Connect with us

Headline

प्रिमियर लिगः म्यानचेस्टर युनाइटेडको पहिलो खेल, लन्डन डर्बी आज

wesportz

Published

on

इङ्गलिस प्रिमियर लिग अन्तर्गत शनिबार दोस्रो चरणका खेलहरु शुरु हुँदै छन् । पहिलो दिन टोटेन्ह्याम हटस्परबाहेक अन्य सबै टोलीहरुले जित हात पार्दा म्यानचेस्ट युनाइटेडले भने शनिबार पहिलो खेल खेल्न गइरहेको हो ।

पहिलो दिन लिभरपुलले लिड्स युनाइटेडलाई रोमाञ्चक खेलमा पराजित गरेको थियो भने चेल्सी, लेस्टर सिटी र आर्सनलले पनि सहज जित हात पारेका थिए ।

आज के–के हुदैछन् त प्रिमियर लिगमा ?

एभर्टन विरुद्ध वेष्टब्रोम

शनिबारको पहिलो खेलमा एभर्टन र वेष्टब्रोम भिड्दै छन् । पहिलो खेलमा टोटेनह्यामलाई उसकै घरमा हराएको एभर्टन उच्च आत्मबिश्वासका साथ मैदान उत्रनेछ । जेम्स रोद्रिगेज र अन्य नयाँ खेलाडी भित्र्याएको एभर्टनको प्रदर्शनमा निकै सुधार आएको देखिन्छ । प्रशिक्षक कार्लो एन्सलोट्टीले बनाएको अहिलेको एभर्टनको टोली निकै सशक्त देखिन्छ ।

पछिल्लो ११ खेलमा वेष्टब्रोमसँग एक खेलमा मात्र पराजित भएको एभर्टन यो खेलको लागि पनि दावेदार देखिन्छ । वेष्टब्रोम आफ्नो पहिलो खेलमा लेस्टर सिटीसँग ३–० ले पराजित हुन पुगेको थियो । च्याम्पियनसिपबाट यसै सिजन बढुवा भएको वेष्टब्रोम शनिबार पहिलो अंक जोड्ने दाउमा हुनेछ ।
नेपाली समय अनुसार यो खेल साँझ ५ः१५ मा सुरु हुने छ ।

लिड्स विरुद्ध फुलह्याम

च्याम्पियनसिपबाट बढुवा हुँदै आएको लिड्सले आफ्नो पहिलो खेलमै लिभरपुलसँग उत्कृष्ट खेल देखाएको थियो । पराजित भए पनि मार्सेलो बिएल्साको लिड्सको निकै तारिफ सुनिएको थियो । लिड्सले शनिबार आफुसँगै बढुवा भएको फुलह्यामको समाना गर्दैछ ।

दुवै टोलीले अंक तालिकामा खाता खोल्न बाँकी छ । च्याम्पियनसिपको पछिल्लो भेटमा फुलह्यामलाई ३–० ले पाखा लगाएको लिड्सले प्रिमियर लिगमा पनि त्यही खेल दोहोर्याउन चाहन्छ ।

नेपाली समय अनुसार यो खेल साँझ ७ः४५ मा सुरु हुने छ ।

म्यानचेस्टर युनाइटेड विरुद्ध क्रिष्टल प्यालेस

युरोपा लिगको सेमिफाइनल सम्मको यात्रा तय गरेका कारण पहिलो चरणको खेललाई स्थगित गर्दै बिश्रामको समय पाएको म्यानचेस्टर युनाइटेडले क्रिष्टल प्यालेसको सामना गर्दै सिजनको शुरुवात गर्दैछ ।

अघिल्लो सिजन प्यालेससँग २–१ ले पराजित भएको युनाइटेड यस पटक भने चुक्न चाहदैन । ओल्ड ट्राफोर्डमा हुने खेल युनाइटेडका लागि निकै महत्वपूर्ण रहने छ । डोनी भ्यान डि बिकलाई भित्र्याउदै मिडफिल्डमा अर्को खेलाडी थपेको युनाइटेडको नजर तीन अंकमा हुने छ ।

नेपाली समय अनुसार खेल राति १०ः१५ मा सुरु हुने छ ।

आर्सनल विरुद्ध वेष्टह्याम

आफ्नो पहिलो खेलमा फुलह्यामलाई ३–० ले हराउदै सिजनको सफल सुरुवात गरेको आर्सनलले लन्डन डर्बीमा वेष्टह्यामको समाना गर्दै छ ।

पहिलो खेलमा वेष्टह्याम न्युकासल युनाइटेडसँग पराजित भएको थियो । यी दुई टोलीबीच भएका पछिल्लो ११ खेलमा आर्सनल १० खेलमा बिजयी रहेको छ । वेष्टह्यामले प्रिमियर लिगमा सबै भन्दा बढी खेल आर्सनलसँग हारेको छ ।

यस वर्ष रेलिगेसनमा पर्न सक्ने टोलीको रुपमा हेरिएको वेष्टह्यामलाई आलोचकहरुको मुख थुन्न भएपनि आर्सनललाई रोक्नु पर्ने दवाब हुनेछ । डेभिड मोयेसले सम्हालेको वेष्टह्यामले सोचे अनुरुप प्रदर्शन गर्न सकेको छैन । आर्सनल भने यस खेलमा पनि जित निकल्दै अर्को तीन अंक हात पार्ने दाउमा हुने छ ।

खेल नेपाली समय अनुसार मध्यरात १२ः४५ मा शुरु हुने छ ।

Headline

इङ्गल्याण्डको जितमा डाविड मलन नायक, जित्यो ट्वान्टी ट्वान्टी श्रृंखला

wesportz

Published

on

डाविड मलन र ओइन मोर्गनले महत्वपूर्ण अद्र्धशतकीय साझेदारी गरेपछि इङ्गल्याण्ड दोश्रो ट्वान्टी ट्वान्टी अन्तर्राष्ट्रियमा पनि दक्षिण अफ्रिकालाई ५ विकेटले पराजित गर्दै तीन खेलको श्रृंखला आफ्नो पक्षमा पार्न सफल भएको छ ।

पार्लको स्लो विकेटमा पहिलो ब्याटिङ्ग गरेको दक्षिण अफ्रिकाले ६ विकेटको क्षतिमा १ सय ४६ रनको सामान्य योगफल खडा गर्यो । जवाफमा इङ्गल्याण्डले शुरुवातमा संघर्ष गरेपनि मलन र कप्तान मोर्गनले उत्कृष्ट ब्याटिङ्ग गर्दै टिमलाई एक बल बाकी रहेको अवस्थामा जित दिलाए ।

इङ्गल्याण्डलाई अन्तिम ६ ओभरमा ६२ रन चाहिएको थियो । अर्को चार ओभरमा ५१ रन जोड्दै मोर्गन र मलनले इङ्गल्याण्डलाई जित नजिक पुर्याएका थिए । १८ औं ओभरमा लुँगि एनगिदीले १८ रन खर्चदा मलन एक्लैले १६ रन बनाएका थिए । आफ्नो १७ औं ट्वान्टी ट्वान्टी अन्तर्राष्ट्रियमा आठौं अद्र्धशतक प्रहार गर्ने क्रममा मलनले ४० बलमा ७ चौका र एक छक्काको मद्दतमा ५५ रन बनाए ।

कागिसो रबाडाको अन्तिमा ओभरमा मात्र तीन रन चाहिएको अवस्थामा टम कुरान दोश्रो बलमा बोल्ड भएका थिए । नयाँ ब्याट्स्म्यान क्रिस जोर्डनले तेश्रो बलमा दुई रन लिए र अर्को बल डट भएपछि इङ्गल्याण्डमा दुई बलमा एक रनको आवश्यकता थियो । तर जोर्डनले पाचौं बलमा चौका प्रहार गर्दै जित दिलाए ।

मोर्गन १७ बलमा तीन चौका र एक छक्का सहित २६ रनमा नटआउट रहे । दक्षिण अफ्रिकाका लागि तबरेज सम्सीले चार ओभरमा १९ रन खर्चदै तीन विकेट लिए भने एनगिदीले चार ओभरमा ५१ रन खर्चदा दुई विकेट हात पारे ।

यसअघि घरेलु टोलीका लागि कप्तान क्वेन्टिन डि ककले १८ बलमा ३० रन बनाएका थिए भने जर्ज लिन्डेले २० बलमा २९ रन बनाए । यस्तै रासी भान डर डसनले २९ बलमा नटआउट २५ रन बनाएका थिए । भान डर डसनले इनिङ्गसमा चौका र छक्का प्रहार गर्न सकेनन् ।

इङ्गल्याण्डका लागि अदिल रशिदले दुई विकेट लिए ।

Continue Reading

Headline

साउथह्याम्प्टनलाई हराउदा युनाइटेडका लागि कभानी नायक

wesportz

Published

on

दुई गोलले पछि परेको स्थितीलाई उल्टाउदै म्यानचेस्टर युनाइटेडले साउथह्याम्प्टनलाई ३-२ ले पराजित गरेको छ ।

साउथह्याम्प्टनका लागि जान बेन्ड्रन्रेक र जेम्स वार्ड प्रोवसले गोल गरेका थिए भने युनाइटेडका लागि ब्रुनो फर्नानडेजले एक र एडिसन कभानीले दुई गोल गरेका थिए ।

खेलको २१ औँ मिनेटमा साउथह्याम्प्टनले खेलमा अग्रता लिएको थियो । साउथह्याम्प्टनका लागि वार्ड प्रोवसको पासमा जान बेन्ड्रन्रेकले गोल गरेका थिए । साउथह्याम्प्टनले ३३ औँ मिनेटमा अग्रता दोब्बर बनाएको थियो । जेम्स वार्ड प्रोवसले फ्रिकिकबाट सिधै गोल गरेका थिए ।

पहिलो हाफमा २-० को अग्रता लिएको साउथह्याम्प्टनले दोस्रो हाफमा तीन गोल खान पुगेको थियो ।

युनाइटेडका लागि पहिलो गोल ५९ औँ मिनेटमा ब्रुनो फार्नानडेजले गरेका थिए । उनले गोल गर्दै खेल २-१ को स्थितीमा पुर्याएका थिए । यस्तै ७४ औँ मिनेटमा अर्को गोल गरे पछि युनाइटेडले खेल बराबरी गर्न सफल भएको थियो । युनाइटेडका लागि एडीसन कभानीले दोस्रो गोल गरेका थिए ।

यस्तै ९० मिनेट पछि थपिएको इन्जुरी समयमा मार्कस रासफोर्डको पासमा कभानीले हेडिङ गोल गर्दै युनाइटेडलाई महत्वपूर्ण तीन अंक दिलाएका थिए ।

जितसँगै युनाइटेड १६ अंकका साथ सातौँ स्थानमा उक्लिएको छ भने साउथह्याम्प्टन पाचौँ स्थानमा रहेको छ ।

Continue Reading

Headline

बार्सिलोनाको फराकिलो जित, मेस्सीले गोल गरेपछि दिए म्याराडोनालाई ट्रिब्युट

wesportz

Published

on

मार्टिन ब्रेथवेट, एन्टोइन ग्रिजमन, फेलिपे काउटिन्हो र लियोनल मेस्सीले गोल गरेपछि बार्सिलोनाले स्पेनिस ला लिगामा ओसासुनामाथि ४–० को फराकिलो जित दर्ता गरेको छ ।

जितसँगै बार्सिलोनाको ला लिगाको अंक तालिकामा सातौं स्थानमा उक्लिएको छ । यसअघि च्याम्पियन्स लिग अन्तगर्त सख्तर दोनेस्कबिरुद्धको खेलमा पनि दुई गोल गरेका मार्टिन ब्रेथवेटले क्याम्प नाउमा बार्सालाई २९ औं मिनेटमा अग्रता दिलाए । बार्साको घरेलु मैदानमा यो उनको पहिलो गोल हो ।

४२ औं मिनेटमा ग्रिजमनले अग्रतालाई दोब्बर बनाएका थिए भने दोश्रो हाफ शुरु भएको केही समय पछि नै काउटिन्होले बार्साका लागि तेश्रो गोल गरे । मेस्सीले ७३ औं मिनेटमा गोल गर्दै बार्साको जित फराकिलो बनाएका थिए ।

गोल लगत्तै मेस्सीले दुवै हाथ माथि उठाउदै अर्जेन्टिनी टोलीका आफ्ना पुर्व प्रशिक्षक तथा बिश्व फुटबल लेजेण्ड डिएगो म्याराडोनालाई सम्झिएका थिए । मेस्सीले गोल गरे लगत्तै आफ्नो पुरानो अर्जेन्टिनी क्लब नेवेल्स ओल्ड बोइजको १० नम्बरको जर्सी लगाएर म्याराडोनालाई सम्मान दिएका थिए । खेलका दौरान जर्सी फुकालेर अर्को लगाउदा उनले पहेलो कार्ड पनि पाए ।

म्याराडोनाको निधनपछि बार्सिलोनाले पहिलो खेल खेलेको हो । मेस्सी र म्याराडोनाको सम्बन्ध निकै घनिष्ट रहेको थियो । सन् २०१० को दक्षिण अफ्रिकामा भएको बिश्वकप दौरान म्याराडोनाले अर्जेन्टिनाको टोलीको प्रशिक्षण गरेका थिए । तर मेस्सी र म्याराडोनाको जादु उक्त बिश्वकपमा भने चलेन । अर्जेन्टिना क्वार्टर फाइनलमा जर्मनीसँग ४–० ले पराजित हुदै बाहिरिएको थियो ।

Continue Reading
Headline4 hours ago

इङ्गल्याण्डको जितमा डाविड मलन नायक, जित्यो ट्वान्टी ट्वान्टी श्रृंखला

Headline4 hours ago

साउथह्याम्प्टनलाई हराउदा युनाइटेडका लागि कभानी नायक

Headline6 hours ago

बार्सिलोनाको फराकिलो जित, मेस्सीले गोल गरेपछि दिए म्याराडोनालाई ट्रिब्युट

Headline9 hours ago

भारतको अर्को हार, अष्ट्रेलियाले जित्यो श्रृंखला

Headline13 hours ago

अष्ट्रेलियाको बिष्फोटक ब्याटिङ्ग, भारतलाई ३ सय ९० रनको बिशाल लक्ष्य

Headline15 hours ago

फिलिप्सको किर्तीमानी ट्वान्टी ट्वान्टी शतकमा न्युजिल्याण्डलाई श्रृंखला

Headline16 hours ago

युरोपियन राउन्ड-अप: शिर्ष स्थानमा रहने डर्ट्मण्डको सपना अधुरो, रियल म्याड्रिड पराजित, युभेन्टस बराबरीमा रोकियो

Headline17 hours ago

प्रिमियर लिग आज: चेल्सी विरुद्ध टोटनह्यामको महाभिडन्त,आर्सनल र वुल्भ्स भिड्दै

Headline17 hours ago

ग्लेन फिलिप्सको आक्रमक शतकमा न्युजिल्याण्डको २ सय ३८ रन

Headline17 hours ago

प्रिमियर लिग:सिटीले ठोक्यो बर्नलीलाई पाँच, एवर्टन लिड्ससँग पराजित

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending