा

Headline20 hours ago

प्रिमियर लिगमा आएकै सिजन बहिरियो फुलह्याम

Headline20 hours ago

युभेन्टसलाई इटालीको प्रथम श्रेणीबाट ‘किक आउट’ गर्ने धम्की

Headline21 hours ago

कोरोनाका कारण दुई अन्तर्राष्ट्रिय टोली बनाउने तयारी गर्दै भारत

राष्ट्रिय2 days ago

नेपालका कुशललाई पछि पार्दै बाबरले जिते ‘प्लेयर अफ द मन्थ’ को उपाधि

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!