Connect with us

IPL 2020

निकै रोमान्चक खेलमा दिल्लीद्वारा पन्जाब सुपर ओभरमा पराजित 

wesportz

Published

on

निकै नै रोमान्चक खेलमा दिल्ली क्यापिटल्सले किंग्स ११ पन्जाबलाई सुपर ओभरमा पराजित गर्दै १३औं संस्करणको इन्डियन प्रिमियर लिग (आईपीएल) मा विजयी सुरुवात गरेको छ ।

सुपर ओभरमा पहिले ब्याटिङ गरेको पन्जाबले तीन बलमा मात्र दुई रन बनाउन सक्यो र आफ्नो दुई विकेट गुमायो । पहिलो बलमा केएल राहुलले दुई रन लिए पनि अर्को दुई बलमा कागिसो रबाडाले राहुल र निकोलस पुरणको विकेट लिए पछि दिल्लीले जितका लागि तीन रनको लक्ष्य पाएको हो । जवाफी ब्याटिङ गरेको दिल्लीले एक बल खेल्दै जित हात पार्यो ।

जितका लागि १५८ रनको विजयी लक्ष्य लिएर ब्याटिङमा आएको पन्जाबले पुरै खेल्दै आठ विकेटको नोक्सानी १५७ रन बनाए पछि खेल सुपर ओभरमा पुगेको हो ।

अन्तिम ओभरमा जितका लागि १३ रन आवस्यक रहेको अवस्थामा अगरवालले लगातार तीन बलमा छक्का, दुई र चौका प्रहार गर्दै खेललाई तीन बलमा एक रन चाहिने अवस्था सम्म पुर्याय । तर अन्तिम तीन बलमा एक रन आवस्यक रहेको अवस्थामा मार्कस स्टोइनिसले पहिलो बल डट र त्यस पछिका बाँकी दुई बलमा मायाँक अगरवाल र क्रिस जोर्डनको विकेट निकाले पछि खेल बराबरी हुन पुग्यो ।

पहिलो विकेटका लागि ओपनरद्वय कप्तान केएल राहुल र मायाँक अगरवालले ३० रनको साझेदारी गर्दै मध्यम सुरुवात दिए । तर २१ रन बनाएका राहुल मोहित शर्माको बलमा आउट भए पछि पन्जाबको पतन सुरु भयो ।

दिल्लीका रविचन्द्रन अश्विन र कागिसो रबाडाले आठ बलको अन्तरालमा करुण नायर र ग्लेन म्याक्सवेल समान १-१ रन तथा निकोलस पुरणलाई शुन्य रनमा पेभेलियन पठाए पछि पन्जाब ३५ रनमा चार विकेटको अवस्थामा खुम्चिन पुग्यो । सर्फराज खानले पनि १२ रन भन्दा जोड्न सकेनन् ।

अगरवाल र कृष्ण्प्पा गौथमले छैठौं विकेटका लागि ४६ रन जोड्दै पन्जाबलाई जित तर्फ लगे । तर २० रनमा गौथम पनि आउट हुन पुगे । अगरवालले एक छोडबाट पारी सम्हाल्दै पन्जाबको जित सुनिश्चित गरे । पन्जाबलाई जितका लागि दुई बलमा एक रन आवस्यक परेको अवस्थामा आउट भएका उनले ६० बलको सामना गर्दै सात चौका र चार छक्काको मद्धतमा सर्वाधिक ८९ रन बनाए ।

दिल्लीका अश्विन, रबाडा र स्टोइनिसले समान २-२ विकेट हात पारे । एक ओभर मात्र बलिङ गरेका अश्विन मात्र दुई रन खर्चिए । तर उनी आफ्नो पहिलो ओभरको अन्तिम बलमा बल रोक्ने क्रममा घाइते भएका कारण त्यस पछि बलिङ गर्न सकेनन् ।

यस अघि खेलमा टस हारेर पहिले ब्याटिङ गरेको दिल्लीले खराब सुरुवातका बाबजुद पुरै २० ओभर खेल्दै आठ विकेटको नोक्सानीमा १५७ रन बनायो ।

छैठौं नम्बरमा ब्याटिङ गर्न आएका मार्कस स्टोइनिसले दिल्लीको तर्फबाट सर्वाधिक ५३ रन बनाए । दिल्लीको पारीको अन्तिम बलमा रन आउट हुन पुगेका उनले तुफानी पारी खेल्दै २१ बलमा सात चौका र तीन छक्का प्रहार गरे ।

ओपनरद्वय शिखर धवन र पृथ्वी श क्रमश शुन्य र पाँच रन तथा तेश्रो नम्बरमा ब्याटिङ गर्न. आएका शिम्रोन हेटमायर सात रन बनाएर आउट हुँदा १३ रनमा तीन विकेट गुमाएर खराब सुरुवात गरेको दिल्लीको लागि कप्तान श्रेयस ऐयर र विकेट किपर ब्याट्सम्यान रिशब पन्तले ७३ रन जोड्दै दिल्लीको पारी सम्हाल्ने कोशिश गरे ।

तर ३२ बलमा तीन छक्काको मद्धतमा ३९ रन बनाएका कप्तान ऐयर र २९ बलमा चार चौका सहित ३१ रन बनाएका पन्त तीन बलको अन्तरालमा आउट भए पछि दिल्ली १४ दशमलब एक ओभरमा ८७ रनको अवस्थामा पाँच विकेटको अवस्थामा खुम्चिन पुग्यो ।

पन्जाबका मोहम्मद शामीले सर्वाधिक तीन विकेट हात पारे । घातक बलिङ गरेका उनले चार ओभरमा मात्र १५ रन खर्चिए । त्यस्तै शेल्डन कोट्रेलले दुई विकेट लिए भने भारत यु१९ टोलीका लेग स्पिनर रवि बिष्नोईले पनि आफ्नो डेब्यु खेलमा चार ओभर बलिङ गर्दै २२ रन खर्चिएर आफ्नो नाममा एक विकेट दर्ता गराए ।

दिल्लीले आजको खेलमा नेपाली रास्ट्रिय क्रिकेट टोलीका लेग स्पिनर सन्दिप लामिछानेलाई सुरुवाती ११ मा स्थान दिएन ।

Click to comment

Leave a Reply

Your email address will not be published. Required fields are marked *

Headline

राष्ट्रिय टोलीसंगको भविष्यको प्रश्न आउदा बेलले अन्तर्वार्ता छोडेर हिडे

wesportz

Published

on

वेल्स कप्तान ग्यारेथ बेल आफ्नो टोली डेनमार्कसंग नराम्ररी पराजित हुदै युरो कपबाट बाहिरिएपछि उनको राष्ट्रिय टोलीको भविष्यलाई लिएर गरिएको प्रश्नमा अन्तर्वार्ता छोडेर हिडेका छन् ।

शनिबार क्यास्पर डोल्बर्गले दुई गोल गरेपछि वेल्स डेनमार्कसंग ४-० को फराकिलो अन्तरले पराजित हुंदै अन्तिम १६ बाट बाहिरियो । यसअघि फ्रान्समा भएकोअघिल्लो संस्करणको सेमिफाइनल खेलेको वेल्सका लागि शनिबारको हार लज्जास्पद रहन पुग्यो ।

३१ बर्षिय बेललाई खेल समाप्त पछि मैदानमै हुने अन्तर्वार्तामा अब उनको वेल्ससंगको भविष्य के हुनेभनेर प्रश्न आउने बित्तिकैउनी माइक छोडेर गएका थिए । बेलको कदमलाई वेल्स प्रशिक्षक रोबर्ट पेजले एकदम सही भएको भन्दै सोधिएको प्रश्नलाई असंवेदनशीलको रुपमा व्याख्या पनि गरेका थिए ।

“तपाईलाई हिजो पनि के यो खेल तपाईको वेल्सका लागि अन्तिम हुने भनेर सोधिएको थियो र तपाईले कम से कम पनि अर्को मौका पाउनु पर्ने बताउनु भएको थियो,” बिबिसीका एक पत्रकारको यो प्रश्न पुरा हुन नपाउदै क्रुद्ध देखिएका बेल क्यामेरा छोडेर हिडे ।

“चेन्जिंग रुममा अन्य खेलाडीहरु सरह उनी पनि निराश छन् । उनी किन आफ्नो भविष्यको बारेमा अहिले उत्तर दिन्छन् जस्तो लागिरहेको छ तपाईलाई , वेल्स प्रशिक्षक पेजले भने ।

“मेरो लागि यो निकै नै असंवेदनशील प्रश्न हो । मैदानबाट भर्खरै हारको सामना गरेर फर्किएका खेलाडीलाई यस्तो प्रश्न सोध्नुको कुनै तर्क छैन । यस्तो क्षणमा हारको चोट आलै हुन्छ र मेरो लागि उनले अन्तर्वार्ता छोडेर जानु एकदम सही निर्णय थियो,” पेजले समर्थन जनाए ।

अन्तर्वार्ताबाट हिड्नु अघि बेलले रेफ्रिको निर्णयले खेलमा प्रभाव पारेको बताएका थिए । डेनमार्कले दोश्रो गोल गर्दा किफर मुरमाथि फउल भएकोमा उनी अडिग थिए । डोल्बर्गले दोश्रो हाफको शुरुवातमै गोल गरे लगत्तै बेलले जर्मन रेफ्रि ड्यानियल सिबर्टसंग मुरमाथि फउल भएको भन्दै अपिल गरेका थिए ।

दोश्रो गोलपछि वेल्स खेलमा पुनरागमन जनाउन पूर्ण रुपमा असफल भएको थियो । तपाईले कुनै खेलाडीलाई पछाडीबाट लडाउदै बल खोस्नु हुन्छ भने त्यो फउल हो । शायद रेफ्रि यो खेलमा दर्शकबाट प्रेरित हुनु भयो, बेलले भने ।

Continue Reading

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading
Headline7 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय9 hours ago

दुई महिना पछिलाई सर्यो लिग, विजेताले ७५ लाख पाउने 

Headline15 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय19 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय1 day ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline2 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline3 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!