Connect with us

Headline

ग्राण्ड स्ल्याम जित्ने चौथो प्रयासमा भाग्योदय हुने आशमा थिएम

wesportz

Published

on

अन्तर्राष्ट्रिय टेनिसको सर्वोच्च पुरस्का ग्राण्ड स्ल्याम जित्ने अर्को अवसर नजिक पुगेका अष्ट्रियन डोमिनिक थिएमले आफ्नो चौथो प्रयासमा सफल हुने बिश्वास लिएका छन् ।

२७ बर्षिय बिश्व नम्बर तीन थिएमले शुक्रबार युएस ओपनको सेमिफाइनलमा रुसका दानिल मेदभेदेभलाई ६–२, ७–६ (९–७), ७–६ (७–५) ले पराजित गरे । तीन पटक फाइनलमा पराजित भएका थिएमले फाइनलमा जर्मनीका एलेक्जेण्डर भेरेभको सामना गर्नेछन् ।

करिअरकै पहिलो फाइनलमा पुग्ने क्रममा भरेभले अर्को सेमिफाइनलमा स्पेनका पाब्लो करेनो बुस्टामाथि दुई सेटले पछि रहेको स्थितिबाट उत्कृष्ट पुनरागम गर्दै ३–२, २–६, ६–३, ६–४, ६–३ ले सनसनीपूर्ण जित हात पारेका थिए ।

भेरेभ पहिलो पटक फाइनल प्रवेश गर्दा उपाधिको सबैभन्दा ठूलो व्यग्रता भने थिएमलाई रहेको छ । आइतबरको फाइनलमा हुन सक्ने सम्भावित दुर्घटनाबारे थिएम अनभिज्ञ नरहेका होइनन् ।

“केही बर्षदेखि ग्राण्ड स्ल्याम जित्नु मेरो सबैभन्दा ठूलो लक्ष्य र सपना रहदै आएको छ, आफूलाई युएस ओपन ट्रफिको महत्वबारे बताउदै उनले भने । जब मैले २०१८ को फ्रेञ्च ओपनको फाइनल खेले मैले ग्राण्ड स्ल्याम जित्न सक्छु भन्ने भान भएको थियो,” २०१८ र २०१९ को फ्रेञ्च ओपनको फाइनलमा क्ले कोर्टका बादशाह स्पेनिस राफेल नाडालसँग पराजित भएका थिएमले भने ।

भेरेभ पहिलो पटक ग्राण्ड स्ल्याम फाइनल प्रवेश गरेका हुन्

थिएमको लागि सबैभन्दा ठूला झड्का भने २०२० मै अष्ट्रेलियन ओपनको फाइनलमा नोभाक जोकोभिचसँग हार्नु रहेको थियो । चार घण्टा लामो उक्त फाइनलमा जोकोभिचले पाँच सेटमा सनसनीपूर्ण जित हात पारेका थिए ।

“म उपाधिबाट केही कदम मात्र टाढा रहेको कारण अष्ट्रेलियन ओपनको पराजय पचाउन निकै गाह्रो भएको थियो । त्यो पराजयपछिको छोटो समयमै अर्को मौकाको नजिक पुग्दा म निकै खुशी छु,” फेब्रुवरीमा बेहोरेको पराजयका बारे थिएमले सुनाए ।

नाडाल र स्विस लेजेण्ड रोजर फेडेररले सहभागिता नजनाउनुका साथै जाकोभिच लाइन जजलाई बलले प्रहार गरेकोमा युएस ओपनबाट डिसक्वालिफाइ भएपछि थिएमको पहिलो ग्राण्ड स्ल्याम उपाधि जित्ने बाटोमा अब २३ बर्षिय भेरेभ मात्र रहेका छन् ।

थिएम र भेरेभले खेलेका ९ खेलमध्ये अष्ट्रियन टेनिस स्टार ७–२ ले अगाडी रहेका छन् । उनले भेरेभलाई अष्ट्रेलियन ओपनको सेमिफाइनलमा हराएपछि नै जाकोभिचसँगको फाइनल तय गरेका थिए ।

“म उत्कृष्ट प्रतिस्पर्धीको सामना गर्न गइरहेको छु । उनी ग्राण्ड स्ल्याम जित्न उत्तिकै सक्षम छन् । यदि आइतबार म सफल हुन सकिन भने अझै मिहिनेत गर्दै अर्को स्ल्यामको लागि प्रयास गर्नेछु । तर अहिलेको लागि आइतबार मेरो लागि ठूलो दिन हो र उपाधि जित्नका लागि म सबै प्रयास गर्नेछु,” थिएमले भने ।

Headline

प्रिमियर लिग: साताकै ठुलो खेलमा लिभरपुल र आर्सनल भिड्दै

wesportz

Published

on

इङ्गलिस प्रिमियर लिगको तेस्रो चरणको अन्तिम खेलमा सोमबार साविक बिजेता लिभरपुल र आर्सनल भिड्दै छन् ।

लिभरपुल र अर्सनल दुवैले दुई खेल जितिसकेका छन् । राम्रो लयमा रहेको दुवै टोलीका लागि सोमबार उनीहरुको सिजन कस्तो हुने निर्धारण गर्न सक्छ, बिशेषगरि चेल्सीलाई हराइसकेको लिभरपुलका लागि ।

लिभरपुल बलियो टोली मानिए पनि आर्सनलले जुलाईमा भएको कम्युनिटी सिल्डमा उसलाई २-१ ले पराजित गर्दै उपाधि जितेको थियो । आफ्नो घर एन्फिल्डमा भने लिभरपुल पछिल्ला ६० खेलमा अपराजित रहदै आएको छ ।

आर्सनल व्यवस्थापक मिकेल आर्टेटाका अनुसार पनि उनको टोलीले लिभरपुललाई एन्फिल्डमा हराउनु एउटा ठुलो उपलब्धी हुनेछ ।

लिभरपुलले नयाँ खेलाडी थिआगो अलकान्टरा र प्रमुख गोलकिपर एलिसन बेकरलाई चोटका कारण गुमाएको छ । आर्सनलका लागि कप्तान पिएरे-एमेरिक औबामेयाङको उपस्थिती महत्वपूर्ण रहने छ ।

आज खेल जितेको खण्डमा एक टोली अंक तालिकाको शिर्ष स्थानमा जाने पक्का छ । खेल नेपाली समय अनुसार १२:४५ मा सुरु हुने छ ।

यो पनि पढ्नु होस् :लिभरपुल र आर्सनल भिड्दा परिणाम निर्धारण गर्ने तीन प्रमुख लडाई

Continue Reading

Headline

एनबिए उपाधिको लागि लेकर्स र हिटको टक्कर

wesportz

Published

on

ठ्याक्कै एक बर्ष अगाडी जिमी बट्लर मायामी हिटको जिममा पुगे, त्यहा बनाइएको अस्थायी स्टेजको सिटमा बसे र भनेः म यो टिमको उपाधि यात्राको एक हिस्सा बन्न चाहन्छु ।

एक बर्षपछि त्यो मौका पाए ।

हिट यो सिजन इस्टर्न कन्फेरेन्स जित्दै एनबिए फाइनल्समा पुग्यो । हिटले सबैलाई अचम्म पारेको होला तर आफैलाई भने होइन । बाम एडिबायोले आफ्नो सिजनको सर्वाधिक ३२ पोइन्ट स्कोर गर्दै १४ रिबाउण्ड लिए भने बट्लरले २२ अंकको योगदान गर्दा हिटले इस्टर्नन कन्फेरेन्सको गेम सिक्समा बोस्टन सेल्टिक्सलाई १२५–११३ ले हरायो ।

सात खेलको सिरिज हिटले ४–२ ले आफ्नो पक्षमा पार्यो । यो सिरिज गेम सेभेनसम्म तन्किएन । फाइनल्समा अब हिटले लेब्रन जेम्सको लस एन्जलस लेकर्सको सामना गर्नेछ । गेम वान बुधबार राति हुनेछ ।

सिजन भर उत्कृष्ट प्रदर्शन गरेका टाइलर हेरोले पनि हिटका लागि १९ अंकको योगदान दिए भने डन्कन रोबिन्सन र आन्द्रे इगेडालाले समान १५ अंक बटुले । गोराना ड्राजिचले १३ पोइन्ट स्कोर गरे । हामी फाइनल्सको हकदा थियौं, ड्राजिचले भने ।

सेल्टिक्सका लागि जेलन ब्राउनले २६ अंक स्कोर गरेका थिए भने जेसन टाटमले २४ अंकका साथै ११ असिस्ट पनि गरे । तर सेल्टिक्स अन्तिम क्वार्टरमा चुक्न पुगेको थियो । सेल्टिक्सले अन्तिम क्वार्टरको शुरुवातमा ६ अंकको अग्रता बनाएको थियो । हेरोले त्यसपछि ६ मध्ये पाँच पोइन्ट लिदा खेल ९६–९६ को बराबरीमा आयो ।

सेल्टिक्सले त्यसपछि पनि अग्रता बनायो तर एडिबायोले दुवै पटक बराबरी गरे । दोश्रो पटक एडिबायोले खुशीयाली नै बनाए । हिटले खेलमा पकड जमाइसकेको सोचेको थियो र त्यसपछि कुनै पनि समय पछि परेन ।

लगातार स्कोर गर्दै १० अंकको अग्रता लिएपछि बट्लरको अर्को ले अप ले हिट ११६–१०२ ले अघि बढ्यो । हिटको बेञ्च खेल जितिसकेकोमा ढुक्क थियो । त्यसपछि खेलमा औपचारिकता मात्र बाकी रह्यो ।

Continue Reading

Headline

युरोपियन राउण्ड अपः बार्साको फराकिलो जितमा फातीको दुई गोल, रोनाल्डोले युभेन्टसलाई हारबाट जोगाए

wesportz

Published

on

अंसु फातीले दुई गोल गरेपछि स्पेनिस ला लिगाको आफ्नो पहिलो खेलमा बार्सिलोनाले भिलारियालमाथि ४–० को फराकिलो जित दर्ता गरेको छ ।

लियोनल मेस्सीको क्लब छोड्ने असफल प्रयास भएको पहिलो खेलमा अर्जेन्टाइन सुपरस्टारले पनि बार्साको लागि एक गोल गरेका थिए । क्याम्प नोउमा फातीले १५ र १९ औं मिनेटमा गोल गर्दै बार्सालाई २–० को अग्रता दिलाएका थिए ।

३५ औं मिनेटमा मेस्सीले पेनाल्टीमार्फत गोल गर्दै अग्रता फराकिलो पारे । ४५ औं मिनेटमा पउ टोरेसको आत्मघाती गोल गरेपछि बार्साले पहिलो हाफमै चार गोल गरेको थियो ।

ला लिगा अन्तर्गत आइतबार नै भएको अन्य खेलमा युरोपा कप च्याम्पियन सेभियाले काडिजलाई ३–१ ले हरायो भने लेभान्तले ओसासुनालाई उही गोल अन्तरले पराजित गर्यो । यस्तै एथ्लेटिक बिल्बाओले आइबारमाथि २–१ को जित हात पार्यो भने सेल्टा भिगो र रियल भालाडोलिडले १–१ गोलको बराबरी खेलेका थिए ।

रोनाल्डोको दुई गोलमा युभेन्टस जोगियो

क्रिष्चियानो रोनाल्डोले दुई गोल गरेपछि इटालियन सिरी आ च्याम्पियन युभेन्टस एएस रोमासँग हारबाट जोगियो । पहिलो खेलमा साम्पडोरियामाथि ३–० को फराकिलो जित हात पार्दै नयाँ प्रशिक्षक आन्द्रे पिर्लोलाई उत्कृष्ट शुरुवात दिलाएको युभेन्टस आइतबार २–२ गोलको बराबरीमा रोकियो ।

घरेलु मैदानमा भएको खेलमा जोर्डन भेरेटुटले पेनाल्टीमार्फत गोल गर्दै रोमालाई ३१ औं मिनेटमै अग्रता दिलाएका थिए । ४४ औं मिनेटमा रोनाल्डोले पनि पेनाल्टीबाटै युभेन्टसलाई खेलमा फर्काएका थिए । भेरेटुटले दोश्रो गोल गरेपछि रोमाले पहिलो हाफको अन्त्यतिर पुन अग्रता पाएको थियो ।

६९ औं मिनेटमा रोनाल्डोले बराबरी गोल गर्दै युभेन्टसको उद्दार गरेका थिए । युभेन्टसको प्रतिद्वन्दी नापोलीले भने जेनाआमाथि ६–० को बिशाल जित हात पार्यो । नापोलीको यो लगातार दोश्रो जित हो । हर्भिङ्ग लोजानोको गोलबाट पहिलो हाफमा १–० को अग्रता बनाएको नापालीले दोश्रो हाफमा गोलको बर्षा गरेको थियो ।

उसका लागि पियोटर जिल्सिन्की, ड्रायस मेर्टेन्स, लोजानो, एल्इफ एल्मास र मातियो पोलिटानोले दोश्रो हाफमा थप गोल गरेका थिए । यस्तै एसि मिलानले पनि क्रोटोनलाई २–० ले हराउदै लगाता दोश्रो जित हात पार्यो ।

Continue Reading
IPL 20207 hours ago

सुपर ओभर मुम्बई माथि बेंगलोरको सनसनीपूर्ण जित 

IPL 202010 hours ago

मुम्बईलाई बेंगलोरको विशाल लक्ष्य 

IPL 202012 hours ago

मुम्बई विरुद्ध पहिले ब्याटिङ गर्दै बेंगलोर

IPL 202014 hours ago

आईपीएलमा आज बिराट भर्सेस रोहित

Headline16 hours ago

प्रिमियर लिग: साताकै ठुलो खेलमा लिभरपुल र आर्सनल भिड्दै

Headline20 hours ago

एनबिए उपाधिको लागि लेकर्स र हिटको टक्कर

Headline1 day ago

युरोपियन राउण्ड अपः बार्साको फराकिलो जितमा फातीको दुई गोल, रोनाल्डोले युभेन्टसलाई हारबाट जोगाए

IPL 20201 day ago

राजस्थानको पन्जाब माथि रोमान्चक जित 

Headline1 day ago

सबै उपाधि जित्ने लक्ष्य राखेको सिटीलाई भार्डीको ह्याट्रिक

Headline1 day ago

एट्लेटिकोको लागि पहिलो खेलमै सुवारेजको दुई गोल

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending