पास्कल ग्रोसले इन्जुरी टाइममा पेनाल्टी मार्फत गोल गरे पछि साविक बिजेता लिभरपुल ब्राइटनसँग १-१ को बराबरीमा रोकिएको छ ।

एमेक्स रङ्गशालामा भएको खेलमा लिभरपुलका लागि दोस्रो हाफमा डिएगो जोटाले गोल गरेका थिए भने ब्राइटनका लागि ग्रोसले गोल गरेका थिए ।

पहिलो हाफ निकै राम्रो प्रदर्शन गरेको ब्राइटनले निकै राम्रो खेल खेलेको थियो । लिभरपुलले पनि पहिलो हाफमा भने केही मौकाहरु बनाएको थियो । कोरोना संक्रमण पछि लिभरपुलको शुरुवाती एघारमा फर्किएका मोहम्मेद सलाहले ३४ औँ मिनेटमा गरेको गोल भिएआरले रद्ध गरेको थियो । यस्तै पहिलो हाफको ४२ औँ मिनेटमा रोबर्टो फर्मिन्होले गरेको प्रहार बहिरिएको थियो ।

दोस्रो हाफको भने ६० औँ मिनेटमा लिभरपुलका लागि जोटाले अग्रता दिलाएका थिए । उनले गरेको कडा प्रहारलाई ब्राइटनका गोलरक्षक म्याट रायनले बचाउन सकेनन् । एक गोलले पछि परे पनि लगतार आक्रमण गरेको ब्राइटनले ९० मिनेट पछि थपिएको इन्जुरी टाइममा भने पनाल्टी पाएको थियो ।

एन्ड्रु रोबर्टसनले ड्यानी वेलब्याकलाई फाउल गरे पछि ब्राइटनले पेनाल्टी पाएको थियो । पेनाल्टीमा ग्रोसले कुनै गल्ती नगर्दै ब्राइटनलाई एक अंक दिलाएका थिए ।

बराबरीसँगै लिभरपुलले शिर्ष स्थानमा रहने मौका गुमाएको छ ।

आजै हुने अर्को खेलमा भने म्यानचेस्टर सिटीले बर्नलीको सामना गर्दै छ ।

प्रिमियर लिगमा साविक बिजेता लिभरपुलले आज  ब्राइटनको सामना गर्दै छ भने अर्को खेलमा बर्नलीले म्यानचेस्टर सिटीसँग खेल्दै छ ।

साविक बिजेता लिभरपुलले ब्राइटनसँग उस्कै घर एमेक्स रङ्गशालामा खेल्न लागेको हो । लिभरपुल ब्राइटनसँग प्रिमियर लिगमा अहिले सम्म पराजित भएको छैन ।

लिभरपुलले अहिले सम्म ब्राइटनसँग ९ खेल खेल्दा २७ गोल गरेको छ भने मात्र सात गोल खाएको छ । लिभरपुललाई भने आफ्नो डिफेन्सका चार खेलाडीको चोटले सताउने पक्का छ ।

ब्राइटनका लागि भने युवा खेलाडी तारिक लाप्टीले अघिल्लो खेलमा रातो कार्ड खाए पछि लिभरपुल विरुद्धको खेल गुमाउने छन् ।

लिभरपुलले वुधबार भएको च्याम्पियन्स लिग अन्तर्गत एट्लान्टा विरुद्धको खेल २-० ले पराजित हुन पुगेको थियो । रक्षापङ्गतीका चारै पहिलो रोजाइका खेलाडी घाइते रहेको लिभरपुलले ब्राइटनसँगको खेलमा पराजित हुने वा बराबरीमा रोकिने हो भने पहिलो स्थान गुमाउने छ ।

यो खेल आज नेपाली समय अनुसार ६:१५ मा सुरु भएको थियो ।

यस्तै अर्को खेलमा बर्नलीले म्यानचेस्टर सिटी विरुद्ध खेल्दै छ ।

बर्नलीले यो सिजनमा एक खेल मात्र जितेको छ । अघिल्लो साता क्रिस्टल प्यालेसलाई १-० ले हराए पछि बर्नलीले यो सिजनको पहिलो तीन अंक आफ्नो हातमा पारेको थियो । सिटी पनि अघिल्लो खेलमा टोटनह्यामसँग २-० ले पराजित भएको थियो ।

सिटी पनि स्टार फर्वार्ड सर्जियो अग्वेरोको चोटको चिन्ता रहने छ ।

यो खेल नेपाली समय अनुसार २०:४५ मा सुरु हुने छ ।

यस्तै आज हुने अन्य खेलहरुमा एवर्टनले लिड्स र वेष्ट ब्रोमले सेफिल्ड युनाइटेडसँग खेल्दै छ ।

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।