Connect with us

राष्ट्रिय

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

wesportz

Published

on

नेपाल क्रिकेट संघ (क्यान) ले पहिलो पटक महिला खेलाडीहरुलाई सेन्ट्रल कन्ट्रयाक्टमा राख्दै २०२० को लागि दुवै राष्ट्रिय टोली सेन्ट्रल कन्ट्रयाक्टमा रहेका खेलाडीहरुको सुचि तयार पारेको छ ।

क्यानले पुरुष तर्फ १८ र महिला तर्फ १९ जनालाई सेन्ट्रल कन्ट्रयाक्टमा राखेको छ । पुरुष खेलाडीहरुको तलबमा प्रत्येक बर्गमा १५ हजारको बृद्धि गरिएको छ भने महिला खेलाडीहरुलाई ए, बि र सि गरि तीन श्रेणीमा बर्गिकरण गरिएको छ ।

महिलामा ए श्रेणीमा पर्ने खेलाडीले १५ हजार, बी श्रेणीमा पर्ने खेलाडीले १२ हजार र सी श्रेणीमा पर्ने खेलाडीले १० हजार रुपैयाँ पाउने भएका छन । खेलाडीहरुको सम्झौता २०२० को शुरुवातबाट नै लागु हुनेछ ।

पुरुष तर्फको नयाँ बर्गिकरण
कप्तान ज्ञानेन्द्र मल्ल र पुर्व कप्तान पारस खड्कासहित सन्दिप लामिछाने, शरद भेषवाकर, करण केसी, बसन्त रेग्मी, दिपेन्द्रसिंह ऐरी र विनोद भण्डारीलाई ए ग्रेडको कन्ट्रयाक्ट दिइएको छ । बि ग्रेडमा सुसन भारी, सोमपाल कामी, आरिफ शेख र पवन सराफ रहेका छन् ।

त्यस्तै सि ग्रेडमा सुभाष खकुरेल, रोहित पौडेल, कुशल मल्ल, रासिद खान, अभिनाश बोहोरा र कमल सिँह ऐरि रहेका छन् ।

महिला तर्फको बर्गिकरण
कप्तान रुविना क्षेत्री, नेरी थापा, इन्दु बर्मा, सिता रानामगर र करुणा भण्डारीले ए ग्रेडको कन्ट्रयाक्ट पाएका छन् । बि ग्रेडमा ज्योती पाण्डे, अप्सरी बेगम, रोमा थापा, विन्दु रावल, कविता जोशी, रितु कनोजिया, काजल श्रेष्ठ, सरिता मगर रहेका छन् ।

सि ग्रेडमा कविता कुवर, डली भट्ट, अनुराधा चौधरी, सोनु खड्का, अञ्जली चन्द र सोभा आले रहेका छन् ।

Headline

साफ उपबिजेता नेपाली टोलीको बिमानस्थलमा भब्य स्वागत

wesportz

Published

on

साफ च्याम्पियनसिपको २८ बर्षे फुटबल इतिहासमा पहिलो पटक फाइनल पुगेको नेपाली टोलीको त्रिभुवन बिमानस्थलमा भब्य स्वागत गरिएको छ ।

नेपाली टोली सोमबार बिहान काठमाडौं आइपुगेको हो । शनिबार साफ च्याम्पियनसिप फाइनलमा नेपाल चीर प्रतिद्वन्दी भारतसँग ३–० ले पराजित भएको थियो । हारसँगै नेपाली टोली आफ्नो फुटबल इतिहासकै ठूलो मध्येको एक उपाधिबाट बञ्चित भएपनि ऐतिहासिक फाइनल खेल्न सफल भएको थियो ।

सयौंको संख्यामा नेपाली फुटबल समर्थकहरुले स्वागत गरेको नेपाली टोलीलाई बिमानस्थलमा लिन युवा तथा खेलकुद मन्त्री महेश्वर गहतराज पनि पुगेका थिए । उनले नेपाली फुटबललाई अझै उचाईमा पुर्याउन सरकारको रुपमा सहयोगन गर्ने आश्वासन पनि दिए ।

समर्थकहरुले प्रशिक्षक अब्दुल्लाह अल्मुताइरीको पक्षमा नारा पनि लगाएका थिए । भारतबिरुद्धको फाइनल नेपाली राष्ट्रिय टोलीका लागि आफ्नो अन्तिम हुने बताएका अब्दुल्लाह माल्दिभ्सबाट सिधै कुवेत फर्किसकेका छन् ।

तेश्रो पटक आफूले नेपाल छोड्न गइरहेको घोषणा गरेका अब्दुल्लाहको नेपालसँगको सम्झौता अक्टोबर २३ मा समाप्त हुदैछ ।

नेपाली टोलीको स्वागतमा नेपाली सेनाले मंगल धुन पनि बजाएको थियो । नेपालले उपबिजेताको हैसियतमा २५ हजार डलर पुरस्कार पाएको थियो ।

Continue Reading

Headline

मैदान पूननिर्माणसँगै डुकुछापमा अन्तर क्लब फुटबल प्रतियोगिता सम्पन्न

wesportz

Published

on

ललितपुरको गोदावरी नगरपालिका वडा नम्बर ८ स्थित खहरे नजिकै रहेको मैदन केही समय देखी हिलाम्मे र पानी जमेको अवस्थामा रहेको थियो । फुटबल खेलको बिकासका लागि मैदान आवश्यक रहेका कारण वडा नम्बर ८ वडाअध्यक्ष शुक्र बहादुर लामाको पहलमा  समाजशेवी गौतम तिमलसिना तथा उनको टोलीले मैदान पुननिर्माण गरेसँगै डुकुछापमा फुटबल फर्किएको छ ।

मैदानको पूर्णनिर्माणसँगै उक्त मैदानमा प्रथम अन्तर कल्ब फुटबल प्रतियोगिता पनि सम्पन्न भएको छ । गोदावरी नगरपालिका वडा नम्बर ८ को आयोजना र डुकुछाप युथ क्लबको सहआयोजनामा भएको प्रतियोगितामा आठ टोलीको सहभागीता रहेको थियो ।

नकआउट चरणमा खेलाइएको प्रतियोगिता ४ दिन चलेको थियो । जहाँ टोकलमाठ युथ क्लब च्याम्पियन बनेको थियो । टोकलमाठले डुकुछाप शान्ती समाजलाई टाइब्रेकरमा ३(४ ले हराउँदै उपाधि सहित नगद ४० हजार हात पारेको थियो भने डुकुछाप शान्ती समाजले २० हजार हात पारेको थियो ।

खेलको समपन गर्दै बोल्ने क्रममा गोदावरी नगरपालिका वडा नम्बर ८ का वडाअध्यक्ष शुक्र बहादुर लामाले फुटबल खेलको बिकासका लागि मैदान पूर्ण निर्माण गरेका गौतम तिमलसिनालाई सम्मान पनि गरेका थिए ।

यस्तै वडाअध्यक्ष लामाले सहभागी भएका सबै क्लबलाई आर्थिक सहित प्रतियोगिता अगाडि जर्सी समेत हस्तान्तरण गरेका थिए ।

Continue Reading

Headline

नेपाल हार्यो

wesportz

Published

on

भारतसँग ३–० ले पराजित भएपछि नेपालको साफ च्याम्पियनसिप जित्ने सपना अधुरै भएको छ । मालेमा भारतले दुई मिनेटको अन्तरमा दुई गोल गरेपछि नेपालको साफ च्याम्पियनसिप जित्ने सपनामाथि तुषारापात भयो ।

नेपालका प्रशिक्षक अब्दुल्लाह अल्मुताइरी र भारतीय प्रशिक्षक इगोल स्टिम्याक प्रतिबन्धका कारण दचलाइनमा उपस्थित हुन नसकेको खेलमा भारतले नै पकड जमाएको थियो ।

कप्तान सुनिल क्षेत्रीको प्रेरणामा अग्रता लिएको भारतले दोश्रो हाफको शुरुवातमै एक मिनेटको अन्तरमा दुई गोल गर्दै खेललाई पूर्ण रुपमा आफ्नै पकडमा पारेको थियो । इन्जुरी समयको दोश्रो मिनेटमा तेश्रो गोल गरेपछि नेपालले फराकिलो अन्तरले हार ब्यहोर्यो ।

पहिलो हाफ गोलरहित बराबरीमा टुँगिएपछि कप्तान क्षेत्रीले नै भारतलाई अग्रता दिलाएका थिए । उनले फाइनल मार्फत आफ्नो ७८ औं अन्तर्राष्ट्रिय गोल गरे भने जारी साफ च्यापम्पियनसिपमा पाँच गोलसहित सर्वाधिक गोलकर्ता पनि बने ।

हेडर मार्फत सुन्दर गोल गर्दै क्षेत्रीले भारतलाई अग्रता दिलाए लगत्तै सुरेश सिँहले भारतको अग्रता दोब्बर बनाएका थिए । नेपालको लागि ७७ औं मिनेटमा रोहित चन्दको हेडर पोस्टमा लागेर फर्किएको थियो ।

यसअघि निरन्तर भारी बर्षा हुँदा दुवै टोलीलाई खेल्न निकै नै कठिन भएको स्थितिमा नेपाललाई पहिलो केही मिनेटमै कप्तान किरण चेम्जोङले निश्चित गोल खानबाट बचाएका थिए । किरणले वान भर्सेस वान अवस्थामा अनिरुद्ध थापालाई गोल गर्नबाट रोकेका थिए ।

१७ औं मिनेटमा डिफेण्डर राहुल भेखेको चुनौतिमा रोहित चन्दले बक्स भित्र आएको बललाई छातीले रोकेपनि उनी चिप्लिएपछि गोल गर्ने मौका गुमाएका थिए । २७ औं मिनेटमा भारतीय कप्तान सुनिल क्षेत्रीको प्रहारलाई किरणले रोकेका थिए । खेलमा भारतले आक्रमण बढी गरेपनि नेपालले गोल हुन दिएको छैन । पहिलो हाफ सकिनु अघि भारतीय कप्तान सुनिल क्षेत्रीको प्रहार बाहिरिएको थियो ।

Continue Reading
Headline6 hours ago

माल्मोबिरुद्धको फराकिलो जितमा चेल्सीले लुकाकु र वेर्नरलाई गुमायो

Headline7 hours ago

च्याम्पियन्स लिगः रोनाल्डोको गोलमा युनाइटेडको सनसनीपूर्ण पुनरागमन

Headline15 hours ago

ट्वान्टी ट्वान्टी बिश्वकपः बलिँग र ब्याटिंँगमा पुनरागमनपछि श्रीलंका सुपर १२ मा

Headline17 hours ago

ट्वान्टी ट्वान्टी विश्वकपः श्रीलंकाको पुनरागमनलाई आयरल्याण्डको जवाफ

T20 World Cup 202119 hours ago

ट्वान्टी ट्वान्टी विश्वकप : रोहित शर्माको अर्धशतकमा अष्ट्रेलिया माथि भारतको सहज जित 

Headline19 hours ago

ट्वान्टी ट्वान्टी बिश्वकपः नेदरल्याण्ड्सलाई स्तब्ध पार्दै नामिबियाको ऐतिहासिक जित

Headline1 day ago

निस्वार्थ मेस्सी र एमबाप्पेको पेनाल्टी आदन प्रदानको चर्चा

Headline1 day ago

सलाहको उच्च लयमा लिभपुरको एट्लेटिकोमाथि सनसनीपूर्ण जित

Headline1 day ago

अदालतमा सुनुवाइ अघि बेन्जेमाको गोल

Headline1 day ago

एकपछि अर्को किर्तिमान बनाइरहेका हालरको छैटौं च्याम्पियन्स लिग गोल

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!