Connect with us

Headline

टोट्टी, रोनाल्डोपछि ‘एलियन’ मेस्सीसँग ड्रेसिङ्ग रुम सेयर गर्ने बोस्नियन पियानिचको भाग्य

wesportz

Published

on

पहिले इटालीयन लेजेण्ड फ्रान्सेस्को टोट्टी, त्यसपछि पोर्चुगिज सुपरस्टार क्रिष्चियानो रोनाल्डो र अब बार्सिलोना लेजेण्ड लियोनल मेस्सी, बोस्नियन फुटबलर मिरालेम पियानिचलाई अहिले आफ्नो भाग्य देखि नै अचम्म लागिरहेको छ ।

बार्सिलोनाले मङ्गलवार ६० मिलियन युरोमा अनुबन्ध गरेको पियानिचलाई आफ्नो टिमको जर्सीमा ढिलो सार्वजनिक गर्यो । अगष्टमा कोभिड–१९ पोजिटिभ देखिएका कारण ३० बर्षिय पियानिच क्वारेन्टिनमा जानु पर्ने आवश्यकता थियो । क्वारेन्टिनकै कारण बार्सिलोना आउन ढिलो भएको पियानिच शनिबार जिम्नास्टिकबिरुद्धको मैत्रीपूर्ण खेल अघि क्लबको प्रशिक्षण मैदानमा व्यायाम गर्दै थिए ।

उचार चढावपूर्ण ट्रान्सफर विन्डोमा क्लबबाट रिलिज मागेका मेस्सी अन्तत बार्सामा मै बस्ने भए । यो निर्णय पियाचिका लागि अपेक्षकृत त थियो नै उनले यसको आनन्द पनि उठाएका छन् ।

“मैले मेस्सीलाई दुई–तीन दिन अगाडी भेटेको थिए । म टोट्टी, क्रिष्चियानोपछि अब मेस्सीसँगै खेल्दैछु । यस्तो खेलाडीहरुको टिममा हुन मेरो भाग्य दह्रो नै हुनुपर्छ । उनीहरु यस्ता खेलाडीहरु हुन् जस्ले अन्तर्राष्ट्रिय फुटबललाई धेरै थोक दिएका छन्,” पियानिचले मेस्सीसँग खेल्न पाउदाको खुशीयाली व्यक्त गरे ।

“म आज एक एलियनसँग ड्रेसिङ्ग रुमा सेयर गर्दैछु र यो निकै सुन्दर हुनेछ । मेस्सीसँग ड्रेसिङ्ग रुपमा सेयर गर्ने र उनीमात्र नभएर अन्यसँग पनि खेल्न पाउनु मेरो लागि सपना पुरा हुनु हो । हामी २५ जनाको टोली हौं र २५ जना नै महत्वपूर्ण हुनेछन्,” उनी भन्छन् । “मैले महान टिमहरुको लागि खेलेको छु र उनीहरुलाई सम्मान गर्दै आएको छु । तर आज मेरो सपना पुरा भएको छ, मेरो अन्तिम सपना । म आफ्नो छाप छोड्नका लागि जति सक्छु त्यो गर्नेछु ।”

बार्साले मेस्सीलाई क्लब छोड्न नदिदाको स्थितिबारे पियानिच भन्छन्ः “मेस्सीलाई लिएर जे जति भयो मैले सबै फलो गरिरहेको थिए । मैले कहिल्यै पनि मेस्सीलाई यो क्लबबाहेक अन्य टोलीबाट खेल्ने खेलाडीको रुपमा हेरेको छैन । उनले टिमको लागि अविश्वसनीय कथा रचेका छन् र मलाई लाग्छ यसको अन्त्य निकै राम्रो हुनेछ । मेस्सी च्याम्पियन हुन् ।”

“बार्सिलोना उनको घर भएको कारण मैले मेस्सीलाई खाली बार्सामा मात्र रहेको कल्पना गर्दथे । उनी यहि हुर्किए र यहा हुदा खुशी भएको पनि देखेको छु । उनी यहा रहदाको समय हामी सबैको लागि उत्कृष्ट हुनेछ । उनी सर्वकालीन महान खेलाडी हुन् र हाम्रो लागि ठूलो सम्पत्ति,” पियानिचले भने ।

Headline

सबै उपाधि जित्ने लक्ष्य राखेको सिटीलाई भार्डीको ह्याट्रिक

wesportz

Published

on

जेमी भार्डीको ह्याट्रिक र जेम्स म्याडीसन र योरी टेलेसमान्सको एक गोलको मद्धतमा लेस्टर सिटीले म्यानचेस्टर सिटीलाई ५-२ गोलले हराएको छ ।

सिटीले आफ्नो घर इतिहाद स्टेडियममा पछिल्लो १० खेलमा अपराजित रहेको थियो । आजको लजास्पद हारसँगै सिटीको यो कृतिमान टोडिएको छ ।

सिटीलाई ५-२ ले हराएसङै लेस्टरले २०१५-२०१६ पछि इतिहादमा आफ्नो पहिलो खेल जितेको छ ।

सिटीले खेलमा पहिलो गोल गरेको थियो । सिटीका लागि रिहाद महारेजले चौथोँ मिनेटमै गोल गरेका थिए । १-० गोलले पछि परेको सिटीका लागि ३७ औँ मिनेटमा भार्डीले पेनाल्टी मार्फत गोल गर्दै खेल बराबरीमा ल्याएका थिए । पहिलो हाफमा १-१ को बराबरीमा सकिएको थियो ।

एक गोलको अग्रतालाई उल्टाउने क्रममा भार्डीले दुई पेनाल्टीको मद्धतमा आफ्नो ह्याट्रिक पुरा गरेका थिए । उनले आफ्नो व्यक्तिगत दोस्रो गोल ५४ औँ र तेस्रो गोल त्यस्को तीन मिनेट नबित्दै ५८ औँ मिनेटमा पेनाल्टी मार्फत गरेका थिए ।

लेस्टरका लागि चौथोँ गोल जेमी म्याडिसनले गरेका थिए । उनले डिबक्स भन्दा बहिर प्रहार गरेको बललाई ७७ औँ मिनेटमा जाली चुमाउन सफल भएका थिए । ८४ औँ मिनेटमा भने सिटीले एक गोल फर्काएको थियो । सिटीका लागि नयाँ खेलाडी नेथन अकेले हेडिङ मार्फत कर्नरबाट आएको बललाई गोल गराएका थिए । तर त्यस्को चार मिनेट नबित्दै लेस्टरले पेनाल्टी पाएको थियो । लेस्टरका लागि ८८ औँ मिनेटमा पेनाल्टी मार्फत गोल गर्दै योरी टेलेसमान्सले गोल गर्दै लेस्टरलाई ५-२ को बिशाल जित दिलाएका थिए ।

पेप गोवर्डियोलाले व्यवस्थापन गरे देखी सिटीले पाँच गोल खाएको यो पहिलो पटक हो ।

 

Continue Reading

Headline

एट्लेटिकोको लागि पहिलो खेलमै सुवारेजको दुई गोल

wesportz

Published

on

लुइस सुवारेजले पहिलो खेलमै दुई गोल गर्दै एक असिस्ट पनि गरेको दिन एट्लेटिको म्याड्रिडले स्पेनिस ला लिगामा ग्रानडालाई ६–१ को फराकिलो अन्तरले पराजित गरेको छ ।

एट्लेटिकोको घरेलु मैदान वान्डा मेट्रोपोलिटानोमा भएको खेलमा साउल निगेज पेनाल्टीमा गोल गर्न चुकेपछि ग्रानडाको गोल अन्तर केही कम हुन पुगेको थियो ।एट्लेटिकोले नवौं मिनेटमै डिएगो कोस्टाको गोलबाट अग्रता लिएको थियो । त्यसको सात मिनेटपछि निगेज पेनाल्टीमा चुकेका थिए ।

पहिलो हाफमा १–० को मात्र अग्रता बनाएको एट्लेटिकोले दोश्रो हाफमा भने गोलको बर्षात नै गरेको थियो । एन्जेल कोरिआले दोश्रो हाफ शुरु भएको दुई मिनेटपछि नै दोश्रो गोल गरेका थिए । ६० औं मिनेटमा प्रशिक्षक डिएगो सिमिओनेले कोस्टाको स्थानमा सुवारेजलाई मेदान प्रवेश गराएका थिए ।

सुवारेजको आगमनसँगै एट्लेटिकोले खेलमा थप पकड जमाएको थियो । दोश्रो गोलमा जाओ फेलिक्सले कोरिआलाई गोलको अवसर मिलाएका थिए भने ६५ औं मिनेटमा भुमिका मात्र परिवर्तन भएपछि एट्लेटिकोले तीन गोलको अग्रता लियो ।

मार्कोस लोरिएन्टेले ७२ औं मिनेटमा चौथो गोल गर्दा सुवारेजले नै असिस्ट दिएका थिए । ८५ औं मिनेटमा सुवारेजले एट्लेटिकोका लागि पहिलो गोल गरे । ८७ औं मिनेटमा होर्गे मोलिनाले ग्रानडाका लागि सान्त्वना गोल गरेका थिए ।

अतिरिक्त समयको तेश्रो मिनेटमा सुवारेजले दोश्रो गोल गर्दै एट्लेटिकोको गोल संख्या आधा दर्जन पुर्याएका थिए ।

Continue Reading

Headline

बलियो बायर्न म्युनिखको होफेन्हाइमसँग लज्जास्पद हार

wesportz

Published

on

च्याम्पियन्स लिग तथा जर्मन बुन्डेसलिगा बिजेता बायर्न म्युनिखले सिजनको आफ्नो दोश्रो लिग खेलमा होफेन्हाइमसँग ४–१ को लज्जास्पद पराजय बेहोरेको छ ।

लगातार नवौं लिग उपाधि जित्ने दाउमा रहेको बायर्नलाई अवे खेलमा नराम्रो झड्का लागेको हो । शनिबार बायर्नको लागि उपाधिको प्रमुख प्रतिद्वन्दी बोरुसिया डर्टमण्ड पनि अस्बर्गसँग पराजित हुन पुगेको थियो ।

आइतबारको खेलमा बायर्न आधा घण्टामै दुई गोलले पछि परेको थियो । होफेन्हाइमका लागि एर्मिम बिकाक्चिचले १६ औं मिनेटमा गोल गरे भने मुनास डाबुरले आठ मिनेटपछि अर्को गोल थपेका थिए । जोसुवा किमिचले ३६ औं मिनेटमा बायर्नका लागि दुरी घटाएका थिए ।

तर आन्द्रेज क्रामरिचले दुई गोल गरेपछि बायर्न स्तब्ध हुन पुगेको थियो । क्रामरिचले ७७ औं मिनेट र ९० औं मिनेटमा गोल गरेका थिए । दुई खेलमा दुई जितपछि होफेन्हाइम अंक तालिकाको शिर्ष स्थानमा उक्लिएको छ ।

Continue Reading
Headline1 min ago

सबै उपाधि जित्ने लक्ष्य राखेको सिटीलाई भार्डीको ह्याट्रिक

Headline1 hour ago

एट्लेटिकोको लागि पहिलो खेलमै सुवारेजको दुई गोल

Headline2 hours ago

बलियो बायर्न म्युनिखको होफेन्हाइमसँग लज्जास्पद हार

Headline2 hours ago

टोटनह्याम न्युकासलसँग बराबरीमा रोकियो

Headline3 hours ago

सुवारेजले एट्लेटिकोलाई नयाँ उचाइ दिने प्रशिक्षक सिमिओनेको बिश्वास

IPL 20204 hours ago

पन्जाबले पहिले ब्याटिङ गर्ने 

राष्ट्रिय4 hours ago

क्यानको निर्णय प्रति सिप्यानको असन्तुष्टि

Headline4 hours ago

बामफोर्डको निर्णायक गोलमा लिड्सको दोस्रो जित

IPL 20205 hours ago

दोश्रो जितको खोजीमा पन्जाब र राजस्थान भिड्दै

Headline6 hours ago

क्लब छोड्ने असफल प्रयासपछि मेस्सी पहिलो पटक ला लिगामा उत्रदै

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending