Headline
बुन्डेसलिगामा यस सिजन हेर्न लायक पाँच खेलाडीहरु
Published
4 years agoon
By
wesportz२०२०–२०२१ को बुन्डेसलिगा सिजन शुक्रबार बायर्न म्युनिख र साल्केबीचको खेलबाट शुरु हुदैछ । अन्य क्लबहरुको प्रयास बायर्नलाई लगातार नवौं उपाधिबाट रोक्नेतर्फ हुनेछ । बुन्डेसलिगा धेरै प्रतिभावान खेलाडीहरु खेल्ने लिग पनि मानिन्छ । यस सिजन हामी बुन्डेसलिगामा आएका केही हेर्न लायक खेलाडीहरुको चर्चा गर्दै छौ ।
लिरोय साने ( बायर्न म्युनिख)
म्यानचेस्टर सिटीबाट ४५ मिलियन युरोमा बायर्न म्युनिख आएका लियोय साने प्रतिभावान खेलाडी हुन् । प्रिमियर लिगमा पहिले नै आफ्नो छाप छोडेका सानेलाई बायर्नले भित्रुयाउन धेरै मिहिनत गर्नु परेन । उनी बुन्डेसलिगाको पहिलो दिन आफ्नो पुर्व क्लब साल्के विरुद्ध खेल्न सक्ने छन् ।
बायर्नका लागि खेल्दा आफ्नो शत प्रतिशत खेल देखाउन २४ बर्षिय सानेलाई धेरै दवाव हुने छ । बायर्नका प्रशिक्षक हान्सी फ्लिकले सानेलाई आफ्नो खेल खस्किन नदिन सुधारिएको प्रदर्शन गर्न चुनौति दिइसकेका छन् ।
“मेरो बायर्नसँग ठूला लक्ष्यहरू छन र म देखाउन चाहन्छु कि क्लबले ममाथि पूर्ण भरोसा राख्न सक्छ,” सानेले भनेका थिए ।
जुड बेलिङ्गम (बोरुसिया डर्टमन्ड)
इङ्गल्याण्डका १७ बर्षिय जुड बेलिङ्गम गत साता मात्र डर्टमन्डले डुइसबर्गलाई ५–० ले हराउदा एक गोल गर्दै जर्मन कपमा गोल गर्ने सबै भन्दा कान्छो खेलाडी बनेका थिए । उनलाई डर्टमन्डले बर्मिङघम सिटीबाट २६ मिलियन युरोमा भित्र्याएको थियो ।
आफ्नो कुशलताबाट उनले डर्टमन्डमाथि प्रभाव जमाउन सफल भइसकेका छन् । डर्टमन्ड फर्वार्ड थोर्गन हजार्डले पनि आफू बेलिङ्गमबाट निकै प्रभावित भएको बताएका थिए । “आक्रमण र डिफेन्सबीचको सन्तुलन कायम गर्नका लागि उनी निकै राम्रो खेलाडी हुन् । उनले हामीलाई यो सिजन धेरै मद्दत गर्न सक्छन्,” थोर्गनले भने ।
बेलिङ्गमलाई यो सिजन अर्का इङ्गल्याण्ड फर्वार्ड जेडन सान्चो र नर्वे स्ट्राइकर एर्लिङ हालान्डसँग खेल्ने आशा रखिएको छ ।
ताहित चोङ (वर्डर ब्रेमन )
गएको सिजन रेलिगेसनबाट बचेको वर्डर ब्रेमनले यो सिजन भने आफ्नो आक्रमणलाई बलियो बनाउन २० बर्षिय ताहित चोंङलाई म्यानचेस्टर युनाइटेडबाट लोनमा भित्र्याएको छ । नेदरल्यान्डस् अण्डर–२१ का लागि खेलिसकेका चोङले ब्रेमनकालागि गोल पनि गरिसकेका छन् ।
“टोलीलाई आफ्नो खेलले सहयोग गर्दै अघि बढ्न चाहन्छु,” गत साताको अन्त्यमा कार्ल जेइस जेनामाथि जर्मन कपमा २–० को जित निकल्दा डेब्यूमै गोल गरेपछि चोंङले भने । २०१७–२०१८ मा चोंङले रायन गिग्स, पउल स्कोल्स र मर्कस रासफोर्डलाई पछ्याउदै युनाइटेडको युवा बर्ष खेलाडीको उपाधि जितेका थिए ।
रेनियर (बोरुसिया डर्ट्मन्ड)
१८ बर्षिय रेनियर जिजस कार्भालोलाई डर्टमन्डले रियल म्याड्रिडबाट दुई बर्षको लोनमा भित्र्याएको हो । मिडफिल्डमा पूर्णता दिन सक्ने यो खेलाडीलाई ब्राजिलको भविष्य मानिएको छ ।
रेनियरले गएको हप्ता डुइसबर्गलाई पराजित गर्दा दोस्रो हाफमा जेडेन सान्चोको स्थानमा प्रवेश गर्दै डर्टमन्डको लागि डेब्यु गरेका थिए । “रेनियर यस्तो खेलाडी हुन् जोसँग प्रतिभा छ । उनी विभिन्न स्थानमा खेल्न सक्छन् र प्रशिक्षकहरुले पनि उनलाई हरेक स्थानमा प्रयोग गर्न सक्छन्,” डर्टमन्डका खेल निर्देशक माइकल जोर्क भन्छन् ।
“उनलाई हामीले हेरेको दुई बर्ष भन्दा बढी भाईसक्यो । उनी निकै उत्कृष्ट खेलाडी हुन,” जोर्कले थपे ।
ह्वाङ ही–च्यान (आरबी लाइपजिग)
दक्षिण कोरियाली स्ट्राइकर ह्वाङलाई लाइपजिगले रेड बुल साल्जबर्गबाट १५ मिलियन युरोमा अनुबन्ध गरेको हो । उनलाई अघिल्लो सिजन ३४ गोल गरेका टिमो वेर्नरको स्थानमा लाइपजिगले ल्याएको हो । २४ बर्षिय ह्वाङलाई लाइपजिग र साल्जबर्गका पूर्व प्रमुख प्रशिक्षक राल्फ र्याङ्गनिकले दक्षिण कोरियाको सबै भन्दा ठुलो प्रतिभा रहेको बताएका थिए ।
उनले लाइपजिगका लागि गत हप्ता भएको जर्मन कपमा नरेमबर्गलाई ३–० ले हराउदा आफो खाता खोलिसकेका छन् । उनले अघिल्लो सिजन साल्जबर्गबाट खेल्दै ४० खेलमा २२ असिस्ट र १६ गोल गरेका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।